ARYNews.tv | Urdu – Har Lamha Bakhabar

Tag: Cricket

  • پاکستان اور انگلینڈ کے درمیان پہلا ون ڈے آج کھیلا جائے گا

    پاکستان اور انگلینڈ کے درمیان پہلا ون ڈے آج کھیلا جائے گا

    اوول: پاکستان اور انگلینڈ کے درمیان ون ڈے سیریز کا پہلا میچ آج کھیلا جائے گا، میچ شام پانچ بجے شروع ہوگا۔

    تفصیلات کے مطابق پاکستان اور انگلینڈ کی کرکٹ ٹیموں کے درمیان 5 میچوں پر مشتمل ون ڈے سیریز کا پہلا میچ آج (بدھ) اوول میں کھیلا جائے گا جبکہ لندن کی فضاﺅں پر سیاہ بادلوں کا راج ہے جس کے باعث میچ بارش سے متاثر ہونے کا خدشہ ہے۔

    تفصیلات کے مطابق کارڈف میں کھیلے گئے واحد ٹی ٹونٹی میچ میں پاکستان کوسات وکٹوں سے شکست ہوئی۔ اب دونوں ٹیموں کے درمیان 5 میچز پر مشتمل سیریز کا پہلا ون ڈے میچ آج (بدھ ) اوول کھیلا جائےگا۔

    محکمہ موسمیات کا کہنا ہے کہ لندن کا موسم سرد ہے، میچ کے دوران بارش کی مداخلت ہوسکتی ہے۔ دوسری جانب ایک رپورٹ کے مطابق ابھی تک ہونے والے باہمی ون ڈے مقابلوں میں میزبان کا پلڑا بھاری رہا، پاکستان ٹیم 82 میچز میں 31فتوحات حاصل کرپائی، 49 میں انگلینڈ کو فتح نصیب ہوئی۔

    دو مقابلے بے نتیجہ رہے، انگلش سرزمین پر دونوں ٹیمیں 42 بار مقابل ہوئیں، گرین شرٹس 15 میں کامیاب ہوئے، 26 میں میزبان ٹیم نے برتری ثابت کردی، ایک میچ بے نتیجہ رہا۔

    دونوں ملکوں کے مابین آخری باہمی سیریز اگست، ستمبر 2016 میں کھیلی گئی، انگلینڈ نے ابتدائی تینوں میچز جیتے۔

    واحد ٹی ٹوینٹی، انگلینڈ نے پاکستان کو 7 وکٹوں سے شکست دے دی

    پاکستان کو کارڈف میں کھیلے جانے والے آخری میچ میں کامیابی حاصل ہوئی، دونوں ٹیموں کے مابین آخری ٹاکرا چیمپئنز ٹرافی 2017 کے سیمی فائنل میں ہوا، کارڈف میں ہی کھیلے جانے والے اس میچ میں گرین شرٹس نے 8وکٹ سے فتح پائی اور بعد ازاں بھارت کو بھی ہراکر ٹائٹل پر قبضہ جمایا۔

  • پی سی بی نے ورلڈ کپ کے لیے سخت ترین ضابطہ اخلاق تیار کرلیا

    پی سی بی نے ورلڈ کپ کے لیے سخت ترین ضابطہ اخلاق تیار کرلیا

    لاہور: پاکستان کرکٹ بورڈ نے پاکستان کرکٹرز کے لیے سخت ضابطہ اخلاق جاری کر دیا، جس کی پاس داری لازمی ہوگی.

    تفصیلات کے مطابق پی سی بی نے دورہ انگلینڈ اور ورلڈ کپ کے لئے کھلاڑیوں کے لئے سخت ضابطہ اخلاق تیار کیا ہے.

    ذرائع کے مطابق کرکٹرز کو روانگی سے قبل اینٹی کرپشن اور ڈوپنگ پر لیکچر دیے جائیں گے، ہفتہ اور اتوار کے روز اینٹی کرپشن یونٹ کے آفیشلز کھلاڑیوں کولیکچرز دیں گے۔

    دورہ انگلینڈ اور ورلڈ کپ میں کھلاڑیوں کے پرائیوٹ فنکشنز پر جانے پر پابندی ہوگی، کھلاڑیوں کے غیر متعلقہ افراد سے ملنے پر مکمل پابندی عائد کی جائے گی، کھلاڑی عزیز واقارب سے ملاقات کے لئے بھی انتظامیہ کی اجازت کے پابند ہوں گے۔

    مزید پڑھیں: وزیراعظم عمران خان سے قومی کرکٹ ٹیم کی ملاقات

    کھلاڑی اپنے ایجنٹس کی فہرست بھی فراہم کرنے کے پابندہوں گے۔ میڈیا منیجر کی غیرموجودگی میں کھلاڑیوں کے انٹرویوز دینے پرپابندی ہوگی، کھلاڑی غیر متعلقہ شخص کے رابطے پر ٹیم منیجر کو آگاہ کرنے کے پابند ہوں گے۔

    خیال رہے کہ آج  ورلڈکپ کے لیے انگلینڈ روانہ ہونے والی ٹیم  نے آج وزیراعظم عمران خان سے ملاقات کی، بنی گالہ میں ہونے والی اس ملاقات میں پی سی بی حکام نے وزیراعظم کو ورلڈکپ کی تیاریوں کے حوالے سے بریفنگ دی۔

  • پاکستان ورلڈ کپ کے لیے ٹاپ تھری فیورٹ ٹیموں میں شامل ہیں، برطانوی کپتان مورگن

    پاکستان ورلڈ کپ کے لیے ٹاپ تھری فیورٹ ٹیموں میں شامل ہیں، برطانوی کپتان مورگن

    لندن: انگلش ٹیم کے کپتان ایون مورگن نے کہا ہے کہ پاکستان کے خلاف سیریز سے موسم گرما کے طویل سیزن کا آغاز ہمارے لیے بھی خوش آئند ہے، گرین شرٹس کےساتھ ہمیں انتہائی مسابقتی کرکٹ کھیلنے کو ملے گی۔

    غیرملکی میڈیا کے مطابق انگلینڈ کے کپتان ایون مورگن نے پاکستان کو 30 مئی سے شروع ہونے والے ورلڈ کپ کیلئے انتہائی مضبوط امیدوار قرار دے دیا ۔ایون مورگن نے کہاکہ بدستور پاکستان ٹیم ورلڈ کپ کے لیے دوسری یا تیسری فیورٹ ٹیم ہے۔

    اس وقت انگلینڈ عالمی ون ڈے رینکنگ میں ٹاپ پوزیشن پر فائز ہے، اسے شوپیس ایونٹ کے لیے ہاٹ فیورٹ قرار دیا جارہا ہے تاہم ورلڈ کپ سے قبل میزبان سائیڈ کی آزمائش پاکستان کے خلاف 5کو شیڈول واحد ٹوئنٹی 20میچ اور اس کے فوری بعدکھیلی جانے والی 5ون ڈے میچز کی باہمی سیریز میں ہوگی۔دونوں ہی ٹیمیں اس سیریز کی بدولت ورلڈ کپ کیلئے اپنی تیاریوں کو حتمی شکل دیں گی۔

    مورگن نے کہاکہ پاکستان کے خلاف سیریز سے موسم گرما کے طویل سیزن کا آغاز ہمارے لیے بھی خوش آئند ہے، ہمیں گرین شرٹس سے مقابلوں کی صورت میں حقیقت میں ایک بہت اچھی اور مسابقتی کرکٹ کھیلنے کو ملے گی۔

    ان کا مزید کہنا تھا کہ پاکستان ورلڈ کپ کے لیے دوسری یا تیسری فیورٹ ٹیم ہے، اس وقت چیمپئنز ٹرافی بھی ان کے ہی پاس ہے۔ گرین شرٹس نے انگلینڈ میں یہ ٹرافی جیتنے کےلیے بہت ہی عمدہ کارکردگی پیش کی تھی، اس لیے ہم ان کے خلاف سیریز کے منتظر ہیں۔

  • کراچی میں قومی ترانے کی دھن پر ورلڈ کپ ٹرافی کی نمائش، کرکٹ شائقین جھوم اٹھے

    کراچی میں قومی ترانے کی دھن پر ورلڈ کپ ٹرافی کی نمائش، کرکٹ شائقین جھوم اٹھے

    کراچی : آئی سی سی ورلڈکپ 2019کی ٹرافی جلوے بکھیرنے کراچی پہنچ گئی، شائقین کرکٹ نے میگا ایونٹ کی ٹرافی کی شہر قائد آمد پر زبردست استقبال کیا۔

    تفصیلات کے مطابق اسلام آباد اور لاہور کے بعد خوشیوں کا رنگ جماتی اور شائقین کا لہو گرماتی ورلڈ کپ ٹرافی کراچی کے مقامی شاپنگ مال میں لائی گئی۔

    شائقین کے سامنے ٹرافی نمائش کیلئے پیش کی گئی تو کرکٹ دیوانے ورلڈ کپ ٹرافی دیکھ کر پرجوش ہو گئے، شاپنگ مال میں خوب سیلفیاں بنوائی گئیں۔

    بچے ہوں یا بڑے سب کی یہی خواہش تھی کہ آئی سی سی ورلڈ کپ ٹرافی پاکستان ہی آئے گی، ان کا کہنا ہے کہ اصل خوشی تب ہوگی جب سرفراز الیون یہ ٹرافی جیت کر ہمیشہ ہمیشہ کے لئے پاکستان لائے گی۔

    اس موقع پر پورٹ گرینڈ میں شاندار کنسرٹ کا انعقاد کیا گیا جس میں کرکٹ لوورز نے بھرپور انداز میں شرکت کی، تقریب میں قومی ترانے کی دھن میں ٹرافی کو پیش کیا گیا۔

    کنسرٹ میں سجاد علی اور دیگر نامور گلوکاروں کی جادوئی آواز نے سماں باندھ دیا، علی ظفر نے بھی شائقین کا جوش بڑھایا، ورلڈ کپ ٹرافی کا شہر قائد میں آج آخری روز ہوگا، حسین اور یادگار لمحات شائقین کے ذہنوں میں محفوظ رہیں گے۔

  • کیا یونس خان پاکستانی جونیئر ٹیم کے ہیڈ کوچ بننے والے ہیں؟

    کیا یونس خان پاکستانی جونیئر ٹیم کے ہیڈ کوچ بننے والے ہیں؟

    لاہور: پاکستان کے ممتاز بلے باز یونس خان پاکستانی جونیر ٹیم کے ہیڈ کوچ کےلئے مضبوط امیدوار کے طورپر سامنے آگئے.

    تفصیلات کے مطابق یونس خان کو جونیر  ٹیم کی کوچنگ سونپی جاسکتی ہے. پی سی بی ذرائع کے مطابق چند شرائط طے کر نے کے بعد انھیں یہ عہدہ دیا جائے گا.

    موصولہ اطلاعات کے مطابق پی سی بی اور یونس خان کے درمیان بات چیت جاری ہے، ڈیڈ لاک کا تاثر قطعی غلط ہے۔

    پی سی بی کے دو اعلیٰ‌عہدے دار جلد یونس خان سے ایک اور ملاقات کریں گے، جس میں ممکنہ طور پر حتمی بات چیت ہو گی۔

    مزید پڑھیں: ورلڈ کپ تک سرفرازاحمد کی کپتانی پربالکل بھی بحث نہیں ہونی چاہئے، یونس خان

    پی سی بی ذرائع کے مطابق یونس خان اور احسان مانی کی ملاقات اسلام آباد میں ہوئی تھی، یونس خان اور وسیم خان کی ملاقات پی ایس ایل کے دوران کراچی میں ہوئی تھی، یونس خان نے مشروط طور پر انڈر 19 ٹیم کا ہیڈ کوچ بننے پر آمادگی ظاہر کی ہے.

    جونیر ٹیم کے منیجر کے لیے سابق ٹیسٹ اسپنر ندیم خان مضبوط امیدوار ہیں، وہ اس سے قبل بھی یہ ذمے داری کامیابی سے نبھا چکے ہیں۔پی سی بی یونس خان کی تقرری تین سال کے لئے کرنا چاہتا ہے.

  • اب کرکٹ میں رنز بنانے کے لیے دوڑنے کی ضرورت نہیں، حیران کن ویڈیو سامنے آگئی

    اب کرکٹ میں رنز بنانے کے لیے دوڑنے کی ضرورت نہیں، حیران کن ویڈیو سامنے آگئی

    اگر  آپ کرکٹ کے شائق ہیں، تو خوب جانتے ہوں گے کہ رنر بنانے کے لیے بلے باز کو دوڑنا پڑتا ہے.

    اسی دوڑ میں‌ اگر کوئی  کھلاڑی لڑکھڑا یا گر جاتا ہے، تو کھڑا ہو کر پھر دوڑنے لگتا ہے، بلے باز گرتے پڑتے رن مکمل کرتے ہیں. البتہ ایک ایسی انوکھی ویڈیو بھی سامنے آئی ہے، جس نے کرکٹ شائقین کو مسکرانے پر مجبور کر دیا.

    ویڈیو میں‌ دیکھا جاسکتا ہے کہ چند بچے کرکٹ کھیل رہے ہیں، جب بیٹسمین شارٹ کھیل کا بھاگتا ہے، تو دوسرے اینڈ کا کھلاڑی بھاگتے ہوئے کریز میں آجاتا ہے.

    دل چسپ بات یہ ہے کہ اس دوسرے بیٹسمین کے پاس درخت کی شاخ ہے، جو خاصی لمبی ہے، وہ اس شاخ‌ کو کام میں‌ لاتے ہوئے وہیں‌ کھڑے کھڑے ایک سے دوسری، دوسری سے پہلے کریز میں‌ بلا رکھتا رہتا ہے.

    مزید پڑھیں: بھارتی فوج کا کیپ پہننا ویرات کوہلی کو مہنگا پڑ گیا

    ادھر دوسرے بچہ دوڑ دوڑ کر رنز بناتا رہتا ہے، مگر یہ صاحب شاخ کو کام میں لاتے ہوئے مزے سے ایک ہی جگہ کھڑے رہتے ہیں.

    یہ ویڈیو سوشل میڈیا پر وائرل ہوگئی ہے اور اس کا خوب چرچا ہورہا ہے.

  • قومی کرکٹر احمد شہزاد کو ڈرامہ بازی مہنگی پڑگئی

    قومی کرکٹر احمد شہزاد کو ڈرامہ بازی مہنگی پڑگئی

    لاہور: قومی کرکٹر احمدشہزاد کو ڈرامہ بازی مہنگی پڑگئی، غلط بیانی اور کرکٹ اسپرٹ کی خلاف ورزی پر پی سی بی نے جرمانہ عائد کردیا۔

    تفصیلات کے مطابق احمد شہزاد نے کیچ گرانے کے بعد تھرڈ امپائر سے ریویو مانگا تھا، یہ جانتے ہوئے کہ کھلاڑی آؤٹ نہیں ہوا کیوں کہ بال ہاتھ سے چھوٹ چکی ہے۔

    پاکستان کرکٹ بورڈ نے کرکٹر پر میچ فیس کا پچیس فیصد جرمانہ عائد کیا ہے، اس سے قبل بھی متعدد بار وہ تنقید کا نشانہ بنتے رہے ہیں۔

    ٹیسٹ کرکٹر کو ماضی میں‌بھی ڈسپلن کے مسائل کا سامنا رہا، ان کی غیرسنجیدگی کی وجہ سے ماضی میں بھی انھیں تنقید کا نشانہ بنایا گیا۔

    آؤٹ آف فارم ہونے کی وجہ سے انھیں ٹیم سے ڈراپ کر دیا گیا تھا۔

    خیال رہے کہ ڈوپ ٹیسٹ میں معطل ہونے والے کرکٹر احمد شہزاد پر عائد پابندی کی مدت گذشتہ سال 22 دسمبر کو ختم ہوئی تھی، احمد شہزاد پر ممنوعہ ادویات کے استعمال کے باعث چار ماہ کی پابندی عائد کی گئی تھی۔

    بغیراجازت ڈسکو کلب جانے پر پی سی بی عمر اکمل پر برہم، جرمانہ عائد کردیا

    دوسری جانب پاکستان کرکٹ بورڈ نے کرکٹر عمر اکمل کو ڈسپلن کی خلاف ورزی کرتے ہوئے بغیر اجازت ڈسکو کلب جانے پر گذشتہ دنوں جرمانہ عائد کیا، تاہم کھلاڑی نے پی سی بی سے غلطی کی معافی مانگ لی تھی۔

    اس سے قبل بھی کرکٹر عمر اکمل ڈانس پارٹی میں رنگے ہاتھوں پکڑے گئے تھے جس کی وجہ سے انہیں انگلینڈ کے خلاف ٹی ٹوئنٹی اسکواڈ سے ڈراپ کر دیا گیا تھا۔

  • ورلڈکپ 2019: نیوزی لینڈ نے پندرہ رکنی اسکواڈ کا اعلان کردیا

    ورلڈکپ 2019: نیوزی لینڈ نے پندرہ رکنی اسکواڈ کا اعلان کردیا

    ویلنگٹن: نیوزی لینڈ نے ورلڈ کپ دو ہزارانیس کے لیے پندرہ رکنی اسکواڈ کا اعلان کردیا، مشن ورلڈکپ میں کین ولیم سن نیوزی لینڈ ٹیم کی کمان سنبھالیں گے۔

    تفصیلات کے مطابق ورلڈکپ دو ہزار انیس کی تیاریاں عروج پر ہے، وکٹ کیپر بیٹسمین ٹام بلنڈل نے پہلی بار ون ڈے ٹیم میں جگہ بنالی۔

    کیوی ٹیم کے سب سےتجربہ کار کھلاڑی راس ٹیلر چوتھی بار میگا ایونٹ میں جلوے بکھیریں گے، کپتان کین ولیمسن، ٹم ساؤتھی اورمارٹن گپٹل نیوزی لینڈ کی طرف سے تیسر ی بار ورلڈ کپ کھیلیں گے۔

    دیگر کھلاڑیوں میں کولن ڈی گرینڈہوم، ٹرینٹ بولٹ، لوکی فرگوسن، کولن منرو شامل ہیں۔ میٹ ہنری، ٹام لیتھم، جمی نیشم، ہنری نکولس، مچل سینٹنر اور اش سودھی بھی ورلڈ کپ میں کیوی ٹیم کی نمائندگی کریں گے۔

    واضح رہے کہ میزبان انگلینڈ اور جنوبی افریقہ ٹورنامنٹ کا پہلے میچ اوول کے میدان پر 30 مئی کو کھیلا جائے گا جبکہ پاکستان کا پہلا میچ ویسٹ انڈیز کے خلاف ہے جو 31 مئی کو ٹرینٹ برج پر کھیلا جائے گا۔

    ورلڈ کپ 2019: کاؤنٹ ڈاؤن شروع ہوگیا، شائقین کرکٹ بےتاب

    آئی سی سی نے ورلڈ کپ 2019 کا فارمیٹ وہی رکھا گیا ہے جس کے تحت آسٹریلیا اور نیوزی لینڈ میں منعقدہ ورلڈ کپ 1992 ورلڈ کپ کھیلا گیا تھا، راؤنڈ رابن طرز پر کھیلے گئے تاریخی ایونٹ میں پاکستان ٹیم نے عمران خان کی قیادت میں ورلڈ کپ اپنے نام کیا تھا۔

    پاکستان اپنا آخری لیگ میچ پانچ جولائی کو لارڈز کے تاریخی میدان پر کھیلے گی۔

  • کرکٹ کو کرپشن سے بچانے کا عزم، آئی سی سی کی بکیز کے خلاف نئی حکمت عملی

    کرکٹ کو کرپشن سے بچانے کا عزم، آئی سی سی کی بکیز کے خلاف نئی حکمت عملی

    دبئی: انٹرنیشنل کرکٹ کونسل نے کرکٹ سے کرپشن کو ختم کرنے کے لیے انٹرپول کے ساتھ مل کر کام کرنے کا اعلان کردیا۔

    آئی سی سی کے ترجمان کی جانب سے جاری ہونے والے اعلامیے کے مطابق انٹرپول کے ساتھ کام کرنے سے میچز میں ہونے والی کرپشن کو روکنے میں مدد ملے گی اور بکیز کے گرد مزید گھیرا تنگ کیا جاسکے گا۔

    اعلامیے کے مطابق معاہدے کے تحت آئی سی سی کو دنیا کے 194 ممالک میں انٹرپول کی خدمات دستیاب ہوں گی، کسی بھی ملک سے تعلق رکھنے والا بکی کہیں بھی ہوگا تو اُس کو آرام سے حراست میں لیا جاسکے گا۔

    آئی سی سی اور انٹرپول کے سربراہان نے اس عزم کا اظہار کیا کہ کرکٹ جیسے کھیل کو کرپشن سے پاک کرنا ہماری اولین ترجیح ہے اور اس ضمن میں سب کو اقدامات بھی نظر آئیں گے۔

    مزید پڑھیں: سرفراز کو میچ فکسنگ کی پیش کش کرنے والے بکی کو 10 سال کی سزا

    یاد رہے کہ گزشتہ برس انٹرنیشنل کرکٹ کونسل (آئی سی سی) اینٹی کرپشن یونٹ کے عہدیدار لیکس مارشل نے انکشاف کیا تھا کہ میچ فکسنگ اور کھلاڑیوں کو خریدنے والے اکثر بکیز کا تعلق بھارت سے ہے۔

    اینٹی کرپشن یونٹ کے مینجر یومارشل کا کہنا تھا کہ پاکستانی لیگ اسپینر دنیش کنیریا کی جانب سے میچ فکسنگ کا اعتراف اور اس کے پیچھے چھپے بکی کو سامنے لانا میرے لیے کوئی نئی بات نہیں کیونکہ سنہ 2000 میں پہلی بار جب میچ فکسنگ کا اسکینڈل سامنے آیا تو اُس کی تحقیقات میں یہ انکشاف سامنے آیا تھا کہاکثر بکیز کا تعلق بھارت سے ہی ہے۔

    یہ بھی یاد رہے کہ دو برس قبل (2017) میں سری لنکا کے خلاف کھیلی جانے والی پانچ ون ڈے میچز کی سیریز کے دوران عرفان نامی بکی نے تیسرے میچ سے قبل سرفراز حمد سے رابطے کی کوشش کی تھی۔ قومی کرکٹ ٹیم کے کپتان نے بکی کی پیش کش کے بعد پی سی بی حکام کو تفصیلات فراہم کیں جس کے بعد یہ معاملہ انٹرنیشنل کرکٹ کونسل تک پہنچا۔

    اسے بھی پڑھیں: میچ فکسنگ میں‌ ملوث بکیز کی کثیر تعداد کا تعلق بھارت سے ہے، آئی سی سی کا انکشاف

    آئی سی سی اینٹی کرپشن یونٹ نے تحقیقات کا آغاز کیا تو بکی کی شناخت عرفان انصاری کے نام سے ہوئی تھی جسے متحدہ عرب امارات کی اہم شخصیت سمجھا جاتا تھا۔ تحقیقات کرنے والون نے بکی سے معاملے پر تعاون کی درخواست کی تو اُس نے صاف انکار کردیا تھا۔ اینٹی کرپشن یونٹ میں ہونے والی سماعت کے دوران پینل کے ججز کو میچ فکسنگ کی پیش کش کے حوالے سے شواہد پینل کے سامنے پیش کیے گئے تھے۔

    تمام شواہد کو مدنظر رکھتے ہوئے آئی سی سی کے انسداد بدعنوانی یونٹ نے رواں سال 28 فروری کو طاقتور بکی عرفان انصاری پر 10 سال کی پابندی عائد کی تھی۔

  • یہ ایک بڑی شکست ہے ہمیں اپنے پیروں پر کھڑا ہونا ہے: عماد وسیم

    یہ ایک بڑی شکست ہے ہمیں اپنے پیروں پر کھڑا ہونا ہے: عماد وسیم

    دبئی: ون ڈے سیریز میں آسٹریلیا کے ہاتھوں وائٹ واش کو پاکستان ٹیم کے قائم مقام کپتان عماد وسیم نے ایک بڑی شکست قرار دے دیا۔

    تفصیلات کے مطابق آسٹریلیا نے پاکستان کو ون ڈے سیریز میں وائٹ واش کردیا، حارث سہیل کی 130 رنز کی اننگز بھی پاکستان کو پانچویں ون ڈے میچ میں شکست سے نہ بچاسکی۔

    پاکستان ٹیم کے قائم مقام کپتان کا کہنا تھا کہ یہ ایک بڑی شکست ہے ہمیں اپنے پیروں پر کھڑا ہونا ہے، تاکہ مستقبل میں فتح سمیٹ سکیں۔

    ان کا مزید کہنا تھا کہ پچاس اوور کی کرکٹ کیسے کھیلتے ہیں ہمیں اس بارے میں سوچنا پڑے گا، تمام کھلاڑیوں کو کارکردگی دکھانا ہوگی۔

    خیال رہے کہ گذشتہ روز آسٹریلیا نے پاکستان کو پانچویں ون ڈے میچ میں بھی 20 رنز سے شکست دے کر وائٹ واش کردیا، 328 رنز کے تعاقب میں قومی ٹیم 7 وکٹوں کے نقصان پر 307 رنز ہی بناسکی، جیسن بینڈروف نے تین وکٹیں حاصل کیں۔

    ون ڈے سیریز، آسٹریلیا نے پاکستان کو وائٹ واش کردیا

    واضح رہے کہ آسٹریلیا ون ڈے سیریز پہلے ہی اپنے نام کرچکا تھا، کینگروز کو سیریز میں 4-0 کی برتری حاصل تھی، تاہم آج پاکستان کو وائٹ واش کا مزہ چکھنا پڑا۔