Tag: کراچی

کراچی : شوہر کے تشدد کا شکار نوبیا ہتادلہن دم توڑ گئی ، مقتولہ کی شادی 16 جون کواشوک سے ہوئی تھی اور واقعہ 17 جون کو پیش آیا تھا ۔

تفصیلات کے مطابق کراچی کے علاقے لیاری شاہ بیگ لین میں شوہر کے تشدد کا شکار نوبیا ہتادلہن شانتی اسپتال میں دم توڑ گئی۔

پولیس نے بتایا کہ 19 سالہ شانتی نے سول اسپتال ٹراما سینٹر میں دم توڑا ، شوہرکے بہیمانہ تشدد کا شکار 19سالہ شانتی تشویشناک حالت میں مقامی اسپتال میں زیرعلاج تھی

مقتولہ کی شادی 16 جون کواشوک سے ہوئی تھی اور واقعہ 17 جون کو پیش آیا تھا، ملزم نے لڑکی کے جسم کے مختلف حصوں کو کاٹا تھا جس سے اس کی حالت انتہائی تشویشناک ہوگئی تھی۔

بعد ازاں بغدادی پولیس نے ملزم اشوک کو گرفتارکرلیا، پولیس کا کہنا ہے کہ ملزم اشوک کیخلاف لڑکی کے بھائی کی مدعیت میں مقدمہ درج کرکے ملزم کو جیل بھیج دیا گیا ہے۔

مزید پڑھیں : کراچی: گھر سے نئی نویلی دلہن کی لاش برآمد

یاد رہے چند ماہ قبل محمود آباد کے علاقے کشمیر کالونی میں گھر سے نئی نویلی دلہن کی لاش ملی تھی۔

پولیس حکام نے بتایا کہ متوفیہ کی 3 روز قبل شادی ہوئی تھی لیکن جسم پر تشدد کا کوئی نشان نہیں ہے، لواحقین کا بیان ہے کہ متوفیہ کو سانس کا عارضہ تھا۔

دلہن کے لواحقین نے پولیس حکام کو بتایا تھا کہ متوفیہ کو اکثر دورے پڑنے کی شکایت بھی رہتی تھی۔

کراچی : بفرزون سیکٹر 15 اے 2 میں مسلح ملزمان کی یونیورسٹی طالبہ سے لوٹ مار کی سی سی ٹی وی سامنے آگئی۔

تفصیلات کے مطابق کراچی کے علاقے بفرزون سیکٹر 15 اے 2 میں موٹرسائیکل سوار ڈکیت گینگ سرگرم ہے۔

مسلح ملزمان کی یونیورسٹی طالبہ سے لوٹ مار کی سی سی ٹی وی سامنے آگئی، شہری اپنی بیٹی کو موٹر سائیکل پریونیورسٹی چھوڑنے جا رہا تھا۔

موٹرسائیکل سوارملزما ن اسلحہ کے زور پر طالبہ سے موبائل چھین کرفرار ہوئے ، ملزمان نے لوٹ مار کے بعد اس علاقے میں کچھ ہی فاصلے پر دوسری واردات بھی کی۔

بچی کواسکول چھوڑنے والے شہری کو بھی اسلحے کے زور پر لوٹا گیا ، دونوں وارداتوں میں سی سی ٹی وی میں نظرآنے والے ملزمان ایک ہی ہیں۔

پولیس کا کہنا تھا کہ تاحال کسی متاثرہ شہری نے مقدمہ درج نہیں کرایا۔

کراچی: گزشتہ روز نیو کراچی میں کار شوروم پر فائرنگ کے واقعے کا مقدمہ پولیس نے ملازم کی مدعیت میں درج کر لیا ہے۔

تفصیلات کے مطابق گزشتہ روز نیو کراچی تھانے کی حدود میں ایک کار شوروم پر فائرنگ کی گئی تھی، جس کے بعد بھتہ خوروں کی جانب سے واٹس ایپ کال آ گئی۔

پولیس رپورٹ میں کہا گیا ہے کہ نیو کراچی تھانے میں مقدمہ رینٹ اے کار کے ملازم کی مدعیت میں بھتہ خوری، اقدامِ قتل کی دفعات کے تحت درج کیا گیا ہے، جس میں گینگ وار وصی اللہ لاکھو، عبدالصمد کاٹھیا واڑی، جواد راجہ اور فائرنگ کرنے والے 2 موٹر سائیکل سوار ملزمان کو نامزد کیا گیا ہے۔

ایف آئی آر کے مطابق شوروم پر فائرنگ لیاری گینگ وار نے بھتہ خوری کے لیے کی، فائرنگ کے بعد ملزمان فرار ہو گئے، اور انھوں نے واٹس ایپ پر شوروم مالک سے بھتہ مانگا۔

فیک جاب آفرز سے ہوشیار، نوجوانوں کو ٹریپ کرنے کے لیے واٹس ایپ گروپس متحرک

جس وقت فائرنگ کی گئی اس وقت مہران، عطا اللہ اور سلمان شوروم میں موجود تھے لیکن خوش قسمتی سے اس واقعے میں کوئی جانی نقصان نہیں ہوا، فائرنگ کے بعد بین الاقوامی نمبر سے کال آئی جس میں اس نے گینگ وار سے اپنا تعلق ظاہر کیا۔ بھتہ خور نے پیغام دیا کہ عمر فاروق یا سمیع اللہ رینٹ اے والے کو کہو کہ اپنا نمبر آن کرے اور بھتہ دے۔

نیو کراچی پولیس نے مقدمہ درج کر کے مزید تحقیقات شروع کر دی ہے، ملزمان تک پہنچنے کے لیے سی سی ٹی وی فوٹیجز بھی حاصل کی جا رہی ہیں۔

کراچی : ملزمان کی بچی کے سامنے شہری سے لوٹ مار کے واقعے کی سی سی ٹی وی فوٹیج سامنے آگئی۔

تفصیلات کے مطابق کراچی میں اسٹریٹ کرمنلز کا سر عام دن دہاڑے شہریوں سے لوٹ مار کا سلسلہ جاری ہے۔

بفرزون کے علاقے میں ملزمان کی بچی کے سامنے شہری سے لوٹ مار کا واقعہ سامنے آیا، واردات کی سی سی ٹی وی فوٹیج اےآروائی نیوز نے حاصل کرلی۔

جس میں دیکھا جاسکتا ہے کہ شہری بچی کو اسکول چھوڑنے کیلئے گھر کے باہر کھڑا تھا کہ موٹرسائیکل سواردوملزمان اسلحہ کےزورپرموبائل اورنقدی چھین کرفرار ہوئے۔

فوٹیج میں اسکول یونیفارم میں بچی کودیکھاجاسکتا ہے ، پولیس کا کہنا ہے کہ شہری کی جانب سے ابھی تک کوئی رپورٹ درج نہیں، تاہم سی سی ٹی وی فوٹیج کی مدد سے ملزمان کی تلاش جاری ہے۔