Tag: بھارت

نئی دہلی : بھارتی ریاست راجستھان میں اسکول بس پاکلا دریا میں جا گری تاہم مقامی افراد نے اپنی مدد آپ کے تحت تمام بچوں کو باحفاظت نکال لیا.

تفصیلات کےمطابق بھارتی ریاست راجستھان میں پرائیویٹ اسکول کی بس بچوں کو لےکر اسکول آرہی تھی کہ پاکلا دریا پر پل عبور کرتے ہوئےدریا میں جا گری.

واقعے کے بعد بس میں موجود18 بچے پھنس گئے تاہم مقامی افراد نے بس کا سامنے والا شیشہ توڑ کر بچوں کو باحفاظت باہر نکال لیا.

پولیس حکام کا کہنا ہے کہ اچاریہ ودیا ساگر سیکنڈری اسکول بس کے ڈرائیور نے دریا پر تعمیر ایک چھوٹے پل سے گاڑی کو گزارنے کی کوشش کی.

پولیس کے مطابق پل کے گرد جنگلے بھی نہیں لگے تھے اور دریا میں سیلابی صورت حال کی وجہ سے پل پر دو فٹ تک پانی موجود تھا جس وجہ سے ڈرائیور کو پل کے ٹریک کا اندازہ نہیں ہو سکا اور بس دریا میں جا گری.

حادثے کے بعد بس کا سامنے والا حصہ کسی چیز سے جا ٹکرایا جس وجہ سے بس پوری طرح دریا میں نہیں ڈوبی تاہم دیہاتیوں کے خبردار کرنے کے باوجود غفلت برتنے پر بس ڈرائیور کے خلاف مقدمہ درج کیا جائے گا.

ممبئی : بھارتی ریاست مہاراشٹر میں شدید بارش کے نتیجےمیں ممبئی گواہائی وے پر پل بہہ گیا اور 22افراد لاپتہ ہو گئے،جن کی تلاش کا کام جاری ہے.

تفصیلات کے مطابق مہاراشٹر میں بارش سے دریائے ساوتری میں سیلاب کی صورت حال پیدا ہو گئی،جس سے ممبئی گواہائی وے پر قائم ایک رابطہ پل بہہ گیا ہے پل بہہ جانے سے دو کاریں بھی دریائے ساوتری میں بہہ گئی ہیں جبکہ دو سرکاری بسیں بھی لاپتا ہیں.

حکام کا کہنا ہے کہ لاپتہ ہونے والی کاریں اور بسیں حادثے کے وقت پل سے ہی گزر رہی تھیں

پل بہہ جانے سے اب تک کی اطلاعات کے مطابق 22افراد لاپتہ ہیں جن کی تلاش کےلیے امدادی ٹیمیں روانہ کر دی گئی ہیں.ریسکیو آپریشن جاری ہے تاہم ابھی تک ان افراد اور گاڑیوں کا کوئی پتہ نہیں چل سکا.

*نئی دہلی : مدھیہ پردیش میں سیلاب سے 12 افراد ہلاک

یاد رہے کہ اس سے قبل گزشتہ ماہ بھارت کی وسطیٰ ریاست مدھیہ پردیش میں سیلاب کے باعث بارہ افراد جان کی بازی ہار گئے تھے.

واقعے کے بعد اس پل پر سے گزرنے والی ٹریفک کو ساتھ ہی واقع پل کی جانب موڑ دیا گیا ہے.

نئی دہلی : بھارتی شمالی ریاست گجرات کی خاتون وزیراعلیٰ آنندی بین پٹیل نے وزیراعظم نریندر مودی کی حکومت پر بڑھتے ہوئے دباؤ اور دلت برادری کے احتجاج کے پیش نظر اپنے عہدے سے استعفیٰ دے دیا.

تفصیلات کے مطابق آنندی بین پٹیل ریاست گجرات کی پہلی خاتون وزیراعلیٰ بنی اور تیرہ سال تک اس عہدے پر فائز رہیں،انہوں نے اپنے استعفے کی کاپی فیس بک پر شیئر کی اور لکھا کہ کیوں کہ ان کی عمر پچھتر برس ہوگئی ہے اور وزیراعظم مودی بھی ان کے ریٹائر ہونے کی توقع رکھتے ہیں.

وزیراعلیٰ آنندی بین پٹیل نے ایک ایسے وقت میں استعفیٰ دیا ہے جب ریاست میں ایک ہندو انتہا پسند گروپ کی جانب سے گائے کی کھال اتارنے پر ایک دلت خاندان کو تشدد کا نشانہ بنانے کے بعد احتجاجی مظاہرے جاری ہیں.

یاد رہے کہ گذشتہ دنوں چار دلت نوجوانوں کو ایک مردہ گائے کی کھال اتارنے پر تشدد کا نشانہ بنایا گیا تھا جس پر دلت برادری میں غم و غصہ پایا جاتا ہے.

دوسری جانب عام آدمی پارٹی کے رہنما اور دہلی کے وزیراعلیٰ اروند کیجریوال نے دعویٰ کیا ہے کہ آنندی بین پٹیل کے استعفیٰ نے آئندہ اسمبلی کے انتخابات میں ان کی پارٹی کے لیے چیلنجز میں مزید اضافہ کردیا ہے.

واضح رہے کہ 31 جولائی کو دلت برادری نے انتہاپسند گروپ کے خلاف ریلی نکالی اور حکمران جماعت بھارتی جنتا پارٹی کی اس معاملے پر توجہ دلاتے ہوئے کہا تھاکہ بی جے پی آئندہ الیکشن کے لیے اس سے ضرور سبق سیکھے گی.

نئی دہلی: بھارت کی جنوب مشرقی ریاست منی پور کی جیل میں قیدیوں کی آپسی لڑائی کے نتیجے میں دو سعودی سمیت تین قیدی ہلاک ہوگئے.

تفصیلات کے مطابق قیدیوں کی لڑائی کا واقعہ بھارت کی جنوبی مشرقی ریاست منی پور کے دارالحکومت امپھال کی سینٹرل جیل میں صبح سویرے پیش آیا.

منی پور پولیس کے ایڈیشنل ڈائریکٹر جنرل پی ڈونگل کا صحافیوں سے بات کرتے ہوئے کہنا تھا کہ دو سعودی قیدیوں نے ساتھی قیدی پر حملہ کرکے اسے ہلاک کیا، واقعے کا سن کر دیگر قیدیوں نے جوابی حملہ کیا جس کے نتیجے میں دونوں سعودی قیدی ہلاک ہوگئے.

لڑائی جھگڑے کے دوران ہلاک ہونے والے دوقیدیوں کی شناخت سعودی شہری سُشاک یوسف احمد اور عبد السلام جبکہ تیسرے قیدی کی شناخت تھانگ مِلن زوؤ کے نام سے ہوئی، جو منی پور کے ضلع چھوراچندرپور کا قبائلی تھا.

پی ڈونگل نے کہا کہ فوری طور پر لڑائی کی وجہ معلوم نہیں ہوسکی ہے،تینوں قیدیوں کا پوسٹ مارٹم کرلیا گیا ہے،ہم واقعے کی تحقیقات کر رہے ہیں اور یہ معلوم کرنے کی کوشش کی جارہی ہے کہ قیدیوں نے ایک دوسرے پر حملے کے دوران کہیں کوئی ہتھیار تو استعمال نہیں کیا.

یاد رہے کہ قیدیوں کے درمیان لڑائی ختم کرانے کی کوشش کے دوران جیل کے دو محافظ اور ایک آفیسر زخمی بھی ہوئے.

واضح رہے کہ دونوں سعودی شہریوں کو 2013 میں درست سفری دستاویزات کے بغیر بھارت میں داخل ہونے کے الزام میں گرفتار کیا گیا تھا.

نئی دہلی : بھارت میں نچلی ذات کے میاں بیوی کو پندرہ روپے ادھار نہ چکانے پر کلہاڑی کے وار کرکے قتل کردیاگیا.

تفصیلات کے مطابق ہندوستان میں نچلی ذات کے ہندوجوڑے بھرت سنگھ اوراس کی اہلیہ ممتا کودکان دار اشوک مشراکےپندرہ روپے ادھاراداکرنےتھے،اشوک مشرا نےراستے میں دلت جوڑے کو روک کررقم کاتقاضہ کیا.

بھرت سنگھ نےرقم نہ ہونےکا کہہ کر مزید مہلت طلب کی جس پردکان داراشوک کوغصہ آگیااوراس نےکلہاڑی کےوار سےدونوں میاں بیوی کو موقع پرہی موت کے گھاٹ اتاردیا.

پولیس نے جائے وقوعہ پر پہنچ کراشوک مشرا کو گرفتارکرلیاہے،حکام کا کہناہےکہ واقعے کی تحقیقات کی جارہی ہیں.

*بھارت میں تین ’دلت‘ نوجوانوں پروحشیانہ تشدد
یادرہے کہ رواں سال اپریل میں بھارت کی ریاست راجستھان میں اونچی ذات کےہندوؤں نےتیرہ تا پندرہ سال کے تین دلت لڑکوں پرچوری کےالزام میں سرعام بدترین تشددکیادرخت سے باندھا اورپھربھی تسلی نہیں ہوئی تو برہنہ کرکے گھمایا تھا.