واشنگٹن (28 اگست 2025): امریکا نے بھارت پر 50 فی صد ٹیرف پر عمل درآمد شروع کر دیا ہے۔

تفصیلات کے مطابق مودی سرکار کی دوغلی پالیسی پر ٹرمپ انتظامیہ نے اسے سبق سکھانے کا فیصلہ کیا ہے، صدر ٹرمپ اپنے فیصلے پر قائم ہیں، انھوں نے کہا کہ رعایتی روسی تیل خریدنے والوں کو سزا ملے گی۔

وائٹ ہاؤس کا کہنا ہے کہ بھارت روسی تیل خرید کر یوکرین جنگ کے لیے ماسکو کی فنڈنگ کر رہا ہے، اور ایک رپورٹ میں کہا گیا ہے کہ ٹیرف لگنے کے بعد بھارتی برآمدات میں کمی ہو جائے گی، اور بے روزگاری میں اضافہ اور شرح نمو نیچے آ جائے گی۔

رپورٹ کے مطابق بھارت نے گزشتہ سال امریکا کو 87 ارب ڈالر کی برآمدات بھیجی تھیں۔ ماہرین معاشیات کا کہنا ہے کہ امریکی ٹیرف سے بھارت کی اربوں ڈالر کی تجارت پر برا اثر پڑے گا اور دنیا کے سب سے زیادہ آبادی والے ملک میں ہزاروں ملازمتوں کو خطرہ لاحق ہونے کی توقع ہے۔

دنیا اب ہمیں نہیں چاہتی، بھارتیوں کو ہر جگہ پھٹکار کا سامنا ہے، بھارتی ڈاکٹر کی پوسٹ وائرل

الجزیرہ کے مطابق نیا 50 فی صد ٹیرف امریکا کی جانب سے بلند ترین محصولات میں سے ایک ہے، اور یہ اب مختلف اشیا پر لاگو ہو گیا ہے، جن میں قیمتی پتھر اور زیورات، ملبوسات، جوتے، فرنیچر اور صنعتی کیمیکلز شامل ہیں۔

اس بھاری ٹیرف سے بھارت برآمدی مسابقت میں چین کے مقابلے میں شدید نقصان میں پڑ جائے گا، اور یہ وزیر اعظم نریندر مودی کی اس اقتصادی خواہش کو کمزور کر دے گی کہ بھارت کو ایک بڑا صنعتی مرکز بنایا جائے۔ حال ہی تک امریکا بھارت کا سب سے بڑا تجارتی شراکت دار تھا، جس کے ساتھ سالانہ دو طرفہ تجارت 212 ارب ڈالر کی تھی۔

یاد رہے کہ امریکا نے سب سے پہلے 30 جولائی کو بھارت پر 25 فی صد ٹیرف عائد کیا تھا اور ایک ہفتے بعد نئی دہلی کی طرف سے روسی تیل کی خریداری کا حوالہ دیتے ہوئے اضافی 25 فی صد عائد کر دیا گیا اور یہ ٹیرف اب کل بدھ سے لاگو ہو گیا ہے۔

ٹیرف جنگ کے لیے بھارتی وزیر اعظم نریندر مودی نے امریکا میں لابنگ فرموں کا سہارا لے لیا۔

تفصیلات کے مطابق مودی سرکار کی عالمی تنہائی کی وجہ سے لابنگ فرموں پر ان کا انحصار بڑھ گیا ہے، ٹرمپ انتظامیہ کی ناراضگی پر مودی حکومت نے لابنگ فرموں سے رجوع کیا۔

دی ہندوستان ٹائمز کے مطابق بھارت نے مرکری پبلک افیئرز ایل ایل سی کی خدمات حاصل کر لی ہیں، بھارت مرکری کو ماہانہ 75,000 ڈالر ادا کرے گا، اس معاہدے میں میڈیا حکمت عملی اور امریکی حکام سے براہِ راست رابطے شامل ہیں۔

بھارت میں ڈونلڈ ٹرمپ کے خلاف احتجاج

سابق ریپبلکن سینیٹر ڈیوڈ وِٹر اور برائن لانزا کو نمائندگی کی ذمہ داری سونپی گئی ہے، اخبار کے مطابق مرکری کے امریکا میں 14 دفاتر اور دنیا بھر میں 550 کلائنٹس ہیں، بھارت کے لابنگ اخراجات 275,000 ڈالر ماہانہ تک جا پہنچے ہیں، اس سے قبل بھارت نے بی جی آر پارٹنرز کو بھی ماہانہ 50,000 ڈالر پر ہائر کر رکھا ہے، جو واشنگٹن ڈی سی کی تیسری بڑی لابنگ فرم ہے۔

دی ہندوستان ٹائمز کا کہنا ہے کہ 27 اگست سے بھارتی مصنوعات پر 25 فی صد ٹیرف پینلٹی لاگو ہونے جا رہی ہے، پاکستان کے بڑھتے اثر و رسوخ نے بھارت کو واشنگٹن میں تشویش میں مبتلا کر دیا ہے، پاکستان نے فیلڈ مارشل عاصم منیر کی صدر ٹرمپ سے کامیاب ملاقات کرائی، اسلام آباد نے امریکا کو معدنیات، تیل اور دہشتگردی کے خلاف شراکت داری کی پیشکش کی، مودی کی ناکام خارجہ پالیسی نے بھارت کو عالمی سطح پر کمزور کر دیا ہے۔

ممبئی (25 اگست 2025): بھارت کے ایک مذہبی تہوار میں امریکی صدر ڈونلڈ ٹرمپ کے اضافی ٹیرف کے خلاف احتجاج کیا گیا۔

تفصیلات کے مطابق بھارتی ریاست مہاراشٹرا میں امریکی صدر ڈونلڈ ٹرمپ کی جانب سے بھارت پر عائد کیے جانے والے اضافی ٹیرف کے خلاف احتجاج کیا گیا۔

احتجاج ناگ پور شہر میں مذہبی تہوار ماربت کے دوران کیا گیا، جہاں لوگوں نے امریکا کی طرف سے بھارت پر پچاس فی صد ٹیرف عائد کرنے پر علامتی طور پر ٹرمپ کا ایک بڑا پتلا گھمایا۔

بھارت نے امریکا کے لیے اہم سروس معطل کر دی

ٹرمپ کے دیو ہیکل پتلے پر متعدد تختیاں بھی لٹکائی گئی تھیں، جن پر احتجاجی نعرے درج تھے، ’’ہمیں ڈرانے کے لیے محصولات عائد کرنے والا آخرکار بھارت کی طاقت دیکھ کر پچھتائے گا۔‘‘ اور ’’ہماری اشیا پر لگائے گئے محصولات صرف ان کے کاروبار کو تباہ کر دیں گے۔‘‘ اور ’’امریکی انکل بھارت پر پابندیاں لگاتا ہے، مگر خود روسی مصنوعات خرید لیتا ہے۔‘‘

واضح رہے کہ ٹرمپ نے روس سے تیل خریدنے پر بھارت پر ٹیرف 50 فی صد کیا ہے، بھارت پر 25 فی صد امریکی ٹیرف نافذ ہو چکا ہے، جب کہ بقیہ 25 فی صد 27 اگست کو نافذالعمل ہوگا۔

یاد رہے کہ بھارت کی کانگریس پارٹی کے مظاہرین نے 14 مئی 2025 کو بھی کولکتہ میں ایک احتجاج کے دوران، امریکی صدر ڈونلڈ ٹرمپ کا بھارت پاکستان تنازعہ میں مداخلت کا دعویٰ کرنے پر ان کا پتلا جلایا تھا۔