Tag: Cricket
-
ثقلین مشتاق نے چنائی ٹیسٹ میں ٹنڈولکر کو آؤٹ کرنے کا راز افشا کر دیا
لاہور: پاکستانی کرکٹ کی تاریخ کے سب سے یادگار ٹیسٹ میچ چنائی ٹیسٹ کے ہیرو ثقلین مشتاق نے یادداشت کو آواز دیتے ہوئے کہا ہے کہ اس تاریخی دن اللہ ان کے ساتھ تھا، اس لیے انھوں نے اپنے کیریئر کی یادگار ترین کارکردگی دکھائی۔
اے آر وائی نیوز کے مطابق دوسرا کے مؤجد کہلانے والے سابق پاکستانی آف اسپنر ثقلین مشتاق نے کہا ہے کہ جب وہ چنائی ٹیسٹ میں لیجنڈ بلے باز سچن ٹنڈولکر کی وکٹ لے رہے تھے تو اس دن اللہ ان کے ساتھ تھا۔
ثقلین نے کہا کہ اس دن اللہ میرے ساتھ تھا، میں نے سوچا بھی نہیں تھا کہ میں ماسٹر بلاسٹر (سچن ٹنڈولکر) کی وکٹ حاصل کر لوں گا، لیکن جب اللہ فیصلہ کرتا ہے تو اسے کوئی تبدیل نہیں کر سکتا۔
سابق کرکٹر ثقلین مشتاق کا نیا روپ جسے دیکھ کر آپ حیران رہ جائیں گے
یاد رہے کہ چنائی ٹیسٹ 1999 میں پاکستان اور بھارت کے درمیان کھیلا گیا تھا، جس میں پاکستان ٹیم نے روایتی حریف کو 12 رنز سے شکست دی تھی، اس میچ کی خاص بات یہ تھی کہ ثقلین مشتاق نے اس میں 10 وکٹیں لے لی تھیں، جس میں ٹنڈولکر کی بڑی وکٹ بھی شامل تھی، انھوں نے آؤٹ ہونے سے قبل 136 رنز بنائے تھے، اور وہ بھارت کو میچ جتوانے کی طرف لے جا رہے تھے۔
تاریخی چنائی ٹیسٹ میں ثقلین مشتاق بھارتی بلے باز سچن ٹنڈولکر کو آؤٹ کرتے ہوئے، وسیم اکرم اس سے قبل آف اسپنر کا حوصلہ بڑھا رہے ہیں سابق اسپنر نے اس یادگار میچ سے متعلق کہا کہ میری زندگی کی آخری سانس تک مجھے اس پر فخر کا احساس ہوتا رہے گا کہ میں نے اس دن ٹنڈولکر کو آؤٹ کیا۔ انھوں نے کہا کہ ان دنوں سچن جب بیٹنگ کے لیے آتا تو کسی کو نہیں چھوڑتا تھا، وہ بہت خوب صورتی سے کھیلتا، میں وسیم بھائی (اس وقت ٹیم کے کپتان وسیم اکرم) کے پاس گیا اور کہا ٹنڈولکر کو آؤٹ کرنا بولرز کے لیے بہت مشکل ہو گیا ہے، میں تھوڑا سا نفسیاتی دباؤ بھی محسوس کر رہا تھا۔
ثلقین مشتاق کا کہنا تھا کہ اگرچہ میں انھیں دوسرا کرنے سے ڈر رہا تھا لیکن اس وقت وسیم اکرم نے بھرپور اعتماد دیا اور کہا کہ میں ٹیم کے لیے کوئی جادو دکھا سکتا ہوں، ان الفاظ نے بڑی مدد کی اور میں نئے جذبے سے بولنگ کرنے لگا، کئی باؤنڈریز لگیں لیکن آخر کار میں نے ٹنڈولکر کو آؤٹ کر دیا۔
-
لاک ڈاؤن : گھر میں اکیلے کرکٹ کھیلنے صحیح طریقہ
کراچی : کورونا وائرس کے پیش نظر کیے جانے والے لاک ڈاؤن کی وجہ سے لوگ اپنے گھروں میں رہنے پر مجبور ہیں مگر ایسے میں وقت گزارنے کیلئے گھر کے کاموں کے ساتھ ساتھ ذہنی آسودگی کیلئے کھیلنا بھی ضروری ہے۔
اس حوالے سے سوشل میڈیا پر مختلف لوگ اپنی گھریلو مصروفیات دوسروں سے شیئر کررہے ہیں لیکن جب بات کھیلنے کی آتی ہے تو زیادہ تر لوگوں کا پسندیدہ کھیل کرکٹ ہے لیکن یہ اکیلے نہیں کھیلا جاتا۔
اس سلسلے میں سماجی رابطے کی ویب سائٹ ٹوئٹر پر کچھ ویڈیوز دیکھنے کو مل رہی ہیں جن میں لوگ قرنطینہ میں وقت گزارنے کے لیے گھروں میں کرکٹ کھیل رہے ہیں۔
ایسے میں کچھ لوگ تو گھروں کے صحن میں اپنے گھر والوں کے ساتھ مل کر چوکے چھکے مارتے نظر آرہے ہیں مگر کچھ ایسے بھی ہیں جنہوں نے اپنی پرفارمنس بہتر کرنے کے لیے قرنطینہ کو بہترین وقت سمجھ لیا ہے۔
A young cricket fan has used elastic with a tennis ball and fixed it to his cap for his net practice session at home. Good way to engage while staying at home indeed… PS.. the kid is my nephew 🙂 @ali1wahab @Saad1Siddiqui pic.twitter.com/ZSgfyiSf1A
— SenatorMurtaza Wahab (@murtazawahab1) April 11, 2020
کرکٹ کھیلنے کے شوقین بچے بھی کسی سے پیچھے نہیں، ٹوئٹر پر اس وقت ایک بچے کی ویڈیو وائرل ہو رہی ہے جس نے اپنی پریکٹس کے لیے منفرد طریقہ ڈھونڈ نکالا ہے۔
ٹوئٹر پر سینیٹر مرتضیٰ وہاب کے بھانجے کی ویڈیو وائرل ہو رہی ہے جس میں بچے نے اپنی ٹوپی میں لاسٹک کے ساتھ بال کو باندھ رکھا ہے، لچک کی وجہ سے جب بال واپس آتی ہے تو وہ اپنے بلے کی مدد سے اسے ہٹ کررہے ہیں۔ یہ ویڈیو سینیٹر مرتضیٰ وہاب نے خود اپنے ٹوئٹر اکاؤنٹ پر شیئر کی ہے۔
ویڈیو میں دیکھا جا سکتا ہے کہ بچے نے اپنی ٹوپی میں لاسٹک کے ساتھ بال کو باندھ رکھا ہے۔ لچک کی وجہ سے جب بال واپس آتی ہے تو وہ اپنے بلے کی مدد سے اسے ہٹ کررہے ہیں، اس ویڈیو پر ٹوئٹر صارفین نے اپنے کمنٹس میں پسندیدگی کا اظہار کیا اور کرکٹ کے حوالے سے مفید مشورے بھی دیے۔
-
’پی ایس ایل نے ثابت کردیا پاکستان محفوظ ترین ملک ہے‘
کراچی: سابق انگلش کھلاڑی اور معروف کمنٹیٹر مائیکل ایتھرٹن نے کہا ہے کہ پی ایس ایل فائیو کی شاندار میزبانی نے ثابت کردیا کہ پاکستان کرکٹ کے لیے محفوظ ترین ملک ہے۔
تفصیلات کے مطابق اپنے ایک بیان میں مائیکل ایتھرٹن نے پی ایس ایل فائیو کو کامیاب ایونٹ قرار دے دیا۔ ان کا کہنا تھا کہ ایس ایل فائیو نے دنیا کو پیغام دیا کہ پاکستان کرکٹ کے لیے محفوظ ملک ہے۔
انہوں نے کہا کہ یہاں کے شائقین کرکٹ سے محبت کرتے ہیں، پی ایس ایل کے دوران انٹرنیشنل کھلاڑیوں نےخود کو بالکل محفوظ سمجھا اور شائقین کے جوش وخروش سے خوب لطف اندوز ہوئے۔
پی ایس ایل سیزن 5 میں بہترین تجربات، ہاشم آملہ کو پاکستان کی یاد ستانے لگی
سابق کرکٹر کا مزید کہنا تھا کہ کھلاڑی پاکستان سے اچھا پیغام لے کر گئے۔
قبل ازیں پاکستان سپر لیگ کے سیزن 5 میں پشاور زلمی کے لیے بحیثیت بیٹنگ مینٹور اپنے فرائض انجام دینے والے جنوبی افریقہ کے مایہ ناز بلے باز ہاشم آملہ نے ملک میں گزارے اپنے بہترین لمحات اور تجربات سے مداحوں کو آگاہ کیا تھا۔
اپنے ویڈیو بیان میں ہاشم آملہ نے پاکستانی کھلاڑیوں کی صلاحیتوں کی تعریف کی اور ملک میں کرکٹ کے فروغ کے لیے اپنی نیک تنماؤں کا بھی اظہار کیا۔ اس کے علاوہ انہوں نے پی ایس ایل 5 کو پاکستان کا بہترین ایونٹ قرار دیا.
-
آن لائن فٹنس ٹیسٹ تمام کھلاڑیوں کے لیے چیلنج ہوگا: اظہر علی
لاہور: قومی ٹیسٹ ٹیم کے کپتان اظہر علی نے کہا ہے کہ آن لائن فٹنس ٹیسٹ تمام کھلاڑیوں کے لیے چیلنج ہوگا، لاک ڈاؤن میں بھی فٹنس کا خیال رکھنا لازمی ہے۔
اے آر وائی نیوز کے مطابق کپتان اظہر علی نے ویڈیو کانفرنس کرتے ہوئے کہا ہے کہ ڈیپارٹمنٹ کرکٹ کی بحالی کی خبریں سن رہے ہیں، اس سے بہت فائدہ ہوگا، پی سی بی نے آن لائن فٹنس ٹیسٹ کا اعلان کیا ہے، یہ تمام کھلاڑیوں کے لیے چیلنج ہوگا۔
اظہر علی کا کہنا تھا طویل وقفے کے بعد کرکٹ میں واپسی مشکل ہوگی، ہم اپنے طور پر کوشش کر رہے ہیں کہ خود کو فٹ اور متحرک رکھ سکیں، کوشش کریں گے کچھ پریکٹس میچز ہو جائیں،ہمیں معلوم نہیں یہ وقفہ کتنا طویل ہوگا۔
انھوں نے کہا لاک ڈاؤن میں جو لوگ بلا وجہ باہر نکل رہے ہیں ان پر افسوس ہے، صرف دوسروں نہیں اپنے آپ سے بھی بچنے کی ضرورت ہے، بلاوجہ باہر نکلنے کی بجائے اہل خانہ کے ساتھ وقت گزاریں۔
کھلاڑیوں کے ساتھ رابطے میں ہیں، ٹریننگ کرا رہے ہیں: مصباح الحق
اظہر علی نے کہا قومی ٹیسٹ ٹیم کے حوالے سے مطمئن ہوں، آسٹریلیا کا دورہ بہتر آغاز نہیں تھا، بنگلادیش اور سری لنکا کے خلاف فتوحات خوش آیند ہیں، وہاب ریاض، محمد عامر نے بہت عرصہ پاکستان کے لیے ٹیسٹ کرکٹ کھیلی، سینئر کھلاڑیوں کے نہ ہونے سے نوجوان کھلاڑیوں کو موقع ملا، نوجوان فاسٹ بولرز نے بہترین پرفارمنس کا مظاہرہ کیا، امید ہے 6 سے 8 ماہ میں بہترین بولنگ اٹیک بن جائے گا۔
کپتان قومی ٹیسٹ ٹیم کا کہنا تھا پاکستان کو کافی عرصے سے ٹیسٹ کرکٹ کم مل رہی ہے، پاکستان کو سال میں زیادہ سے زیادہ 10 ٹیسٹ میچز ملتے ہیں، امید ہے ان میں مزید کمی نہیں ہوگی۔ انھوں نے مزید کہا اسپاٹ فکسنگ میں ملوث کھلاڑیوں پر اپنے مؤقف پر قائم ہوں، پی ایس ایل نہ کھیلنے کا دکھ ہے، لیکن فرنچائز پر منحصر ہے کہ وہ کس کھلاڑی کا انتخاب کرتے ہیں۔
خیال رہے کہ لاک ڈاؤن کے دنوں میں پی سی بی نے کھلاڑیوں کے لیے فٹنس ٹیسٹ کی تاریخ کا اعلان کیا ہے، ڈومیسٹک اور انٹرنیشنل سینٹرل کنٹریکٹ میں شامل کھلاڑیوں کے فٹنس ٹیسٹ 20 اور 21 اپریل کو وڈیو لنک کے ذریعے لیے جائیں گے، ٹیسٹ میں کھلاڑیوں کو ایک منٹ میں 60 پش اپ اور 50 سٹ اپ لگانے ہوں گے۔
-
کرکٹ کے میدان سے اہم خبر، ملک میں معیاری پچز کی تیاری
کراچی: پاکستان میں کرکٹ کی عالمی سطح پر مزید فروغ کے لیے اقدامات سامنے آگئے، معیاری پچز کی تیاری اور میدان کا جائزہ لینے کے لیے برطانوی ماہرکیوریٹراینڈی اٹکنسن پاکستان پہنچ گئے۔
تفصیلات کے مطابق پاکستان پہنچنے والے ماہرین میں اینڈی اٹکنسن آئی سی سی کے پچ کنسلٹنٹ بھی ہیں۔ اینڈی اٹکنسن کراچی، لاہور، پنڈی اور ملتان اسٹیڈیم کی پچز کا جائزہ لیں گے۔
برطانوی کیوریٹر آج نیشنل اسٹیڈیم میں پچز کا معائنہ کریں گے۔ برطانوی کیوریٹرپاکستان سینٹرز میں پچز کا جائزہ لے کر رپورٹ پاکستان کرکٹ بورڈ( پی سی بی) کو دیں گے۔ رپورٹ کی روشنی میں معیاری اور سپورٹنگ وکٹیں تیار کی جائیں گی۔
ملک میں ایسی پچز تیار کی جائیں گی جس سے بیرون ملک بیٹنگ بولنگ میں مشکل نہیں آسکے۔
خیال رہے کہ پاکستان سپرلیگ کے میچز انہیں پیچز پر ہوں گے۔ جس طرح ملک میں عالمی کرکٹ بحال ہوئی اس سے غیرملکی ٹیم کے دورہ پاکستان سے کرکٹ کے میدان میں معیاری پیچز معاون ثابت ہوگی۔
-
شائقین کرکٹ کو پی ایس ایل کا بے صبری سے انتظار، کاؤنٹ ڈاؤن کلاک نصب
لاہور: شائقین کرکٹ پاکستان سپر لیگ کے سیزن فائیو کے آغاز کا بے چینی سے منتظر ہیں، جبکہ اسٹیڈیم میں کاؤنٹ ڈاؤن کلاک بھی نصب کردیا گیا ہے۔
تفصیلات کے مطابق گزشتہ سال جو پاکستان کرکٹ کے لیے خوشگوار رہا اور عالمی کرکٹ بحال ہوئی وہیں 2020 میں بھی شائقین کرکٹ کھیل کا میدان آباد اور رنگوں سے بھرا دیکھیں گے۔
پاکستان سپر لیگ کاؤنٹ ڈاؤن کلاک لاہور کے قذافی اسٹیڈیم کے مرکزی دروازے پر نصب کردیا گیا ہے۔
پی ایس ایل سیزن فائیو کے آغاز میں 50دن باقی رہ گئے ہیں، پی ایس ایل سیزن فائیو 20فروری سے 22مارچ تک جاری رہے گا، لاہور میں فائنل سمیت پاکستان میں 14میچز کھیلے جائیں گے، جبکہ اگلے سال پی ایس ایل کو مزید وسیع کیا جائے گا۔
پی ایس ایل 5: شائقین کے لیے زبردست خوش خبری
پاکستان کرکٹ بورڈ کے چیئرمین احسان مانی کا گزشتہ روز انٹرویو میں کہنا تھا کہ رواں سال ملک میں پی ایس ایل کے تمام میچز ہورہے ہیں، جبکہ 2021 میں چھ شہروں میں اس میگا ایونٹ کے میچز ہوں گے۔
خیال رہے کہ قومی کرکٹ بورڈ نے پاکستان سپرلیگ کے پانچویں ایڈیشن کا شیڈول تیار کرلیا جس کا باقاعدہ اعلان آج کیا جائے گا۔پی ایس ایل فائیو کی افتتاحی تقریب اور پہلا میچ کراچی جبکہ فائنل لاہور میں کھیلا جائے گا، رواں سال ہونے والے ایڈیشن کے تمام میچز پاکستان کے چار بڑے شہروں میں کھیلے جائیں گے۔
-
ہمیں بہت کچھ سیکھ کر پرفارمنس میں بہتری کی ضرورت ہے: مصباح الحق
کراچی: قومی کرکٹ ٹیم کے ہیڈ کوچ مصباح الحق کا کہنا ہے کہ رواں سال تینوں فارمیٹ میں ہماری جیت کا تناسب کم ہوا ہے، ہمیں بہت کچھ سیکھ کر پرفارمنس میں بہتری کی ضرورت ہے۔
تفصیلات کے مطابق اپنے ویڈیو بیان میں ہیڈ کوچ کا کہنا تھا کہ 2019پاکستان کے لیے ٹف تھا، جنوبی افریقہ اور آسٹریلیا کا دورہ مشکل تھا، ہمارے کھلاڑیوں نے اہم وقت پر فارم کھودی، ٹیم میں مزید کام کی ضرورت ہے۔
انہوں نے کہا کہ بابر اعظم نے پورے سال بہترین کارکردگی دکھائی، آسٹریلیا میں بابر اعظم نے اپنی صلاحیتوں کا لوہا منوایا، نوجوان بولرز کا آنا خوش آئند ہے۔ نسیم اور شاہین اچھی فارم میں ہیں۔
📹 @captainmisbahpk reviews Pakistan national men’s team’s 2019
Full video: https://t.co/nKWp7GCwVH pic.twitter.com/h7PaQafVDM
— Pakistan Cricket (@TheRealPCB) December 31, 2019
ان کا مزید کہنا تھا کہ ہم درست سمت میں ہیں، مزید کام کرنے کی ضرورت ہے۔
2021 میں 6 مقامات پر پی ایس ایل میچز ہوں گے: چیئرمین پی سی بی
دوسری جانب چیئرمین پاکستان کرکٹ بورڈ (پی سی بی) احسان مانی کا کہنا ہے کہ پاکستان میں انٹرنیشنل کرکٹ بحال ہوچکی ہے، ہماری سب سے بڑی کامیابی ٹیسٹ کی بحالی ہے۔
اپنے ایک انٹرویو میں چیئرمین پی سی بی کاکہنا تھا کہ 2020 میں پورا پی ایس ایل ہوم گراؤنڈ پر ہوگا، 2021 میں 6 مقامات پر پی ایس ایل میچ ہوں گے، ہر ٹیم کا اپنا ہوم گراؤنڈ ہوگا۔
-
سرفراز احمد کراچی کا فخر ہیں: یونس خان
کراچی: قومی کرکٹ ٹیم کے سابق کپتان یونس خان بھی سرفراز احمد کے معترف ہوگئے اور ان کی قابلیت کو سراہا۔
تفصیلات کے مطابق سرفراز احمد قومی ٹیم کے کپتان تھے جنہیں کارکردگی نہ دکھانے کی پاداش میں ہٹادیا گیا، بعد ازاں شائقین کرکٹ کی جانب سے بھی غم وغصے کا اظہار کیا گیا۔
میڈیا سے گفتگو کرتے ہوئے یونس خان کا کہنا تھا کہ سرفراز احمد کراچی کا فخر ہیں۔
انہوں نے کہا کہ مجھ جیسے لوگوں پر کراچی کا قرض ہے، ہر کام میں ٹائم لگتا ہے پاکستان کرکٹ میں بھی بہتری آئے گی، ہوم گراؤنڈ میں کرکٹ واپس آگئی ہے اس پر بہت خوشی ہے، ملک میں بہت ٹیلنٹ ہے۔
خیال رہے کہ پاکستان میں دس سال بعد ٹیسٹ کرکٹ بحال ہوچکی ہے۔
شاندار فتح کے بعد قومی ٹیم کی ٹیسٹ چیمپئن شپ میں پوزیشن بہتر
واضح رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کیا، قومی ٹیم نے سری لنکا کو کراچی ٹیسٹ میں 263 رنز سے شکست دی تھی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے تھے۔
جواب میں سری لنکا کی بیٹنگ لائن ریت کی دیوار ثابت ہوئی تھی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کی، قومی ٹیم کی اس شاندار فتح کے بعد ٹیسٹ رینکنگ میں بھی پاکستان کی پوزیشن مستحکم ہوگئی ہے۔
-
شاندار فتح کے بعد قومی ٹیم کی ٹیسٹ چیمپئن شپ میں پوزیشن بہتر
کراچی: پاکستان کی سری لنکا کے خلاف ہوم سیریز میں فتح نے ٹیسٹ چیمپئن شپ میں پوزیشن بہتر کردی، قومی ٹیم نے 80 پوائنٹس کے ساتھ ٹیبل پر تیسرا نمبر حاصل کرلیا۔
تفصیلات کے مطابق ٹیسٹ چیمپئن شپ کی پوائنٹس ٹیبل پر شاہینوں کی پوزیشن بہتر ہوگئی، ڈرا ہونے والے پنڈی ٹیسٹ سے ملے 20 پوائنٹس جبکہ کراچی ٹیسٹ کی جیت نے 60 پوائنٹس دیے۔
پاکستان ٹیم 80 پوائنٹس کے ساتھ تیسری پوزیشن پر پہنچ گئی، قومی ٹیم نے اب تک ٹیسٹ چیمپئن شپ میں 4 ٹیسٹ کھیلے، 2 ہارے، 1 ڈرا اور ایک جیتے، پوائنٹس ٹیبل پر 216 پوائنٹس کے ساتھ آسٹریلوی ٹیم کی دوسری پوزیشن ہے جبکہ 360 پوائنٹس کے ساتھ بھارتی ٹیم پہلے نمبر پر براجمان ہے۔
پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم
واضح رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کیا، قومی ٹیم نے سری لنکا کو کراچی ٹیسٹ میں 263 رنز سے شکست دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے۔
سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کی، قومی ٹیم کی اس شاندار فتح کے بعد ٹیسٹ رینکنگ میں بھی پاکستان کی پوزیشن مستحکم ہوگئی ہے۔
