Tag: شیخ رشید

اسلام آباد: وزارتِ ریلوے نے ریلوے کے تمام اسپتالوں کو اپ گریڈ کرنے کا فیصلہ کر لیا ہے۔

تفصیلات کے مطابق وفاقی وزیر برائے ریلوے شیخ رشید احمد نے ریلوے اسپتالوں کی اپ گریڈیشن سے متعلق مشاورت شروع کر دی۔ وفاقی وزیر نے اس سلسلے میں وزیر اعظم کے معاون خصوصی ڈاکٹر ظفر مرزا سے ملاقات کی۔

اس ملاقات میں ریلوے کے اسپتالوں میں سہولتیں بڑھانے پر مشاورت کی گئی، اور وزارت ریلوے کی جانب سے معاونت پر تبادلۂ خیال کیا گیا۔

یاد رہے کہ شیخ رشید نے موجودہ حکومت میں ریلوے وزارت سنبھالتے ہی عندیہ دیا تھا کہ ریلوے کے اسپتالوں اور اسکولوں کی نج کاری کے لیے ہم تیار ہیں۔

یہ بھی پڑھیں:  ریلوے اسپورٹس کی گرانٹ 5 کروڑ، 4 نئی ٹرینیں چلانے کا اعلان

پانچ دن قبل شیخ رشید نے لاہور میں ریلوے ہیڈکوارٹرز میں منعقدہ اجلاس کی صدارت کرتے ہوئے اعلان کیا کہ ریلوے اسپورٹس کی گرانٹ 5 کروڑ کی جا رہی ہے، انھوں نے کہا کہ آیندہ سال اسپورٹس گرانٹ 10 کروڑ روپے کر دی جائے گی، ریل کی نوکریوں میں کھلاڑیوں کا کوٹہ ہوگا، کھلاڑیوں کی تقرریاں میرٹ پر کی جائیں گی۔

انھوں نے تقریب میں کہا کہ نئے سال میرا ہدف ہے کہ فریٹ اور ٹریک پر کام کیا جائے، اور ریلوے کی زمینیں استعمال میں لائی جائیں، مسافروں کے لیے اسٹیشن اور سہولتوں کو مزید بہتر بنایا جائے، 4 نئی ٹرینیں چلانے اور 4 نئی فریٹ ٹرینوں کی پیش کش بھی کرنے جا رہے ہیں، 7 ٹرینیں نجی سیکٹرز کو دینے جا رہے ہیں، جب کہ ایم ایل ون کا اس شان سے افتتاح کریں گے کہ میرے بعد بھی یاد رہے گا۔

راولپنڈی: وفاقی وزیر ریلوے شیخ رشید احمد کا کہنا ہے کہ نوازشریف کے لندن میں پلیٹ لیٹس اوپرنیچے نہیں ہو رہے، نوازشریف کے پلیٹ لیٹس لندن والے ہی تھے۔

تفصیلات کے مطابق راولپنڈی میں تقریب سے خطاب کرتے ہوئے وفاقی وزیر شیخ رشید نے کہا کہ میں تمام لوگوں کاشکرگزارہوں کہ بھارتی مسلمانوں کی آواز سے آواز سے ملائی، بھارت کے اقدام کے خلاف راجہ بازار سے لاکھوں افراد کی ریلی نکالیں گے۔

شیخ رشید نے کہا کہ شاید وہ وقت آگیا ہے کہ بھارت پاکستان کی سرحدوں کو چھیڑے، اگر بھارت نے سرحدوں پر چھیڑ چھاڑ کی تو راولپنڈی تیار ہے، راولپنڈی غیرت مندوں کا شہر ہے، اپناحق ادا کرے گا۔

وفاقی وزیر نے کہا کہ ایک سے ڈیڑھ ماہ سیاست کے لیے بہت اہم ہے، ایک سے ڈیڑھ ماہ کے دوران عمران خان حالات پر قابو پالیں گے۔ انہوں نے کہا کہ نوازشریف کے لندن میں پلیٹ لیٹس اوپرنیچے نہیں ہو رہے، نوازشریف کے پلیٹ لیٹس لندن والے ہی تھے۔

مشرف کو غدار قرار دیا گیا مگر چوروں اورلٹیروں کو ضمانتیں مل رہی ہیں، شیخ رشید

یاد رہے کہ گزشتہ ہفتے وفاقی وزیر ریلوے شیخ رشید احمد کا کہنا تھا کہ پرویز مشرف کو غدار قرار دیا گیا مگر چوروں اور لٹیروں کو ضمانتیں مل رہی ہیں۔

اسلام آباد: وزیر ریلوے شیخ رشید نے کہا ہے کہ آصف زرداری اور نوازشریف کی دائمی رہائی نہیں، زرداری اور مریم کوملک سے باہر جاتے نہیں دیکھ رہا،نیب سے پلی بارگین نہیں کریں گے تو بلاول کی سیاست ختم ہوجائے گی۔

تفصیلات کے مطابق وفاقی وزیر ریلوے شیخ رشید نے میڈیا سے گفتگو کرتے ہوئے کہا وزیراعظم عمران خان ہی ایم ایل ون کاافتتاح کریں گے، پی سی ون مارچ تک ہوجائےگا، کراچی سےپشاور تک کانیاٹریک ہوگا،جیوفینسنگ ہوگی، منصوبے کے تحت کراچی سے لاہور کا سفر 7 گھنٹے تک کیا جائے گا جبکہ گوجرانوالہ اورلاہورکےدرمیان ٹرین چلائی جائےگی، لاہور کے شہریوں کو مزید سہولت دیں گے۔

شیخ رشید کا کہنا تھا کہ نواز شریف کی جانب سےعدالت میں رپورٹ جمع کرائی گئی ہے، آصف زرداری،مریم،فریال تالپورکوباہرجاتا نہیں دیکھ رہا، بلاول بھٹو اس گروپ کا حصہ ہیں جن کا کیس نیب کےپاس ہے، اگر اس گروپ کا بلاول بھٹو ساتھ دیں گے تو اس کی سیاست ختم ہوجائے گی۔

وفاقی وزیر نے مزید کہا ہر جماعت کہے کہ ان کاالیکشن کمیشن ہوتواس کامطلب دال میں کالاہے ، الیکشن کمیشن سےمتعلق غیرآئینی باتیں کی جارہی ہیں ، ہمارے بارے میں دنیاکی رائے ہے، یہ خود اپنے بڑے دشمن ہیں، مذہب تو مذہب ہے، بیمار اور اسپتالوں کو معاف نہیں کیا جارہا۔

ان کا کہنا تھا پی آئی سی واقعے پر پوری قوم کا دل رنجیدہ ہے، فضل الرحمان نےیہ نہیں بتایا کہ دسمبرکونسے سال کاہے۔

بھارت کے حوالے سے شیخ رشید نے کہا مودی نے مسلمانوں کے ساتھ جو کیا پاکستان کیلئے بالآخر کھڑنا ہونا لازمی ہوگیا ہے ، مودی ہٹلر نے مسلمانوں کے لئے جینا مشکل کردیا ہے، مودی مقبوضہ کشمیر میں آگ اور خون کی ہولی کھیل رہاہے، ایسے اقدامات سےحالات جنگ کی طرف جاسکتے ہیں، نہتے و معصوم کشمیریوں کے ساتھ کھڑا ہونا ہم پر فرض ہے۔

وفاقی وزیر ریلوے کا کہنا تھا کہ آصف زرداری اورنوازشریف رہاہوئے یہ کوئی دائمی رہائی نہیں آصف زرداری کو ملک سے باہرجاتے نہیں دیکھ رہا، نیب سے پلی بارگین نہیں کریں گے تو بلاول کی سیاست ختم ہوجائے گی۔

سرگودھا: وفاقی وزیر ریلوے شیخ رشید احمد کا کہنا ہے کہ سابق صدر آصف علی زرداری کو ضمانت ملنا نیگ شگون نہیں ہے۔

تفصیلات کے مطابق وفاقی وزیر ریلوے شیخ رشید احمد کا کہنا ہے کہ وزیراعظم عمران خان کی قیادت میں ریلوے کو ٹریک پر لانے کی کوشش کر رہے ہیں۔ انہوں نے سرگودھا ریلوے کی اپ گریڈیشن کے لیے ڈیڑھ کروڑ کی گرانٹ کا اعلان کیا۔

شیخ رشید احمد نے کہا کہ آرمی چیف جنرل قمر جاوید باجودہ سے متعلق قانون ساز ی مکمل فیصلہ دیکھنے کے بعد کی جائے گی۔ وفاقی وزیر نے مزید کہا کہ آصف علی زرداری کو ضمانت ملنا نیگ شگون نہیں ہے۔

انہوں نے کہا کہ مریم نواز اور فریال تالپورکو باہر جاتا نہیں دیکھ رہا، ان کا این او سی لینا اور کابینہ سے منظوری لینا مشکل کام ہوگا۔ وفاقی وزیر نے کہا کہ جو کچھ لاہورمیں ہوا وہ قابل مذمت ہے، قائداعظم کے پیشے پردھبہ لگایا گیا، قوم واقعے پرغمگین ہے۔

3 ماہ میں مہنگائی کنٹرول ہوگی اور بجلی، گیس کے بل ٹھیک ہو جائیں گے، شیخ رشید

اس سے قبل وفاقی وزیر ریلوے شیخ رشید نے سرگودھا روانگی سے قبل میڈیا سے گفتگو سے گفتگو کرتے ہوئے کہا تھا کہ ایک سے 16 گریڈ ملازمین کی مراعات کے لیے وزیراعظم عمران خان سے بات کروں گا۔

شیخ رشید احمد کا کہنا تھا کہ ریلوے کا خسارہ 3 سال میں پورا کریں گے، حکومت گرانے کے لیےغیرجمہوری زبانیں استعمال کی جا رہی ہیں، ملک اب بہتری کی طرف جائے گا اور 3 ماہ میں مہنگائی کم ہوگی، بجلی، گیس کے بل ٹھیک ہو جائیں گے۔