Tag: طالبان
-
پولیو اورڈرون حملےختم کرنےکیلئےٹی ٹی پی کوختم کرناہوگا، بلاول بھٹو
پیپلز پارٹی کےچیئرمین بلاول بھٹو زرداری نے پولیو ورکرز پر حملے کی مذمت کرتےہوئے کہا کہ پولیو اورڈرون حملےختم کرنےکیلئےٹی ٹی پی کوختم کرناہوگا۔
بلاول بھٹو زرداری نے ٹوئٹر پر اپنے پیغام میں لکھا کہ طالبان کے خاتمے سے ہی ملک میں ہونے والے ڈرون حملوں اور پولیوکا خاتمہ ہوگا۔ بلاول بھٹو کہتے ہیں کہ جب ملک کے لیڈرز ہی عوام کو مارنے والوں کے خاتمے کے حوالے سے متحد نہیں ہوں گے تو پھر قوم کیا کرے گی۔
یہ طالبان کے خلاف متحد ہوجانے کا وقت ہے۔ دوسری جانب ان کی ہمشیرہ آصفہ بھٹو زرداری کاٹوئٹر پر پیغام میں کہنا تھا حکومتِ سندھ واقعے کی تحقیقات کرکے مجرموں کو کیفرِ کردار تک پہنچائے۔
-
مذاکرات نہ کرنے والوں کے خلاف کارروائی ہوگی،چوہدری نثار
وزیرداخلہ چوہدری نثار کا کہنا ہے کہ طالبان سے مذکرات کریں گے لیکن مذاکرات نہ کرنے والوں کے خلاف کارروائی ہوگی، پاکستان میں جنگ کوئی معمولی جنگ نہیں ، خفیہ دشمن سے لڑائی ہورہی ہے، قانون نافذ کرنے والے ادارے انتہا پسندوں کا قلع قمع کرنے کے لیے اقدامات میں تیزی لائیں۔
وزیرداخلہ چوہدری نثار نے گورنر خیبرپختونخوا کے ہمراہ بنوں چھاؤنی دھماکے کے زخمیوں کی عیادت کی، اس موقع پر چوہدری نثار کا کہنا تھا حکومت طالبان سے مذاکرات کرے گی لیکن جو ڈائیلاگ پرآمادہ نہیں ہوگا ان کے خلاف کارروائی ہوگی۔
چوہدری نثار کو بنوں بریگیڈ ہیڈ کوارٹر میں بریفنگ بھی دی گئی، چوہدری نثار کا کہنا تھا کہ بنوں دھماکا انتہائی تکلیف دہ ہے، وزیراعظم سمیت پوری قوم کی ہمدردیاں شہداء کے ساتھ ہیں، پاکستان میں کوئی معمولی جنگ نہیں لڑی جارہی بلکہ ہم خفیہ دشمن کیخلاف لڑ رہے ہیں۔
بنوں چھاؤنی میں اتوار کی صبح سیکیورٹی فورسز کے قافلے پر حملے میں زخمی ہونیوالے مزید تین اہلکار دم توڑ گئے ہیں، جس کے بعد شہید اہلکاروں کی تعداد تئیس ہوگئی ہے، بنوں حملے میں شہید لانس نائیک محمد اعجاز کی تدفین آبائی علاقے میں کردی گئی۔
آرمی چیف جنرل راحیل شریف کی جانب سے شہید کی قبر پر پھولوں کی چادر بھی چڑھائی گئی، دھماکے کے بعد سے بنوں میں سیکیورٹی کے انتطامات انتہائی سخت ہیں۔
-
کابل:طالبان سے مزاکرات ، فوجی حملے بند کیے جائیں، کرزئی
افغان صدر حامد کرزئی نے امریکا سے ایک بار پھر مطالبہ کیا ہے امریکہ طالبان سے مزاکرات کرتے ہوئے ڈرون حملوں سے گریز کرے۔
صدر حامد کرزئی نے امریکہ سے مطالبہ کرتے ہوئے کہا ہے کہ باہمی سیکیورٹی معاہدے کے لیے امریکہ ڈرون حملے بند کرتے ہوئے طالبان کے ساتھ امن مزاکرات کے لیے پیشرفت کرے۔
صدر حامد کرزئی نے اس سے قبل بھی امریکہ سے مطالبہ کیا تھا کہ فوجی کارروائیوں میں عام شہریوں کی ہلاکت کے باعث مزاحمت کاروں میں اضافہ ہوتا ہے۔
کابل میں گزشتہ امریکی کاروائی کے نتیجے میں بارہ عام شہری ہلاک ہوئے تھے، جس کے ردعمل میں طالبان کی جانب سے کابل کے ایک ریسٹورنٹ میں غیرملکیوں پر حملہ کیا گیا۔
-
طالبان کی مذاکرات پر آمادگی خوش آئند ہے، منور حسن
امیر جماعت اسلامی سید منور حسن کہتے ہیں جن کو طالبان کے ساتھ مذاکرات کامینڈیٹ ملا وہ اس سے پہلو تہی کر رہے ہیں، طالبان کی جانب سے مذاکرات پر آمادگی کا اظہار خوش آئند ہے۔
لاہور میں میڈیا سے گفتگو میں سید منور حسن کا کہنا تھا کہ اب حکومت طالبان پر یہ الزام نہیں لگا سکتی کہ وہ مذاکرات نہیں چاہتے۔ امیر جماعت اسلامی نے مطالبہ کیا کہ طالبان کے ساتھ مذاکرات کیلئے وزیرداخلہ کی سربراہی میں فوری طور کمیٹی تشکیل دی جائے۔
سید منور حسن نے کہا کہ طالبان مساجد ،مدارس سمیت عبادت گاہوں پر حملے نہیں کرسکتے ۔ اسرائیلی تخریب کار ملک میں دہشتگردی کی کاروائیاں کررہے ہیں، منور حسن کا کہنا تھا کہ تبلیغی مراکز، مرحوم غازی احمد اور مولانا فضل الرحمان پر حملے کرنے والے طالبان کیسے ہوسکتے ہیں۔
-
مولانا سمیع اورفضل الرحمان مذاکرات کیلئےکچھ نہیں کرسکتے، عمران خان
چیئرمین پاکستان تحریک انصاف عمران خان کہتےہیں مولاسمیع الحق یافضل الرحمان طالبان کے ساتھ مذاکرات کےلیےکچھ نہیں کرسکتے اس کے لیے سب کوایک پیج پرآنا ہوگا۔
طالبان سے مذاکرات کااونٹ کسی کروٹ نہیں بیٹھ رہا، کبھی آپریشن کی بازگشت سنائی دینے لگتی ہے تو کبھی سوئی پھرمذاکرات پر رک جاتی ہے، عمران خان کہتے ہیں مذاکرات کانہ ہونا دشمنوں کے مفاد میں ہے، لیکن مذاکرات میں کوئی تنہا کچھ نہیں کرسکتا۔
ہری پورمیں انتخابی جلسےسے خطاب میں عمران خا ن کاکہناتھا فوج کوقبائلی علاقوں میں پھنسائے رکھنےکے خواہشمندملک کے خیرخواہ نہیں سمجھ نہیں آرہا مذاکرات کے نام پرکیاہورہاہے۔
عمران خان جلسے والا چیئرمین پاکستان تحریک انصاف کاکہناتھا پرائی جنگ کے بدلےپاکستان کوجتنی امداد ملی اس سے کئی گنا زیادہ نقصان ہوچکاہے۔
-
طالبان سے مذاکرات کرنے ہیں یا نہیں فیصلہ جلد کیا جائے، الطاف حسین
متحدہ قومی موومنٹ کے قائد الطاف حسین نے بنوں میں سیکورٹی فورسز کے قافلے پرحملے کی شدید الفاظ میں مذمت کی ہے۔ الطاف حسین نے اپنے ایک بیان میں کہاکہ بنوں دھماکے کی ذمہ داری طالبان نے قبول کرلی ہے۔
وزیراعظم اور سربراہان سر جوڑ کر بیٹھیں اور لائحہ عمل تشکیل دیں۔ الطاف حسین نے کہا کہ طالبان سے مذاکرات کرنے ہیں یا کوئی اور فیصلہ کرنا ہے اس میں جتنی تاخیر کی جائے گی اتنا ہی فوجیوں کے ساتھ ساتھ عام شہریوں کا نقصان ہوگااور حملوں میں اضافہ بھی ہوسکتا ہے۔
الطاف حسین نے بم دھماکے میں شہید و زخمی ہونے والے سیکورٹی اہلکاروں اور شہریوں کے سوگوار لواحقین سے دلی تعزیت وہمدردی کااظہارکیا اور شہداء کے بلند درجات اور زخمیوں کی جلد ومکمل صحت یابی کیلئے دعا کی ۔
-
تحریک طالبان حکومت پاکستان سے مشروط مذاکرات پر آمادہ
تحریک طالبان پاکستان نےحکومت سےمذاکرات پرآمادگی ظاہرکردی۔ ترجمان شاہد اللہ شاہد کہتے ہیں حکومت اپنااختیاراور اخلاص ثابت کرے تو بامقصد مذاکرات کےلئےتیارہیں۔ وزیراعظم کی جانب سے مقرر کیے گئے نمائندے یا فوکل پرسن مولانا سمیع الحق کی کوششیں رنگ لائیں ۔۔ یا پھر آپریشن کی زور پکڑتی بازگشت نےبات چیت کی راہ ہموار کی۔
معاملہ کچھ بھی ہو۔ طالبان نے ایک طرح سے گیند حکومت کی کورٹ میں ڈال دی ہے۔ کالعدم تحریک طالبان پاکستان کے مرکزی ترجمان شاہد اللہ شاہد کی جانب سے جاری بیان میں طالبان نے امن مزاکرات پر آمادگی ظاہر کر دی ہے۔
طالبان نے بات چیت کیلئے مشروط پیشکش کی ہے۔ شاہد اللہ شاہد کی جانب سے جاری بیان میں کہا گیا ہے کہ اگر حکومت اپنا اختیار اور اخلاص ثابت کرے تو طالبان اج بھی اپنے نقصانات کے باوجود با مقصد مذاکرات کے لیئے تیار ہیں۔ ترجمان طالبان کا کہنا ہے مذاکرات کی آڑ میں امریکہ کی مدد سے پہلے ولی الرحمان اور پھر حکیم اللہ محسود کو مارا گیا۔ حکومت مذاکرات میں سنجیدہ تھی نہ با اختیار اور نہ ہی مخلص۔ کیونکہ مذاکرات کی پیش کش کے دوران ہی صف اول کے رہنماؤں کو نشانا بنایا گیا۔
شاہد اللہ شاہد کا کہنا ہے تحریک طالبان شریعت کے نفاذ کے مطالبے سے دست بردارد نہیں ہو گی۔ طالبان سے مذاکرات کی حامی سیاسی جماعتیں تواتر سے کہتی آ رہی ہیں کہ وفاقی حکومت بات چیت میں مخلص نہیں۔ اس کے برخلاف وفاقی وزیر داخلہ چوہدری نثار اور وفاقی وزیر اطلاعات سینیٹر پرویز رشید بار بار یہ کہہ رہے ہیں کہ طالبان سے مذاکرات کیلئے ڈھائی مہینے تک سنجیدگی سےکام کیا۔ مگر امریکی ڈرون حملے میں حکیم اللہ محسود کی ہلاکت سے سب کچھ تلپٹ ہو کر رہ گیا۔ اور کالعدم تحریک طالبان پاکستان کی نئی قیادت مذاکرات پر تیار نہیں۔
اب طالبان نے مشروط طور پر مذاکرات پر آمادگی کا اعلان کردیا ہے۔ طالبان نے مشروط مذاکرات کی پیشکش ایسے وقت کی جب بنوں بم دھماکے میں چوبیس سیکورٹی اہلکاروں سمیت انتیس افراد جاں بحق ہوئے۔ اور طالبان نے اس حملے کی ذمنہ داری بھی قبول کی۔
-
طالبان نے ہمیں پہلے نہیں چھیڑا حکومت نے پہل کی ، منور حسن
امیر جماعت اسلامی سید منور حسن نے کہا ہے کہ طالبان نے ہمیں پہلے نہیں چھیڑا حکومت اور فوج نے خود چھیڑ خانی میں پہل کی۔
ان کا کہنا تھا نوازشریف کی مذاکرات میں دلچسپی کا یہ عالم ہے کہ مولانا سمیع الحق فون کر کر کے تھک جاتے ہیں وہ اٹینڈ ہی نہیں کرتے، سید منور حسن نے حکومتی پالیسیوں کو تنقید کا نشانہ بنا تے ہوئے کہا قرضہ ا سکیم میں کوئی میرٹ نہیں وزیراعظم کی بیٹی کو اس اسکیم کا سربراہ کس میرٹ کی بنیاد پر بنایا گیا۔
ان کا کہنا تھاحکومت کی نجکاری کے لیے ساری کوششیں منشا کو نوازنے کے لیے ہیں، نوازشریف نے ماضی میں بھی قومی ادارے اپنے رشتے داروں اور عزیزوں کو اونے پونے دئیے ان کا کہنا تھا نجکاری سے ملک میں بے روزگاری کا طوفان آئے گا۔،
