ARYNews.tv | Urdu – Har Lamha Bakhabar

Tag: Cricket

  • ویسٹ انڈیز کے کرس گیل نے پاکستان سپر لیگ سے معاہدہ کرلیا

    ویسٹ انڈیز کے کرس گیل نے پاکستان سپر لیگ سے معاہدہ کرلیا

    لاہور: ویسٹ انڈیزکے اسٹاربیٹسمین کرس گیل نے پاکستان سپرلیگ کھیلنے کے لئے معاہدہ کرلیا۔

    آئندہ سال فروری میں قطر میں منعقد ہونے والی پاکستان سپر لیگ کے لئے منتظمین نے متعدد بین الاقوامی کھلاڑیوں سے رابطہ کیا ہے۔

    ویسٹ انڈیزکے جارحانہ مزاج بیٹسمین کرس گیل نے معاہدہ کرلیا ہے۔

    ویسٹ انڈیز کے ہی کیرن پولارڈ ، ڈوائن براوو، ڈیرن سیمی اورسنیل نرائن بھی پاکستان سپرلیگ کے افتتاحی ایونٹ کا حصہ ہوں گے۔

    انگلینڈ کے اویس شاہ پہلے ہی پی ایس ایل سے معاہدہ کرچکے ہیں۔ پاکستان سپرلیگ کی انتظامیہ کے مطابق افتتاحی ایونٹ میں پچیس انٹرنیشنل کھلاڑیوں سے معاہدہ کیا جائےگا۔

  • پاک زمبابوے سیریز کا شیڈول جاری

    پاک زمبابوے سیریز کا شیڈول جاری

    زمبابوے کرکٹ بورڈ نے رواں ماہ ہونے والے پاکستان کے دورہ زمبابوے کا شیڈول جاری کردیا ہے۔

    زمبابوے کرکٹ بورڈ کے مطابق پاکستان ٹیم دورے کےدوران تین ون ڈے اور دو ٹی ٹوئنٹی میچوں کی سیریز کھیلے گی۔

    ابتدائی مرحلے میں پاکستان اورمیزبان ٹیم کے درمیان ٹی ٹوئنٹی میچز ستائیس اور انتیس ستمبر کو ہرارے میں کھیلے جائینگے۔

    دوسرے مرحلے میں پاکستان کرکٹ ٹیم تین ون ڈے میچز کی سیریز کھیلے گی، سیریزکا پہلا میچ یکم اکتوبر دوسرا میچ تین اکتوبر اور سیریز کا آخری مقابلہ پانچ اکتوبر کو ہوگا۔

    ون ڈے سیریز کے تمام میچز بھی ہرارے میں ہونگے۔

  • آسٹریلوی وکٹ کیپر بریڈ ہیڈن ٹیسٹ کرکٹ سے ریٹائر ہوگئے

    آسٹریلوی وکٹ کیپر بریڈ ہیڈن ٹیسٹ کرکٹ سے ریٹائر ہوگئے

    سڈنی: آل راونڈ شین واٹسن کے بعد آسٹریلوی کرکٹ ٹیم کے وکٹ کیپر بریڈ ہیڈن نے بھی ٹیسٹ کرکٹ سے ریٹائرمنٹ کا اعلان کردیا۔

    انگلینڈ کے خلاف حالیہ ٹیسٹ سیریز کی شکست نے بہت سے آسٹریلوی کھلاڑیوں کو طویل دورانیہ کی کرکٹ سے ریٹائرمنٹ پر مجبور کردیا۔ ایشز کی شکست کے بعد کپتان مائکل کلارک ، کرس راجرز اور آل راونڈر شین واٹسن گئے۔

    اب بریڈ ہیڈن نے بھی ٹیسٹ کرکٹ کو خیرباد کہہ دیا۔سینتس سالہ ہیڈن نے ورلڈ کپ کے بعد ون ڈے انٹرنیشنل سے ریٹائرمنٹ کا اعلان کیا تھا۔

    بریڈ ہیڈن کا کہنا ہے کہ وہ اب صرف ٹی ٹوئٹی کی بگ بیش لیگ میں سڈنی سیکسر کی جانب سے ایکشن میں دکھائیں دیں گے، ہیڈن نے چھیاسٹھ ٹیسٹ میں چار سنچری اور اٹھارہ نصف سنچری کی مدد سےتین ہزار دو سو چھیاسٹھ رنز بنائے۔

    انھوں نے دو سو باسٹھ کيچز لیے اور آٹھ کھلاڑیوں کو اسٹمپ کیا۔

  • پی سی بی نے کھلاڑیوں کے نئے سینٹرل کنٹریکٹ کا اعلان کردیا

    پی سی بی نے کھلاڑیوں کے نئے سینٹرل کنٹریکٹ کا اعلان کردیا

    لاہور : پاکستان کرکٹ بورڈ نے کھلاڑیوں کو سینٹرل کنٹریکٹ دے دیا۔ تینوں فارمیٹس کے کپتان اے کیٹگری میں شامل ہیں۔

    تفصیلات کے مطابق پاکستان کرکٹ بورڈ نے کھلاڑیوں سے معاملات طے پانے کے بعد نئے سینٹرل کنٹریکٹ کا اعلان کردیا۔

    نئے سینٹرل کانٹریکٹ میں خاطر خواہ اضافہ کیا گیا ہے جبکہ سیریز جیتنے پر بونس اور عمدہ کارکردگی دکھانے پر خصوصی انعام بھی دیا جائے گا۔

    نئے سینٹرل کنٹریکٹ میں ستائیس کھلاڑیوں کو چار کیٹگریز میں تقسیم کیا گیا ہے۔ تینوں فارمیٹس کے کپتان اظہر علی، مصباح الحق اور شاہد آفریدی اے کیٹگری میں شامل ہیں۔

    تجربہ کار بیٹسمین یونس خان، سابق کپتان شعیب ملک اور محمد حفیظ بھی اے کیٹگری کا حصہ ہیں۔ ون ڈے اور ٹی ٹوئنٹی کے نائب کپتان سرفراز احمد کو اے کے بجائے بی کیٹگری میں رکھا گیا ہے۔

    بی کیٹگری میں آٹھ کھلاڑیوں کو جگہ دی گئی ہے۔ بولنگ ایکشن کلئیر ہونے کے بعد بھی ٹیم سے باہر رہنے والے آف اسپنر سعید اجمل بی کیٹگری میں جگہ بنانے میں کامیاب رہے۔

    اوپننگ بیٹسمین احمد شہزاد، اسد شفیق، جنید خان، راحت علی، وہاب ریاض اور یاسر شاہ شامل ہیں۔سی کیٹگری میں بھی آٹھ کھلاڑی ہوں گے جبکہ ڈی کیٹگری میں پانچ کھلاڑی شامل ہیں۔

  • انگلش بیٹسمین این بیل ون ڈے کرکٹ سے ریٹائر

    انگلش بیٹسمین این بیل ون ڈے کرکٹ سے ریٹائر

    لندن : انگلش بیٹسمین این بیل نے ایک روزہ کرکٹ سے ریٹائرمنٹ کا اعلان کردیا۔ این بیل کو ون ڈے میں انگلینڈ کی جانب سے سب سے زیادہ رنزبنانے کا اعزاز حاصل ہے۔

    بیل نے ایک سو اکسٹھ میچ میں چار سینچریز اور پینتیس نصف سینچریز کی مدد سے پانچ ہزار چار سو سولہ رنزبنائےہیں۔ تینتیس سالہ بیل نے دوہزار چار میں زمبابوے کے خلاف ون ڈے ڈیبیو کیا۔

    اپنی عمدہ پرفارمنس کی بدولت وہ جلد ہی ٹیم کے اہم رکن بن گئے۔ بیل کا کہنا ہے کہ وہ ٹیسٹ کرکٹ جاری رکھیں گے۔ طویل فارمیٹ پر توجہ دینے کے سبب وہ ون ڈے سے ریٹائر ہورہے ہیں۔

  • کشیدگی کے خاتمے تک پاک بھارت کرکٹ سیریز نہیں ہونی چاہیئے، شعیب اختر

    کشیدگی کے خاتمے تک پاک بھارت کرکٹ سیریز نہیں ہونی چاہیئے، شعیب اختر

    لاہور : پاکستان کے سابق فاسٹ بولر شعیب اختر نے کہا ہے کہ سرحدی کشیدگی کے پیش نظر متحدہ عرب امارات میں ممکنہ پاک بھارت کرکٹ سیریز ملتوی کردینی چاہیئے۔شعیب اختر کے اس بیان سے کرکٹ حلقوں میں تشویش کی لہر دوڑ گئی۔

    تفصیلات کے مطابق معروف فاسٹ  بولر راولپنڈی ایکسپریس شعیب اختر نے کہا ہے کہ پاکستان اور بھارت کے درمیان حالیہ سرحد پر جاری کشیدہ حالات میں کرکٹ ہونی ہی نہیں چاہیئے۔

    ان خیالات کا اظہار انہوں نے اپنے ایک بیان میں کیا، ان کا کہناتھاکہ جب تک سفارتی سطح پر حالات مستحکم نہیں ہو جاتے اس سے پہلے کھیل کود کا نام بھی نہیں لینا چاہیئے۔

    یہ سیریز کھیلنے کا صحیح وقت نہیں ہے۔ ہر کوئی جانتا ہے کہ کھیل کو سیاست سے دور ہونا چاہئے مگر بدقسمتی سے جو کچھ بھارتی افواج کی جانب سے اس وقت سرحدوں پر ہو رہا ہے وہ ٹھیک نہیں۔

    ان کا کہنا تھا کہ میرے خیال میں یہ دونوں ٹیموں کے مابین کرکٹ سیریز کھیلنے کا درست وقت نہیں ہے۔ واضح رہے کہ پاکستان اور بھارت کے مابین تین ٹیسٹ، پانچ ون ڈے اور دو ٹی 20 میچز کی سیریز رواں سال دسمبر میں یو اے ای میں شیڈول ہے۔

    بھارت کی جانب سے سیالکوٹ سمیت دیگر سیکٹرز میں سرحدی خلاف ورزی کی خبروں کے بعد سابق فاسٹ بولر نے پاک بھارت سیریز کو ہی بولڈ کردیا۔

  • عمران خان کرکٹ کی مثالوں سے باہر نکلیں،دانیال عزیز

    عمران خان کرکٹ کی مثالوں سے باہر نکلیں،دانیال عزیز

    اسلام آباد : مسلم لیگ نواز کے رہنما دانیال عزیز نے کہا ہے کہ دھمکیاں دینے سے کام نہیں چلے گا، عمران خان کرکٹ کی مثالوں سے باہر نکلیں۔

    تفصیلات کے مطابق نواز لیگ کے رہنماؤں نے بھی پریس کانفرنس کر کے تحریک انصاف کے سربراہ عمران خان کو جواب دے ڈالا۔

    عمران خان الیکشن کمیشن پر برسے تو مسلم لیگ ن کے رہنماؤں نے بھی جوابی پریس کانفرنس کرڈالی۔ دانیال عزیز نے عمران خان کو آڑےہاتھوں لیا۔

    پریس کانفرنس سے خطاب کرتے ہوئے دانیال عزیز کا کہنا تھا کہ دھمکیاں دینے سے کام نہیں چلے گا۔ عمران خان کرکٹ کی مثالوں سے باہر نکلیں۔

    عمران خان کو نئی سیاسی چال سمجھ نہ آئی تو الیکشن کمیشن ارکان سے استعفے مانگ لئے۔ ان ارکان کو ہٹانے کا آئینی طریقہ موجود ہے۔ اوچھے ہتھکنڈوں اور دھمکیوں سے کام نہیں چلے گا۔

    تحریک انصاف پارلیمانی سیاست میں ناکام ہو چکی ہے۔ خان صاحب شرم اور استعفوں کا رجسٹر اب الماری میں رکھ دیں۔ان کا کہنا تھا کہ کپتان جمہوریت کی مخالفت نہ کریں۔ اسلام آباد بند کرنے یا اسمبلی کو نشانہ بنانے سے کچھ نہیں ہوگا۔

    پی ٹی آئی کے دھرنے پر ن لیگی رہنما طارق فضل کا کہنا تھا کہ کنٹینر کے اوپر تو ثبوت واضح تھے مگر جوڈیشل کمیشن کے سامنے نہ وہ نام پیش کئے گئے اورنہ ہی ان شخصیات کا ذکر کیا گیا۔

    دانیال عزیز نے کہا کہ کے پی کے حکومت نے بجلی کے فنڈز سےاسٹاک مارکیٹ میں سٹہ کیوں کھیلا؟

  • مستقبل میں اپنی بالنگ کے ذریعے بات کروں گا، محمد آصف

    مستقبل میں اپنی بالنگ کے ذریعے بات کروں گا، محمد آصف

    لاہور:  سابق جلاوطن کھلاڑی محمد آصف نے کہا کہ امید ہے کہ اپنی بالنگ کو مزید بہتر کرکے قومی ٹیم میں دوبارہ جگہ حاصل کرنے کے قابل ہو جاوں گا۔

    بھارتی خبر رساں ادارے کے مطابق سابق کرکٹر محمد آصف نے کہا ہے کہ میں نہیں جانتا آئیندہ چند دنوں ، ہفتوں یا مہینوں میں کیا ہونے والا ہے ، انہوں نے کہا کہ یہ بھی کہنا قبل ازز وقت ہوگا کہ میں قومی ٹیم کا حصہ بنوں گا یا نہیں ، لیکن میں ایک چیز جانتا ہوں کہ ڈومیسٹک کرکٹ کھیلنے سے میں فارم میں واپس آجاوں گا اور اپنی بالنگ کے ذریعے بات کروں گا۔

    بدھ کو آئی سی سی کی جانب سے سلمان بٹ اور محمد آصف کی بالترتیب5اور 2سال کی معطل سزائیں بھی ختم کرنے کا اعلان کردیا گیا تھا، ان دونوں کو بھی یکم ستمبر کے بعد ڈومیسٹک اور انٹرنیشنل کرکٹ کھیلنے کی آزادی مل گئی لیکن قومی ٹی ٹوئنٹی میں شرکت کا کوئی امکان نظر نہیں آتا۔

     ذرائع کے مطابق لاہور سٹی کرکٹ ایسوسی ایشن سلمان بٹ کو ٹیم میں شامل کرنے کی خواہاں اوروہ بھی ایونٹ کا حصہ بننے کیلیے بے تاب نظر آتے تھے، دوسری جانب محمد آصف کی سیالکوٹ ٹیم میں شمولیت کی اطلاعات تھیں لیکن پی سی بی نے دونوں کھلاڑیوں کو ڈومیسٹک کرکٹ کھیلنے سے روک دیا۔

  • امریکی سفارتکاروں نے کراچی میں کرکٹ سیکھنا شروع کردی

    امریکی سفارتکاروں نے کراچی میں کرکٹ سیکھنا شروع کردی

    کراچی : کراچی میں تعینات امریکی سفارت کاروں نےکرکٹ سیکھنا شروع کردی۔

    تفصیلات کے مطابق کراچی میں قائم امریکی سفارت خانے کے دو اہلکاروں نے مقامی اسٹیڈیم میں کرکٹ کھیلی، اس موقع پر پاکستان کے نامور کرکٹر سکندر بخت اور سرفراز احمد نے انہیں کرکٹ کے گر سکھائے۔

    We know that Pakistanis love #cricket. So we decided to learn some cricket skills to impress our Pakistani friends. Who better to teach us than Pakistani cricket super stars #SarfarazAhmed and #SikanderBakht. Check out this video as we get our first cricket lesson. So much fun!

    Posted by U.S. Consulate General Karachi on Friday, 21 August 2015

    اس حوالے سے امریکی قونصل خانے کی جانب سے ایک ویڈو بھی فیس بک پر جاری کی گئی ہے، مذکورہ ویڈیو کو پاکستانیوں کی جانب سے پاک امریکہ کے بہتر تعلقات کے حوالے سے خوش آئند قرار دیا جارہا ہے۔

    Sports DiplomacyDid you know that since 2005, more than 300 professional American athletes have visited 83 countries to train thousands of young people through the Sports Diplomacy initiative? Watch what famous Pakistani cricket star Kainat Imtiaz has to share about this US government project.

    Posted by U.S. Consulate General Karachi on Wednesday, 19 August 2015

    #SportsDiplomacy has emerged as an integral part of efforts to build relations between the United States and other nations, including Pakistan, through sports. Watch what renowned #Pakistani cricket analyst Mirza Iqbal Baig has to say about this initiative! Mirza Iqbal Baig

    Posted by U.S. Consulate General Karachi on Tuesday, 18 August 2015

     

  • پاکستان نے سری لنکا کیخلاف ٹی ٹوینٹی سیریز بھی جیت لی

    پاکستان نے سری لنکا کیخلاف ٹی ٹوینٹی سیریز بھی جیت لی

    کولمبو : ٹیسٹ اور ون ڈے کے بعد شاہینوں نے سری لنکا کےشیروں کو ٹی ٹوینٹی سیریز میں بھی دھول چٹا دی، ٹی ٹوینٹی سیریز میں پاکستان  نے سری لنکا کو دو صفر سے شکست دے دی۔

    پاکستان نےعماد وسیم کے شاندار چھکے کی بدولت کولمبو میں دوسرا ٹی ٹوئنٹی ایک سنسی خیز مقابلے کے بعد ایک وکٹ سےجیت لیا اور دو میچوں کی سیریز دو صفر سے جیت لی۔

    تفصیلات کے مطابق انورعلی کی تباہ کن بیٹنگ نے سری لنکا کوچاروں شانے چت کردیا، آل راونڈر انور علی نے تباہ کن بیٹنگ سے سری لنکا سے جیتی ہوئی بازی چھین لی۔

    سری لنکا کے ایک سو بہتّر کے جواب میں پاکستانی ٹیم کا آغاز اچھا نہ رہا، دونوں اوپنرز تیسرے اوور میں سولہ کے مجموعی اسکور پر آؤٹ ہوگئے۔

    احمد شہزاد اور مختار احمد کو بینورا فرنینڈو نے اپنا شکار بنایا، حفیظ گیارہ اور عمر اکمل چار رنز بنا کر رن آوٹ ہوئے۔ شعیب ملک بھی زیادہ رنز بنانے میں  ناکام رہے اور صرف 8رنز بنا سکے اور پویلین جا بیھٹے۔

    چالیس رنز پر پانچ وکٹیں گریں تو میچ ہاتھ سےجاتا نظر آیا پر شاھد آفریدی کی زور دارھٹنگ پاکستان کو  میچ میں واپس لےآئی۔

    شاہد خان آفریدی نے اکیس بولوں پر شاندار پینتالیس رنز بنائے،البتہ انور علی نے بھی پاکستان کے اسکور میں صرف سترہ بولوں پر شاندار چھیالیس رنز کا اضافہ کیا۔

    اس سے قبل پاکستان اور سری لنکا کے درمیان کھیلے جانے والے دوسرے ٹی ٹوینٹی میچ میں سری لنکا نے ٹاس جیت کر بیٹنگ کا فیصلہ کیا۔

    پاکستان کی طرف سے انور علی نے باؤلنگ کا آغاز کیا۔ پہلے اوور میں سری لنکا نے سات رنز بنائے جبکہ دوسرے اوور میں کوشال پریرہ نے روایتی انداز میں بیٹنگ کرتے ہوئے دو چوکے لگائے۔

    سری لنکا کی پہلی وکٹ چوبیس کے سکور پر گری جب دلشان 10 رنز بنا کر انور علی کی گیند پر کیچ آؤٹ ہو گئے۔ سری لنکا کو 32 رنز پر دوسری وکٹ کا نقصان پریرہ کی صورت میں اٹھانا پڑا جب انہیں شعیب ملک نے کلین بولڈ کیا۔

    سری لنکا کو 61 رنز پر تیسری وکٹ کا نقصان اٹھانا پڑا جب شاہد آفریدی نے سلوا کو 14 رنزپر آؤٹ کر دیا۔ مجموعی سکور میں تین رنز کے اضافے پر شعیب ملک نے تسارا پریرہ کو آؤٹ کیا اور وہ صرف ایک رن ہی بنا سکے۔

    سری لنکا نے پانچویں وکٹ جے سوریا کی صورت میں گری جو عمدہ بیٹنگ کر رہے تھے اور 40 کے سکور پر سہیل تنویر کے ہاتھوں آؤٹ ہو گئے۔ 145 کے مجموعی اسکور پر سری لنکا کی چھٹی گری۔

    کپو گیدرا 48 رنز بنا کر نمایاں رہے۔ پاکستان کی جانب سے شعیب ملک نے 2 جب کہ سہیل تنویر، شاہد آفریدی ، انور علی اور محمد عرفان نے ایک ایک وکٹ حاصل کی۔

    میچ وننگ کارکردگی پر انور علی کو میچ کا بہترین کھلاڑی قرار دیا گیا۔

    واضح رہے پہلے ٹی ٹوئنٹی میچ میں پاکستان نے سری لنکا کو 29 رنز سے شکست دی تھی۔

    دو صفر کی کامیابی نے پاکستان کو ٹی ٹوئنٹی رینکنگ میں نمبر تین پر لا کھڑا کیا اور سری لنکا کا ٹیسٹ۔ ون ڈے اور ٹی ٹوئنٹی  کا دورہ پاکستان کی کامیابی پر ختم ہوا۔