Tag: فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا کہ وزیراعظم عمران خان نے شجرکاری کو خصوصی اہمیت دی۔

تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ پلانٹ فار پاکستان کا مقصدملک کے ہر چپے کو سبزوشاداب بنانا ہے۔

فردوس عاشق اعوان نے کہا کہ عمران خان واحد رہنما ہیں جنہوں نے ماحولیاتی چیلنجز سےنمٹنے کے لیے اقدام اٹھائے، وزیراعظم عمران خان نے شجرکاری کوخصوصی اہمیت دی۔

معاون خصوصی برائے اطلاعات فردوس عاشق اعوان نے کہا کہ تمام شہری مہم کا حصہ بنیں اور پودا لگائیں، درخت لگانا سنت نبویﷺ اور صدقہ جاریہ ہے۔

"پلانٹ فارپاکستان"مہم کا مقصد ملک کے ہر کونےاورچپےکوسبزوشاداب بنانا ہے۔عمران خان وہ واحد رہنما ہیں جنہوں نے ماحولیات کو درپیش چیلنجز سے نمٹنے کے لیے عملی اقدامات اٹھائےاورشجرکاری کو
خصوصی اہمیت دی۔تمام شہری اس مہم کا حصہ بنیں اور پودا لگائیں۔درخت لگاناسنت نبویﷺاور صدقہ جاریہ ہے

— Dr. Firdous Ashiq Awan (@Dr_FirdousAwan) August 19, 2019

مشیر تجارت عبد الرزاق داؤد نے پارلیمنٹ لاجز میں پھل دار پودا لگایا

یاد رہے کہ گزشتہ روز مشیر تجارت رزاق داؤد نے بھی کلین اینڈ گرین مہم میں حصہ لیتے ہوئے پارلیمنٹ کے لان میں پودا لگایا تھا۔ اس موقع پر وزارت تجارت کے اعلیٰ حکام بھی ان کے ہم راہ موجود تھے۔

اس سے قبل گزشتہ دنوں اسلام آباد میں وزیر اعظم عمران خان نے کلین اینڈ گرین پاکستان مہم کا باقاعدہ آغاز کرتے ہوئے کہا تھا کہ پاکستان کو درختوں کی بہت ضرورت ہے، پانچ سال بعد پاکستان یورپ سے زیادہ صاف نظر آئے گا، ایسا پاکستان چھوڑ کر جائیں گے کہ یقین ہی نہیں آئے گا۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ بھارت مقبوضہ کشمیر میں کشمیریوں کی نسل کشی کررہا ہے۔

تفصیلات کے مطابق معاون خصوصی برائے اطلاعات فردوس عاشق اعوان نے میڈیا سے گفتگو کرتے ہوئے کہا کہ کشمیر میں بھارتی بربریت کی مثالیں قائم کی جارہی ہیں، بھارت ہمیشہ عالمی قوانین کو اپنے پاؤں تلے روندتا رہا ہے۔

فردوس عاشق اعوان نے کہا کہ بھارت ہمیشہ عالمی معاہدوں کی خلاف ورزی کرتا رہا ہے، مسئلہ کشمیر پر اقوام متحدہ کی 11 قراردادیں موجود ہیں، سلامتی کونسل بھارت پر دباؤ ڈالنے میں ناکام رہی تو ادارے کی ساکھ متاثر ہوگی۔

انہوں نے کہا کہ مقبوضہ وادی میں نسل کشی کا سلسلہ جاری رہا تو صورت حال بوسنیا جیسی ہوگی، نام نہاد سیکولر بھارت کا چہرہ بے نقاب ہوچکا ہے۔

مزید پڑھیں: بھارت کے جارحانہ عزائم خطے کے امن کیلئے خطرہ ہیں، فردوس عاشق اعوان

واضح رہے کہ اس سے قبل فردوس عاشق اعوان کا کہنا تھا کہ بھارت ایل او سی پر دونوں اطراف کشمیریوں کو بربریت کا نشانہ بنارہا ہے، بھارت کے جارحانہ عزائم خطے کے امن کے لیے خطرہ ہیں۔

معاون خصوصی کا کہنا تھا کہ بھارتی عوام اقلیتوں کے ساتھ خصوصاً کشمیریوں کے ساتھ سلوک دیکھ رہے ہیں، وزیر اعظم عمران خان کشمیر کے لیے جدوجہد کر رہے ہیں۔ وزیر اعظم عمران خان نے للکار کر بھارتی قیادت کو جواب دیا ہے، وزیر اعظم نے کہا جارحیت کی تو اینٹ کا جواب پتھر سے دیں گے۔

ان کا کہنا تھا کہ کشمیر کی آزادی کے بغیر برصغیر کی تقسیم کا ایجنڈا نامکمل ہے، بھارت نے سیکولر ہونے کا دعویٰ کیا تھا، اقلیتوں کے ساتھ سلوک دیکھ لیں۔ بھارت میں اقلیتوں کا قتل عام کیا جا رہا ہے۔

اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ مودی اپنے سیاہ اقدام سے مذموم عزائم کی تکمیل چاہتا ہے۔

تفصیلات کے مطابق سماجی رابطے کی ویب سائٹ ٹویٹر پر ڈاکٹر فردوس عاشق اعوان نے اپنے پیغام میں کہا کہ سلامتی کونسل کا اجلاس بھارت کے اندرونی معاملے کے دعوے پرضرب ہے۔

تنازعہ کشمیر پر سلامتی کونسل کا اجلاس بھارت کے اس دعوے پر کاری ضرب ہے کہ کشمیر ان کا اندرونی معاملہ ہے۔

— Dr. Firdous Ashiq Awan (@Dr_FirdousAwan) August 15, 2019

معاون خصوصی برائے اطلاعات ونشریات نے کہا کہ وزیراعظم کی قیادت میں پاکستان ہر فورم پر مظلوم کشمیریوں کی وکالت کرے گا، وکالت تنازعہ یواین قراردادوں اورکشمیریوں کی رائے کے مطابق حل کے لیے ہوگی۔

عمران خان کی قیادت میں پاکستان ہر فورم پر مظلوم کشمیریوں کی وکالت کرے گا تا کہ بھارت کو مجبور کیا سکے کہ تنازعہ کشمیر کو اقوام متحدہ کی قراردادوں اور کشمیری عوام کی امنگوں کے مطابق حل کا جاسکے۔

— Dr. Firdous Ashiq Awan (@Dr_FirdousAwan) August 15, 2019

ڈاکٹر فردوس عاشق اعوان نے کہا کہ ہٹلر نے ایک نسل کو اپنے ظلم اور بربریت کی بھینٹ چڑھایا، خاکم بدہن مودی اسی طرح کشمیریوں کی نسل کشی کرنا چاہتا ہے۔

ہٹلر نے ایک نسل کو جس طرح اپنے ظلم اور بربریت کی بھینٹ چڑھایا،خاکم بدہن مودی اسی طرح کشمیریوں کی نسل کشی کرنا چاہتا ہے۔مودی اپنے سیاہ اقدام سے ان عزائم کی تکمیل چاہتا ہے جس کا آغاز اس نے گجرات میں مسلمانوں کے قتل عام سے کیا۔

— Dr. Firdous Ashiq Awan (@Dr_FirdousAwan) August 15, 2019

انہوں نے کہا کہ مودی اپنے سیاہ اقدام سے مذموم عزائم کی تکمیل چاہتا ہے، مذموم عزائم کا آغاز مودی نے گجرات میں مسلمانوں کے قتل عام سے کیا۔

واضح رہے کہ بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں گیارویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔

مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔

اسلام آباد: معاون خصوصی برائے اطلاعات ونشریات فردوس عاشق اعوان نے کہا ہے کہ کشمیرمیں بہنے والے لہو کے چھینٹے ہمارے دلوں پرگرتے ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے اپنے پیغام میں کہا کہ پاکستان آج یوم آزادی کشمیریوں سے یکجہتی کے طور پرمنا رہا ہے، کشمیریوں کی سیاستی، سفارتی، اخلاقی حمایت جاری رکھیں گے۔

فردوس عاشق اعوان نے کہا کہ کشمیری عوام کو حق خودارادیت ملنے تک تقسیم ہند کا ایجنڈا مکمل نہیں ہوسکتا، کشمیرتقسیم ہند کا نامکمل ایجنڈا ہے۔ انہوں نے کہا کہ وہ دن دور نہیں جب کشمیری پورے ولولے سے یوم آزادی منائیں گے۔

معاون خصوصی برائے اطلاعات ونشریات نے کہا کہ کشمیرمیں بہنے والے لہوکے چھینٹے ہمارے دلوں پر گرتے ہیں۔ انہوں نے کہا کہ کشمیر کے مسئلے پر پاکستان کسی قسم کی لچک کا مظاہرہ نہیں کرے گا۔

ڈاکٹر فردوس عاشق اعوان نے کہا کہ پوری قوم کوآج بھرپوریکجہتی کا مظاہرہ کرنا ہوگا، آج کوئی سیاسی بیانیہ یا ایجنڈا نہیں ہونا چاہیے۔

یوم آزادی بطور یوم یکجہتی کشمیر منایا جا رہا ہے

واضح رہے کہ ملک بھر میں یوم آزادی کشمیریوں سے اظہار یکجہتی کے طور پر منایا جا رہا ہے۔ یوم آزادی پر دن کا آغاز توپوں کی سلامی سے ہوا۔

وفاقی دارالحکومت اسلام آباد میں یوم آزادی کے دن کا آغاز 31 توپوں جبکہ صوبائی دارالحکومتوں میں 21،21 توپوں کی سلامی سے ہوا۔ اس موقع پر ملک کی سلامتی اور یکجہتی کے لیے خصوصی دعائیں بھی کی گئیں۔