دبئی: انٹرنیشنل کرکٹ کونسل (آئی سی سی) نے ٹیسٹ بیٹسمینوں کی نئی رینکنگ جاری کردی جس کے مطابق پاکستانی بلے باز یونس خان ایک درجہ بہتری کے بعد چوتھے نمبر پر آگئے۔
آئی سی سی کی جانب سے جاری کردہ ٹیسٹ کرکٹ کھلاڑیوں کی درجہ بندی میں آسٹریلیا اور جنوبی افریقا کے کھلاڑیوں کی رینکنگ میں تبدیلی آئی جبکہ عالمی درجہ بندی میں بھارت پہلے اور پاکستان دوسرے نمبر پر ہے۔
آئی سی سی کی جانب سے یہ فہرست آسٹریلیا اور جنوبی افریقا کے درمیان پرتھ میں کھیلے جانے والے ٹیسٹ کے اختتام پر جاری کی گئی جس میں واضح طور پر دونوں ٹیموں کی کھلاڑیوں کی رینکنگ میں بہت تبدیلی دیکھنے میں آئی۔
انٹرنیشنل کرکٹ کونسل کی رینکنگ کے حساب سے ٹیسٹ بیٹسمینوں آسٹریلوی بلے باز اسمتھ پہلے نمبر پر ہیں جبکہ پاکستانی بلے باز یونس خان ایک درجے بہتری کے بعد چوتھے اور کپتان مصباح الحق بدستور 10ویں پوزیشن پر موجود ہیں۔
بولرز رکی رینکنگ میں بھارتی اسپینر ایشون سرفہرست جبکہ پاکستانی لیگ اسپینر یاسر شاہ چھٹے نمبر پر آگئے۔
شارجہ : پاکستان اور ویسٹ انڈیز کے درمیان کھیلے جانے والا شارجہ ٹیسٹ دلچسپ مرحلے میں داخل ہوگیا، پاکستان کو جیت کیلئے پانچ وکٹیں جبکہ ویسٹ انڈیز کو صرف انتالیس رنزدرکارہیں ، قومی ٹیم دوسری اننگز میں دو سو آٹھ رنزبنا کرآؤٹ ہوگئی تھی۔ ویسٹ انڈیز نے پانچ وکٹوں کے نقصان پر114 رنز بنالیے ہیں۔
تفصییلات کے مطابق پل پل رنگ بدلنے کے بعد شارجہ ٹیسٹ سنسنی خیزمرحلے میں داخل ہوگیا، میچ کے چوتھے روز قومی ٹیم دوسری اننگز میں 208 رنز پر آﺅٹ ہو گئی اور ویسٹ انڈیز کو جیت کیلئے 153 رنز کا آسان ہدف دیا۔
ویسٹ انڈیز کی جانب سے کپتان جیسن ہولڈر نے تباہ کن باﺅلنگ کرتے ہوئے پاکستانی بیٹنگ لائن کو تہس نہس کر دیا اور 5 کھلاڑیوں کو پویلین کی راہ دکھائی جبکہ دیویندرا بیشو نے 3 اور روسٹن چیس نے ایک وکٹ حاصل کی۔ جواب میں ویسٹ انڈین بیٹنگ لائن بھی ڈگمگا گئی اور صرف 67 رنز پر ہی 5 کھلاڑی ہمت ہار گئے ہیں۔
یاسرشاہ کی بولنگ نےآسان اورچھوٹا ہدف مشکل بنادیا۔ ویاب ریاض نے بھی تباہ بولنگ کی پہلے بلیک ووڈ اور پھر چیس کو پویلین بھیجا۔ لیکن کریگ برتھ ویٹ اور شین ڈوریچ کی شراکت جیت کی راہ میں رکاوٹ بن گئی۔
پہلی اننگز میں آؤٹ نہ ہونے والے برتھ ویٹ اس بار بھی ناٹ آؤٹ ہیں۔ شین ڈوریچ بھی چھتیس رنزکے ساتھ کریز پر موجود ہیں۔
اس سے پہلے دوسری اننگز میں پاکستان ٹیم کی بیٹنگ لائن پھرلڑکھڑا گئی۔ دھوکا نہ دینے والےسرفراز احمد خراب گیند پر وکٹ تحفے میں دے بیٹھے۔
مشکلات سے گھری ٹیم کو کسی مرد بحران کی ضرورت تھی اظہرعلی کےپاس ہیرو بننے کاموقع بھی تھا لیکن اکانوے پر نائب کپتان آؤٹ ہوگئے۔
آخری پانچ وکٹیں تینتس رنزپرگری۔ دوسو آٹھ رنزپرقومی ٹیم ڈھیر ہوئی اورویسٹ انڈیز کو جیت کیلئے ایک سو ترپن رنزکا ہدف ملا۔
شارجہ: پاکستان اور ویسٹ انڈیز کی ٹیموں کے مابین کھیلے جانے والے تیسرے ٹیسٹ کے پہلے دن کے اختتام پر پاکستانی ٹیم چار کھلاڑیوں کی نصف سنچری کے باوجود بڑا اسکور کرنے میں ناکام رہی اور اُس کے 225 رنز پر 8 کھلاڑی آؤٹ ہوگئے۔
تفصیلات کے مطابق شارجہ ٹیسٹ کے پہلے دن ویسٹ انڈین بولرز کی عمدہ کارکردگی کے نتیجے میں پاکستانی بیٹسمین بڑا سکور کرنے میں ناکام نظر آئے اور کھیل کے اختتام پر پاکستان نے 8 کھلاڑیوں کے نقصان پر 255 رنز بنائے۔
پاکستان کی جانب سے سمیع اسلم، یونس خان مصباح الحق اور سرفراز احمد نے نصف سنچریاں اسکور کیں لیکن ٹیم بڑا اسکور کرنے میں ناکام رہے۔میچ کے پہلے اوور میں گرنے والی دو وکٹوں نے ٹیم کو بڑا دھچکہ دیا ۔
اظہر علی کوئی رن بنائے بغیر پہلے اوور کی دوسری گیند پر گیئریئل کی گیند کھیلتے ہوئے گریگ بریتھ ویٹ کے ہاتھوں کیچ آؤٹ ہوئے تاہم اگلی گیند پر اسد شفیق ایل بی ڈبلیو ہوکر پویلین روانہ ہوگئے انہوں نے بھی کوئی رن اسکور نہیں کیا۔
دس سال بعد یہ پہلا موقع ہے کہ پاکستانی ٹیم نے ٹیسٹ کے پہلے ابتدائی پہلے اوور میں تین وکٹیں گنوائیں قبل ازیں کراچی میں روایتی حریف بھارت کے بالر عرفان پٹھان نے 2006 میں ہیٹ ٹرک کی تھی۔
ایک رن پر دو وکٹیں کھونے کے بعد یونس خان اور سمیع اسلم نے ذمہ داری سے بیٹنگ کرتے ہوئے تیسری وکٹ کی شراکت میں 106 رنز کا اضافہ کر کے ٹیم کی پوزیشن بہتر بنائی تاہم سمیع اسلم نے جو بڑے اعتماد سے بیٹنگ کر رہے تھے 74 کے انفرادی سکور پر ریورس سوئپ کرنے کی کوشش میں اپنی وکٹ دیویندرا بشو کو تحفے میں تھما دی۔
سمیع اسلم کی اس سیریز میں یہ تیسری اور مجموعی طور پر پانچویں نصف سنچری ہے تاہم وہ اپنے کرئیر میں چوتھی مرتبہ سنچری کے قریب آکر آؤٹ ہوئے ہیں۔ تاہم یونس خان بھی آؤٹ ہوکر پویلین روانہ ہوئے نئے آنے والے کھلاڑیوں مصباح الحق اور سرفراز احمد نے پانچویں وکٹ کی شراکت میں 80 رنز کا اضافہ کیا تاہم مصباح الحق بشو کی گیند پر ریورس سوئپ کھیلتے ہوئے ڈورچ کے ہاتھوں آؤٹ ہوگئے۔
نئے آنے والے کھلاڑی محمد نواز 6 رنز اسکور کرسکے بعد ازاں سرفراز احمد اور وہاب ریاض بھی پویلین لوٹ گئے۔ وکٹ کیپر سرفراز احمد 51 رنز کی اننگز کھیلنے کے بعد گیبریئل کا شکار بنے۔
مصباح الحق پاکستان کی طرف سے سب سے زیادہ 49 ٹیسٹ میچوں میں قیادت کرنے والے کپتان بن گئے۔ انہوں نے سیریز میں لگاتار تیسری مرتبہ ٹاس جیت کر بیٹنگ کا فیصلہ کیا لیکن شارجہ کی وکٹ ابتدائی لمحات میں بیٹسمینوں کے لیے پریشانی کا سبب بننے کے لیے مشہور ہے اور پاکستانی بیٹسمین اس ابتدائی وار کو سہہ نہ سکے۔
دیویندرا بشو ویسٹ انڈیز کے سب سے کامیاب بولر رہے وہ اب تک چار وکٹیں حاصل کرچکے ہیں۔دونوں ٹیمیوں میں دو، دو تبدیلیاں کی گئیں ہیں۔ پاکستانی ٹیم میں سہیل خان اور راحت علی کی جگہ محمد عامر اور وہاب ریاض کو شامل کیا گیا ہے جبکہ مخالف ٹیم نے شائے ہوپ اور میگوئل کی جگہ شین ڈورچ اور الزاری جوزف کوموقع دیا ہے۔
دبئی : پاکستانی ٹیم کے بیٹسمین اظہر علی نے ویسٹ انڈیز کے خلاف شاندار اور تاریخ ساز ڈبل اور ٹرپل سنچری اسکور کرلی، وہ ڈے نائٹ ٹیسٹ میچ میں گلابی گیند کے ساتھ ڈبل اور ٹرپل سنچری بنانے والے دنیا کےپہلے کھلاڑی بن گئے، ان کے 302 رنز کے اسکور کے بعد پاکستانی ٹیم نے 579 رنز پر اننگز ڈیکلیئر کردی۔
تفصیلات کے مطابق پاکستان اور ویسٹ انڈیز کے درمیان دبئی میں کھیلے جانے والی ٹیسٹ سیریز کے پہلے میچ میں اظہر علی نے تاریخ ساز ڈبل اور بعد ازاں ٹرپل سنچری اسکور کردی۔
ڈبل سنچری کے بعد اظہر علی نے سلیوٹ مارا اور پش اپس لگائے اسی طرح ٹرپل سنچری پر بھی جذبات کا اظہار کیا۔وہ ڈےنائٹ ٹیسٹ میں ڈبل اور ٹرپل سنچری بنانے والے دنیا کے پہلے کھلاڑی بن گئے اور انہوں نے 302 رنز اسکور کیے پھر بھی ناٹ آئوٹ رہے۔
پہلے روز کی طرح دوسرے روز بھی اظہرعلی میدان میں چھائے رہے،146 رنز سے اپنی نامکمل اننگز شروع کی اورمحتاط بیٹنگ کرتے ہوئے 150 رنزکا سنگ میل عبورکیا۔
اسد شفیق کے ساتھ مل کر 137 رنز جوڑے اور ٹیم کی پوزیشن کو مستحکم بنایا۔ ڈے نائٹ ٹیسٹ کی تاریخ کا پہلا چھکا بھی اظہر علی کےحصے میں آیا۔
190 رنز پر اظہر علی کو دوسری زندگی اس وقت ملی جب سلپ پر اظہر علی کا کیچ ڈراپ کیا گیا۔ اظہرعلی نے موقع سے فائدہ اٹھایا اور چوکا لگا کر کیرئیر کی دوسری سنچری بنائی۔
دوسری جانب ویسٹ انڈیز کے خلاف گلابی گیند سے ڈے اینڈ نائٹ تاریخی ٹیسٹ میچ کھیلنے کا پاکستانی ٹیم نے سب سے پہلے یہ اعزاز اپنے نام کرلیاجبکہ روایتی حریف بھارت اس میچ کو کھیلنے سے محروم رہا۔
کراچی: پاکستانی آل راؤنڈر شاہد آفریدی نے کہا ہے کہ جاوید میاں داد کرکٹ کے لیجنڈ ہیں لیکن وہ ایک عرصے سے میری ذاتیات پر حملے کررہے تھے جس پر جواب دیا تاہم سنیئر کے بارے میں غلط بیان دینے پر افسوس ہے۔
ان خیالات کا اظہار انہوں نے سماجی رابطے کی ویب سائٹ پر اپنے ٹوئٹ کے ذریعے کیا۔ شاہد آفریدی کا کہنا تھا کہ ’’میاں داد کرکٹ کے لیجنٹ ہیں مگر وہ ایک عرصے سے میری ذاتیات پر حملے کررہے تھے، اُن کو ایک عرصے تک برداشت کیا مگر ہر چیز کی ایک حد ہوتی ہے‘‘۔
Javed Miandad is legend of cricket but he used very harsh words on TV for long time. He made personal attack on me for no reason1/2
شاہد خان آفریدی نے اپنے متنازعہ بیان پر نادم ہوتے ہوئے کہا کہ ’’جاوید میاں داد کرکٹ کے لیجنٹ ہیں ، سینئر کے خلاف جو کچھ کہا مجھے اُس پر دل سے افسوس ہے‘‘۔ انہوں نے مزید کہا کہ مسلسل تلخ رویہ کے باعث مجبو ری میں جواب دیا تھا‘‘۔
قبل ازیں شاہد آفریدی نے پریس کانفرنس کرتے ہوئے لیجنڈ کرکٹر پر الزام عائد کیا تھا کہ ’’جاوید میاں داد کو پیسوں کی فکر رہتی ہے، عمران خان اور اُن میں بس یہی فرق ہے‘‘۔
بعد ازاں لیجنڈ کرکٹر نے لالہ کی پریس کانفرنس پر ردِ عمل دیتے ہوئے کہا کہ ’’شاہد آفریدی پیسوں کی خاطر کچھ بھی کرسکتے ہیں اسی وجہ سے وہ بار بار الوداعی میچ کھیلنے کی خواہش ظاہر کررہے ہیں‘‘۔
انہوں نے مزید کہا کہ ’’شاہد آفریدی کی مارکیٹ ختم ہوگئی ہے اس لیے اب انہیں کوئی نہیں پوچھ رہا، کرکٹ میں کھلاڑی کو پرفارمنس کی بنیاد پر ٹیم میں شامل کیا جاتا ہے تاہم اگر آفریدی اس میں ناکام رہے اور سنیئرز پر الزام عائد کریں تو یہ بات سمجھ سے بالا تر ہے‘‘۔
سابق ٹی ٹوئنٹی کپتان کی جانب سے لیجنڈ کرکٹر پر لگائے جانے والے الزام کے بعد سماجی رابطے کی ویب سائٹ پر شاہد آفریدی پر میاں داد کے مداحوں کی جانب سے شدید تنقید کی گئی جس پر آفریدی نے اپنی غلطی کا اعتراف کرتے ہوئے ٹوئٹ کے ذریعے دیے گئے بیان پر افسوس کا اظہار کیا۔
آفریدی کے بیان پر کرکٹ کے مداحوں کا ردعمل
Afridi you disapointed all Pakistanis. Javed Miandad is a true patriotic. Respect yours seniors. JM world class player never be produced.✋✋
ابوظہبی: پاکستانی بیٹسمین بابر اعظم نے ویسٹ انڈیز کے خلاف مسلسل تیسری سنچری بنا کر لیجنڈ بیٹسمین ظہیر عباس اور سعید انور کے بعد اہم اعزاز اپنے نام کرلیا۔
تفصیلات کے مطابق ابوظہبی میں پاکستان اور ویسٹ انڈیز کے مابین تین ایک روزہ میچوں کی سیزیز کے آخری میچ میں بابر اعظم نے مسلسل تیسری سنچری اسکور کرکے لیجنڈ بیٹسمین ظہیرعباس اور سعید انور کے بعد ایک روزہ میچ میں سنچری بنا کر تیسرے پاکستانی بیٹسمن ہونے کا اعزاز اپنے نام کیا۔
سیریز کے آخری میچ میں پاکستان نے بیٹنگ کا آغاز کیا تو کپتان اظہر علی اور ساتھ آئے بیٹسمن شرجیل خان نے جارحانہ انداز میں کھیل پیش کرتے کیا تاہم 85 رنز کے مجموعی اسکور پر شرجیل خان 38 کے اسکور پر پویلین روانہ ہوگئے۔
بابر اعظم کپتان کا ساتھ دینے آئے تو اظہر علی نے جارحانہ انداز میں بیٹنگ کرتے ہوئے سنچری اسکور کی تاہم بابر اعظم کا بلا بھی بہترین طریقے سے چلتا رہا اور ٹیم کے مجموعی اسکور میں اضافے کا سبب بنا۔ دو میچوں میں سنچری اسکور کرنے کے بعد کالی آندھی کے خلاف تیسرے میچ میں بھی بابر اعظم نے عمدہ بیٹنگ کا مظاہرہ کرتے ہوئے سنچری اسکور کی جس کے بعد وہ ایک روزہ میچ میں تین سنچریاں کرنے والے دنیائے کرکٹ کے آٹھویں اور پاکستان کے تیسرے بیٹسمن بن گئے۔
علاوہ ازیں بابر اعظم 3 میچوں میں لگاتار سنچریاں بنانے والے دنیا کے دوسرے بیٹسمین بھی بن گئے، قبل ازیں یہ ریکارڈ جنوبی افریقہ کے بلے باز کوئینٹن ڈی کوک کے پاس تھا جنہوں نے بھارت کے خلاف یہ ریکادڑ بنایا تھا۔
پاکستانی بلے باز نے ویسٹ انڈیز کے خلاف پہلے میچ میں 120، دوسرے میں 123 اور تیسرے میچ میں 117 رنز کی کامیاب اننگز کھیلی۔
بابر اعظم کی شاندار بیٹنگ کے بعد اُن کے مداحوں کی جانب سے سوشل میڈیا پر مبارک باد کے پیغام کا سلسلہ جاری ہے، جس کے بعد مختصر وقت میں Babar Azam ٹوئٹر کے ٹاپ ٹرینڈ میں شامل ہوگیا۔
Babar Azam
8th batsman to score three 100s in a row in ODIs
2nd youngest
2nd to do so in a 3-match series
3rd Pakistani#PakvWI
He is Pakistan’s Babar Azam
Our proud our hero
Babar is not pakistani virat kholi he is Babar Azam
I’m proud of you Mr azam@babarazam258pic.twitter.com/Cms6ol8AtM
کراچی: کرکٹر شاہد آفریدی صحافی کی جانب سے فٹنس کے سوال پر بھڑک اٹھے اور کہا کہ الحمداللہ فٹ ہوں اور تم جیسے دس افراد کو سنبھال سکتا ہوں۔
تفصیلات کے مطابق قومی ٹی ٹونٹی ٹیم کے سابق کپتان شاہد آفریدی نے کہا ہے کہ میراچیف سلیکٹر انضمام الحق سے رابطہ ہوا ہے اور ان سے کہا ہے کہ میں کھیلنے کیلئے دستیاب ہوں،
ان خیالات کا اظہارانہوں نے کراچی میں میڈیا سے گفتگو کرتے ہوئے کیا، انہوں نے کہا کہ دورہ انگلینڈ میں کھلاڑیوں سے بہت ساری غلطیاں ہوئیں،
انہوں نے میڈیا پر تنقید کرتے ہوئے کہا کہ کسی کو اچانک ہیرو اور 25 سال پرانے کھلاڑی کو زیرو بنا دیتے ہیں۔
یہ ہمارے میڈیا کا کام ہے۔ میڈیا سلیکشن کمیٹی کا کردار ادا نہ کرے، جب مناسب سمجھوں گا خود ہی کرکٹ کو خیرباد کہہ دوں گا۔
ان کا کہنا تھا کہ انفرادی طورپراظہر علی کی کارکردگی بہت اچھی تھی لیکن بدقسمتی سے بطور کپتان وہ اچھی پرفارمنس نہیں کر پائے۔ ون ڈے کی کپتانی میں اظہر علی فلاپ رہے ہیں۔ ان پر زیادہ دباؤ نہیں ڈالنا چاہیئے۔
سرفراز احمد کے حوالے اپنی گفتگو میں انہوں نے کہا کہ ٹیم کو سرفراز کی صورت میں بہت اچھا کپتان ملا ہے، انہوں نے ٹی ٹونٹی میں بطور کپتان اچھا پرفارم کیا ہے۔
شاہد آفریدی نے بتایا کہ انٹرنیشنل لیگزکیلئے دو تین کلبوں سے بات چیت چل رہی ہے،جب بھی موقع ملاپاکستان کیلئے ضرورکھیلوں گا، ابھی کاؤنٹی اورڈومسٹک کرکٹ پر فوکس ہے۔
اس موقع پرشاہد آفریدی اپنی جا رحانہ طبیعت سے باز نہیں آئے۔ ایک صحافی کے سوال پر کہ کیا آپ اپنے آپ کو کرکٹ کیلئے فٹ سمجھتے ہیں،جس پر آفریدی نے بر جستہ کہا کہ الحمد اللہ تم جیسے دس بندے ابھی بھی سنبھال سکتا ہوں۔
واضح رہے کہ بوم بوم سے شہرت رکھنے والے شاہد آفریدی نے اس سے قبل بھی صحافی کے سوال کو گھٹیا قرار دیا تھا، جس پر ان کو صحافی برادری کی جانب سے شدید تنقید کا سامنا کرنا پڑا تھا۔
پالی کلے : آسٹریلیا نے ون ڈے سیریز کے پانچویں میچ میں سری لنکا کو پانچ وکٹوں سے شکست دیدی، سیریز آسٹریلیا نے چار ایک سے اپنے نام کرلی۔
تفصیلات کے مطابق ون ڈے سیریز کے پہلے چار میچوں میں ناکام آسٹریلوی اوپنر نے شاندار سنچری سے اپنی ٹیم کو میچ اور 4.1 سے سیریز جتوا دی۔
پالیکلے میں کھیلے گئے ون ڈ ے سیریز کے آخری میچ میں سری لنکا نے ٹاس جیت کر پہلے کھیلنے کا فیصلہ کیا، سری لنکن ٹیم نے پہلے بیٹنگ کرتے ہوئے ایک سو پچانوے رنز بنائے۔
اسٹارک نے تین، ہیڈ اور زیمپا نے دو ، دو وکٹیں حاصل کیں۔ آسٹریلیا نے مطلوبہ ہدف پانچ وکٹوں کے نقصان پر پورا کرلیا۔ ڈیوڈ وارنر نے ایک سو چھ رنز کی اننگز کھیلی۔ جارج بیلی نے چوالیس رنز اسکور کیے۔
پانچ میچوں کی سیریز آسٹریلیا نے چار ایک سے اپنے نام کرلی۔ وارنر کو مین آف دی میچ اور جارج بیلی کو مین آف دی سیریز قرار دیا گیا۔ دونوں ٹیموں کے درمیان دو میچز کی ٹی ٹوئنٹی سیریز چھ ستمبر سے شروع ہوگی۔
اس کے بعد سٹوکس نے دل بھر کر پاکستانی باولرز کی پٹائی کی۔ پاکستان نے ٹاس جیت کر مہزبان ٹیم کو پہلے بیٹنگ کرنے کی دعوت دی۔ جس کے بعد انگلش ٹیم مقررہ 50 اوورز میں 302زنز بنانے میں کامیاب ہوئی۔
پاکستان کی جانب سے حسن علی 4، محمد عامر 3، جبکہ عماد وسیم اور عمرگل ایک ایک وکٹ لینے میں کامیاب ہوئے۔
دانش کنیریا پر انگلش کرکٹ بورڈ نے ان الزامات کی بنا پر پابندیاں عائد کی تھیں کہ انہوں نے ایسیکس کاؤنٹی اسپاٹ فکسنگ کیس میں مرون ویسٹ فیلڈ کی سٹے بازی میں معاونت اور بکیز سے ان کو متعارف کروایا اور ناقص کارکردگی کے بدلے چھ ہزار پاونڈ لینے پر مرون ویسٹ کوآمادہ کیا تھا۔ انگلش کرکٹ بورڈ کی جانب سے پابندیوں کے بعد پاکستان کرکٹ بورڈ نے بھی کرکٹ کی عالمی قوانین کا تناظر میں ان پر پابندیاں عائد کیں۔ تاہم دانش کنیریا انگلش کرکٹ بورڈ کی جانب سے لگائے جانےوالے تمام الزامات کی تردیدی کرتے ہیں۔
دانش نے اےآر وائی ینوز سے بات کرتے ہوئے کہا کہ وہ بے قصور ہیں اور اگر کسی بھی شخص کے پاس ان الزامات سے متعلق کوئی بھی ثبوت ہے تو وہ عدالت میں پیش کریں۔
دانش پر پاکستان میں پابندیوں کی بعد پر اب وہ کسی بھی سطح پر کرکٹ کی سرگرمیوں میں حصہ نہیں لے سکتے اور نہ ہی وہ مستقبل میں پاکستان کرکٹ بورڈ میں کسی بھی ممکنہ عہدہ کے لئے اہل ہو سکتے ہیں۔
دانش کنیریاپاکستان میں مقیم ہندو کمیونٹی سے تعلق رکھنے والے دوسرے نوجوان ہیں جنہوں نے پاکستان کی قومی ٹیم میں اپنی جگہ بنائی ہے، اس قبل 1980 کی دہائی میں انیل دلپت نے پاکستان کی نمائندگی کا اعزاز حاصل کیا تھا۔ موجودہ صورت حال میں دانش کی متضاد حیثیت کے بعد اس وقت قومی ٹیم میں کوئی بھی غیر مسلم کھلاڑی نہیں ہیں۔
واضح رہے کہ بین الاقوامی کرکٹ کی دنیا میں کھلاڑیوں پر پابندیاں عائد ہونے کا یہ پہلا موقع نہیں۔ کسی بھی کھلاڑی پر جب کسی بھی طرح کی غیر قانونی کام میں ملوث ہونے کے الزام میں جب پابندی کا سامنا ہو تو عدالتیں نہ صرف ان کھلاڑیوں پر عائد الزامامت کی مکمل تحقیقات کرتے ہیں بلکہ مکمل چھان بین کے بعد ان کھلاڑیوں پر عائد کھیل سے متعلق پابندیوں اور جرمانوں کی تنسیخ یا توسیخ کرتے ہیں۔
دانش کو ایسیکس کاؤنٹی کے جس کھلاڑی کو پیسوں کے عوض ناقص کارکردگی پر اکسانے کا الزام تھا اس کھلاڑی کوبرطانوی عدالت کی تحقیقات کے نتیجے میں چند سال پابندیوں کے بعد کاونٹی کرکٹ کے لئے بحال کیا جا چکا ہے لیکن کنیریا کا کہنا ہے کہ پاکستان کرکٹ بورڈ نے ان کے کیس کو سیریس نہیں لیا۔ ان کا مزید یہ کہنا ہے کہ ’’ان کو یہ محسوس ہوتا ہے کہ پاکستان کرکٹ بورڈ انگلش کرکٹ بورڈ سے ڈیکٹیشن لیتی ہے اور بورڈ دانش کے مقدمہ کی مقامی سطح پر مکمل تحقیقات نہیں کر رہی ہے‘‘۔
دانش کنیریا اے آروائی سے خصوصی گفتگو کرتے ہوئے
انکا کہنا تھا کہ وہ پاکستان کرکٹ بورڈ کے پیٹرن ان چیف وزیر اعظم پاکستان میاں محمد نواز شریف کو بھی بذریعہ خط آگاہ کر چکے ہیں کہ وہ ان پر عائد پابندیوں کی تحقیقات کرائیں تاکہ وہ اپنے کیرئر کے حوالے سے فیصلہ کر سکیں۔ دانش کا کہنا ہے کہ کرکٹ کی سرگرمیوں کو جاری رکھنے کے حوالے سے قانونی پیچیدگیوں کی وجہ سے موجودہ صورت حال میں شدید مالی بحران کا شکار ہیں۔ ان کا کہنا ہے کہ ان کے پاس اب نہ مقدمہ کی پیروی کے لئے وکیل کی فیس ادا کر سکتے ہیں ہے اور نہ ہی ان کے پاس بچوں کی سکول کی فیس بھرنے کا پیسہ ہے۔
دانش سے بھارت دورے کے دوران پاکستان کے کچھ حلقوں کی جانب سے انڈین میڈیا میں پاکستان میں ان کے ساتھ ہندو کمیونٹی سے تعلق رکھنے کی بنا پر متعصبانہ رویہ کے حوالے سے بیانات پر تنقید کے جواب میں انکا کہنا تھا کہ وہ پاکستانی شہری ہیں اور انہوں نے اب تک جو مقام حاصل کیا وہ اسی ملک کے ہی مرہون منت ہے۔ وہ کبھی بھی اپنے وطن پاکستان کو چھوڑ کر جانے کا نہیں سوچ سکتے۔
واضح رہے کہ چھتیس سالہ دانش کنیریا نے 29 نومبر سن 2000 میں انگلینڈ کیخلاف اپنا پہلا ٹیسٹ کھیلا۔ انہوں نے (61) عالمی ٹیسٹ میچوں میں پاکستان کی نمائندگی کرتے ہوئے (261) وکٹیں حاصل کیں۔
پاکستان میں کھیلوں کے فروغ اور ٹیلینٹ کو بیرون ملک منتقل ہونے سے روکنے کے لئے ضروری ہے کہ پاکستان میں کھیلوں سے متعلق اداروں کو مزید متحرک کر دیا جائے اور باصلاحیت کھلاڑیوں کو آگے بڑھنے کا بھر پورموقع دیا جانا چاہیے۔
