پیرس: وزیراعظم میاں محمد نوازشریف پیرس پہنچ گئے ہیں جہاں وہ ماحولیاتی تبدیلیوں سے متعلق عالمی کانفرنس میں پاکستان کی نمائندگی کریں گے۔
تفصیلات کے مطابق ماحولیاتی تبدیلیوں کے خطرات سے نمٹنے کیلئے عالمی کانفرنس پیرس میں ہورہی ہے۔
ماحولیاتی تبدیلیوں سے ہونے والے نقصانات اور اس کے روک تھام کے حوالے سے منعقدہ کانفرنس میں147ملکوں کے سربراہان اور نمائندے شرکت کر رہے ہیں۔
وزیراعظم نواز شریف موسمی تغیرات کے چیلنجرز سے نمٹنے کیلئے پاکستان کی کوششوں سے آگاہ کریں گے۔
ماحولیاتی تبدیلی کے موضوع پر ہونے والی عالمی کانفرنس کے موقع پروزیراعظم عالمی رہنماؤں سے ملاقات بھی کریں گے۔
اس سے قبل وزیراعظم نوازشریف کامن ویلتھ سربراہان کانفرنس میں شرکت کے لئے دو روز سے مالٹا میں موجود تھے جہاں انہوں نے متعدد عالمی رہنماوٗں سے ملاقاتیں کی، جب کہ ملکہ برطانیہ کی جانب سے دئیے جانے والے عشائیے میں بھی شرکت کی۔
