Tag: بھارت

نئی دہلی: بھارت میں پانی کی قلت نے خوفناک بحران کی شکل اختیارکرلی ہے جس کے سبب ڈٰیموں سے پانی کی چوری کو روکنے کے لیے مسلح گارڈ تعینات کیے جارہے ہیں۔

تفصیلات کے مطابق بھارت میں موسم گرما میں جہاں سورج اپنے جوبن پر ہے وہیں خشک سالی کی وجہ سےپانی کی قلت بھی عروج پرہے. گرمی کی شدت سے بچنے کے لئے جہاں نوجوان ڈیم میں تیراکی کرنے کے لیے تیار ہیں جب کہ کچھ قریبی دیہات کے رہائشی پانی کی چوری کے مواقع ڈھونڈ رہے ہیں جن سے نمٹنے کے لیئےاسلحہ بردارسپاہی چوکنے کھڑے ہیں تاکہ خشک سالی کے باعث بچے کچے آبی ذخیرے سے پانی کی سپلائی طے شدہ پلان کے مطابق جاری رہے۔

بھارتی حکومتی حکام کا کہنا ہے کہ گذشتہ دوسالوں سے مون سون بارشیں نہ ہونے کے باعث ملک خشک سالی کا شکار ہے۔ پانی کا بحران شدت اختیار کرتا جا رہا ہے۔ مدھیہ پردیش کے چار ڈیمز پہلے خشک ہوچکے ہیں۔ اس لیےہزاروں لوگوں کو پانی ٹینکرز کے ذریعے سپلائی کیا جارہا ہے تاہم یہ ایک ناکافی اقدام ہے۔

ڈیمز کی حفاظت پر معمور چیف سیکیورٹی آفیسرپریتم سروہی نے فرانسیسی خبررساں ادارے کو بتایا کہ ہم دن میں چوبیس گھنٹے ڈیمز کی حفاظت کر رہے ہیں۔ ریاست تکم گڑھ میں پانی سونے بھی زیادہ قیمتی ہوگیا ہے۔ تکم گڑھ کے لاکھوں رہائشی ہرچاردن بعد بہ مشکل دو گھنٹے ہی پانی حاصل کر پارہے ہیں۔ حکومت طلب و رسد کی کمی دور کرنے کے لیے کنویں بھی تعمیر کروا رہی ہے۔

تکم گڑھ کی خاتون میئرنے اے ایف پی کو بتایا کہ ہمیں پانی کی شدید قلت کا سامناہے، تاہم ہماری پوری کوشش ہے کہ ہر ایک شہری کو پانی مل سکے۔ہم دعاگو ہیں کہ بارشیں ہوں اور ڈیمز کی سطح بلند ہو تاکہ ہر ایک شہری کو بآسانی پانی مل سکے۔

یاد رہے بھارت ان ممالک میں شامل ہیں جن کو شدید پانی کی کمی کا سامنا ہے۔ جس کے باعث پانی کی چوری اور نقص امن کا خطرہ بڑھتا جارہا ہے۔ ڈیمز پر حفاطتی اقدامات تو کر لیے گئے ہیں لیکن بارانِ رحمت کے لیے سب کی نگاہ آسمان کی جانب ہے۔

سیالکوٹ: بھارت نےایک درجن سے زائد لیزر دیواریں پاکستان کی سرحد کے ساتھ آپریشنل کردیں، لیزردیواروں کے ذریعے سیکورٹی کو موثر بنانے اور بھارتی سرحد میں مداخلت کو روکا جاسکے گا.

بی ایس ایف کی جانب سے ٹائمز آف انڈیا کو بتایا گیا ہے کہ آٹھ لیزر دیواریں لگائی گئی ہیں جن میں سے تین بنجاب بارڈر کے ساتھ جب کہ چار آئندہ کچھ دنوں میں لگائی جائیں گی ان لیزردیواروں کو بین الاقوامی سرحد سمیت حساس علاقوں کی نگرانی کو موثر بنانا اور ساتھ ہی بیرونی مداخلت کو روکنا ہے۔

لیزر دیواریں جموں کشمیر، پنجاب، گجرات، راجستھان میں لگائیں جائے گیں جس کی نگرانی بھارتی بارڈر فورس بی ایس ایف کرے گی۔

ان لیزر دیواروں کو لگانے کا فیصلہ بی ایس ایف کی جانب سے دو سال پہلے ہی کرلیا گیا تھا ان علاقوں میں سرحد کے خطرے کو نظر میں رکھتے ہوئے۔

پٹھان کوٹ حملے کے بعد یہ شبہ تھا کہ دہشت گردوں نے پنجاب میں بمیال علاقے سے سرحد کی خلاف ورزی کی، جس کے بعد مرکزی وزارت داخلہ اور بی ایس ایف نے سرحد کے ساتھ ان دیواروں کو نصب کرنے کا فیصلہ کیا.

مزید 45 لیزر دیواروں کو پاک بھارت سرحدی علاقوں میں نصب کیا جائےگا.جس سے حساس علاقوں کی نگرانی سمیت بین الاقوامی بارڈرز پر مداخلت کو روکا جاسکے گا.

تکنیکی ماہرین کی ٹیم کے ساتھ بی ایس ایف سرحدوں پر سیکورٹی کے نظام کو موثر بنانے کے لئے کام کرے گی تاکہ دہشتگردی کی کاروائیوں کو روکا جاسکے.

"لیزر دیواروں نے کام کرنا شروع کر دیا ہے اور ان کے ذریعے نگرانی کی جا رہی ہے. غیر قانونی نقل و حرکت کا پتہ لگانے میں ابتدائی طور پر نتائج حوصلہ افزا ہیں،