Tag: طالبان

جے یوآئی ف کےرہنماعبدالغفور حیدری کا کہناہےہر واقعے میں طالبان ملوث نہیں، ملک دشمن عناصر بھی دہشت گردی کر رہے ہیں۔

جے یوآئی ف اور جے یوآئی نظریاتی کے رہنماؤں نے دہشت گردی میں ملک دشمن عناصر کے ملوث ہونے کاخدشہ ظاہر کردیا، جے یوآئی ف کے رہنما عبدالغفورحیدری کہتے ہیں ہر واقعے میں طالبان ملوث نہیں، ملک دشمن عناصر بھی دہشت گردی کر رہے ہیں ۔

سکھر میں گفتگو کرتے ہوئےعبدالغفور حیدری کاکہنا تھا کراچی میں ٹارگٹ کلنگ میں کچھ حد تک کمی آئی ہے، قیام امن صوبائی حکومتوں کی ذمہ داری ہے وفاق تعاون جاری رکھے گا، کچھ جماعتوں کےعسکری ونگز ہیں جوختم کرناہوں گے۔

جے یو آئی نظریاتی کے رہنما مولانا عبدالقادر لونی کہتے ہیں پشاور تبلیغی مرکز میں دھماکا اور کراچی میں مفتی عثمان کی شہادت بلیک واٹر کی کارستانی لگتی ہے، سیکرٹری جنرل پاکستان علماءکونسل صاحبزادہ زاہد محمود قاسمی نے علما پرقاتلانہ حملوں کی مذمت کرتے ہوے کہا مفتی عثمان اور مولانا عبد الحمید پر حملے ملک کے خلاف سازش ہیں۔

مسلم لیگ ن کے رہنما حمزہ شہباز کا کہنا تھا کہ جو لوگ بات کرنا چاہتے ہیں ان سے بات ہوگی اور جو حکومتی رٹ کو چیلنج کرےگا اس سے اسی انداز میں نمٹا جائے گا۔

لاہور میں میڈیا سے بات کرتے ہوئے مسلم لیگ ن کے رہنما حمزہ شہباز نے کہا کہ وہ عمران خان سے پوچھتے ہیں کہ خیبر پختونخوا میں ان کی طالبان کے حوالے سے کیا پالیسی ہے۔

دہشتگردی کے حوالے سے عمران خان خود کنفیوز ہیں، حمزہ شہباز کا کہنا تھا کہ جو لوگ ملک کو کمزور ریاست بنانا چاہتے ہیں اس سے سختی سے نمٹا جائے گا انیس کروڑ لوگوں کو چند ہزار لوگ یرغمال نہیں بنا سکتے۔

حمزہ شہباز نے کہا کہ نیازی چوک سے بھاٹی گیٹ تک انٹر چینج بنانے سے ایک ارب روپے کے پیٹرول کی بچت ہوگی اور منصوبے کے متاثرین کو معاوضہ بھی اد ا کیا جائے گا۔
   

خورشید شاہ کاکہناہےآمریت کے ادوار میں کیے گئے اقدامات کاخمیازہ آج تک بھگت رہے ہیں کل کے مجاہدین آج کے طالبان اور دہشت گرد بن چکے ہیں۔

قومی اسمبلی میں قائد حزب اختلاف خورشید شاہ کاکہنا ہے جہاں آمروں نے حکومت کی ہو وہ ملک ترقی کیسے کرے گا۔ آمریت نے لسانیت کی بنیاد پرجماعت کی بنیاد رکھی جب کہ ذوالفقار علی بھٹو نے سولی پرچڑھ کرنئی سوچ کوجنم دی۔

خورشیدشاہ پیپلز یوتھ کے زیر اہتمام کنونشن سے خطاب کرتے ہوئےخورشید شاہ کا کہناتھا آمریت کے دورمیں کیے گئےاقدامات کاخمیازہ آج تک بھگت رہے ہیں اور حکمران طالبان سےمذاکرات کی باتیں کررہے ہیں۔

خورشید شاہ کاکہناتھا لیپ ٹاپ بانٹنے سے قوم ترقی نہیں کرے گی بلکہ قوم ترقی اس وقت کرے گی جب جوانوں کے ذہنوں میں جمہوریت کی چپ لگائی جائےکنونشن سے عبدالقادر پٹیل ،سعید سعید غنی اور دیگرنے بھی خطاب کیا۔
   

دختر پاکستان ملالہ یوسف زئی نے مطالبہ کیا ہے کہ طالبان کو انکار کرنے والی دس سالہ بچی کو تحفظ فراہم کیا جائے۔

جرمنی میں دختر پاکستان ملالہ یوسف زئی نے افغانستان کی حکومت سے مطالبہ کیا ہے کہ افغان پولیس پر خودکش حملے سے انکار کرنے والی دس سالہ لڑکی کو تحفظ فراہم کیا جائے، دس سالہ افغان لڑکی نے دعوی کیا تھا کہ طالبان نے اسے افغان صوبے ہلمند میں پولیس چیک پوسٹ پر حملے کے لیے بھیجا تھا، لیکن اس نے حملہ نہیں کیا۔
   

مولانا فضل الرحمان کہتے ہیں مذاکرات کی خاطر فریقین کو ہتھیار ڈالنا ہوں گے، الطاف حسین کا الگ صوبے کا مطالبہ بے وقت کی اذان ہے، کوئی محبِ وطن ایسے تصورات کی حمایت نہیں کرتا۔

پشاور پریس کلب میں میڈیا سے گفتگو کرتے ہوئے مولانا فضل الرحمان نے کہا کہ الطاف حسین کی جانب سے نئے صوبے کا مطالبہ بے وقت کی اذان ہے کوئی بھی محبِ وطن ایسے تصورات کی حمایت نہیں کرتا۔ 

 سابق صدر مشرف کے حوالے سے انھوں نے کہا کہ مشرف کی صحتیابی کے لئے دعاگو ہوں لیکن ان کے باہر جانے کا فیصلہ میں نہیں کوئی اور کرے گا۔ 

 ایک سوال کے جواب میں ان کا کہناتھا کہ مذاکرت کی خاطر فریقین کو ہتھیارڈالنا ہوں گے تاکہ امن قائم ہوسکے، مولانا فضل الرحمان کا کہنا تھا کہ ملکی معیشت کی بہتری کا دارو مدارامن وامان کی صورتحال پرہے