Tag: کراچی

کراچی : سی ویو پر بچوں سمیت خودکشی کرنے والے شخص کی ابتدائی معلومات سامنے آگئی، خودکشی کرنے والا اسکول ٹیچر نکلا ۔

تفصیلات کے مطابق کراچی سی ویو پر پیش آنے والے افسوسناک واقعے میں بچوں سمیت سمندر میں کودنے والے شخص کی شناخت ہوگئی۔

ابتدائی معلومات میں بتایا گیا کہ بچوں سمیت سمندر میں کودنے والے شخص اسکول ٹیچر نکلا، اورنگزیب عالم نامی شخص اورنگی ٹاؤن ساڑھے 8 نمبر کا رہائشی تھا اور عامر پبلک اسکول میں بطور استاد فرائض انجام دے رہا تھا۔

علاقہ مکینوں اور پولیس ذرائع کا کہنا ہے کہ اورنگزیب عالم کا اپنی اہلیہ سے گھریلو ناچاقیوں کے باعث اکثر جھگڑا رہتا تھا، جو مبینہ طور پر اس افسوسناک قدم کی وجہ بنا۔

گزشتہ روز اورنگزیب عالم اپنے بیٹے اور بیٹی کو ساتھ لے کر سی ویو کے قریب دودریا پر پہنچا اور تینوں نے سمندر میں چھلانگ لگا دی۔

ریسکیو اداروں کی جانب سے فوری طور پر امدادی کارروائی شروع کی گئی، جس کے دوران ایک بچے کی لاش سمندر سے نکال لی گئی۔ لاش کو فوری طور پر ایمبولینس کے ذریعے اسپتال منتقل کیا گیا۔ تاہم، دیگر دو افراد کی تلاش تاحال جاری ہے۔

ریسکیو حکام کے مطابق اندھیرا ہونے کی وجہ سے گزشتہ رات سرچ آپریشن روک دیا گیا تھا، تاہم آج صبح روشنی ہوتے ہی بحری خدمات کی ٹیموں نے دوبارہ آپریشن شروع کر دیا۔

مزید پڑھیں : کراچی: دو دریا پر بچوں کے ڈوبنے کا واقعہ، عینی شاہدین نے کیا دیکھا؟

سرچ آپریشن میں دو اسپیڈ بوٹس اور آٹھ غوطہ خور حصہ لے رہے ہیں، جبکہ ممکنہ طور پر جدید سونار ٹیکنالوجی کی مدد سے بھی تلاش کا دائرہ بڑھایا جا رہا ہے۔

پولیس کی جانب سے واقعے کی تحقیقات جاری ہیں اور گھریلو جھگڑوں کے محرکات کو مدنظر رکھتے ہوئے مکمل رپورٹ تیار کی جا رہی ہے۔

یہ واقعہ نہ صرف معاشرتی مسائل بلکہ ذہنی صحت کے بڑھتے ہوئے بحران کی سنگینی کو بھی اجاگر کرتا ہے، جس پر فوری توجہ کی ضرورت ہے۔

کراچی (31 جولائی 2025): شہر قائد کے علاقے پاپوش نگر میں تھانے سے فرار ہونے والا ملزم عباس گزشتہ روز پولیس کی گولی لگنے سے ہلاک ہو گیا تھا، اس واقعے کا مقدمہ تھانہ پاپوش نگر میں سرکاری مدعیت میں درج کر لیا گیا ہے۔

تفصیلات کے مطابق کراچی میں پاپوش نگر تھانے کے پیچھے پولیس کی فائرنگ سے ملزم کی ہلاکت کے بعد پولیس نے عباس کا کرمنل ریکارڈ بھی پیش کیا، اور بتایا کہ ملزم پر 5 سے زائد مقدمات درج تھے۔

پولیس کا کہنا تھا کہ ملزم عباس کو تھانے کے لاک اپ سے تفتیشی افسر کے کمرے میں لے جایا گیا تھا، تاہم اس دوران ملزم کمرے سے نکل کر بھاگ گیا، اس کے پیچھے پولیس اہلکار بھاگا اور نہ رکنے پر فائرنگ کی، ملزم کو پکڑنے کے دوران پولیس اہلکار کی چلائی گولی جان لیوا ثابت ہوئی۔

تاہم اب اس کیس کی ایف آئی آر درج کر لی گئی ہے، جس میں پولیس اہلکار سے ملزم کے فرار اور غلطی سے قتل کی دفعات شامل کی گئی ہیں، یہ مقدمہ سنتری اظہار الحق اور سب انسپکٹر خادم حسین کے خلاف درج کیا گیا ہے۔

قاتل کیک لے کر آیا تھا، شعیب اور بچے کھا رہے تھے کہ گولیاں مار دی گئیں، مستونگ واقعے میں انکشاف

ایف آئی آر کے مطابق ملزم عباس کو لاک اپ سے نکال کر ڈیوٹی افسر کے کمرے میں لے جایا جا رہا تھا کہ ملزم تھانے سے بھاگ نکلا، ریلوے پل کے قریب جا کر اہلکاروں نے اسے روکا، لیکن ملزم نے سنتری اظہار سے سرکاری اسلحہ چھیننے کی کوشش کی، اس چھینا جھپٹی کے دوران گولی چل گئی جو عباس کی کمر میں لگی، زخمی ملزم کو عباسی شہید اسپتال لے جایا جا رہا تھا کہ وہ راستے ہی میں دم توڑ گیا۔

پولیس حکام کا کہنا ہے کہ فائرنگ کرنے والے پولیس اہلکار سے مزید تفتیش جاری ہے۔

کراچی (30 جولائی 2025): آج گھگر پھاٹک میں گھر سے میاں بیوی اور بچے کی لاشیں ملیں تحقیقات میں قتل سے متعلق سنسنی خیز انکشافات سامنے آئے ہیں۔

اے آر وائی نیوز کے مطابق آج کراچی کے علاقے گھگر پھاٹک کے قریب گھر میں میاں، بیوی اور بچے کو قتل کر دیا گیا تھا۔ پولیس کے مطابق مرنے والوں کا اصل تعلق بلوچستان سے تھا اور انہیں تیز دھار آلے سے قتل کیا گیا تھا۔

واقعہ کی مزید تفتیش کی تو نئے انکشافات سامنے آئے ہیں اور پولیس کا کہنا ہے کہ ماں باپ اور بچے کو بے دردی سے قتل کرنے والے قاتل ایک روز قبل ہی مقتولین کے گھر مہمان بن کر آئے تھے اور قتل کرنے کے بعد موقع سے فرار ہو گئے۔

پولیس نے یہ بھی بتایا کہ مقتول جوڑے عبدالمجید اور سکینہ نے 6 سال قبل پسند کی شادی کی تھی اور ان کا ایک بیٹا عبدالنبی تھا۔ یہ خاندان ایک سال قبل ہی گھگر پھاٹک کے قریب رہائش اختیار کی تھی۔

پولیس کے مطابق شادی کے بعد خاتون کے بھائیوں نے جرگہ کیا تھا اور اس جرگے کے فیصلے کے مطابق بھائیوں نے بہن کے بدلے عبدالمجید کی دو خواتین لی تھیں۔

دوسری جانب گھگر پھاٹک میں گھر سے میاں بیوی اور بچے کی لاشیں ملنے کے واقعہ کا وزیر داخلہ سندھ ضیا الحسن لنجار نے نوٹس لیتے ہوئے پولیس کو واقعہ کی

انکوائری کرنے اور قاتلوں کی نشاندہی کر کے انہیں فوری گرفتار کرنے کا حکم دیا ہے۔
وزیر داخلہ نے اس حوالے سے انہیں رپورٹ پیش کرنے اور علاقے میں امن وامان کی صورتحال کو یقینی بنانے کی ہدایت کی ہے۔

https://urdu.arynews.tv/karachi-husband-wife-and-child-brutally-murdered/

کراچی (30 جولائی 2025): شہر قائد کے علاقے گھگر پھاٹک کے قریب میاں بیوی اور بچے کو بے دردی سے قتل کر دیا گیا ہے۔

اے آر وائی نیوز کے مطابق تہرے قتل کا یہ سنسنی خیز واقعہ کراچی کے علاقے گھگر پھاٹک کے قریب پیش آیا جہاں میاں بیوی اور بچے کو تیز دھار آلے سے بے دردی سے قتل کر دیا گیا۔

واردات کی اطلاع ملتے ہی پولیس اور ریسکیو ادارے جائے وقوعہ پہنچ گئے اور لاشوں کو ضابطے کی کارروائی کے لیے اسپتال منتقل کیا۔

پولیس کا کہنا ہے کہ تینوں افراد کو گھر کے اندر تیز دھار آلے سے قتل کیا گیا اور جائے وقوعہ سے دو کلہاڑیاں ملی ہیں۔

پولیس کے مطابق مقتولین کا اصل تعلق بلوچستان سے بتایا جا رہا ہے اور انکی شناخت عبدالمجید، اہلیہ سکینہ اور بیٹے عبدالنبی کے ناموں سے ہوئی ہے۔

https://urdu.arynews.tv/dead-body-found-from-home-new-karachi-police/