سئیول:نیوکلیئر سپلائر گروپ کے اجلاس میں اراکین نے بھارت کو رکنیت دینے کی مخالفت کردی، آج کا اجلاس ختم ہوگیا، جمعہ کو اجلاس دوبارہ ہوگا جس میں پاکستان اور بھارت کی رکنیت کا معاملہ دوبارہ زیربحث آئے گا.
اطلاعات کے مطابق نیو کلیئر سپلائر گروپ ممالک کا اجلاس ختم ہوگیا جس میں بھارت کو ممبر شپ دینے کے معاملے پر اراکین کا اتفاق رائے نہ ہوسکا جس کی بھارت کا این پی ٹی پر دستخط نہ کرنا ہے ۔
سفارتی ذرائع کا کہنا ہے کہ اجلاس میں سیول، برازیل، آسٹریلیا اور نیوزی لینڈ نے بھی بھارت کو رکنیت دینے کی مخالفت کی جبکہ چین پہلے ہی بھارت کی گروپ میں شمولیت کی مخالفت کرچکا ہے۔خبر رساں ادارے کے مطابق بھارتی وزیراعظم نریندر مودی چینی صدر زی جنگ پنگ سے درخواست کی ہے کہ وہ اجلاس میں بھارت کی حمایت میں ووٹ دیں مخالفت نہ کریں.
واضح رہے نیو کلیئر سپلائر گروپ میں 48 ممالک شامل ہیں جو دنیا بھر میں جوہری مواد کے معاملات کو دیکھتے ہیں اور رکن ممالک کو جوہری موادکی تجارت کا اختیار حاصل ہے.
ممبئی: پرتھوی راج ملیالم اداکار، پروڈیوسراور گلوکار بہت جلد ملیالم فلم کراچی ایٹی ون میں جلوہ گرہوں گے، فلم کا ایک بڑا حصہ کراچی میں فلمائے جانے کا امکان ہے.
تفصیلات کے مطابق بھارتی اداکار اور پڑودیوسر پرتھوی راج ڈائریکٹر کے ایس باوا کی فلم کراچی ایٹی ون میں مرکزی کردار میں جلوہ گرہوں گے.
میڈیا سے گفتگو کرتے ہوئے فلم ڈائریکٹر کے ایس باوا کا کہنا تھا کہ فلم کراچی ایٹی ون ایکشن فلم ہے،فلم کی کہانی حقیقی زندگی کے واقعے کی گرد گومتی ہے، ذرائع کے مطابق فلم کی کہانی جاسوس پر مبنی ہے.
میڈیا کی جانب سے جب سوال کیا گیا کہ کیا یہ ممکن ہے کہ فلم کی شوٹنگ کراچی میں ہوجس پر ڈائریکٹر کے ایس باوا کا کہنا تھا کہ جی بلکل لیکن ان کا ساتھ ہی کہنا تھا کہ یہ بھی دیکھنا بہت ضروری ہے کہ کس طرح فلم ایٹی ون پاکستان میں شوٹنگ کے لیے وقت نکالتی ہے، فلم ماسکو، راجستھان، کوچی سمیت مختلف مقامات پر شوٹ کی جائے گی.
واضح رہے کہ پرتھوی راج ، ملیالم سنیما میں ایک سپر اسٹار کے طور پر جانے جاتے ہیں،انہوں نے ملیالم، تامل،ہندی فلموں سمیت دیگر علاقائی زبان کی فلموں میں اداکاری کی ہے.
نیویارک : بھارت نےافغان طالبان کے امیر ملا ہیبت اللہ اخوندزادہ پر پابندیاں عائد کرنے کا مطالبہ کردیا.
تفصیلات کے مطابق اقوام متحدہ میں میں بھارتی مستقل مندوب سید اکبر الدین نے افغانستان میں یو این معاونتی مشن سے متعلق سلامتی کونسل میں ہونے والے ایک مباحثے کے دوران کہا کہ یہ بالکل احمقانہ پن ہے کہ ایک جلاوطن رہنما اب تک دہشت گرد قرار نہیں دیا گیا.
سید اکبر الدین کا کہنا تھا کہ افغانستان میں نئے طالبان رہنما کے خلاف پابندیاں عائد کی جانی چاہیئے.
بھارت کے مستقل مندوب کا کہنا تھا کہ افغان حکومت اورعوام کے خلاف تشدد کو فروغ دینے والے گروپوں اور افراد کو محفوط ٹھکانہ کبھی بھی فراہم نہیں کیا جانا چاہیے اور نہ ہی انھیں افغانستان کے کسی حصے میں اثرورسوخ قائم کرنے دینا چاہیے.
یاد رہے کہ گذشتہ ماہ امریکی محکمہ خارجہ کے نائب ترجمان مارک ٹونر نے کہا تھا کہ طالبان کےنئےامیر ملا ہیبت اللہ اخوند زادہ کانام عالمی دہشت گردوں کی فہرست میں شامل نہیں،امیدہے وہ مفاہمتی عمل کا فائدہ اٹھائیں گے.
واضح رہے کہ گذشتہ ماہ افغان طالبان کےسربراہ ملا ہیبت اللہ اخوندزادہ نے افغان طالبان کو ہدایت دی تھی کہ وہ اپنے حملوں میں مزید تیزی لائے،ان کا کہنا تھا کہ طالبان کےساتھ مذاکرات کے نام پر دھوکا کیاگیا.
افغان طالبان کے سربراہ کا کہنا تھا کہ اتحادی افواج کی افغانستان میں موجودگے تک کسی قسم کے کوئی مذاکرات نہیں کیے جائیں گے.
نئی دہلی : بھارت میں آسمانی بجلی کی زد میں آ کر 79 افراد ہلاک ہوگئے، سب سے زیادہ ہلاکتیں ریاست بہار میں ہوئیں جہاں 53 افراد جان کی بازی ہار گئے.
تفصیلات کے مطابق بھارت کی تین ریاستوں میں آسمانی بجلی گرنے کے واقعات میں ہلاک ہونے والوں کی تعداد 79 ہوگئی ہے،سب سے زیادہ ہلاکتیں ریاست بہار میں تریپن اس کے علاوہ جھارکھنڈ میں دس افراد جبکہ مدھیہ پردیش میں سولہ افراد جان کی بازی ہار گئے.
ریاست بہار میں قدرتی آفات سے نمٹنے کے ادارے کے مطابق آسمانی بجلی گرنے کے واقعات منگل کو نو مختلف اضلاع میں پیش آئے،حکام کے مطابق سب سے زیادہ ہلاکتیں ضلع پٹنہ میں ہوئیں جہاں ایک واقعے میں چھ افراد ہلاک ہوئے.
بھارت میں قدرتی آفات سے نمٹنے والے ادارے کےمطابق زیادہ افراد آسمانی بجلی کے نتیجے میں اس وقت ہلاک ہوئے جب وہ موسمی بارشوں کے دوران کھیتوں میں کام کر رہے تھے.
بھارت میں ہلاکتوں کا ریکارڈ رکھنے والے قومی ادارے کے مطابق بھارت میں 2005 سے ہر برس ایسے واقعات میں تقریباً دو ہزار افراد ہلاک ہو جاتے ہیں.
واضح رہے کہ بعض سائنسدانوں کا خیال ہے کہ عالمی سطح پر درجۂ حرارت بڑھنے سے آسمانی بجلی گرنے کے وقعات میں مزید اضافہ ہو سکتا ہے.
برسلز: سابق فوجی افسران نے خدشہ ظاہر کیا ہے کہ کلائمٹ چینج یا موسمیاتی تغیر جنوبی ایشیا میں مختلف تنازعوں کا سبب بن سکتا ہے۔
پاکستان، بھارت اور بنگلہ دیش کے 3 سابق فوجی افسران نے ایک تحقیقی رپورٹ شائع کی ہے جس میں خدشہ ظاہر کیا گیا ہے کہ تینوں ممالک مل بیٹھ کر کلائمٹ چینج سے مطابقت پیدا کرنے کے لیے پائیدار منصوبوں پر کام کریں اور علاقائی تعاون میں اضافہ کریں، دوسری صورت میں یہ تینوں ممالک آپس میں مختلف تنازعوں کا شکار ہوجائیں گے جس سے ان 3 ممالک میں بسنے والے کروڑوں افراد کی زندگیوں کو خطرہ ہے۔
یہ رپورٹ گلوبل ملٹری ایڈوائزری کونسل آن کلائمٹ چینجکی جانب سے شائع کی گئی ہے۔ رپورٹ کے مصنفین پاکستان کے لیفٹننٹ جنرل (ر) طارق وسیم غازی، بنگلہ دیش کے میجر جنرل (ر) اے این ایم منیر الزماں اور بھارت کے ایئر مارشل (ر) اے کے سنگھ ہیں۔
رپورٹ کے مصنفین
رپورٹ کے مطابق مشترک آبی ذخائر کی تقسیم اور گلیشیئرز پر سے اپنی افواج ہٹانا پاکستان، بھارت اور بنگلہ دیش کے درمیان موجود کئی تنازعوں سے بچاؤ کا سبب بن سکتا ہے۔
واضح رہے کہ جنوبی افریقہ کا رقبہ دنیا کے کل رقبہ کا 4 فیصد ہے جبکہ اس کی 1.7 آبادی دنیا کی کل آبادی کا 20 فیصد حصہ ہے۔ یہ خطہ ماحولیاتی تبدیلیوں کے حوالے سے دنیا کا کمزور ترین اور شدید خطرات میں گھرا ہوا خطہ ہے۔
یہ خطہ سیاسی طور پر عدم استحکام کا شکار ہے۔ یہی نہیں اس خطہ میں علاقائی تناؤ بھی پائے جاتے ہیں جن میں پاکستان اور بھارت سرفہرست ہیں۔
رپورٹ کے بارے میں گفتگو کرتے ہوئے ایئر مارشل (ر) اے کے سنگھ نے بتایا، ’جنوبی ایشیا میں آنے والے حالیہ سیلاب صرف ایک مثال ہیں کہ کلائمٹ چینج کس طرح جنوبی ایشیائی ممالک کی معیشتوں کو درہم برہم کرسکتا ہے۔ اس کا سب سے واضح اثر تو بے روزگاری کی صورت میں سامنے آیا ہے‘۔
ان کے مطابق یہ اثرات آگے چل کر شدت پسندی اور منظم جرائم کا سبب بنیں گے جس سے موجودہ تنازعوں میں اضافہ ہوگا، جبکہ دیگر کئی نئے تنازعہ پیدا ہوجائیں گے۔
رپورٹ میں بتایا گیا ہے کہ آبی ذخائر کو مناسب طریقے سے تقسیم کرنا جنوبی ایشیا میں امن و استحکام قائم رکھنے کا واحد حل ہے۔ پاکستان چند ہی عشروں میں پانی کی کمی کا شکار ممالک میں شامل ہوچکا ہے، جبکہ بھارت کی کئی ریاستوں میں اچانک پانی کی شدید قلت پیدا ہوگئی ہے۔
پاکستان کے لیفٹننٹ جنرل (ر) طارق وسیم غازی نے اس رپورٹ کو ’افواج کی جانب سے امن کے لیے ایک کوشش‘ کا نام دیا ہے۔
اس سے قبل ورلڈ بینک بھی اپنی ایک رپورٹ میں متنبہ کرچکا ہے کہ کلائمٹ چینج اور پانی کی کمی کچھ ممالک کی قومی پیداوار یعنی جی ڈی پی میں 2050 تک 6 فیصد کمی کردے گی۔ پانی کی قلت کے باعث مشرق وسطیٰ کو اپنی جی ڈی پی میں 14 فیصد سے بھی زائد کمی کا سامنا ہوسکتا ہے۔
اسلام آباد : برطانوی عدالت نے حیدرآباد فنڈ پرپاکستان کا دعویٰ ختم کرنیکی بھارتی درخواست مستردکردی۔
بھارت پینتیس ملین پاؤنڈزکی رقم پرپاکستان کادعویٰ غلط ہونا عدالت میں ثابت نہ کرسکا، وزارت خارجہ کے مطابق بھارت کو کیس ہارنے کی وجہ سے مقدمے کے اخراجات برداشت کرنا ہوں گے۔
پاکستان نے بھارت سے حیدر آباد فنڈز کیس جیت لیا پاکستان نے انگلش ہائی کورٹ میں بھارت سے 53 ملین پاونڈ کا دعوی جیت لیا ہے، انگلش ہائی کورٹ نے پاکستان کا موقف درست تسلیم کرتے ہوئے کہا ہے کہ پاکستان کا موقف اصولی اور ثبوتوں کے اعتبارسے درست ہے۔
ترجمان دفترخارجہ کا کہنا ہے کہ عدالت نے پاکستان کیخلاف تمام کوششوں کو مستردکر دیا، انہوں نے بتایا کہ ریاست حیدر آباد نے پاکستان سے تعاون مانگا تھا، پاکستان تنازعات مذاکرات کےذریعےحل کرناچاہتاہے۔
واضح رہے کہ سن1947 نظام آف حیدرآباد کی جانب سے پاکستان ایک ملین پاونڈ کی امداد دی گئی تھی ، 1948 کے بعد بھارت نے نہ صرف حیدر آباد پر قبضہ کر لیا تھا جس کے بعد بھارتی موقف تھا کہ ریاست نے بھارتی حکام کی رضامندی کے بغیر امداد دی تھی تاہم انگلش ہائی کورٹ یہ فیصلہ دیا ہے کہ ریاست حیدرآباد اس وقت ایک آزاد اور خودمختار ریاست تھی اس لیے پاکستان کام موقف درست ہے ۔
کیس کے ثبوت برطانوی ائرکائیو اور انیٹلی جنس اداروں کی رپورٹ اور حکومتی دستاویزات سے لے گئے تھے تاہم بھارتی ہٹ دھرمی نے ان ثبوتوں کو ماننے سے انکار کر دیا تھا ۔
اب بھارتی دراخوست مسترد ہونے کے بعد پاکستان کو نہ صرف 35 ملین پاونڈ بلکہ کیس پر آنے والے اخراجات بھی مل جائیں گے، حیدر آباد فنڈز ویسٹ منسٹر بنک میں کمشنر آف پاکستان کے نام سے رکھے گے تھے ۔
دفتر خارجہ کا کہنا تھا کہ پاکستان بھارت سے ایک ایک پائی وصول کریگا اور اگر بھارت اپیل میں گیا تو پاکستان اس کے لیے تیار ہے ۔
چندی گڑھ: بھارتی وزیر اعظم نریندر مودی نے یوگا کے عالمی دن کے موقع پر ہزاروں افراد کے ساتھ یوگا کیا۔
تفصیلات کے مطابق بھارت میں یوگا کا دوسرا عالمی دن منایا گیا۔ پورے بھارت میں لاکھوں افراد گھروں سے باہر نکل آئے اور سڑکوں اور پارکوں میں اجتماعی یوگا کی گئی۔
یوگا کا عالمی دن آسٹریلیا میں بھی سڈنی اوپیرا ہاؤس میں منایا گیا جبکہ کابل میں بھارتی سفارتخانے کے عملہ نے بھی مقامی و غیر ملکی افراد کے ساتھ یوگا پریکٹس میں حصہ لیا۔
اس موقع پر بھارتی وزیر اعظم نے سفید ٹریک سوٹ نصب کیا ہوا تھا۔
یوگا کے بعد مودی نے حاضرین سے خطاب بھی کیا جس میں انہوں نے یوگا کو اپنی زندگی کا حصہ بنانے پر زور دیا۔ اس اجتماعی یوگا میں طلبا اور فوجیوں سمیت مختلف شعبہ فکر سے تعلق رکھنے والے افراد نے شرکت کی۔
مودی کابینہ کے مختلف وزرا نے بھی مختلف شہروں میں یوگا کی اجتماعی مشقوں میں شرکت کی۔
واضح رہے کہ بھارت نے یوگا کے فوائد کو اجاگر کرنے کے لیے اس کا عالمی دن منانے کی درخواست کی تھی جسے منظور کرتے ہوئے اقوام متحدہ نے 21 جون کو یوگا کا عالمی دن قرار دیا تھا۔
گزشتہ برس مختلف ممالک میں ہزاروں افراد نے اس دن کو منانے کے لیے سڑکوں پر یوگا کی جس میں اقوام متحدہ کے جنرل سیکریٹری بان کی مون بھی شامل تھے۔
بھارت میں بھی گزشتہ برس وزیر اعظم نریندر مودی نے اجتماعی یوگا کی بنیاد ڈالی۔ ان کے مطابق ان کے اس اقدام کا مقصد بھارت کی قدیم ثقافت کے ایک حصہ کو زندہ کرنا ہے۔
بھارت میں اس مقصد کے لیے خاص طور پر وزارت بھی تشکیل دی جاچکی ہے جسے وزارت آیوش کہا جاتا ہے۔ اس وزارت کا کام ملک بھر میں یوگا کے فروغ کے لیے اقدامات کرنا ہیں۔
گزشتہ برس منائے جانے والی یوگا کے عالمی دن پر بھارتی فوج نے سیاچن گلیشیئرز پر بھی یوگا کی تھی۔
بیجنگ : چینی وزارت خارجہ کا کہنا ہے کہ نیوکلئیر سپلائرز گروپ میں نئے ممالک کی شمولیت کے معاملے پر رکن ممالک میں اب تک اختلاف رائے پایا جاتا ہے جب کہ سیؤل میں ہونے والے اجلاس کے ایجنڈے میں بھارت شامل نہیں ہے.
تفصیلات کے مطابق چین کے وزارت خارجہ کے ترجمان ہوا چنینگ کا کہنا ہے کہ نیوکلئیر سپلائرز گروپ کے رکن ممالک جوہری عدم پھیلاؤ کے معاہدے (این پی ٹی ) پر دستخط نہ کرنے والے ممالک کے معاملے پر اب بھی تذبذب کا شکار ہیں.
اُن کا کہنا تھا کہ امید ہے کہ رکن ممالک موثر بات چیت کے بعد کسی حتمی نتیجے پر پہنچیں گے تاہم سیؤل میں ہونے والے اجلاس کے ایجنڈے میں بھارت کی رکنیت کا معاملہ شامل نہیں ہے.
انہوں نے کہا کہ این ایس جی اجلاس میں کسی نئے رکن کو شامل کرنے کے حوالے سے کوئی موضوع زیر بحث نہیں تاہم جوہری عدم پھیلاؤ کے معاہدے پر دستخط نہ کرنے والے ممالک کو این ایس جی میں شامل کرنے پرہمیں تحفظات ہیں.
یاد رہے کہ دو روز قبل بھارتی وزیرخارجہ سشما سوراج نے دعویٰ کیا تھا کہ چین این ایس جی گروپ میں بھارت کی شمولیت کا مخالف نہیں ہے.
واضح رہے کہ بھارتی سیکرٹری خارجہ جے شنکر نے سولہ اورسترہ جون کو چین کا غیراعلانیہ دورہ بھی کیا تھا جس میں انہوں نے بھارت کو نیوکلئیر سپلائرز گروپ میں شامل کرنے کے لیے چین کو قائل کرنے کی کوشش کی تھی.
نئی دلی: برطانوی وزیراعظم ڈیوڈ کیمرون نے بھارتی وزیراعظم نریندر مودی کو نیوکلیئر سپلائرز گروپ میں شمولیت کے حوالے سے مکمل تعاون کی یقین دہانی کرائی ہے.
تفصیلات کے مطابق برطانوی وزیراعظم ڈیوڈ کیمرون نے اپنے بھارتی ہم منصب نریندر مودی کو ٹیلیفون کرکے نیوکلیئر سپلائرز گروپ میں شمولیت کے حوالے سے مکمل تعاون کی یقین دہانی کرائی ہے۔
برطانوی وزیراعظم ہاؤس کے ترجمان کا کہنا ہے کہ ڈیوڈ کیمرون نے بھارتی وزیراعظم نریندر مودی کو ٹیلیفون کیا جس میں انہوں نے بھارت کی جانب سے نیوکلیئر سپلائرز گروپ میں رکن ممالک کی حیثیت سے شمولیت کی درخواست پر برطانیہ کے مکمل تعاون کا یقین دلاتے ہوئے کہا کہ نیوکلیئر سپلائرز گروپ میں شمولیت حاصل کرنے کے لیے انتہائی ضروری ہے کہ بھارت ایٹمی عدم پھیلاؤ کی شرائط پر سختی سے عمل پیرا ہو.
یاد رہے کہ امریکا پہلے ہی نیوکلیئر سپلائرز گروپ میں شمولیت کے لیے بھارت کو تعاون کی یقین دہانی کراچکا ہے.
چین کااس سے قبل بھارت کی جانب سے نیو سپلائر گروپ کی ممبرشپ پر کہناتھا کہ اگر بھارت ممبر بنے گا تو پاکستان کو بھی بنانا چاہیے ورنا دونوں ممالک سے کسی کو بھی ممبر شپ نہ دی جائے.
واضح رہے کہ رواں ماہ کے آخر میں جنوبی کوریا کے دارالحکومت سیول میں نیوکلیئر سپلائرز گروپ کا اجلاس منعقد ہوگا جس میں بھارت اور پاکستان کی رکنیت کے حوالے سے فیصلہ کیا جائے گا.
نئی دہلی: بھارت کو پولیو فری ملک قرار دیے جانے کے بعد حکومت نے ایک ہنگامی انسداد پولیو مہم کا اعلان کیا ہے۔ حکام کے مطابق بعض جگہوں پر پولیو وائرس کی موجودگی دیکھنے میں آئی ہے جو موجودہ انسداد پولیو اقدامات سے ختم نہیں ہوگی۔
تاحال کوئی پولیو کا کیس باقاعدہ طور پر سامنے نہیں آیا۔ حکام کا کہنا ہے کہ معمول کی چیکنگ کے دوران چند جنوبی ریاستوں میں اس وائرس کی موجودگی کے آثار ملے ہیں۔ ان جگہوں پر پہلے ہی ہزاروں بچوں کو انسداد پولیو کی ویکسین دی جا چکی ہے۔
سری نواس کے مطابق کمزور قوت مدافعت والے بچوں کے لیے ایک اور خصوصی اور مؤثر انسداد پولیو مہم شروع کی جارہی ہے۔
عالمی ادارہ صحت ڈبلیو ایچ او نے 2014 میں بھارت کو پولیو فری ملک قرار دیا تھا تاہم پاکستان اور افغانستان میں پولیو وائرس کی موجودگی کے باعث بھارت کو دوبارہ اس وائرس کے خطرے کا سامنا ہے۔
