Tag: بھارت

ممبئی: معروف اداکارہ نرگس فخری نے فلم ‘ہاوس فل تھری’ کی کامیابی کے لیے نیک تمناؤں کا اظہار کرتے ہوئے فلم کے پروڈیوسر ساجد نادیہ والا سے فلم کی پروموشن میں شامل نہ ہونے پر معذرت کرلی.

تفصیلات کے مطابق اداکارہ ان دنوں نیویارک میں مقیم ہیں جبکہ اداکارہ کے ترجمان کا کہنا تھا کہ ان کی طبیعت ٹھیک نہ ہونے کی وجہ سے وہ فلم ہاوس فل تھری کی پروموشن میں شامل نہیں ہیں.

ان کا کہنا تھا کہ اداکارہ کےگذشتہ سال بیک وقت تین فلموں میں کام کرنے کی وجہ سے ان کی صحت کافی متاثر ہوئی ہے اور یہی وجہ ہے کہ وہ ان دنوں چھٹیوں پر ہیں،

انہوں نے کہا کہ اداکارہ فلم ‘اظہر’ کی پروموشن کے دوران بہت بیمار تھی جس کے بعد انہیں ڈاکٹرز کی جانب سے آرام کرنے کی ہدایات کی گئی تھی، اور اسی وجہ سے نرگس فخری نے ‘ہاوس فل تھری’ کے پروڈیوسر سے کہا تھاکہ وہ ایک مہینے کےلیے نیویارک اپنے گھر جاناچاہتی ہیں تاکہ وہ صحت یاب ہوسکے.

اداکارہ کے بارے میں قیاس آرائیاں کی جارہی تھی کہ وہ اپنی فلم ‘بینجو’ کی شوٹنگ چھوڑ کر چلی گئی ہیں جس پر اداکارہ کے ترجمان کا کہنا تھا کہ وہ جون میں واپس آکر اپنی فلم کی شوٹنگ مکمل کریں گی.

واضح رہے کہ نرگس فخری ادے چوپڑہ سے علیحدگی کی افواہوں کے بعد اچانک نیویارک روانہ ہو گئی تھی.

ممبئی : بھارتی اداکار اوم پوری کا کہنا تھا کہ ان کی آنےوالی فلم کی کہانی دو دوستوں پر مبنی ہے، جن کا تعلق ہندوستان اور پاکستان سے ہے.

تفصیلات کے مطابق بالی ووڈ کے سُپراسٹار اوم پوری مستقبل میں پاکستان میں بننے والی فلم میں جلوہ گر ہونگے، جبکہ ابھی اداکار بھارت میں ایک فلم کی شوٹنگ میں مصروف ہیں، فلم دو دوستوں پر بنائی جارہی ہے.

اداکار اوم پوری بھوپال میں اسی فلم کی شوٹنگ کے دوران بھاگتے ہوئے زخمی ہوگئے، اداکار نے فلم کے بارے میں بتاتے ہوئے کہا کہ فلم بھارت میں بنائی جارہی ہے، فلم کا نام پاکستان اور لندن ہے، فلم دو دوستوں کی کہانی پر بنائی جارہی ہے دونوں کا تعلق بھارت اور پاکستان سے ہے. فلم کے ڈائریکٹر کا تعلق دبئی سے ہے.

اوم پوری کے مداحوں کو بے صبری سے ان کی آنے والی فلم کا انتظار ہے،فلم بھارت اور پاکستان کے دوستوں پر بنائی جارہی ہے.

یاد رہے اداکار اوم پوری کا شمار ان لوگوں میں ہوتا ہے جو دونوں سرحدوں کے پار اپنی دلچسپی رکھتے ہیں، اور پاک بھارت بہتر تعلقات کے خواہاں ہیں.

ممبئی : بالی وڈ کی معروف اداکارہ سری دیوی نے 4 سال کی عمر میں بطور چائلڈ آرٹسٹ ہندی سنیما میں کام شروع کیا،1978ء میں پہلی بار بالی وڈ فلم’’سولہواں ساون‘‘میں بطور مرکزی اداکارہ جلوہ گرہوئیں، یہاں اداکارہ کی کچھ یادگار تصاویر مداحوں کے لئے شئیر کی گئی ہیں.

بالی ووڈ اداکار اور پروڈیوسر سنجے کپورکی بیوی ماہیپ کپور کی جانب سے ان کی شادی کی شئیر کی گئی تصویر جس میں سری دیوی خوشگوار لمحات سے لطف اندوز ہورہی ہیں.

اس تصویر میں سری دیوی اپنی دونوں بیٹیوں اور شوہر بونی کپور، دیور انیل کپور، سونم کپور،سنجے کپور ودیگر کے ہمراہ مسکراتے ہوئے نظر آرہی ہیں.

یہاں سری دیوی کو ان کے شوہر اور بیٹی کے ساتھ 1999 میں مادری دیکشیت کی شادی میں شرکت کرتے ہوئے دیکھا جاسکتا ہے.

یہ تصویر یش چوپڑا کی سالگرہ پر لی گئی تھی جس میں اداکارہ یش چوپڑا کے ساتھ فلم کے شاٹ پر بات کرتے ہوئے نظر آرہی ہیں.

سری دیوی نے چارسال کی عمر میں بطور چائلڈ آرٹسٹ اپنے فلمی کیرئیر کا آغاز گیا، اس تصویر میں اداکارہ کو اپنے والدین کے ساتھ دیکھا جاکستا ہے، یہ تصویر سری دیوی کے مداح کی جانب سے شئیر کی گئی ہے.

یہاں سری دیوی 35 ویں فلم فئیر تقریب کے دوران ریشمی ساڑی میں ملبوس اداکارہ فلم چال باز میں بہترین اداکاری پر امیتابھ بچن سے ایوارڈ لے رہی ہیں.

ممبئی: بالی ووڈ اداکار رندیپ ہوڈا کا کہنا ہے کہ ان کی آنے والی فلم سربجیت پاکستان مخالف نہیں ہے، فلم صرف ایک مقتول قیدی کی زندگی پر بنائی گئی ہے.

تفصیلات کے مطابق بالی ووڈ اداکار رندیپ ہوڈا کی نئی آنے والی فلم ریلیز ہونے سے قبل ہی بھارت اور پاکستان میں ان دنوں توجہ کا مرکز بنی ہوئی ہے تاہم حساس موضوع کی وجہ سے فلم کے حوالے سے قیاس آرائیاں کی جارہی ہے کہ فلم سربجیت میں پاکستان کومنفی انداز میں دکھایا جائے گا، جبکہ رندیپ ہوڈا نے ان کی فلم کے حوالے سے کی جانے والی باتوں کو مسترد کرتے ہوئے کہا کہ ان کی فلم پاکستان مخالف نہیں ہے.

انہوں نے کہا کہ ان کی فلم میں پاکستان پر تنقید نہیں کی گئی ، اس میں قیدیوں پر ہونے والے مظالم کو دکھایا گیا ہے، انہوں نے کہا کہ اگر آپ کسی کو اسکی قومیت کی وجہ سے سزا دیتے ہو نا کہ اس کے جرم کی وجہ سے چاہے وہ بھارت میں ہو یا پاکستان میں غلط ہے اور اس کی مخالفت کرنی چاہیے.

بالی ووڈ اداکار کا کہناتھا کہ فلم میں ایک شخص کو دکھایا گیا ہے کہ کس طرح وہ پاکستان اور بھارت کے درمیان کشیدگی کا شکار بن جاتا ہے.

انہوں نے کہا کہ فلم پاکستان کی ایک جیل پر مبنی ہے، لیکن اس میں پاکستان مخالف کوئی بات نہیں ہے، اس میں صرف ایک ایسے شخص کو دکھایا گیا ہے کہ وہ کس طرح پاکستان اور بھارت کے درمیان سیاسی کشیدگی کا شکار بنتا ہے.

یاد رہے کہ سربجیت سنگھ بھارتی فوجی تھا جو پاکستان کے شہر لاہور کی کوٹ لکپت سزائے موت کا قیدی تھا،سربجیت سنگھ پر مئی 2013 میں جیل میں موجود دو قیدیوں کی جانب سے حملہ کیاگیا جس کے بعد سربجیت ہلاک ہوگیا تھا.

ایشوریا رائے بچن اور رچاچڈا فلم میں رندیپ ہوڈا کے ہمراہ جلوہ گر ہیں.