ARYNews.tv | Urdu – Har Lamha Bakhabar

Tag: فردوس عاشق اعوان

  • پیٹرولیم مصنوعات کی قیمتوں میں کمی کا فیصلہ، پیٹرول کی نئی قیمت 113.24روپے ہوگی

    پیٹرولیم مصنوعات کی قیمتوں میں کمی کا فیصلہ، پیٹرول کی نئی قیمت 113.24روپے ہوگی

    اسلام آباد : وزیر اعظم کی معاون خصوصی فردوس عاشق اعوان نے کہا ہے کہ حکومت نے پیٹرولیم مصنوعات کی قیمتوں میں کمی کا فیصلہ کرلیا ہے، پیٹرول کی نئی قیمت4روپے 15پیسےکی کمی کے بعد113.24روپے ہوگی۔

    یہ بات انہوں نے سماجی رابطے کی ویب سائٹ ٹوئٹر پر اپنے ایک پیغام میں کہی۔ انہوں نے کہا کہ عوام دوست حکومت نے عوام کو ریلیف دینے کیلئے عملی اقدام کا آغاز کردیا ہے۔

    عالمی منڈی میں تیل کی قیمتوں میں کمی کافائدہ عوام کو دیں گے، فردوس عاشق اعوان کا مزید کہنا تھا کہ نئے پاکستان کا دوسرا سال قومی ترقی عوامی فلاح وبہبود کا ہے، یہ سال وزیراعظم عمران خان کی قیادت میں ملک کیلئے نئی خوشخبریاں لے کر آئے گا۔

    معاون خصوصی نے اپنے پیغام میں بتایا کہ پیٹرول کی قیمت میں4.15روپے فی لیٹرکمی ہوگی، پیٹرول کی نئی قیمت 113.24روپے ہوگی، ہائی اسپیڈ ڈیزل کی فی لیٹرقیمت میں 7.67کی کمی کی گئی ہے، جس کے بعد ہائی اسپیڈ ڈیزل کی نئی قیمت124.80 روپے ہوگی۔

    لائٹ ڈیزل کی فی لیٹرقیمت میں 5.63روپے کی کمی گئی ہے، اب لائٹ ڈیزل کی نئی قیمت 91.89روپے تک ہوگی۔ فردوس عاشق اعوان نے مزید کہا کہ مٹی کے تیل کی قیمت4.27روپے کی کمی کے بعد نئی قیمت99.57روپے مقررہوگی۔ قیمتوں میں کمی کی منظوری وزیر اعظم دیں گے جس کے بعد نئی قیمتوں کا اطلاق یکم ستمبر سے ہوگا۔

    مزید پڑھیں: پیٹرولیم مصنوعات کی قیمتوں میں کمی کا امکان

    واضح رہے کہ آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں کمی کی سفارش کرتے ہوئے سمری حکومت کو ارسال کردی ہے۔

  • وزیراعظم کی قیادت میں کل پوری قوم گھروں سے باہرنکلے گی، فردوس عاشق اعوان

    وزیراعظم کی قیادت میں کل پوری قوم گھروں سے باہرنکلے گی، فردوس عاشق اعوان

    اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ وزیراعظم عمران خان کی قیادت میں کل پوری قوم گھروں سے باہرنکلے گی۔

    تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ انتہا پسند مودی دنیا کے امن کو تباہ کررہا ہے، مودی نفرت، ظلم اور جبر پھیلا کر انسانی زندگی کو برباد کرنا چاہتا ہے۔

    فردوس عاشق اعوان نے کہا کہ کشمیرمیں ظلم انسانی تاریخ میں بدقسمت باب کا اضافہ ہے، وزیراعظم کی قیادت میں کل پوری قوم گھروں سے باہرنکلے گی۔

    معاون خصوصی برائے اطلاعات نے کہا کہ وزیراعظم کی قیادت میں کل پوری قوم گھروں سے باہرنکلے گی، کشمیریوں سے یکجہتی کا آغاز پاکستان اورکشمیرکے قومی ترانوں سے ہوگا۔

    انہوں نے اپنے پیغام میں مزید کہا کہ وزیراعظم عمران خان مظلوم کشمیریوں کے قومی جذبات دنیا تک پہنچائیں گے۔

    کشمیر کی آزادی تک کشمیر کامقدمہ لڑتا رہوں گا، وزیراعظم عمران خان

    یاد رہے کہ تین روز قبل وزیراعظم عمران خان کا کہنا تھا کہ قوم سے وعدہ کرتا ہوں جب تک کشمیر آزاد نہیں ہوتا ہر فورم پر آواز اٹھاؤں گا اور دنیا بھر میں کشمیر کا کیس لڑوں گا۔

  • اب دنیا کو کشمیر کے لیے ڈو مور کرنا ہوگا: فردوس عاشق اعوان

    اب دنیا کو کشمیر کے لیے ڈو مور کرنا ہوگا: فردوس عاشق اعوان

    اسلام آباد: معاون خصوصی برائے اطلاعات فردوس عاشق نے کہا ہے کہ مقبوضہ کشمیر پر دنیا پاکستان کے ساتھ کھڑی ہو یا نہ ہو، عوام کھڑے ہیں، اب دنیا کو کشمیر کے لیے بھی ڈو مور کرنا ہوگا۔

    ان خیالات کا اظہار وہ اسلام آباد میں وفاقی کابینہ کے اجلاس کے بعد پریس کانفرنس میں کر رہی تھیں، انھوں نے کہا کہ ہفتے میں ایک بار پاکستان کا ہر شہری مظلوم کشمیریوں سے اظہار یک جہتی کر کے بھارت کو پیغام دے گا، وزیر اعظم جنرل اسمبلی میں بھی کشمیر کا بھرپور مقدمہ لڑیں گے۔

    فردوس عاشق اعوان نے کہا کہ پاکستان میں ہر جمعے کو کشمیریوں سے اظہار یک جہتی کیا جائے گا، اس میں حکومت، کابینہ اور عوام شامل ہوں گے، وہ دنیا جو اپنے امن کے لیے ڈو مور کرتی تھی، اب وہ کشمیر کے لیے بھی ڈو مور کرے۔

    علاوہ ازیں، کابینہ اجلاس کی تفصیلات بتاتے ہوئے انھوں نے کہا کہ وزیر اعظم کی زیر صدارت 10 نکاتی ایجنڈے پر کابینہ اجلاس ہوا، وزیر اعظم نے حکومتی سطح پر مقبوضہ کشمیر پر کیے جانے والے اقدامات پر کابینہ کو اعتماد میں لیا، کابینہ نے کشمیریوں سے اظہار یک جہتی کے لیے ان اقدامات کی توثیق کی۔

    مزید تفصیل یہاں پڑھیں:  وفاقی کابینہ اجلاس، کشمیر سمیت اہم ایشوز پر تبادلہ خیال

    معاون خصوصی نے کہا کہ کشمیر کی صورت حال پر فوکل گروپ قایم کیا جا چکا ہے، اس میں اپوزیشن کے مشاہد اللہ اور نوید قمر شامل ہیں، وزیر اعظم کشمیریوں کی آواز بن چکے ہیں، کشمیریوں کے لیے پوری قوم کا نکلنا دنیا کے لیے پیغام ہے۔

    دیگر معاملات سے متعلق پریس بریفنگ میں فردوس عاشق نے کہا کہ بیرون ملک سے ترسیلات زر پر فیس ختم کر دی گئی ہے، اب ہنڈی کی ضرورت نہیں، بغیر پیسے کے ترسیلات بھیجی جا سکتی ہیں۔

    انھوں نے ٹرانس جینڈر کے مسئلے پر بریفنگ میں خوش خبری سنائی کہ حکومت اس سلسلے میں قانون سازی کرے گی، ملک میں ٹرانس جینڈر تماش بینی کے لیے استعمال ہوا، اب خواجہ سراؤں کے لیے سہولتیں شروع کی جا رہی ہیں۔

    انھوں نے بتایا کہ اجلاس میں غریب قیدیوں کے جرمانے کی رقم ادا کرنے کی منظوری بھی دی گئی۔

  • دنیا کا کشمیر کے المیے سے لاتعلق رہنا مجرمانہ غفلت ہوگی: فردوس عاشق اعوان

    دنیا کا کشمیر کے المیے سے لاتعلق رہنا مجرمانہ غفلت ہوگی: فردوس عاشق اعوان

    اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ دنیا کا کشمیر کے المیے سے لاتعلق رہنا مجرمانہ غفلت ہوگی، تحریک انصاف میں کشمیر میڈیا سیل قائم کرنے جا رہے ہیں۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ گلے سڑے نظام سے نجات حاصل کرنے کے لیے ایک سال کم ہے، تحریک انصاف کے اصلاحاتی ایجنڈے پر ایک سال میں پیشرفت ہوئی۔

    فردوس عاشق اعوان کا کہنا تھا کہ عوام کے راستے میں آنے والی رکاوٹیں ہٹائی گئیں، اسٹیٹس کو کی اس سوچ کو وزیر اعظم عمران خان نے ختم کیا۔ مقبوضہ جموں و کشمیر میں مودی سرکار ظلم کی داستان رقم کر رہی ہے، وزیر اعظم مقبوضہ جموں و کشمیر کے مقامی اور عالمی نقطہ نظر پر قوم کو اعتماد میں لیں گے۔

    انہوں نے کہا کہ مقبوضہ کشمیر کی آواز دنیا بھر میں گونج رہی ہے اور دنیا سن رہی ہے، آج دنیا کے ضمیر کو جھنجوڑنے کی ضرورت ہے۔ دنیا اپنے معاشی اور مالی معاملات کے لیے سر جوڑ کر بیٹھی ہے۔ دنیا مودی کو مقبوضہ کشمیر میں ظالمانہ اقدام سے روکے۔ اقوام متحدہ میں مقبوضہ کشمیر پر کردار نظر آنا چاہیئے۔

    معاون خصوصی کا کہنا تھا کہ مسئلہ کشمیر عالمی معاملہ بن چکا ہے، اس سے لا تعلق نہیں رہا جا سکتا۔ آزاد کشمیر میں تحریک انصاف کا ڈھانچہ بننے جا رہا ہے۔ ہم نے طے کیا ہے کہ ہر ڈسٹرکٹ میں پارٹی کو متحرک کیا جائے گا۔

    انہوں نے کہا کہ کشمیری بڑی حسرت سے دنیا کی طرف دیکھ رہے ہیں، کشمیریوں کو ریاستی تشدد اور ذرائع مواصلات پر پابندی کا سامنا ہے۔ ہو سکتا ہے مظالم میں مودی کا نام ہٹلر سے آگے نکل جائے، دنیا کا کشمیر کے المیے سے لاتعلق رہنا مجرمانہ غفلت ہوگی۔

    معاون خصوصی کا مزید کہنا تھا کہ مقبوضہ کشمیر میں جیسے انسانیت کی توہین ہو رہی ہے، آواز اٹھانے پر کشمیریوں کو غائب کر کے وادی سے باہر رکھا جا رہا ہے۔ حریت رہنماؤں سے بھارتی ظلم کی مذمت کرتے ہیں۔ تحریک انصاف میں کشمیر میڈیا سیل قائم کرنے جا رہے ہیں۔ مقبوضہ کشمیر پر قومی اور عالمی سطح کی معلومات کو شیئر کیا جائے گا۔

  • وزیر اعظم 27 ستمبر کو جنرل اسمبلی میں مسئلہ کشمیر پر بات کریں گے: فردوس عاشق اعوان

    وزیر اعظم 27 ستمبر کو جنرل اسمبلی میں مسئلہ کشمیر پر بات کریں گے: فردوس عاشق اعوان

    اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ پوری قوم مقبوضہ کشمیر میں بھارتی مظالم پر احتجاج کر رہی ہے، وزیر اعظم جنرل اسمبلی میں 27 ستمبر کو مسئلہ کشمیر پر بات کریں گے۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ پلانٹ فار پاکستان کو چپے چپے تک پہنچانے کی ضرورت ہے، دنیا کا سب سے بڑا مسئلہ گلوبل وارمنگ ہے۔ وزیر اعظم عمران خان کا 10 ارب درخت لگانے کا وژن ہے۔

    انہوں نے کہا کہ شہریوں کو بلا معاوضہ پودے فراہم کیے جا رہے ہیں، پوری قوم مقبوضہ کشمیر میں بھارتی مظالم پر احتجاج کر رہی ہے۔ وزیر اعظم نے مسئلہ کشمیر کو اجاگر کرنے کے لیے فوکل گروپ قائم کیا ہے۔ اسی ہفتے وزیر اعظم قوم سے خطاب کریں گے اور اسی ہفتے ایک دن کشمیریوں سے اظہار یکجہتی کیا جائے گا۔

    معاون خصوصی کا کہنا تھا کہ کشمیر میں کرفیو کو 20 دن ہوچکے ہیں، میڈیا کو مقبوضہ کشمیر میں رسائی نہیں دی جارہی ہے۔ پاکستان کے صحافیوں نے مقبوضہ کشمیر کے صحافیوں سے اظہار یکجہتی کیا۔ پاکستان کے صحافیوں کو اس اقدام پر خراج تحسین پیش کرتی ہوں۔ پاکستان کی اقلیتوں نے سب کے ساتھ کشمیریوں سے اظہار یکجہتی کیا۔

    انہوں نے کہا کہ مقبوضہ کشمیر کے عوام دنیا سے اپنا حق مانگ رہے ہیں، دنیا اس وقت خواب خرگوش میں ہے، کشمیریوں کی آواز سننے کو تیار نہیں۔ بھارت مقبوضہ وادی میں نسل کشی کرنے جا رہا ہے۔ جینو سائیڈ کی رپورٹ عالمی اداروں اور دنیا کی آنکھیں کھولنے کے لیے کافی ہے۔

    فردوس عاشق اعوان کا کہنا تھا کہ اقلیتوں کی عبادت گاہوں کا احترام اپنی عبادت گاہوں کی طرح کرتے ہیں، عالمی صحافیوں کو مقبوضہ کشمیر میں رسائی نہیں دی جا رہی ہے۔ پرچم میں سفید رنگ ہمیں اتنا عزیز ہے جتنا سبز رنگ عزیز ہے، وزیر اعظم پاکستان بار بار دنیا کو آگاہ کر رہے ہیں، اقلیتی برادری کا اتنا ہی حق ہے جتنا اکثریت کا ہے۔

    انہوں نے مزید کہا کہ بھارت میں سکھوں سمیت اقلیتوں کی زندگی اجیرن ہے، حکومت پاکستان سکھ بھائیوں کو خوش آمدید کہے گی۔ وزیر اعظم مذہبی سیاحت کو فروغ دینا چاہتے ہیں۔ وزیر اعظم جنرل اسمبلی میں 27 ستمبر کو مسئلہ کشمیر پر بات کریں گے۔

  • پاکستانیوں کا کشمیریوں کے ساتھ خون کا رشتہ ہے، فردوس عاشق اعوان

    پاکستانیوں کا کشمیریوں کے ساتھ خون کا رشتہ ہے، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا ہے کہ پاکستانیوں کا کشمیریوں کے ساتھ خون کا رشتہ ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے اسلام آباد میں میڈیا سے گفتگو کرتے ہوئے کہا کہ پاکستان اور کشمیر لازم و ملزوم ہیں، مقبوضہ کشمیر میں بھارت نے ظلم کی انتہا کردی ہے.

    انہوں نے کہا کہ کشمیریوں کے گھروں کے باہر بھارتی فوجی کھڑے ہیں، کشمیریوں کو ان کے گھروں سے باہر نہیں نکلنے دیا جارہا ہے، پوری قوم کشمیری بھائیوں کے ساتھ ہے۔

    فردوس عاشق اعوان نے کہا کہ دنیا جان لے مودی انسانی حقوق کا قاتل بن گیا ہے، پاکستان کا بچہ بچہ کشمیریوں کے ساتھ ہے، مودی کے مظالم زیادہ دیر تک نہیں چل سکتے۔

    مزید پڑھیں: کشمیری بھارتی مظالم سے تنگ آکر برہان وانی بن رہے ہیں، فردوس عاشق اعوان

    معاون خصوصی برائے اطلاعات نے کہا کہ وزیراعظم کی قیادت میں پاکستان کشمیریوں کا مقدمہ لڑ رہا ہے، عالمی برادری مقبوضہ کشمیر میں مظالم کا نوٹس لے۔

    انہوں نے کہا کہ مودی بیانیے کی ایک نہیں چلنے دیں گے، کشمیر پاکستان کا دفاعی حصار ہے، بھارت انسانی حقوق کا قاتل بن گیا ہے۔

    فردوس عاشق اعوان نے کہا کہ مقبوضہ کشمیر میں مسلمانوں سے مذہبی آزادی بھی چھین لی گئی ہے، مقبوضہ کشمیر میں کرفیو سے کھانے پینے کی اشیا کی قلت ہوگئی ہے۔

    واضح رہے کہ گزشتہ روز فردوس عاشق اعوان کا کہنا تھا کہ بھارت کشمیریوں کے ساتھ ظلم کررہا ہے، کشمیری بھارتی مظالم سے تنگ آکر برہان وانی کررہے ہیں۔

  • کشمیری بھارتی مظالم سے تنگ آکر برہان وانی بن رہے ہیں، فردوس عاشق اعوان

    کشمیری بھارتی مظالم سے تنگ آکر برہان وانی بن رہے ہیں، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا ہے کہ بھارت کشمیریوں کے ساتھ ظلم کررہا ہے، کشمیری بھارتی مظالم سے تنگ آکر برہان وانی بن رہے ہیں۔

    تفصیلات کے مطابق معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا ہے کہ مقبوضہ کشمیر میں بیٹھے نوجوانوں نے بھارتی بربریت دیکھی، کشمیریوں کو انتہاپسندی کی سوچ نے جکڑا ہوا ہے.

    فردوس عاشق اعوان نے کہا کہ ہم نے کشمیری عوام کے ساتھ مکمل اظہار یکجہتی کرنا ہے، مقبوضہ کشمیر کے نوجوانوں کی آزادی کو سلب کیا گیا ہے۔

    انہوں نے کہا کہ بھارتی مظالم سے تنگ کشمیری نوجوان برہانی وانی بن رہے ہیں، بھارتی ناانصافیوں اور کشمیریوں پر ظلم کا مقدمہ ہر فورم پر پیش کریں گے۔

    مزید پڑھیں: مقبوضہ کشمیرکی صورت حال پرٹرمپ کا مصالحانہ کردارخوش آئند ہے، فردوس عاشق اعوان

    معاون خصوصی برائے اطلاعات کا کہنا تھا کہ ہر فورم پر بھارت کو اس کے ظلم و بربریت کا آئینہ دکھائیں گے، حق خود ارادیت کی جدوجہد میں پاکستان کشمیریوں کے ساتھ ڈٹ کر کھڑا ہے، آزادی کی صبح تک کشمیریوں کی سیاسی، سفارتی اور اخلاقی حمایت جاری رہے گی۔

    واضح رہے کہ دو روز قبل فردوس عاشق اعوان کا کہنا تھا کہ مقبوضہ کشمیر کی صورت حال پر امریکی صدر ڈونلڈ ٹرمپ کا مصالحانہ کردار خوش آئند ہے، وزیراعظم عمران خان نے جس طرح دنیا میں کشمیر کا مقدمہ پیش کا، قوم کو اس پر فخر ہے۔

    ان کا کہنا تھا کہ سلامتی کونسل کے اجلاس سے بھارتی دعوے کی نفی ہوئی کہ کشمیر اس کا اندرونی معاملہ ہے، بھارت یکطرفہ اقدامات سے حقائق تبدیل کرسکتا ہے اور نا ہی دنیا کی آنکھوں میں دھول جھونک سکتا ہے۔

  • ملکی معیشت کو اپنے پاؤں پرکھڑا کردیا، گردشی قرضوں میں کمی آئی، فردوس عاشق اعوان

    ملکی معیشت کو اپنے پاؤں پرکھڑا کردیا، گردشی قرضوں میں کمی آئی، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ ملک کی معیشت اب بہتر سمت میں جارہی ہے، حکومت نے دیوالیہ معیشت کو اپنے پاؤں پرکھڑا کیا، گردشی قرضوں میں30فیصدکمی آئی ہے۔

    ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا، انہوں نے کہا کہ شجرکاری مہم میں پھل دار درخت لگائے جائیں گے، پھل دار درختوں کی کاشت بڑھانے کیلئے نوجوانوں کو شامل کیا جائے گا۔

    سیاحتی علاقوں میں سیاحوں کیلئےمزید سہولتیں فراہم کی جائیں گی، پہاڑی علاقوں میں شمسی توانائی کےمنصوبے لگائےجائیں گے، گیس اور بجلی کی چوری روکنے کیلئے ای میٹرنگ کی طرف جارہے ہیں، ای میٹرنگ سےگیس اوربجلی کی چوری روکنےمیں مددملےگی۔

    فردوس عاشق اعوان کا مزید کہنا تھا کہ وزیراعظم عمران خان نے تمام وزرا کو عوامی فلاح وبہبود کیلئے کام کی ہدایت کی تھی، وزیراعظم سٹیزن پورٹل اور شکایت سیل ایک دوسرے سے ڈیٹا شیئر کرینگے، وزیراعظم ہدایت کرچکے ہیں کہ قابل اعتماد تجاویز پیش کی جائیں۔

    انہوں نے کہا کہ ملک کی معیشت اب بہتر سمت میں جارہی ہے، حکومت نے دیوالیہ معیشت کو اپنے پاؤں پرکھڑا کیا، وزارت توانائی نے120ارب روپےکی بچت کی، گردشی قرضوں میں30فیصدکمی آئی ہے، مہنگائی اور بےروزگاری حکومت کیلئے بہت بڑا چیلنج ہے۔

    صنعتیں بڑھنے سے ہی بےروزگاری میں کمی آئے گی، سی پیک خطے کیلئےگیم چینجر ہے، وزیراعظم نے بیرونی سرمائے میں اضافے کیلئے ون ونڈو آپریشن کی ہدایت کی، پچھلاسال استحکام اور یہ سال تعمیر پاکستان کا ہے۔

    ایک سوال کے جواب میں انہوں نے کہا کہ پاکستان نے ترکی کے ساتھ اکنامک فریم ورک بنایا ہے، اس فریم ورک کےتحت 9ورکنگ گروپس بنائے جائیں گے، دونوں ملکوں کےدرمیان مشترکہ منصوبے بھی کرنے کی تجویزدی گئی۔

    کم آمدنی والے افراد کیلئے5ارب روپے کی منظوری دی گئی، گھریلو تشدد سے تحفظ کیلئے کابینہ نے بل کی منظوری دی ہے، سرمایہ کاروں کے اعتماد میں اضافہ کیا جائے گا، پاکستان کا بزنس فری ماحول بنائیں گے تاکہ سرمایہ کار آئیں۔

  • مقبوضہ کشمیرکی صورت حال پرٹرمپ کا مصالحانہ کردارخوش آئند ہے، فردوس عاشق اعوان

    مقبوضہ کشمیرکی صورت حال پرٹرمپ کا مصالحانہ کردارخوش آئند ہے، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان بھارتی ناانصافیوں اور کشمیریوں پرظلم کا مقدمہ ہرفورم پر پیش کریں گے۔

    تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ مقبوضہ کشمیر کی صورت حال پر ڈونلڈ ٹرمپ کا مصالحانہ کردار خوش آئند ہے، وزیراعظم عمران خان جس طرح دنیا میں کشمیر کا مقدمہ پیش کیا، قوم کو اس پر فخر ہے۔

    فردوس عاشق اعوان نے کہا کہ عالمی برادری بھارتی اقدامات اور کشمیر کی صورت حال پر تشویش کا اظہار کررہی ہے۔

    انہوں نے کہا کہ سلامتی کونسل کے اجلاس سے بھارتی دعوے کی نفی ہوئی کہ کشمیر اس کا اندورنی معاملہ ہے، بھارت یکطرفہ اقدامات سے حقائق تبدیل کرسکتا ہے اور نا ہی دنیا کی آنکھوں میں دھول جھونک سکتا ہے۔

    معاون خصوصی برائے اطلاعات نے کہا کہ بھارتی ناانصافیوں اور کشمیریوں پرظلم کا مقدمہ ہرفورم پر پیش کریں گے، ہرفورم پربھارت کو اس کے ظلم وبربریت کا آئینہ دکھائیں گے۔

    فردوس عاشق اعوان نے کہا کہ حق خودارادیت کی جدوجہد میں پاکستان کشمیریوں کے ساتھ ہے، آزادی کی صبح تک کشمیریوں کی حمایت جاری رہے گی۔

    بھارت مقبوضہ کشمیر میں کشمیریوں کی نسل کشی کررہا ہے، فردوس عاشق اعوان

    یاد رہے کہ گزشتہ ہفتے معاون خصوصی برائے اطلاعات فردوس عاشق اعوان کا کہنا تھا کہ بھارت مقبوضہ کشمیر میں کشمیریوں کی نسل کشی کررہا ہے۔

  • فضل الرحمٰن سیاسی محرومیوں کا بدلہ کشمیر کاز پر سیاست کر کے نہ لیں، فردوس عاشق اعوان

    فضل الرحمٰن سیاسی محرومیوں کا بدلہ کشمیر کاز پر سیاست کر کے نہ لیں، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ مولانا فضل الرحمٰن اپنی سیاسی محرومیوں کا بدلہ کشمیر کاز پر سیاست کر کے نہ لیں، آپ ملکی مفاد کےخلاف زہرکیوں اگل رہے ہیں؟

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، فردوس عاشق اعوان نے کہا کہ مولانا کئی سال تک کشمیرکمیٹی چیئرمین کے طور پروٹوکول انجوائے کرتے رہے۔

    مولانا بتائیں کہ اس دوران آپ کی کارکردگی کیارہی؟ اور کشمیریوں کو فتح دلانے کیلئے اب تک کتنےجھنڈے گاڑے؟

    فردوس عاشق اعوان نے مولانا فضل الرحمٰن کو مخاطب کرتے ہوئے کہا کہ مودی نے کشمیریوں پر جو کرفیو لگا رکھا ہے اس کا اثر آپ کی زبان پر کیوں ہے؟ مودی کے خلاف بولنے کے بجائے آپ ملکی مفاد کےخلاف زہر کیوں اگل رہے ہیں؟

    ان کا کہنا تھا کہ مولانا صاحب! اپنی سیاسی محرومیوں کا بدلہ کشمیر کاز پر سیاست کر کے نہ لیں، کشمیر ہمارا مشترکہ کاز ہے، پوری قوم اس پر متحد ہے، مولاناصاحب! قومی یکجہتی کو اپنی سیاست کی بھینٹ نہ چڑھائیں۔

    فردوس عاشق نے وزر اعظم سے متعلق اظہار خیال کرتے ہوئے کہا کہ عمران خان دنیا میں کشمیریوں کے سب سے بڑے وکیل بن کرابھرے ہیں۔

    دنیا کے سامنے مسئلہ کشمیرعمران خان حکومت نے جس طرح اجاگر کیا ماضی میں اس کی مثال نہیں ملتی، اقوام متحدہ کی سلامتی کونسل کا اجلاس ہماری سفارتی فتح اور بھارتی سفارتکاری کی شکست ہے۔