ARYNews.tv | Urdu – Har Lamha Bakhabar

Tag: یکم مئی

  • مزدوروں کا عالمی دن : گوگل کا ڈوڈل بھی تبدیل

    مزدوروں کا عالمی دن : گوگل کا ڈوڈل بھی تبدیل

    پاکستان سمیت دنیا بھر میں آج یکم مئی بروز جمعرات محنت کشوں سے اظہارِ یکجہتی کے لیے مزدوروں کا عالمی دن منایا جا رہا ہے، گوگل نے خصوصی ڈوڈل پیش کردیا۔

    اس دن کی مناسبت سے دنیا کے سب سے بڑے سرچ انجن گوگل نے بھی مزدوروں کو خراجِ تحسین پیش کرنے کیلئے نیا ڈوڈل جاری کر دیا۔ گوگل کے اس ڈوڈل میں محنت کشوں کو مختلف فرائض سرانجام دیتے ہوئے دکھایا گیا ہے۔

    مزدوروں کا یہ دن ہر سال یکم مئی کو منایا جاتا ہے تاکہ معاشرے میں مزدوروں کی کامیابیوں اور شراکت کو یاد رکھا جا سکے۔

    یاد رہے کہ محنت کشوں کیلئے منائے جانے والے اس عالمی دن پر بھی مزدور طبقہ اس دن کی اہمیت سے بے خبر اپنے بچوں کا پیٹ بھرنے کے لیے اپنے کاموں میں مشغول ہوتا ہے۔

    مزدوروں کا عالمی دن، آغاز کیسے ہوا؟

    1886کو یکم مئی کے دن امریکا کے شہر شکاگو کے ہزاروں مزدور، سرمایہ داروں اور صنعت کاروں کی جانب سے کئے جانے والے استحصال کیخلاف سڑکوں پر نکلے تو پولیس نے جلوس پر فائرنگ کر کے سیکڑوں مزدوروں کو ہلاک اور زخمی کردیا جبکہ درجنوں مزدور رہنماؤں کو اپنے حق کے لئے آواز بلند کرنے پر پھانسی دی گئی۔

    شکاگو کے محنت کشوں کے ساتھ اظہار یکجہتی کیلئے دنیا کے بیشتر ممالک میں یکم مئی کو مزدوروں کا عالمی دن منایا جاتا ہے، یکم مئی کو ہر سال یہ دن اس عہد کے ساتھ منایا جاتا ہے کہ مزدوروں کے معاشی حالات تبدیل کرنے کے لئے کوششیں تیز کی جائیں۔

  • یکم مئی سے ایل پی جی کی قیمت کیا ہوگی؟ اعلان ہو گیا

    یکم مئی سے ایل پی جی کی قیمت کیا ہوگی؟ اعلان ہو گیا

    اوگرا نے لیکوئیڈ پٹرولیم گیس (ایل پی جی) کی ماہ مئی کے لیے قیمت کا تعین کر دیا ہے اور اس حوالے سے نوٹیفکیشن بھی جاری کر دیا گیا ہے۔

    اے آر وائی نیوز کے مطابق اوگرا نے ایل پی جی کی قیمت میں ماہ مئی کے لیے 3 روپے 20 پیسے فی کلو کمی کر دی ہے جس کے بعد نئی قیمت 245 روپے 16 پیسے فی کلو ہو گئی ہے۔

    اس کمی کے بعد گھریلو سلنڈر 37 روپے 80 پیسے سستا کر دیا گیا ہے اور نئی قیمت 2892 روپے 91 پیسے مقرر کی گئی ہے۔ اپریل میں گھریلو سلنڈر کی قیمت 2930 روپے 71 پیسے تھی۔

    اوگرا نے ایل پی جی کی نئی قیمت کا نوٹیفکیشن بھی جاری کر دیا ہے۔نئی قیمت کا اطلاق آج رات 12 بجے سے ہوگا۔

    واضح رہے کہ آج حکومت نے اگلے 15 دن کے لیے پٹرولیم مصنوعات کی قیمتوں کا بھی اعلان کرنا ہے۔

    اس وقت پٹرول کی موجودہ قیمت پٹرول 254.63 فی لیٹر، جبکہ ہائی اسپیڈ ڈیزل 258.64 فی لیٹر ہے۔

    عالمی سطح پر خام تیل کی قیمتوں کمی ریکارڈ کی گئی ہے، جس کے بعد مہنگائی سے متاثرہ پاکستانیوں کو پٹرول کی قیمت میں ریلیف ملنے توقع ہے۔

    عالمی سطح پر، برینٹ کروڈ کی قیمت 64 ڈالر فی بیرل کے لگ بھگ ہوگئی ہے جبکہ امریکی کروڈ آئل کی قیمت 60 ڈالر فی بیرل کی سطح پر آگئی ہے۔

  • ایک بار پھر عام تعطیل کا اعلان، کس دن چھٹی ہوگی؟

    ایک بار پھر عام تعطیل کا اعلان، کس دن چھٹی ہوگی؟

    جیسے جیسے یکم مئی قریب آ رہا ہے، پاکستانی یہ جاننے کے انتظار میں ہے کہ کیا اس سال یوم مزدور پر عام تعطیل ہوگی یا نہیں؟

    ہر سال کی طرح اس سال بھی یکم مئی کو لیبر ڈے کے طور پر منایا جائے گا، لیکن وفاقی حکومت کی جانب سے اس سال کا چھٹی کا باضابطہ اعلان نہیں کیا۔

    سندھ حکومت نے یوم مزدور پر یکم مئی کوعام تعطیل کااعلان کردیا اور اس حوالے سے چیف سیکرٹری سندھ نے نوٹیفکیشن جاری کردیا ہے۔

    کابینہ ڈویژن کے سرکلر میں یکم مئی کو عام تعطیل کے طور پر شامل کیا گیا ہے، اس دن ملک بھر میں تمام اسکول، نجی اور سرکاری دفاتر بند رہیں گے جبکہ اسٹیٹ بینک آف پاکستان کی جانب سے یکم مئی کو بھی بینک تعطیل کا اعلان متوقع ہے۔

    عالمی یوم مزدور، یکم مئی کو دنیا بھر میں منایا جاتا ہے، یہ دن مزدوروں کی شراکت کو تسلیم کرنے اور ان کے حقوق کی وکالت کرنے کا دن ہے۔
    ر

  • عروسِ تہذیب کو لباس و زیور بخشنے والے! (تصاویر)

    عروسِ تہذیب کو لباس و زیور بخشنے والے! (تصاویر)

    یکم مئی، محنت کشوں، مزدوں کا دن۔

    آج مستقل روزگار، مناسب اور بروقت اجرت، سازگار ماحول اور کام کی جگہوں پر مزدوروں کی جانوں کے تحفظ کی آواز بلند کرنے کا دن ہے، محنت کشوں کی عظمت کو تسلیم کرنے، فن اور ہنر کو سراہنے کا دن ہے، جو دنیا میں اسی جذبے سے منایا گیاکہ کرونا کی وجہ سے روزی روٹی کو ترسے ہوئے اس طبقے کی مدد کی جائے گی اور ہم پاکستانی بھی حسبِ توفیق راشن اور خوراک اپنے ان ہم وطنوں تک پہنچائیں گے۔

    یہاں‌ ہم چند تصاویر شیئر کررہے ہیں جو مختلف پیشوں اور شعبوں اور ان سے منسلک محنت کشوں اور مزدوروں کی ہیں۔

     

  • وبائی بیماری سے مزدور طبقہ زیادہ متاثر ہوا، یکم مئی پر وزیر اعظم کا پیغام

    وبائی بیماری سے مزدور طبقہ زیادہ متاثر ہوا، یکم مئی پر وزیر اعظم کا پیغام

    اسلام آباد: وزیر اعظم عمران خان نے کہا ہے کہ صنعتی شعبے کی بندش سے مزدور طبقے پر براہ راست اثر پڑا ہے، وبائی بیماری سے مزدور طبقہ زیادہ متاثر ہوا۔

    تفصیلات کے مطابق وزیر اعظم عمران خان نے مزدوروں کے عالمی دن کے حوالے سے پیغام جاری کرتے ہوئے کہا ہے کہ آج کا دن اپنے حقوق کے لیے جانیں دینے والے مزدوروں کی یاد دلاتا ہے، آج کا دن مزدوری کے تقدس اور وقار کی علامت ہے۔

    انھوں نے کہا یکم مئی ملک کی معاشی ترقی کے لیے کارکنوں کی اہمیت کا اعتراف ہے، اسلام سماجی انصاف اور افراد کے حقوق کے احترام کے اصولوں پر زور دیتا ہے، ترقی کے عمل میں محنت کشوں کے حقوق کا اعتراف انتہائی ضروری ہے۔

    اشرافیہ نے غریب کا سوچے بغیر لاک ڈاؤن کا فیصلہ کیا: وزیر اعظم

    وزیر اعظم کا کہنا تھا حکومت مزدوروں کو بنیادی حقوق کی فراہمی کے لیے پرعزم ہے، مزدوروں کی فلاح کے لیے مربوط نظام تیار کرنا حکومت کی ترجیح ہے، ملک میں کرونا کے پھیلاؤ نے لوگوں کی صحت پر سنگین اثرات مرتب کیے ہیں، مزدور طبقہ وبائی بیماری سے زیادہ متاثر ہوا۔

    انھوں نے کہا غزوہ خندق میں نبیﷺ نے خود محنت کر کے اس کی اہمیت کو اجاگر کیا، حکومت نے مزدوروں کے لیے 200 ارب کا مالی پیکج مختص کیا ہے، پیشہ ورانہ تربیت اور مہارت سے متعلق بھی حکومت نے پروگرامز کا آغاز کر دیا ہے، بہتر ہنر سے مزدوروں کو ملک اور بیرون ملک ملازمت کے مواقع میسر ہوں گے۔

    وزیر اعظم عمران خان نے کہا ملک کی معاشی ترقی کے لیے مزدوروں کا کردار بہت اہم ہے، حکومت معاشی ترقی سے مزدوروں سمیت تمام طبقات کی خوش حالی کے لیے کوشاں ہے، اللہ مزدوروں کی خوش حالی کے لیے ہماری کوششوں میں مدد فرمائے۔

  • سابق صدرپرویز مشرف یکم مئی کو پاکستان آئیں گے

    سابق صدرپرویز مشرف یکم مئی کو پاکستان آئیں گے

    اسلام آباد : سابق صدر پرویز مشرف کے وکیل سلیمان صفدر نے کہا ہے کہ ان کے موکل 2 مئی کو خصوصی عدالت میں پیش ہونے کے لیے پرعزم ہیں، خاندان کےمطابق وہ یکم مئی کو پاکستان آئیں گے۔

    تفصیلات کے مطابق پرویز مشرف کے وکیل سلیمان صفدر نے اے آر وائی نیوز سے خصوصی بات چیت کرتے ہوئے کہا پرویزمشرف کے خاندان کےمطابق وہ یکم مئی کوپاکستان آئیں گے، وہ 2 مئی کو خصوصی عدالت میں پیش ہونے کے لیے پرعزم ہیں۔

    سلیمان صفدر کا کہنا تھا پرویزمشرف خود اوران کےاہل خانہ پاکستان آنے پر زور دے رہے ہیں، ان کی صحت کومدنظر رکھتے ہوئے معالج کی اجازت اہم ہے، ان کی طبیعت ٹھیک نہیں،اونچ نیچ ہوتی رہتی ہے۔

    یاد رہے سپریم کورٹ نے پرویزمشرف کے ٹرائل سےمتعلق فیصلہ سناتے ہوئے کہا تھا کہ 2 مئی کومشرف نہیں آتے تو دفاع کےحق سےمحروم ہوجائیں گے، اور یہ بھی حکم دیا تھا کہ  ٹرائل کورٹ ان کی غیرموجودگی میں ٹرائل مکمل کرکے حتمی فیصلہ جاری کردے۔

    مزید پڑھیں : اگر پرویز مشرف 2 مئی کو نہیں آتے تو دفاع کےحق سےمحروم ہوجائیں گے ،سپریم کورٹ کا فیصلہ

    اس سے قبل 28 مارچ کوسابق صدر جنرل ( ر) پرویز مشرف کے وکیل نے خصوصی عدالت میں عندیہ دیا تھا کہ ان کے موکل 13 مئی کو وطن واپس آکر عدالت کے روبرو پیش ہوسکتے ہیں۔

    ایک سماعت میں سپریم کورٹ نے پرویز مشرف کے سامنے تین آپشنز رکھے تھے، پہلا آپشن پرویز مشرف آئندہ سماعت پر ہوکر بیان ریکارڈ کروائیں، دوسرا آپشن اگر نہیں پیش ہوتے تو اسکائپ پر بیان ریکارڈ کروائیں اور تیسرا آپشن اگر وہ اسکائپ پر بھی بیان ریکارڈ نہیں کرواتے تو ان کے وکیل بیان ریکارڈ کروائیں۔

    عدالت نے پرویز مشرف کے وکیل کی جانب سےالتواکی درخواست بھی مسترد کردی تھی، چیف جسٹس نے کہا تھا پرویزمشرف تو مکے شکے دکھاتے تھے، یہ نہ ہو کہ عدالت کو مکے دکھانا شروع کردیں۔

  • دنیا بھرمیں آج مزدوروں کا عالمی دن منایا جا رہا ہے

    دنیا بھرمیں آج مزدوروں کا عالمی دن منایا جا رہا ہے

    پاکستان سمیت دنیا بھر میں آج مزدوروں کے حقوق کا عالمی دن منایا جارہا ہے، یہ دن شکاگو میں مزدوروں کی جانب سے کے جانے والے احتجاج پر امریکی حکومت کی جانب سے تشدد کے نتیجے میں جاں بحق اور زخمی ہونے والے مزدوروں کی یاد میں منایا جاتا ہے۔

    یکم مئی 1886 میں چند مزدور رہنماؤں کی اپیل پرشکاگو کی فیکٹریوں میں کام کرنے والے 4 لاکھ مزدوروں کی جانب سے ہڑتال کی گئی، ہڑتال اس قدر کامیاب تھی کہ ایک امریکی اخبار نے لکھا کہ کسی ایک بھی فیکٹری کی چمنی سے دھواں اٹھتا دکھائی نہیں دیا۔

    مزدوروں نے نا صرف یہ کہ ہڑتال کی بلکہ شکاگو کے’ہے مارکیٹ اسکوائر‘پراحتجاج کے لیے جمع ہونے لگے، ایک محتاط اندازے کے مطابق 25،000 مزدور احتجاج کے لیے جمع ہوئے تھے۔

    مزدوروں کا مطالبہ تھا کہ ان کے کام کرنے کے اوقات 14 گھنٹے سے گھٹا کر 08 گھنٹے کیے جائیں اور اس مطالبے میں مقامی، غیر مقامی، ہنرمنداور مزدور سب ہی شامل تھے۔

    مئی کی چار تاریخ تک یہ احتجاج پرامن طریقے سے جاری رہا لیکن 4 مئی کی رات کواچانک کہیں سے 180 پولیس افسران کا دستہ نمودارہوا جس نے مظاہرین سے منتشرہونے کو کہا۔

    مظاہرین کا کہنا تھا کہ ہم پر امن احتجاج کررہے ہیں کہ اچانک کہیں سے ایک بم پولیس اہلکاروں پرآگرا جس کے بعد پولیس نے اندھا دھند فائرنگ شروع کردی۔

    ایک محتاط اندازے کے مطابق اس میں 4 افراد جاں بحق اور 70 سے زائد زخمی ہوئے تھے۔ جاں بحق اورزخمی ہونے والے افراد کی درست تعداد آج تک طے نہیں کی جاسکی۔

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    اس سانحے سے مزدوروں کے آٹھ گھنٹے کام کرنے کے مطالبے کو شدید نقصان پہنچا اور تحریک عارض طور پر دباؤ کا شکارہوگئی۔

    یکم مئی اپنے خونِ ناحق کی سرخ پیغمبری کا دن ہے
    یکم مئی زندگی کا اعلان رنگ ہے زندگی کا دن ہے

    اس واقعے کے چارسال بعد 4 مئی کو ہونے والے سانحے میں جاں بحق ہونے والے مزدوروں کوخراج تحسین پیش کرنے کے لیے عالمگیرمظاہروں کا اعلان کیا گیا جو انتہائی کامیاب رہا۔

    اس واقعے کے تقریباً 51 سال بعد 1937 میں امریکہ کے زیادہ ترمزدور آٹھ گھنٹے کام کرنے کا حق حاصل کرچکے تھے۔

    افسوس کی بات یہ ہے کہ آج 2018 میں جب دنیا بھر میں آٹھ گھنٹے کام کا حصول رائج ہوچکا ہے لیکن پاکستان میں یہ اصول صرف کاغذوں کی حد تک رائج ہے لیکن مزدوروں کے حالات آج بھی بہت خراب ہیں۔

    اس شہرمیں مزدورجیسا دربدرکوئی نہیں
    جس نے سب کے گھر بنائے اس کا گھر کوئی نہیں

  • دنیا بھرمیں مزدوروں کا عالمی دن آج منایا جائے گا

    دنیا بھرمیں مزدوروں کا عالمی دن آج منایا جائے گا

    کراچی : یکم مئی مزدوروں کا عالمی دن ہے،  یہ دن منانے کا مقصد مزدوروں،  محنت کشوں کے مسائل کو اجاگر کرنے کے ساتھ ساتھ ان کے مسائل کے حل کرنے کیلئے آواز اٹھانا ہے۔

    یہ دن 1886میں شکاگو کے مقام پر مزدوروں کے حقوق کے تحفظ کے لیے ہونے والے احتجاج کا نتیجہ ہے، اس موقع پر نہ صرف پاکستان بلکہ دنیا بھر میں مختلف تقریبات، سیمینارز کانفرنسز اور ریلیاں منعقد ہوتی ہیں۔

    یوم مئی کا آغاز 1886ء میں محنت کشوں کی طرف سے آٹھ گھنٹے کے اوقات کار کے مطالبے سے ہوا جس میں ٹریڈ یونینز اور مزدور تنظیمیں، اور دیگر سوشلسٹک اداروں نے کارخانوں میں ہر دن آٹھ گھنٹے کام کا مطالبہ کیا۔

    اس مطالبہ کو تمام قانونی راستوں سے منوانے کی کوشش ناکام ہونے کی صورت میں یکم مئی کو ہی ہڑتال کا اعلان کیا گیا اور کہا گیا کہ جب تک مطالبات نا مانے جائیں یہ تحریک جاری رہے گی۔ 16-16 گھنٹے کام کرنے والے مزدوروں میں 8 گھنٹے کام کا نعرہ بہت مقبول ہوا۔

    اس دن امریکہ کے محنت کشوں نے مکمل ہڑتال کی، تین مئی کو اس سلسلے میں شکاگو میں منعقد مزدوروں کے احتجاجی جلسے پر حملہ ہوا جس میں چار مزدور شہید ہوئے، اس بر بریت کے خلاف محنت کش احتجاجی مظاہرے کے لئے میں جمع ہوئے، جس میں 25000سے زائد مزدورں نے احتجاج کیا، اس احتجاج کو روکنے کیلئے حکمران طبقات کے پاس محنت کشوں پر ریاستی تشدد کا راستہ اپنانے کے علاوہ کوئی راستہ نہیں بچ چکا تھا۔

    پولیس نے مظاہرہ روکنے کے لئے محنت کشوں پر تشدد کیا اسی دوران بم دھماکے میں ایک پولیس افسر ہلاک ہوا تو پولیس نے مظاہرین پر گولیوں کی بوچھاڑ کر دی جس کے نتیجے میں بے شمار مزدور شہید ہوئے اور درجنوں کی تعداد میں زخمی ہوگئے۔

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    حالانکہ ان کے خلاف کوئی ثبوت نہیں تھا کہ وہ اس واقعے میں ملوث ہیں، انہوں نے مزدور تحریک کے لئے شہادت دے کر سرمایہ دارانہ نظام کا انصاف اور بر بریت واضح کر دی، ان شہید ہونے والے رہنماؤں نے کہا ۔ ’’تم ہمیں جسمانی طور پر ختم کر سکتے ہو لیکن ہماری آواز نہیں دباسکتے ‘‘۔

    اس جدوجہد کے نتیجے میں دنیا بھر میں محنت کشوں نے آٹھ گھنٹے کے اوقات کار حاصل کئے ۔

    سن 1989ء میں ریمنڈ لیوین کی تجویز پر یکم مئی 1890ء کو یوم مئی کے طور پر منانے کا اعلان کیا گیا، اس دن کی تقریبات بہت کامیاب رہیں، اس کے بعد یہ دن ’’ عالمی یوم مزدور‘‘ کے طور پر منایا جانے لگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • دنیا بھر میں آج مزدوروں کا عالمی دن منایا جارہا ہے

    دنیا بھر میں آج مزدوروں کا عالمی دن منایا جارہا ہے

    کراچی: یکم مئی مزدوروں کے عالمی دن یا یوم مزدور کے عنوان سے منایا جاتا ہے، اس دن کو منانے کا مقصد امریکہ کے شہر شکاگو کے محنت کشوں کی جدوجہد کویاد کرنا ہے ۔

    یوم مئی کا آغاز 1886ء میں محنت کشوں کی طرف سے آٹھ گھنٹے کے اوقات کار کے مطالبے سے ہوا جس میں ٹریڈ یونینز اور مزدور تنظیمیں، اور دیگر سوشلسٹک اداروں نے کارخانوں میں ہر دن آٹھ گھنٹے کام کا مطالبہ کیا۔

    اس مطالبہ کو تمام قانونی راستوں سے منوانے کی کوشش ناکام ہونے کی صورت میں یکم مئی کو ہی ہڑتال کا اعلان کیا گیا اور کہا گیا کہ جب تک مطالبات نا مانے جائیں یہ تحریک جاری رہے گی۔ 16-16 گھنٹے کام کرنے والے مزدوروں میں 8 گھنٹے کام کا نعرہ بہت مقبول ہوا۔

    اس دن امریکہ کے محنت کشوں نے مکمل ہڑتال کی، تین مئی کو اس سلسلے میں شکاگو میں منعقد مزدوروں کے احتجاجی جلسے پر حملہ ہوا جس میں چار مزدور شہید ہوئے، اس بر بریت کے خلاف محنت کش احتجاجی مظاہرے کے لئے میں جمع ہوئے، جس میں 25000سے زائد مزدورں نے احتجاج کیا، اس احتجاج کو روکنے کیلئے حکمران طبقات کے پاس محنت کشوں پر ریاستی تشدد کا راستہ اپنانے کے علاوہ کوئی راستہ نہیں بچ چکا تھا۔

    پولیس نے مظاہرہ روکنے کے لئے محنت کشوں پر تشدد کیا اسی دوران بم دھماکے میں ایک پولیس افسر ہلاک ہوا تو پولیس نے مظاہرین پر گولیوں کی بوچھاڑ کر دی جس کے نتیجے میں بے شمار مزدور شہید ہوئے اور درجنوں کی تعداد میں زخمی ہوگئے۔

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    حالانکہ ان کے خلاف کوئی ثبوت نہیں تھا کہ وہ اس واقعے میں ملوث ہیں، انہوں نے مزدور تحریک کے لئے شہادت دے کر سرمایہ دارانہ نظام کا انصاف اور بر بریت واضح کر دی، ان شہید ہونے والے رہنماؤں نے کہا ۔ ’’تم ہمیں جسمانی طور پر ختم کر سکتے ہو لیکن ہماری آواز نہیں دباسکتے ‘‘۔

    اس جدوجہد کے نتیجے میں دنیا بھر میں محنت کشوں نے آٹھ گھنٹے کے اوقات کار حاصل کئے ۔

    سن 1989ء میں ریمنڈ لیوین کی تجویز پر یکم مئی 1890ء کو یوم مئی کے طور پر منانے کا اعلان کیا گیا۔ اس دن کی تقریبات بہت کامیاب رہیں۔ اسکے بعد یہ دن ’’ عالمی یوم مزدور‘‘ کے طور پر منایا جانے لگا۔

  • یکم مئی سے اسلام آباد میں نظام صلوٰۃ پرعملدرآمدہوگا، وزیرمذہبی امور

    یکم مئی سے اسلام آباد میں نظام صلوٰۃ پرعملدرآمدہوگا، وزیرمذہبی امور

    اسلام آباد: وفاقی وزیرمذہبی امورسرداریوسف نےکہاہےکہ آئندہ جمعےسے وفاقی دارالحکومت میں نظام صلوٰۃ پرعملدرآمدشروع کیاجائےگا، جس کےتحت شہرکی تمام مساجدمیں ایک ہی وقت میں اذان اورنماز اداکی جائےگی۔

    امام کعبہ شیخ خالد الغامدی کے اعزاز میں منعقد کی گئی تقریب سے خطاب کرتے ہوئے وفاقی وزیر مذہبی امور سردار یوسف کا کہنا تھا کہ تمام مسالک کے علما نے اس بات پر اتفاق کیا ہے کہ وفاقی دارالحکومت میں ایک ہی وقت میں اذان اور نماز ادا کی جائے جس کے بعد یکم مئی سے اسلام آباد کی تمام مساجد میں ایک ہی وقت میں نماز ادا کی جائے گی۔

    انہوں نے کہا کہ جمعہ کو فیصل مسجد سے نظام صلوٰة ۃکا آغاز کیا جائے گا جہاں صدر ممنون حسین بھی نماز جمعہ ادا کریں گے جس کے بعد یہ نظام پورے ملک میں بھی رائج کیا جائے گا۔