Tag: شیخ رشید

لاہور : وفاقی وزیر ریلوے شیخ رشید کا کہنا ہے کہ عمران خان نیب کیسز، این آراوسے ہٹ کر اپوزیشن سے بات چیت کیلئے تیار ہے، نوازشریف،مریم نے جوبیانات دیئے وہ عمران خان کی خدمت ہے۔

تفصیلات کے مطابق وفاقی وزیر ریلوے شیخ رشید نے اپنے بیان میں کہا کہ جو حال دیگرممالک کا ہے پاکستان کا ہوا تو معیشت بیٹھ جائے گی، عمران خان کہیں نہیں جارہا وہ 5سال پورے کرے گا۔

وفاقی وزیر ریلوے کا کہنا تھا کہ پورے جی بی کا ووٹ میرے حلقے سے تھوڑا کم ہے ،اپوزیشن جی بی کے ووٹ سے مطمئن نہیں تو اللہ ہی ان کاحافظ ہے، دیکھاجائے تو آزادامیدواروں نے جی بی کا الیکشن جیتا ہے۔

شیخ رشید نے اپوزیشن کے حوالے سے کہا کہ قوم سمجھتی ہے جلسوں سے کچھ نہیں نکلنا ، آپ قوم کو بند گلی کی طرف لیکر جارہےہیں، نوازشریف،مریم نے جو بیانات دیئے وہ عمران خان کی خدمت ہے۔

ان کا کہنا تھا کہ پاک فوج کوپاکستان کے کسی مسئلےسے نکالا نہیں جاسکتا، آرمی چیف نے 4بار کہا ہے کہ جس کی بھی حکومت ہوگی ساتھ چلیں گے۔

وفاقی وزیر نے مزید کہا عمران خان نیب کیسز، این آراوسے ہٹ کر اپوزیشن سے بات چیت کیلئے تیار ہے ، مجھے امید ہے سیاست کا جنازہ نہیں نکلے گا اور حکومت کیساتھ اپوزیشن کا ڈائیلاگ شروع ہوگا، حکومت مذاکرات میں نہیں ہوگی تو اس کی کیا اہمیت ہوگی۔

کراچی: وفاقی وزیر ریلوے شیخ رشید کا کہنا ہے کہ شہبازشریف نے جو بویا وہ کاٹ رہے ہیں، جیل میں رونقیں لگنے والی ہیں، دسمبر جنوری میں کرپشن میں ملوث لوگ جیلوں میں ہوں گے اور فروری میں زبردست سیاست ہوگی۔

تفصیلات کے مطابق وفاقی وزیر ریلوے شیخ رشید نے اے آر وائی نیوز سے خصوصی گفتگو کرتے ہوئے شہباز شریف کی گرفتاری پر ردعمل دیتے ہوئے کہا کہ ایسا تو ہوتا ہے ایسے کاموں میں، جو کچھ ہونا ہے وہ ہو کر رہے گا، یہ اپنے کرتوتوں کی وجہ سے گرفتار ہوئے ہیں۔

وفاقی وزیر ریلوے کا کہنا تھا کہ شہبازشریف نے جو بویا وہ کاٹ رہے ہیں، اب یہ گیم گزشتہ 3 سے 4 دن سے جاری ہے، یہ جمہوریت کی آزادی کی بات نہیں، اپنے کرتوتوں کی وجہ سے اندر گئے۔

شیخ رشید نے کہا جیل میں رونقیں لگنےوالی ہیں ، یہ سب جیلوں میں ہونگے، فروری میں زبردست سیاست ہوگی، ن لیگ سے ط بھی نکل سکتی ہے تاہم کوئی این آر او نہیں دیا جائے گا۔

اس سے قبل کراچی میں ریلوے کیمپ افس میں پریس کانفرنس کرتے ہوئے شیخ رشید کا کہنا تھا کہ تیس دسمبر تک جھاڑو والی بات سچ ہوگئی ہے زرداری اور فریال پر فرد جرم عائد ہوچکی ہے نجانے کیوں بلاول میراسامنا کرنے سے گھبراتا ہے۔

لاہور : وفاقی وزیر ریلوے شیخ رشید کا کہنا ہے کہ دونوں پارٹیاں این آراوکی تلاش میں ہیں،نوازشریف کو لانا آسان کام نہیں ، خواہش ہے آجائے، وہ اتنا بھولا نہیں کہ شہبازشریف جیسی غلطی کرے گا۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا ہے کہ عمران خان 5 سال پورے کرے گا، مزدوروں کو تنخواہ مل رہی ہے، ریلوے میں بائیو میٹرک نظام نہیں لگنے دیا گیا، اب حاضری کے لیے کیمرے لگانے پر غور کررہے ہیں، ریلوے میں کانٹریکٹ ملازمین کومستقل کرنے جارہے ہیں۔

وفاقی وزیر ریلوے کا کہنا تھا کہ دونوں پارٹیاں این آراوکی تلاش میں ہیں، عمران خان کچھ بھی کرسکتا ہے لیکن این آراو نہیں دے گا، نوازشریف کو لانا آسان کام نہیں ، خواہش ہے آجائے، کیس لڑے ۔

شیخ رشید نے کہا کہ نواز شریف اتنا بھولا نہیں کہ شہبازشریف جیسی غلطی کرے گا، شہباز شریف جیسی ایک قربانی کافی ہے، نواز شریف کے جانے پر عمران خان پہلے ہی پچھتا رہا ہے۔

ان کا کہنا تھا کہ اپوزیشن کےرنگ پسٹن بیٹھ چکے ہیں،انجن دھواں دےرہاہے، مریم نے جتنے پتھر مارے وہ شہبازشریف کی سیاست کو لگے ، شہبازشریف اور حمزہ شہبازشریف کا کیس گہرے پانی میں ہے۔

وفاقی وزیر نے مزید کہ کہ ایک سال تک انہوں نے خاموشی اختیار کی، ایک سال تک ان کا ٹوئٹ زنگ آلود رہا ،ایک سال سگنل نہیں ملا، ایک سال بعد ٹوئٹ سگنل کھلا تو شہبازشریف کو ٹھا کرکے لگا ۔

شیخ رشید کا کہنا تھا کہ بزدار قائم ہے عمران خان اس کےساتھ ہے، مردہ اپوزیشن عمران خان کا کچھ نہیں بگاڑ سکتی ہے ،یہ اپوزیشن تھکی ہوئی ہے ، کچھ نہیں کرسکتی، محرم کے بعد بھی اے پی سی نہیں دیکھ رہا۔

انھوں نے جہانگیر ترین کی واپسی کے حوالے سے کہا کہ جہانگیرترین واپس آئے گا، وہاں کیا کرے گا۔