کراچی: ہاکس بے کے ساحل پر پکنک مناتے ہوئے تین دوست ڈوب گئے تاہم تینوں نوجوانوں کی حالت تشویش ناک بتائی جاتی ہے۔

تفصیلات کے مطابق کراچی میں ہاکس بے کے ساحل پر پکنک مناتے ہوئے تین نوجوان ڈوب گئے، ریسکیو حکام نے بتایا کہ واقعہ عبدالرحمن گوٹھ کے قریب پیش آیا جہاں تینوں دوست نہاتے ہوئے سمندر میں ڈوب گئے۔

ڈوبنے والوں کی شناخت خضر، ارباز اور ارمان کے ناموں سے ہوئی ہے۔ ایدھی کے غوطہ خوروں نے فوری کارروائی کرتے ہوئے تینوں کو نیم بے ہوشی کی حالت میں سمندر سے نکال کر سول اسپتال کراچی منتقل کیا۔

اسپتال انتظامیہ کے مطابق تینوں نوجوانوں کی حالت تشویش ناک بتائی جاتی ہے۔

مزید پڑھیں : کراچی کے 3 مقامات پر نہاتے ہوئے 8 افراد ڈوب گئے

یاد رہے 14 اگست کے موقع پر کراچی کے 3 مقامات پر نہاتے ہوئے 8 افراد ڈوب گئے تھے ، جس میں سے 3 افراد کو بچا لیا گیا۔

منوڑہ پوائنٹ پر 5 افراد ڈوبے جن میں سے 3 کو بچا لیا گیا،2 کی تلاش جاری ہے جبکہ حب ڈیم میں 2 نوجوان اور حب ندی میں ایک بچہ ڈوب گیا۔

ریسکیو حکام نے بتایا تھا ڈوبنے والے افراد کو ڈھونڈنے کے حوالے سے بتایا کہ ریسکیو اہلکار ڈوبنے والے افراد کی تلاش میں مصروف ہیں۔

کراچی (18 اگست 2025): شہر قائد کے علاقے کنیز فاطمہ سوسائٹی میں شوہر کے ساتھ وارداتیں کرنے والی چھلاوہ ڈکیت حسینہ رنگے ہاتھوں پکڑی گئی۔

تفصیلات کے مطابق سچل پولیس نے اسکیم 33 کنیز فاطمہ سوسائٹی کے قریب چھلاوہ بنی ڈکیت حسینہ سمیت 3 ملزمان کو رنگے ہاتھوں پکڑ لیا، درجنوں وارداتوں میں ملوث خاتون شوہر کے ساتھ مل کر ڈکیتیاں کرتی تھی۔

ایس ایس پی ایسٹ فرخ رضا کے مطابق ملزمہ ثمینہ کو شوہر ندیم اور ساتھی فرحان کے ساتھ رنگے ہاتھوں گرفتار کیا گیا، ملزمان تاجر کرم اللہ اور اس کی بیوی کو لوٹ کر فرار ہو رہے تھے، ان کے قبضے سے اسلحہ، موٹرسائیکل اور لوٹا ہوا سامان بھی برآمد کیا گیا، خاتون سے چھینا ہوا لیڈیز پرس بھی برآمد ہوا۔

کراچی: چلتے رکشے میں لڑکی کو ہراساں کرنے والا ڈرائیور گرفتار

گرفتار ملزمان نے دوران تفتیش اہم انکشافات کیے ہیں، ایس ایس پی ایسٹ کے مطابق ملزمان ڈکیتی اور راہزنی کی درجنوں وارداتوں میں ملوث ہیں، ثمینہ گینگ کی اہم رکن اور سرغنہ ندیم کی بیوی ہے، ملزمان تمام وارداتیں ملزمہ ثمینہ کی مدد سے ہی کرتے تھے۔

واردات سے پہلے ملزمان کسی بھی جگہ پر پہنچنے کی پلاننگ کرتے، اسلحہ ثمینہ اپنے پرس میں رکھتی اور مقررہ مقام پر پہنچ جاتی، پھر دونوں ملزمان بھی پہنچتے اور تینوں مل کر واردات کرتے، واردات کے بعد ملزمان اسلحہ اور لوٹا ہوا سامان ملزمہ کے حوالے کر دیتے، اور ملزمہ چھینا ہوا سامان اور اسلحہ لے کر عام خواتین کی طرح چلی جاتی۔

فرخ رضا نے بتایا کہ پولیس کو ڈکیت خاتون والے گروہ کی کافی عرصے سے تلاش تھی، گرفتار ملزمان کو لٹنے والی فیملی نے بھی شناخت کر لیا ہے، ملزمان کے خلاف مقدمہ درج کر کے مزید تفتیش شروع کر دی گئی ہے۔

کراچی: سہراب گوٹھ پولیس نے کارروائی کرتے ہوئے چلتے رکشے میں لڑکی کو ہراساں کرنے والے رکشہ ڈرائیور کو گرفتار کرلیا۔

چلتے رکشے میں لڑکی کو ہراساں کرنے والے ڈرائیور کو ویڈیو سامنے آنے کے بعد پولیس نے حراست میں لےلیا ہے، پولیس نے بتایا کہ ملزم کا نام عثمان بنگش ہے جس کیخلاف مختلف دفعات کےتحت مقدمہ درج کرلیا گیا ہے۔

رکشہ ڈرائیور عثمان بنگش جس دوران لڑکی کو ہراساں کررہا تھا، ہراسگی کے دوران متاثرہ لڑکی نے رکشہ ڈرائیور کی ویڈیو بھی بنائی۔

کچھ مہینوں قبل ڈرائیور کے خلاف لیڈی ڈاکٹر کے ہراسگی کیس میں سپریم کورٹ نے اہم فیصلہ دیتے ہوئے ہائیکورٹ کے فیصلے کے خلاف درخواست خارج کر دی تھی۔

سپریم کورٹ کے جسٹس منصور علی شاہ نے ہراسگی سے متعلق کیس میں ریمارکس میں کہا کہ لاکھوں لوگ ورک پلیس پر ہراسگی سے متاثر ہوتے ہیں لیکن مردوں کے مقابلے میں خواتین زیادہ ہراسگی کا شکار ہوتی ہیں۔

جسٹس منصور نے فیصلے میں کہا گلوبل جینڈر گیپ انڈیکس 2024 کے مطابق 146 میں سے پاکستان کا 145 واں نمبر ہے، امریکا کی سپریم کورٹ نے ایک فیصلے میں کہا یرغمالی ماحول بھی ہراسگی کی تعریف میں آتا ہے۔

فیصلے کے مطابق لیڈی ڈاکٹر سدرہ نے ڈرائیور کے خلاف ہراسگی کے معاملے پر پنجاب محتسب سے رجوع کیا تھا، جس پر محتسب نے ڈرائیور محمد دین کو جبری ریٹائرمنٹ کی سزا دی تھی۔

https://urdu.arynews.tv/malakand-university-professor-on-harassment-charges/

کراچی کے مختلف علاقوں میں کہیں ہلکی کہیں تیز بارش ہوئی ہے، جس سے شہر کا موسم خوشگوار ہوگیا ہے۔

شہر قائد میں آج صبح سے موسم کافی گرم اور تیز دھوپ نکلی ہوئی تھی، تاہم شام کے اوقات میں ہونے والی برسات نے شہر کا موسم خوشگوار کردیا، بارش کے بعد کراچی میں گرمی میں بھی کمی واقع ہوئی ہے۔

کراچی والے تیار ہوجائیں ! شدید بارشوں کی پیش گوئی

نارتھ کراچی، نیوکراچی، سرجانی ٹاؤن اور اطراف میں بارش ہوئی جبکہ منگھوپیر روڈ، سائٹ ایریا اور ناردرن بائی پاس پر بھی بادل برسے۔

اس کے علاوہ کراچی کے مرکزی علاقعے نارتھ ناظم آباد اور نصرت بھٹو کالونی میں بھی بارش ہوئی جس سے حبس کا زور ٹوٹ گیا۔

https://urdu.arynews.tv/karachi-rainfirst-time-a-judicial-magistrates-notice-on-the-situation/