Tag: شیخ رشید

کراچی : وزیر ریلوے شیخ رشید نے پندرہ دن میں سرکلر ریلوے کا کام مکمل کرنےکافیصلہ کیا ہے، سب این آر او مانگ رہے ہیں میں نے کہا تھا انھیں دے دو ، عمران خان نے کہا میں این آر او نہیں دوں گا۔

تفصیلات کے مطابق کراچی میں وزیر ریلوے شیخ رشید نے میڈیا سے گفتگو کرتے ہوئے کہا چیف سیکریٹری سندھ ، وسیم اختراورکمشنر کےایم سی کاشکرگزار ہوں ، آج چیف جسٹس گلزار صاحب کی بات پر گفتگوکی ہے، فیصلہ کیا ہے 15 دن کےاندر کے سی آر کا کام مکمل کریں گے ، چین کی سرمایہ کاری سےکےسی آرمکمل کریں گے۔

شیخ رشید کا کہنا تھا ملک سے مہنگائی اور بے روزگاری کا خاتمہ چاہتے ہیں، این آر او کے گندے انڈے گھبرائیں گے ہم نہیں۔

وزیر ریلوے نے کہا لاڑکانہ کے غریب عوام کو کیا ملا ہے ، لاڑکانہ سے زیادہ دنیا میں کہیں ایچ آئی وی کے اتنے مریض نہیں ملیں گے، کم سے کم وزیر صحت کو تو استعفیٰ دے دینا چاہیے۔

این آر او کے گندے انڈے گھبرائیں گے ہم نہیں

ان کا کہنا تھا بلاول انسدادایڈز کا اشتہار نکالیں گےتو تعاون کروں گا، مئیر کراچی بھائی ہے ،ایم کیو ایم سے اچھے تعلقات رہے ہیں، ہمیں کے سی آر کو ہر قیمت پر چلانا ہے ،ایم ایل این ون کے لیے جتنے زمین چاہیے وہ حاضر ہے ، ایم ایل ون کو اندرون سندھ سے شروع کریں گے۔

شیخ رشید نے کہا سب این آر او مانگ رہے ہیں میں نےکہاتھا انھیں دے دو ، عمران خان نے کہا میں این آر او نہیں دوں گا، ان کو عقل اور سمجھ ہے یہ اپنے ٹریک میں خود پھنسنے والے ہیں، یہ نہ ہو کہ ایسا وقت آجائے کہ ضمانتوں کی بھی اجازت نہ ہو۔

بلاول انسدادایڈز کا اشتہار نکالیں گےتو تعاون کروں گا

وزیر ریلوے کا کہنا تھا کراچی کا ایک پلاٹ فروخت کردیں توریلوے خسارے سےنکل جائے ، میری موجودگی میں ایک مرلہ فروخت نہیں ہوگا ، بلاول بھٹوکوٹرین سلیم مانڈوی والاکےکہنےپردی تھی۔

انھوں نے کہا 43 کلو میٹر میں سے بیس کلومیٹر ٹریک خالی کرالیاہے،پٹری کے دونوں طرف 50فٹ تجاوزات خالی کرا رہے ہیں، لوگوں سے اپیل ہے کہ وہ خود ریلوے کی زمین خالی کر دیں۔

شیخ رشید کا کہنا تھا سندھ کو چار ٹرین دیں گے ، ریلوے پولیس کی تنخواہیں پنجاب پولیس کےبرابر کرنے کی سفارش کی ہے ، میں نے کہا تھا کہ یہ پیسہ لگائیں گے، ریلوے کے پلاٹ لیزپر دیں گے بیچیں گے نہیں، 25سال بعد کے پی ٹی کی فریٹ ٹرین پنڈی روانہ کی۔

  ہماری بھی کوشش ہے کہ سرکلر ریلوے بحال ہو، وسیم اختر

دوسری جانب میئر کراچی وسیم اختر نے کہا 50فیصدسےزائدکراچی پرتجاوزات بنی ہیں، کچی آبادیوں میں پانی اور بجلی بھی چوری ہوتی ہے، ہماری بھی کوشش ہے کہ سرکلر ریلوے بحال ہو۔

وسیم اختر کا کہنا تھا ہم مل کر عدالت کے احکامات پر عمل کریں گے ، سپریم کورٹ چاہتی ہےکراچی کےلیےماسٹر پلان بنایا جائے، وفاقی حکومت ہمارا ساتھ دے رہی ہے ، ہم جلد سے جلد کے سی آر کاروٹ تجاوزات سےخالی کرالیں گے۔

لاہور: وزیرریلوے شیخ رشید نے کہا ڈالراورمہنگائی کےگندکامنبع نوازشریف اورزرداری ہیں، عمران خان ان کےگندکی صفائی کر رہاہے، شریف برادران پیسےنہیں دیں گے،زرداری شاید دیدے، آصف زرداری میں پیسہ واپس دینےکاحوصلہ ہے۔

تفصیلات کے مطابق وزیر ریلوے شیخ رشید نے میڈیا سے بات چیت کرتے ہوئے کہا ایم ایل ٹومنصوبےمیں غیرملکی سرمایہ کار دلچسپی لے رہے ہیں، عید پر 5 خصوصی ٹرینیں چلائیں گے، اقتدار میں آنے کے بعد 30 ٹرینیں اور7 لاکھ مسافروں کااضافہ ہوا۔

شیخ رشید کا کہنا تھا سکھر ریلوے اسٹیشن کی حالت ٹھیک نہیں ،خود دورہ کروں گا، گزشتہ 70سال میں ریلوے پر توجہ نہیں دی گئی جس سے مسائل ہوئے، ریلوے اسٹیشن کے ایک ہزار اسٹال ٹھیکے پر دینے کا فیصلہ کیاہے۔

 70 سال کی تجاوزات شیخ رشید کو جہیز میں ملی ہیں

وزیر ریلوے نے کہا ریلوے اسٹالزمیں ریلوےملازمین کی بیواؤں کاکوٹہ رکھا گیا ہے، 20اور21گریڈوالوں سےمیں مایوس ہوگیاہوں، میں 18 اور 19 گریڈ والوں کو چارج دے دوں گا۔

تجاوزات پر عدالتی فیصلے کے حوالے سے ان کا کہنا تھا سپریم کورٹ کےفیصلےکےمطابق کےسی آرروٹ پرتجاوزات ختم کریں گے، 70 سال کی تجاوزات شیخ رشید کو جہیز میں ملی ہیں ، 30 دن میں تجاوزات کے خاتمے کاحکم ملا ہے۔

اپوزیشن کوعیدکےبعدنکلنےدیں گے پتہ چل جائےگا

شیخ رشید نے کہا اپوزیشن کوعیدکےبعدنکلنےدیں گے پتہ چل جائےگا، ڈالراورمہنگائی کےگندکامنبع نوازشریف اورزرداری ہیں، مجھےتوماں کے جنازے کے لیے ضمانت نہیں ملی تھی، ان لوگوں کوتوچھٹی والےدن ضمانت مل جاتی ہے۔

وزیر ریلوے کا کہنا تھا عمران خان ان کےگندکی صفائی کررہاہے ، ہنگائی کےذمےدار40سال کےڈکیت ہیں یا9مہینےکےحکمران ہیں ، بلاول سےمتعلق سوال پر شیخ  رشید نے جواب دیا آپ کو2دلوں کی پاکیزہ محبت پسندنہیں۔

شریف برادران پیسے نہیں دیں گے، زرداری شاید دے دے

انھوں نے مزید کہا شریف برادران پیسے نہیں دیں گے، زرداری شاید دے دے، آصف زرداری میں پیسہ واپس دینےکاحوصلہ ہے، دولت چھوڑیں ان کی اپنی اولاد ان کےکام نہیں آرہی۔

سی پیک کے حوالے سے شیخ رشید کا کہنا تھا سی پیک کےخلاف سازشیں ہورہی ہیں، عالمی طاقتیں نہیں چاہتی پاکستان اورچین میں تعلقات مستحکم ہوں۔

سندھ کوایڈزکردیاگیایہ لوگ چلو بھرپانی میں ڈوب مریں

وزیر ریلوے نے کہا عمران خان کی پوری کوشش ہےکہ انہیں این آراونہ ملے، سندھ کوایڈزکردیاگیایہ لوگ چلو بھرپانی میں ڈوب مریں۔

ان کا کہنا تھا سب چوراکٹھےہونےجارہےہیں، ایک گھنٹے میں ساری اپوزیشن ختم ہوسکتی ہے ، پی ٹی آئی کہتی ہے3 ماہ میں مگر میں کہتا ہوں 3 سال میں گند ختم ہوجائےگا، ہم اس گند پر ٹوکرا رکھ سکتے تھے ہم نے اس گند کو ہٹایا ہے۔

ایک گھنٹے میں ساری اپوزیشن ختم ہوسکتی ہے

قوم کے مسئلے حل کر رہے ہیں اس میں دشواریاں ہیں ، 40 سال کے ڈکیت ذمے دار ہیں یا 9 ماہ میں حالات ٹھیک کرنے والے ؟ ہم نے جو قرضے لیے ہیں وہ ہمیں ادا کرنے ہیں ، نواز شریف اور شہباز شریف نے بڑی مشکل سے دولت لوٹی ہے۔