Tag: Cricket

  • لارڈز: انگلینڈ نے بھارت کو ہرا کرویمنزکرکٹ ورلڈ کپ جیت لیا

    لارڈز: انگلینڈ نے بھارت کو ہرا کرویمنزکرکٹ ورلڈ کپ جیت لیا

    لارڈز: ویمنز ورلڈ کپ میں انگلینڈ نے بھارت کو نو رنز سے شکست دے کر ٹائل اپنے نام کرلیا، انگلینڈ کے 228 رنز کے جواب میں بھارت کی ٹیم 219 رنزبنا سکی۔

    تفصیلات کے مطابق لارڈ کے میدان میں انگلینڈ اور بھارت کے درمیان کھیلے جانے والے ویمنز ورلڈ کپ کے فائنل میں انگلینڈ کی ٹیم نے بھارت کو سنسنی خیز مقابلے کے بعد نو رنز سے شکست دے کر فتح اپنے نام کرلی۔

    انگلینڈ نے چوتھی مرتبہ خواتین کے ورلڈ کپ کا ٹائٹل اپنے نام کیا، انگلینڈ کی ٹیم نے ٹاس جیت کر پہلے کھیلتے ہوئے سات وکٹوں کے نقصان پر 228 رنز اسکور کیے۔

    بھارت کو میچ جیتنے کے لیے 229 رنز کا ہدف دیا۔ جواب میں بھارت کی پوری ٹیم جیت کے بہت قریب پہنچ کر 49 ویں اوور میں 219 رنز بنا کر آؤٹ ہو گئی۔


    مزید پڑھیں: بھارت نےآسٹریلیا کوشکست دے کرفائنل میں جگہ بنالی


    انگلینڈ کی جانب سے شربسول سب سے کامیاب بولر قرار پائیں۔ انہوں نے 46 رنز دے کر چھ کھلاڑیوں کو پویلین بھیجا۔ شربسول کو پلیئر آف دی میچ کا بھی ایوارڈ دیا گیا جبکہ انگلینڈ کی ٹیمی بومونٹ کو پلیئر آف دی ٹورنامنٹ کا ایوارڈ دیا گیا۔


    مزیدپڑھیں: بھارت اورانگلینڈ کےدرمیان فیصلہ کن معرکہ آج ہو گا


    یاد رہے کہ ویمن ورلڈ کپ میں انگلینڈ نے پہلا میچ ہارنے کے بعد اپنے تمام میچ جیتے۔ اس سے قبل انگلینڈ کی ٹیم 1973، 1993 اور 2009 میں ویمن ورلڈ کپ جیت چکی ہے۔

  • شاہ زیب خان کیس‘ عدالت نے وزارتِ داخلہ سے جواب طلب کرلیا

    شاہ زیب خان کیس‘ عدالت نے وزارتِ داخلہ سے جواب طلب کرلیا

    لاہور: میچ فکسنگ کے الزام میں معطل کرکٹر شاہ زیب کا نام ای سی ایل میں شامل کرنے کے خلاف دائر درخواست پرہائی کورٹ نے وزارت داخلہ اور پی سی بی سے 26 جولائی کو جواب طلب کر لیا۔

    تفصیلات کے مطابق لاہور ہائی کورٹ کے روبرو شاہ زیب کے وکیل نے موقف اختیار کیا کہ میچ فکسنگ کیس ٹریبونل میں زیر سماعت ہے‘ لہذا ان کے موکل کا نام غیر قانونی طو رپر ای سی ایل میں داخل کیا گیا ہے۔

    انہوں نے کہا کہ آئین کے آرٹیکل دس اے کے تحت کسی بھی شہری کو شفاف ٹرائل کے بغیر مجرم نہیں گردانا جا سکتا نہ ہی اس کے خلاف قانون کے برعکس کوئی کاروائی کی جا سکتی ہے۔

    میچ فکسنگ کیس ٹربیونل میں زیر سماعت ہونے کے باوجود پی سی بی کے ایماء پر وزارت داخلہ نے شاہ زیب کا نام غیر قانونی طور پر ای سی ایل میں شامل کردیا ہے ۔شاہ زیب کا نام کسی مقدمے میں شامل نہیں مگر نام ای سی ایل میں شامل کر کے باہر جانے پر پابندی عائد کرنا بنیادی حقوق کی خلاف ورزی ہے۔


    شاہ زیب نے الزامات کو چیلنج کرنے کا فیصلہ کرلیا


    وکیل نے عدالت سے استدعا کی کہ شاہ زیب کو اپنے اہل خانہ سے ملنے کے لیے انگلینڈ جانے کی اجازت دیتے ہوئے ایگزٹ کنٹرول لسٹ سے نام خارج کرنے کا حکم دیا جائے۔جس پر عدالت نے وزارت داخلہ اور پی سی بی سے 26 جولائی کو جواب طلب کر لیا۔

    وزارتِ داخلہ نے مارچ میں اسپاٹ فکسنگ میں ملوث کھلاڑیو ں کے نام ای سی ایل میں ڈالنے کا فیصلہ کیا تھا جس کے بعد شاہ زیب حسن‘ شرجیل خان‘ خالد لطیف‘ ناصر جمشید اور محمد عرفان کے نام ای سی ایل میں شامل کیے گئے تھے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پی سی بی نے کھلاڑیوں کو سنٹرل کنٹریکٹ دے دیا‘ تنخواہوں میں اضافہ

    پی سی بی نے کھلاڑیوں کو سنٹرل کنٹریکٹ دے دیا‘ تنخواہوں میں اضافہ

    لاہور: پاکستان کرکٹ بورڈ ( پی سی بی) نے آئندہ سیزن کیلئے پینتیس کھلاڑیوں کو سینٹرل کنٹریکٹ دے دیا ہے جس میں سرفراز احمد اے کیٹگری میں جبکہ نو آموز کھلاڑی فخر زمان سی کیٹگری میں جگہ بنانے میں کامیاب ہوگئے ہیں۔

    تفصیلات کے مطابق پی سی بی نے 35 کھلاڑیو ں کو سنٹرل کنٹریکٹ سے نواز اہے جو کہ 1 جولائی 2017 تا 30 جون 2018 تک نافذ العمل رہے گا۔

    سنٹرل کنٹریکٹ میں وہاب ریاض اور احمد شہزاد کی مسلسل خراب کارکردگی کے سبب ان کی تنزلی کی گئی ہے جبکہ عمر اکمل اس سال سنٹرل کنٹریکٹ حاصل کرنے میں ناکام رہے ہیں۔

    پی سی بی کی جانب سے جاری کردہ بیان میں کہا گیا ہے کہ معاہدہ کرتے ہوئے کھلاڑیوں کی کارکردگی‘ ان کی فٹنس اور نظم وضبط برقرار رکھنے کی صلاحیتوں کو مدِ نظر رکھا گیا ہے اور کھلاڑیوں کی ماہانہ تنخواہ میں 10 فیصد اضافہ بھی کیا گیا ہے۔

    پاکستان کرکٹ بورڈ نے پینتیس کھلاڑیوں کو چار کیٹیگریوں میں تقسیم کیا ہے۔

    اے کیٹیگری

    اے کیٹگری میں کپتان سرفراز احمد، شعیب ملک، اظہر علی، یاسر شاہ، محمد حفیظ اور محمد عامر شامل ہیں۔

    بی کیٹیگری

    بی کیٹگری میں بابر اعظم، عماد وسیم، اسد شفیق اور حسن علی شامل ہیں۔

    سی کیٹیگری

    چیمپئنز ٹرافی فائنل کے ہیرو فخر زمان اور شاداب خان کو سی کیٹگری میں رکھا گیا ہے جبکہ ان کے ساتھ وہاب ریاض ، راحت علی، حارث سہیل، سمیع اسلم، شان مسعود، سہیل خان، جنید خان، احمد شہزاد اور محمد عباس شامل ہیں۔

    ڈی کیٹیگری

    ڈی کیٹیگری میں محمد نواز، آصف ذاکر، عثمان صلاح الدین، عامر یامین، عثمان شنواری، فہیم اشرف، رومان رئیس، امام الحقم بلال آصف، میر حمزہ، عمر امین، محمد حسن، محمد اصغر اور محمد رضوان شامل ہیں۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • شکست کا غم بھلا کر دھونی نے منائی شادی کی ساتویں سالگرہ

    شکست کا غم بھلا کر دھونی نے منائی شادی کی ساتویں سالگرہ

    انٹیگا: مہندر سنگھ دھونی نے اپنی اہلیہ ساکشی کے ہمراہ ویسٹ انڈیز میں شادی کی ساتویں سالگرہ منائی، ساتھی کھلاڑیوں کی جانب سے  اس موقع پردھونی کو مبارکباد پیش کی گئی۔

    تفصیلات کے مطابق بھارتی ٹیم کے سابق کپتان مہندر سنگھ دھونی نے چوتھے ون ڈے میچ میں ویسٹ انڈیز سے شکست کا غم بھلا کر شادی کی ساتویں سالگرہ منائی۔

    دھونی اور ساکشی چار جولائی 2010ء کو شادی کے بندھن میں بندھے تھے۔ دھونی کا شمار کامیاب کپتانوں میں ہوتا ہے۔

    ایم ایس کی کپتانی میں بھارت نے ٹی ٹوئنٹی ورلڈ کپ، آئی سی سی چیمپئنز ٹرافی، آئی سی سی ورلڈ کپ میں کامیابیاں سمیٹیں۔ شادی سے قبل بھی دھونی کپتانی کے فرائض سر انجام دے رہے تھے تاہم دھونی نے ساکشی کے زندگی میں آنے کے بعد متعدد فتوحات اپنے نام کی۔ جس میں بھارت کو 28 سال بعد آئی سی سی ورلڈ کپ میں کامیابی دلوانا شامل ہے۔

    جھاڑکنڈ بوائے نے 2015ء کے ورلڈ کپ میں بھی کپتانی کے فرائض انجام دئیے تاہم آسٹریلیا نے سیمی فائنل میں بھارت کو شکست دے دی۔ بھارتی کرکٹ بورڈ نے کپتانی کے فرائض‌ سے دھونی کو دستبردار کرتے ہوئے ویرات کوہلی کا انتخاب کیا. دھونی ان دنوں‌ بحیثیت وکٹ کیپر بلے باز ٹیم میں‌ موجود ہیں.

    دھونی کی کپتانی میں بھارت نے آئی سی سی کے تینوں ایونٹ جیتے، ساکشی سے شادی کے بعد دھونی کامیابی کا گراف مسلسل بڑھا یہ کہا جائے تو غلط نہ ہوگا۔

    ساکشی دھونی کو سپورٹ کرنے کے لیے میدان میں موجود ہوتی ہیں یہی نہیں انڈین پریمیئر لیگ میں بھی ساکشی دھونی ٹیم کو سپورٹ کرتی نظر آتی ہیں۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • عامرسہیل کے بیان پربھارتی کرکٹرزبھی بول پڑے

    عامرسہیل کے بیان پربھارتی کرکٹرزبھی بول پڑے

    کراچی : پاکستان کے فائنل میچ کو مشکوک بنانے کی کوشش کرنے والے سابق کپتان عامر سہیل کو بھارتی کرکٹرز کی جانب سے کراراجواب مل گیا۔

    تفصیلات کے مطابق عامرسہیل کی جانب سے سرفرازاحمد کو شدید تنقید اورالزامات کا نشانہ بنانے پر بھارتی سابق کرکٹرزروی شاستری، سارو گنگولی اور ہربھجن سنگھ نے بھی عامرسہیل کو لتاڑ دیا۔

    عامرسہیل کا بیان سمجھ سے باہر ہے، سارو گنگولی

    سارو گنگولی نے پاکستان کی بڑی کامیابی پر سابق کپتان کے بیان کو مضحکہ خیز قراردیتے ہوئے کہا کہ عامرسہیل کی ذہنی پسماندگی عیاں ہوگئی، ایونٹ کا فائنل کھیلنے والی ٹیم کیلئے ایسے جملے غیر مناسب ہیں۔


    سارو گنگولی کا مزید کہنا تھا کہ عامرسہیل کا بیان سمجھ سے باہر ہے، جن کے اپنے ملک میں میچ نہیں ہوتے انہوں نے بڑی ٹیموں کو ہرایا۔

    استعمال شدہ پچز کا فائدہ صرف پاکستان کو نہیں ہوا، روی شاستری

    روی شاستری کا کہنا تھا کہ تمام ٹیموں کو معلوم تھا کہ ایک پچ پر کئی میچ ہوں گے، استعمال شدہ پچز کا فائدہ صرف پاکستان کو نہیں تمام ایشین ٹیموں کوہوا۔،

    عامرسہیل نے اپنی عزت کھودی، ہربھجن سنگھ

    اس کے علاوہ ہربھجن سنگھ نے بھی عامرسہیل کے بیان کو نامناسب قرار دیتے ہوئے افسردگی کا اظہار کیا ہے۔

    انہوں نے کہا کہ عامر سہیل ایک سینئر کرکٹر ہیں ان کو ایسی بات نہیں کہنی چاہئیے تھی پاکستانی کھلاڑی اگراچھا کھیلے ہیں تو ان کی حوصلہ افزائی کرنی چاہیئے نہ کہ تنقید کرکے ان کو مایوس کیا جائے۔ عامرسہیل نے اپنی عزت کھودی۔

    یاد رہے کہ عامر سہیل نے ایک نجی ٹی وی پروگرام میں قومی ٹیم کے کپتان سرفراز احمد کی کامیابی پر شدید تنقید کی تھی۔

    ان کا کہنا تھا کہ سری لنکا کیخلاف میچ میں ہونے والی جیت میں سرفراز احمد کا کوئی کمال نہیں، یہ مخصوص ایجنڈا تھا۔ عامر سہیل کے اس بیان کے بعد پاکستان کے خلاف زہر اگلنے والے بھارتی میڈیا کو موقع ملا اور اس نے پاکستان کیخلاف ہرزہ سرائی شروع کردی تھی۔

  • اسٹار کرکٹر مصباح الحق آج 43 ویں سالگرہ منار ہے ہیں

    اسٹار کرکٹر مصباح الحق آج 43 ویں سالگرہ منار ہے ہیں

    کراچی: قومی کرکٹ ٹیم کے سابق کپتان مصباح الحق نے زندگی کے 43 بہاریں دیکھ لیں‘ مصباح الحق 28 مئی 1974 کو میانوالی میں پیدا ہوئے‘ یونیورسٹی آف مینجمنٹ اینڈ ٹیکنالوجی سے تعلیم حاصل کی۔

    تفصیلات کے مطابق قومی ٹیم کے سابق کپتان مصباح الحق آج اپنی 43 ویں سالگرہ منارہے ہیں، مصباح الحق نے سالگرہ فیملی اور دوستوں کے ہمراہ منائی۔


    سابق کپتان نے سالگرہ کے موقع پر اپنی پسند کا کافی کیک منگوا کر سالگرہ منائی۔ چیمپئن کپتان کو سوشل میڈیا پر مداحوں کی جانب سے بھی سالگرہ کی مبارکباد کا سلسلہ جاری ہے۔

    مصباح الحق نے نیوزی لینڈ کے خلاف سنہ دو ہزار ایک میں کھیلے گئے میچ سے اپنے ٹیسٹ کیریئر کا آغاز کیا۔ 2010ء میں اس وقت ٹیسٹ ٹیم کی قیادت سنبھالی جب قومی ٹیم کے تین کرکٹر اسپاٹ فکسنگ میں ملوث پائے گئے، ٹیسٹ ٹیم کو نمبر ون پوزیشن پر لے جانے کا سہرا مصباح الحق کو ہی جاتا ہے۔


    مصباح الحق کا وطن واپسی پر شاندار استقبال


     واضح رہے کہ مصباح الحق کی قیادت میں پاکستان کرکٹ ٹیم نے ویسٹ انڈیز کو اس کی سرزمین پر دو ایک سے شکست دیکر پہلی بار ٹیسٹ سیریز جیتی ہے۔

    قومی ٹیم ٹیسٹ کو ویسٹ انڈیز کی سرزمین پر پہلی مرتبہ ٹیسٹ سیریز میں کامیابی دلوانے والے سابقہ کپتان مصباح الحق جب وطن واپس آئے تو ان کا شاندار استقبال کیا گیا، مداحوں کی جانب سے پھولوں کی پتیاں نچھاور کی گئیں۔

    سنہ 2017ء میں ویسٹ انڈیز کے خلاف ٹیسٹ سیریز جیت کر قومی ٹیم سے ریٹائرمنٹ کا اعلان کیا۔ سابق کپتان نے ٹیسٹ کیریئر میں 10 سنچریوں اور 39 نصف سنچریوں کی مدد سے 5222 رنز بنارکھے ہیں۔

  • یونس خان کے اعزاز میں لارڈز میں الوداعی تقریب

    یونس خان کے اعزاز میں لارڈز میں الوداعی تقریب

    اسلام آباد: پاکستان کے مایہ ناز کرکٹرز یونس خان کے اعزاز میں ہفتہ کو لارڈز کے تاریخی گراؤنڈ میں الوداعی تقریب کا انعقاد کیا گیا‘ یونس خان ٹیسٹ کرکٹ میں دس ہزار رنز مکمل کرنے والے واحد پاکستانی کھلاڑی ہیں۔

    تفصیلات کے مطابق یونس خان کے اعزاز میں لارڈز میں ایک تقریب منعقد کی گئی جس میں برطانیہ میں تعینات پاکستان کے ہائی کمشنر سمیت پاکستانی ٹیم کے کھلاڑیوں، مداحوں، پاکستانی کمیونٹی کے اراکین اور صحافیوں نے کیریئر کے دوران نمایاں کارکردگی کے اعتراف میں لیجنڈری کرکٹر کو زبردست خراج تحسین پیش کیا۔

    تقریب کے مہمان خصوصی پاکستانی ہائی کمشنر سید ابن عباس نے یادگار انداز سے 17 سالہ کیریئر اختتام کرنے پر یونس خان کو مبارکباد پیش کی اور کہا کہ یونس نوجوان کھلاڑیوں کیلئے رول ماڈل ہیں انہیں چاہیے کہ وہ بھی ان کے نقش قدم پر چلتے ہوئے ملکی کرکٹ کیلئے خدمات انجام دیں۔

    انہوں نے کہا کہ ہمیں یونس خان کے کارناموں پر فخر ہے، میری نیک تمنائیں اور ہمدردیاں ہمیشہ ان کے ساتھ رہیں گی اور خواہش ہے کہ وہ مستقبل میں بھی کامیاب ہوں۔


    یونس خان دس ہزار رنز بنانے والے پہلے پاکستانی بن گئے


     یونس خان ٹیسٹ کیریئرمیں ویسٹ انڈیز کے خلاف اپنے کیریئر کے آخری میچ کی پہلی اننگز میں دس ہزار رنز مکمل کرنے والے پہلے پاکستانی کھلاڑی بن گئے ہیں۔

    اس اسکور کے ساتھ ہی وہ پاکستان کے پہلے دس ہزار رنز بنانے والے کھلاڑی بن گئے۔ یاد رہے کہ آج سے قبل کوئی پاکستانی کرکٹر ٹیسٹ میچ میں یہ اسکور نہیں کرسکا۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • اسٹار آل راؤنڈر شاہد آفریدی کا ہمپشائر سے معاہدہ

    اسٹار آل راؤنڈر شاہد آفریدی کا ہمپشائر سے معاہدہ

    لندن: انگلش کاؤنٹی ہمپشائر نے آل راؤنڈر شاہد خان آفریدی سے رواں سال ٹی 20 بلاسٹ کے لیے معاہدہ کرلیا۔ سنہ 2011 کے بعد یہ تیسرا موقع ہوگا جس میں آفریدی انگلش کاؤنٹی سے کھیلیں گے۔

    جائلز وائٹ کا کہنا ہے کہ ٹی 20 ٹورنامنٹ کے لیے شاہد خان آفریدی ایک بہترین انتخاب ہیں ان کی نمائندگی ہماری ٹیم کو مزید مضبوط بنادے گی۔

    afridi post 1

    آفریدی نے ٹی ٹوئنٹی انٹرنیشنل میچز میں 98 میچز میں 97 وکٹیں حاصل کر رکھی ہیں جو اب تک انٹرنیشنل ریکارڈ ہے۔

    واضح رہے کہ شاہد آفریدی نے سنہ 2011 میں سمر سیٹ سے کھیلتے ہوئے 42 گیندوں پر 80 رنز بنائے تھے جہاں ٹائی ہونے والے میچ میں ہمپشائر کو سپر اوور میں شکست کا سامنا کرنا پڑا تھا۔

    afridi post 2

    یاد رہے کہ آفریدی رواں سال انٹرنیشنل کرکٹ سے ریٹائر منٹ کا اعلان کرچکے ہیں۔ بوم بوم نے دنیا بھر میں ٹی ٹوئنٹی لیگز کھیلنے کا سلسلہ جاری رکھنے کا اعلان کرتے ہوئے اپنی فلاحی فاؤنڈیشن پر توجہ دینے کا اعلان کیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جاوید میانداد کے تاریخی چھکے کو اکتیس برس بیت گئے

    جاوید میانداد کے تاریخی چھکے کو اکتیس برس بیت گئے

    کراچی : شارجہ میں بھارت کے خلاف جاوید میانداد کے تاریخی اور لازوال چھکے کو آج اکتیس سال بیت گئے۔ پاکستان کرکٹ کا وہ تاریخی لمحہ کرکٹ شائقین کے ذہنوں میں آج بھی تازہ ہے۔

    اٹھارہ اپریل 1986 کا دن بھارتیوں کیلئے دل دہلا دینے والا دن تھا کہ جب جاوید میانداد نے ان کی فتح کو شکست کی دھول چٹا دی۔ شارجہ کا اسٹیڈیم اور دوسری طرف پاکستان کا روائتی حریف بھارت تھا۔

    پاکستان اور بھارت کے خلاف شارجہ کے میدان میں آسٹریلیشیا کپ کے فائنل میں پاکستان 246 رنز کے بھارتی ہدف کا تعاقب کررہا تھا، یہ اس وقت شارجہ میں کسی بھی ٹیم کا بنایا گیا سب سے بڑا مجموعہ تھا۔

     

    اُس یادگارمیچ کے آخری اوور کے لمحات کی ویڈیو قارئین کی نذر

    اس ہدف تعاقب میں پاکستان جاوید میانداد کی لازوال سنچری کی بدولت اس مقام تک پہنچا کہ آخری اوور کی آخری گیند پر 4 رنز کی ضرورت تھی۔

    مزید پڑھیں : جاوید میانداد کے تاریخی چھکے کی گونج 

    گراؤنڈ شائقین سے بھرا ہوا تھا، دوکھلاڑیوں پر سب کی نظریں لگی ہوئی تھیں، جاوید میانداد نے بھارت کے فاسٹ بولر چیتن شرما کو چھکا لگا دیا۔ جس کے بعد اسٹیڈیم کے بھارتی انکلوژر میں سناٹا چھا گیا، جبکہ پاکستانیوں کے انکلوژر میں جشن کا سماں ہوگیا۔

     مزید پڑھیں : اظہرمحمود نے میانداد کی یاد تازہ کردی

    جاوید میانداد نے پاکستان کو اپنے چھکے کی بدولت فاتح بنادیا۔ جاوید میانداد کا وہ ناقابل فراموش چھکا آج بھی بھارت کو بہت درد دیتا ہے۔

  • کرکٹرمحمد عامر آج 25ویں سالگرہ منارہے ہیں

    کرکٹرمحمد عامر آج 25ویں سالگرہ منارہے ہیں

    کراچی: قومی کرکٹ ٹیم کے فاسٹ باؤلرمحمد عامر آج اپنی 25ویں سالگرہ منارہے ہیں‘ چھوٹی سی عمر میں عامر بڑے بڑے کارنامے انجام دے چکے ہیں اور امید ہے کہ ان کا باؤلنگ کیرئیر شاندار رہے گا۔

    تفصیلات کے مطابق قومی ٹیم کے لیفٹ آرم فاست باولر محمد عامر آج اپنی 25 ویں سالگرہ منارہے ہیں، محمد عامر 13 اپریل 1992ء کو گوجر خان میں پیدا ہوئے۔

    محمد عامر سات بہن بھائیوں میں دوسرے نمبر پر ہیں، فاسٹ باؤلر نے کرکٹ کا اسٹارٹ وسیم اکرم سے متاثر ہوکر کیا۔گیارہ سال کی عمر میں محمد عامر نے راولپنڈی میں باجوہ اسپورٹس اکیڈمی سے اپنے کیریئر کا آغاز 2003ء سے کیا۔


    محمد عامر سے متعلق دلچسپ حقائق


     مایہ ناز فاست باولر نے قومی ٹیم کی نمائندگی کرنے کے بعد گوجر خان چھوڑ کر لاہور میں قیام کا فیصلہ کیا، برطانوی نژاد پاکستانی خاتون نرجس خان سے ستمبر 2016ء میں شادی کی۔

    عامر کا ٹیسٹ ڈیبیو سری لنکا کے خلاف 2009، میں جبکہ ون ڈے ڈیبیو سری لنکا ہی کے خلاف 30 جولائی 2009ء کو ہوا۔

    عامر نے اس وقت بہت ہی برا وقت دیکھا جب ان پر انگلینڈ میں 2010ء میں تیسٹ سیریز کے دوران اسپات فکسنگ کا الزام لگا اور عامر نے سب سے پہلے اپنا گناہ مانا اور سزا بھگتنے کے بعد دوبارہ قومی ٹیم میں اپنی جگہ بنائی۔

    ان دنوں فاسٹ باؤلر ویسٹ انڈیز میں ٹیم کے ہمراہ موجود ہیں اور امید کی جارہی ہے کہ وہ اپنی سالگرہ بھی ساتھی کھلاڑیوں کے ہمراہ ہی منائیں گے۔

    اس خوشی کے دن پر ان کی شریکِ حیات نرجس عامر نے اپنے ٹویٹر پیغام میں محمد عامر کا دنیا کا سب سے بہترین شوہر قرار دیتے ہوئے اللہ سے ان کی حفاظت اور ان کو بھرپور خوشیوں سے نوازنے کی دعا کی ہے۔