Tag: Cricket

دبئی : دبئی ٹیسٹ میں انگلینڈ کیخلاف پاکستان ٹیم کو شاندار کامیابی مل گئی ۔ پاکستانی ٹیم نے اپنی شاندار بالنگ کی بدولت انگلینڈ کو 312رنز پرآل آﺅٹ کر کے178 رنز سے ہرادیا۔

تفصیلات کے مطابق دبئی کرکٹ اسٹیڈیم میں پاکستان نے انگلش ٹیم کو ناکوں چنے چبوا دیئے۔ چار سواکانوے رنز کے تعاقب میں انگلش بیٹنگ شروع میں ہی لڑکھڑا گئی۔

پانچویں اور آخری دن کے کھیل میں انگلینڈ کی پوری ٹیم 312رنز بناکر پویلین لوٹ گئی، معین علی عمران خان کی گیندپر آؤٹ ہوئے۔ انگلش کپتان ایلسٹر کک نے دس رنز پر یاسرشاہ کے سامنے ہیتھارڈال دئیے۔ انیس رنز پر انگلش اوپنرز پویلین لوٹ گئے۔

اس موقع پرای این بیل اور جو روٹ نےایک سو دو رنز کی شراکت جوڑ کرکچھ مزاحمت کی۔ جو زیادہ دیر نہ چل سکی، میچ کے آخری لمحات میں انگلینڈ کے عادل ر شید کو 61 اسکور پر یاسر شاہ نے آﺅ ٹ کیا ۔

انگلینڈ کے اسٹیورٹ براڈ 30 ، بین سٹوکس 13، جوزبٹلر07، جونی بیرسٹو 22 ،جوئے روٹ 71، آین بیل 46، کپتان الیسٹرکک 10 ، معین علی 01،عادل رشید61اور مارک ووڈ 29 رنز بنا کر آوٹ ہوئے جبکہ جیمز انڈرسن بغیر کوئی رن بنائے ناٹ آؤٹ رہے ۔

پاکستان کی جانب سے یاسر شاہ نے 4،ذوالفقار بابر نے 3،عمران خان نے 2اور وہاب ریاض نے ایک کھلاڑی کو آوٹ کیا۔

گزشتہ چوتھے روز کھیل ختم ہونے تک انگلینڈ نے تین وکٹوں پر ایک سو تیس رنز بنائے تھے۔ یاد رہے کہ پاکستان نے انگلینڈ کیخلاف ایک سو اٹہتر رنز سے سب سے بڑی فتح سمیٹی ہے۔

اس سے قبل انیس سو چھیانوے میں پاکستانی ٹیم لارڈز میں انگلینڈ کو ایک سو چونسٹھ سے ہراچکی ہے۔ پاکستان نے چھبیس اکتوبر انیس سو باون کو اپنا پہلا ٹیسٹ بھارت کیخلاف جیتا تھا۔

دبئی : پاکستان اورانگلینڈ کی کرکٹ ٹیموں کے درمیان کھیلے جارہے دبئی ٹیسٹ کے دوسرے روز انگلینڈ نے کھیل کے اختتام پر تین وکٹوں پرایک سو بیاسی رنز بنالئے۔

انگلینڈ کو پاکستان کی برتری ختم کرنے کیلئے مزید ایک سو چھیانوے رنز درکار ہیں ۔ دبئی ٹیسٹ کے دوسرے روز گوروں کا جوابی وار جاری ہے۔

انگلش بالرز نے پاکستان کو رنزکا پہاڑ بنانے سے روکا۔ چھیانوے رنز کے بدلے شاہینوں کے چھ بلے بازوں کوپویلین بھیجا۔

دو سو چوراسی رنز چارکھلاڑی آؤٹ پر دوسرا دن شروع کرنے والی قومی ٹیم تین سو اٹہتررنز پرآؤٹ ہوگئی۔ بولنگ کے بعد بیٹنگ میں بھی انگلینڈ نے شاندار کم بیک کیا۔ معین ایک اور ای این بیل چار رنز پویلین لوٹ گئے۔

انگلش بیٹنگ لائن ابتدا میں لڑکھڑانے کےبعد سنبھل گئی۔ چودہ رنز پردووکٹیں گرنے کے بعد ایلسٹر کک اور جو روٹ نے ایک سو تیرہ رنز جوڑ کر اپنی ٹیم کو تباہی سے بچالیا۔

یاسرشاہ نے شراکت توڑی اور کپتان ایلسٹر کک کو پینسٹھ رنزپر چلتا کیا۔ دوسرے روز کھیل ختم ہونے تک انگلینڈ نے تین وکٹ پر ایک سو بیاسی رنز بنالئے تھے۔

جو روٹ جہتر اور جونی بیرسٹو ستائیس رنز پر ناٹ آؤٹ ہے۔ انگلینڈ کو پاکستان کی برتری ختم کرنے کیلئے ایک سو بیاسی رنز درکار ہے۔