Tag: Cricket

سڈنی: قومی کرکٹ ٹیم کے فاسٹ بولر وہاب ریاض کا کہنا ہے کہ سرفراز احمد اچھے کھلاڑی ہیں لیکن ان کی فارم اچھی نہیں ہے۔

تفصیلات کے مطابق اپنے ایک بیان میں وہاب ریاض کا کہنا تھا کہ سرفراز احمد کی بطورکپتان پاکستان کے لیے بہت خدمات ہیں، ان کی خدمات کے سب معترف ہیں۔

انہوں نے پاک آسٹریلیا ٹی ٹوئنٹی سیریز کے حوالے سے کہا کہ پرتھ کی وکٹ فاسٹ بولرز کے لیے سازگار ہے، ہمیں میچ جیتنے کے لیے رنز بنانے پڑیں گے، آسٹریلیا کی ابتدائی تین وکٹیں اہم ہیں، نوجوان فاسٹ بولرز کا آنا خوش آئند ہے، نوجوان بولرز کو آسٹریلیا کی کنڈیشن میں بولنگ سے سیکھنے کو ملے گا۔

ان کا کہنا تھا کہ بارش کی وجہ سے پہلا میچ متاثر ہوا، اگر پہلا ٹی 20مکمل ہوتا تو160رنز بناسکتے تھے، دوسرے ٹی 20میں ہم نے 20رنز کم اسکور کیے، آسٹریلوی بلے باز اسٹیو اسمتھ کو جلد آؤٹ کردیتے تو میچ جیت سکتے تھے، اسمتھ کے لیے منصوبہ بنایا ہے کوشش کریں گے اس پر عمل کریں۔

کپتان بنتے ہی بابر اعظم غصے میں آگئے، ویڈیو وائرل

واضح رہے کہ پاکستان اور آسٹریلیا کے درمیان پہلا ٹی ٹوئنٹی میچ بارش کی وجہ سے بے نتیجہ رہا تھا جبکہ دوسرے ٹی ٹوئنٹی میچ میں آسٹریلیا نے پاکستان کو 7 وکٹوں سے شکست دے کر سیریز میں 1-0 کی برتری حاصل کرلی ہے، دونوں ٹیموں کے درمیان تیسرا ٹی ٹوئنٹی میچ 8 نومبر کو کھیلا جائے گا۔

سڈنی: قومی کرکٹ ٹیم کی آسٹریلیا کے خلاف سیریز اپنے نام کرنے کے لیے بھرپور تیاریاں جاری ہیں، شاہین آج آرام کریں گے۔

تفصیلات کے مطابق کینگروز کو آسٹریلیا میں ہی ڈھیر کرنا ایک بڑا چیلنج ہے، جس کے لیے قومی کھلاڑی پریکٹس کے دوران خوب اپنے پسینے بہا رہے ہیں۔

قومی ٹیم چار دن مسلسل ٹریننگ کے بعد آج آرام کرے گی، کھلاڑیوں نے اپنی نظریں سیریز پر جمالی ہیں اور اس عزم کا اظہار کیا ہے کہ کینگروز کو انہیں کے میدان میں ڈھیر کردیں گے۔

سرفراز احمد کی غیرموجودگی میں شائقین کرکٹ بابراعظم کی قیادت کے گر دیکھنا چاہتے ہیں، تجزیہ کاروں کا کہنا ہے کہ ٹی ٹوئنٹی کے موجودہ کپتان نے اگر پرفارم نہیں کیا تو مستقبل میں مسائل کھڑے ہوں گے۔

دوسری جانب معین خان سمیت دیگر سابق کپتان اور کھلاڑیوں نے مشورہ دیا ہے کہ بھرپور حکمت عملی سے میدان میں اترا جائے، بڑی ٹیم سے مقابلہ آسان نہیں ہوتا۔

خیال رہے کہ پاکستانی ٹیم نے گزشتہ روز پہلے ٹور میچ میں آسٹریلیا الیون کو یکطرفہ مقابلے میں چھ وکٹوں سے زیر کیا تھا۔

پہلا ٹی ٹوئنٹی: پاکستان ٹیم 3 نومبر کو آسٹریلیا سے ٹکرائے گی

پاکستان اور آسٹریلیا کے درمیان تین ٹی ٹوئنٹی میچز کی سیریزکا پہلا میچ تین نومبر کو کھیلا جائے گا، بابراعظم ٹی ٹوئنٹی ٹیم کی قیادت کریں گے۔

شیڈول کے مطابق دونوں ٹیموں کے درمیان تین میچوں کی سیریز کا دوسرا میچ 5 نومبر کو کینبرا میں کھیلا جائے گا جبکہ تیسرا اور آخری میچ 8 نومبر کو پرتھ کے مقام پر کھیلا جائے گا۔

آسٹریلیاسےسیریز جیتیں گے، فخر زمان

اس کے بعد دونوں ٹیموں کے درمیان پہلا ٹیسٹ میچ 21 سے 25 نومبر تک برسبین میں کھیلا جائے گا جبکہ دوسرا اور آخری ٹیسٹ میچ 29 نومبر سے 3 دسمبر تک ایڈیلیڈ میں کھیلا جائے گا۔

لاہور: قومی کرکٹ ٹیم آئندہ برس آئرلینڈ اور ندرلینڈز کے خلاف سیریز کھیلے گی، یہ سیریز دورہ انگلینڈ سے قبل ہوگی۔

تفصیلات کے مطابق پاکستان کرکٹ ٹیم انگلینڈ کے دورے سے قبل یہ سیریز کھیلے گی، ہالینڈ اور ندرلینڈز کے خلاف سیریز ایک روزہ اور ٹی20 مقابلوں پر مشتمل ہوگی جس کا شیڈول جولائی میں طے کیا جا رہا ہے۔

قومی کرکٹ ٹیم کی ندر لینڈز کے خلاف سیریز 3 ون ڈے میچز پر مشتمل ہوگی جب کہ پاکستان اور آئرلینڈ کے درمیان 2 ٹی20 مقابلے ہوں گے۔

خیال رہے کہ پاکستان نے دورہ انگلینڈ میں تین ٹیسٹ اور تین ٹی20 میچز کھیلنے ہیں، قومی کرکٹ ٹیم کا دورہ انگلینڈ 30 جولائی سے شروع ہو کر دو ستمبر 2020 تک جاری رہے گا۔

دورے کے دوران 3 ٹیسٹ اور 3 ٹی 20 میچز کھیلے جائیں گے جبکہ مذکورہ 3 ٹیسٹ میچز ورلڈ ٹیسٹ چمپئن شپ کا حصہ ہوں گے۔

بحیثیت کپتان آسٹریلیا کا دورہ میرے لیے اعزاز کی بات ہے: بابراعظم

پاکستان اور انگلینڈ کے درمیان پہلا ٹیسٹ میچ 30 جولائی سے 3 اگست 2020 تک لارڈز میں کھیلا جائے گا، دوسرا ٹیسٹ میچ 7 سے 11 اگست 2020 تک اولڈ ٹریفورڈ میں ہوگا اور تیسرا ٹیسٹ میچ 20 سے 24 اگست تک ٹرینٹ برج کرکٹ گراؤنڈ میں کھیلا جائے گا۔

دونوں ٹیموں کے درمیان پہلا ٹی20 مقابلہ 29 اگست کو لیڈز میں ہوگا، دوسرا 31 اگست 2020 کو کارڈف اور تیسرا ٹی 20 میچ 2 ستمبر 2020 کو ساؤتھ ہمپٹن میں ہوگا۔

سڈنی: قومی کرکٹ ٹیم نے آسٹریلیا میں ڈیرے ڈال لیے، گرین شرٹس نے کینگروز کو ہرانے کے لیے جم کر پریکٹس کی۔

تفصیلات کے مطابق کھلاڑیوں نے ٹریننگ سیشن میں بھرپور محنت کی، نمبر ون ٹیم کی آسٹریلیا میں کینگروز کو ہرانے کی تیاریاں زور وشور سے جاری ہیں۔

گرین شرٹس نے سڈنی کرکٹ گراؤنڈ میں ٹریننگ سیشن لی، قومی کھلاڑیوں نے ہیڈکوچ مصباح الحق اور بولنگ کوچ وقار یونس کی سربراہی میں بیٹنگ اور بولنگ کی صلاحیتوں کو نکھارنے کی کوشش کی۔

قومی ٹیم اکتیس اکتوبر کو آسٹریلیا الیون سے پریکٹس میچ کھیلے گی، گرین شرٹس نے آسٹرلیا کو شکست دینے کے عزم کا اظہار کیا ہے۔

قومی ٹی 20 کرکٹ ٹیم کینگروز ٹیم پر جھپٹنے کے لیے سڈنی میں ہے، ٹی 20 ٹیم کی قیادت بابر اعظم کررہے ہیں، قومی ٹیم آسٹریلیا کے خلاف 3 ٹی 20 میچز کی سیریز کھیلے گی۔

پہلا ٹی 20، آسٹریلیا نے سری لنکا کو بھاری مارجن سے شکست دے کر پاکستان کو خبردار کردیا

پاکستان اور آسٹریلیا کے درمیان ٹی 20 سیریز کا پہلا میچ 3 نومبر کو کھیلا جائے گا، دوسرا اور تیسرا ٹی 20 میچ 5 اور 8 نومبر کو کھیلا جائے گا۔

ٹی 20 سیریز سے قبل قومی ٹیم کرکٹ آسٹریلیا کے خلاف وارم اپ میچ کھیلے گی، دونوں ٹیموں کے درمیان وارم اپ میچ 31 اکتوبر کو کھیلا جائے گا۔