Tag: Nawaz Sharif

میانوالی: عمران خان نے کہا کہ میانوالی کا ساتھ کبھی نہیں چھوڑوں گا، جو معاشرہ ظلم کے بت کو پوجتا ہے وہ تباہ ہوجاتا ہے۔

پاکستن تحریکِ انصاف کے سیاسی مرکز میں جسلہ سے خطاب کرتے ہوئے پارٹی چئیرمین عمران خان کا کہنا تھا کہ میانوالی کو وقت نہ دینے پرمعذرت کرتا ہوں ،جلسے خواتین کی بڑی تعداد کومبارکباد دیتا ہوں، آج پیغام لے کرآیا ہوں ظلم کے آگے کبھی سرکو مت جھکانا، انہوں نے کہا کہ میں آج خوشیاں منانے آیا ہوں کہ میرے لوگ جاگ گئے ہیں، مجھے جنہوں نے اسمبلی میں پہنچایا انہیں بھول نہیں سکتا ۔

عمران خان کا کہنا تھا کہ آئندہ ایسا نہیں ہونے دیں کہ ووٹ کسی اورکا اورجیت کسی اورکی ہو، نیا پاکستان بنانے دو پھر دیکھنا مسائل دہلیز پرحل ہوں گے، یکساں تعلیمی نظام ملک بھرمیں رائج کریں گے،ایک وقت آئے گا جب لوگ تعلیم کے لئے میانوالی آئیں گے ،تبدیلی کا فرق دیکھنے کے لئے خیبر پختونخوا اورپنجاب پولیس میں فرق دیکھ لیں۔

انہوں نے کہا کہ میں وعدہ کرتا ہوں کہ اپنے کسانوں کی مدد ایسے ہی کروں گا جیسے ہندوستان میں کسانوں کی مدد کی جاتی ہے، بجلی سستی ملتی ہے اورکھاد مفت ملتی ہیں جبکہ زرعی اصلاحات کی گئی ہیں، لیکن پاکستان میں کسانوں کے ساتھ ظلم ہوتا ہے، ہم ان کو بھی حقوق لےکر دیں گے اورہمارے کسانوں کی فصلی پیداواربھی دواورتین گنا بڑھ جائے گی جس سے ہمارا کسان خوشحال ہو جائے گا۔

عمران خان نے اپنے آبائی شہر میانوالی میں خطاب کرتے ہوئے کہا کہ کسی اورجماعت کو ایسے جلسے کرنے میں 6 ماہ لگیں گے، نواز شریف کو اندرونِ پنجاب ایسا جلسہ کرنے کا چیلینج کرتا ہوں، نواز شریف 30 فیصد بھی اس جیسا جلسے کرکے دیکھائے پھر مانے گے کہ الیکشن میں دھاندلی نہیں ہوئی ۔

انہوں نے نواز شریف کی صاحبزادی مریم نواز سے مخاطب ہوتے ہوئے کہا کہ مریم نواز سن لو! یہ بادشاہت نہیں ’گو نواز گو ہمارا حق ہے، پی ٹی آئی مظلوموں کے ساتھ ہے تاکہ ظالم ظلم نہ کرسکے، جمہوری معاشرے میں سب کوآزادی حق ملے گا، جب تک ’گونوازگو‘ نہیں ہوگا، دھرنا ختم نہیں کریں گے ۔

میانوالی کے جلسے میں خطاب کرتے ہوئے پاکستان تحریک انصاف کے سینئر وائس چئیرمین مخدوم شاہ محمود قریشی نے بھی خطاب کیا اور ان کا کہنا تھا کہ میانوالی کے لوگوں تمھیں مبارکباد دینے آیا ہوں، 10 سال قبل عمران خان نے وی آئی پی کلچر کے خلاف اُٹھائی تھی، حاکم سرمایہ دار کا دوست ہے،مظلوم کا نہیں ہے۔

تحریک انصاف کے سینئر وائس چیئرمین شاہ محمود قریشی کا کہنا ہے کہ عمران خان نے سالوں پہلے وی آئی پی کلچر مسترد کیا تھا اوراب عوام بھی اس کے خلاف اٹھ کھڑے ہوئے ہیں پی ٹی آئی نے جیسے انتخاب کروائے وہ مثال ہے، ملک میں تبدیلی کی ہوا چل پڑی ہے۔

اسلام آباد: عمران خان نے دعویٰ کیا ہے لاہور میں مینار پاکستان پر ہونے والا جلسہ پاکستان کی تاریخ کا سب سے بڑا جلسہ تھا، اس روز سارا پنجاب لاہور کی طرف نکل آیا تھا اور اس جلسے میں مینار پاکستان پر سات لاکھ سے گیارہ لاکھ افراد موجودتھے۔

آزادری مارچ سے خطاب میں پاکستان تحریک انصاف کے سربراہ عمران خان کا کہنا تھا کہ لاہور میں ہونے والے جلسے میں عوام خود آ ئے تھے، ہم نے کوئی پٹواری استعمال نہیں کئے، تحریک انصاف کی جانب سے تو عوام کو کوئی ٹرانسپورٹ تک بھی مہیا نہیں کی گئی تھی اور لوگ اپنی جیب سے پیسے لگا کر جلسے میں شامل ہوئے تھے۔

دھرنے کے شرکاء سے خطاب میں عمران خان کا کہنا تھا کہ پاک فوج جب دہشتگردوں کیخلاف نبرد آزما ہے تو پاکستان میں ڈرون حملے کیوں شروع کر دیے گئے ہیں؟۔ ڈرون حملے عالمی قوانین کی خلاف ورزی ہیں۔ کیا ہمارے لیڈروں میں اتنی جرات ہے کہ ڈرون حملوں کو غلط کہہ دیں؟۔ ہمیں ڈرون حملوں کیخلاف آواز اٹھانی چاہیے۔ بھارت میں راہول گاندھی نے مجھے کہا تھا کہ ”ہم تصور ہی نہیں کر سکتے کہ کوئی اور ملک آکر بھارت میں ہمارے شہریوں پر بمباری کر دے”۔

اس قبل جلسے کے فوری بعد تحریک انصاف کے ذرائع نے جلسے میں اڑھائی لاکھ سے زائد افراد کی شرکت کا دعویٰ کیا تھا تاہم آزاد ذرائع نے اسی جلسے میں تقریبا ڈیڑھ لاکھ افراد کی موجودگی کی تصدیق کی تھی جبکہ پولیس ذرائع کا کہنا تھا کہ اس جلسے میں پچاس ہزار افرادشامل ہوئے تھے۔

انہوں نے کہا کہ نواز شریف جب بھی عوام میں جائیں گے ایک ہی نعرہ لگے گا، جمعرات کو میانوالی اور جمعہ کو اسلام آباد میں بڑا جلسہ ہوگا، عید پر مجھے بہت مزہ آئے گا، کارکنوں نے کپتان سے زیادہ اسٹیمنا دکھایا، افضل خان کو بھی آپ کی وجہ سے سچ بولنے کا حوصلہ ملا ہے۔

ان کا کہنا تھا کہ وفاقی وزیر ریلوے خواجہ سعد رفیق کے حلقے میں دو پولنگ سٹیشنوں پر ووٹ کے بجائے صرف کاغذ ڈالے گئے۔ عدالتی رپورٹ کے مطابق خواجہ سعد رفیق کے حلقے میں پولنگ سٹیشن نمبر ایک سو اڑسٹھ اور دو سو پینسٹھ میں ووٹ نہیں بلکہ صرف کاغذ ڈالے گئے۔ چیئرمین تحریک انصاف نے کہا کہ عید بھی دھرنے میں ہوگی۔ اطلاع ہے کہ حکومت بکرے لانے سے روکے گی۔ قربانی سے روکا گیا تو ذمہ دار حکمران ہونگے۔

پی ٹی آئی چیف نے کہا کہ دھرنا نہ ہوتا تو بجلی کی قیمت مزید مہنگی ہوتی، بڑے کام کا کوئی شارٹ کٹ نہیں ہوتا، ملکی استحکام کیلئے خرچے اور آمدن برابر کرنا ہوں گے،میرے اثاثوں کی تفصیلات ویب سائٹ پر پڑی ہیں جسے کوئی بھی دیکھ سکتا ہے، میرا ایک بھی اثاثہ بیرون ملک ثابت ہو جائے تو میں سیاست چھوڑ دوں گا۔.

اسلام آباد: عمران خان نے کہا کہ میرے اثاثوں میں سے کوئی چیز غلط نکلی تو سیاست چھوڑ دوں گا عید یہیں کریں گے نماز دھرنےمیں پڑھیں گے۔

اسلام آباد میں آزادی دھرنے کے شرکاء سے خطاب کرتے ہوئے پاکستان تحریک انصاف کے چیئرمین عمران خان نے کہا کہ حکمرانوں کا احتساب کئے بغیر کرپشن ختم نہیں ہو سکتی آج الیکشن کمیشن میں اثاثے ڈکلیئر کرنے کا آخری دن ہے۔ حکمرانوں نے اثاثے چھپائے تو انہیں عوام کے سامنے لائیں گے۔ انہوں نے چیلنج کیا کہ نواز شریف بھی ان کے اثاثے چیک کر لیں۔

چیئرمین تحریک انصاف نے کہا کہ دو اکتوبر کو میانوالی جلسے میں بھی لاہور کی تاریخ دہرائیں گے کارکن خوف کے بت توڑ دیں عید کی نماز بھی دھرنے میں ہی ادا کریں گے۔ عمران خان نے کہا کہ دھرنے نے لوگوں میں نیا شعور بیدار کر دیا۔ ایک ہفتے کے نوٹس پر لاہور کا کامیاب جلسہ اس کا ثبوت ہے۔

پی ٹی آئی کپتان نے کہا کہ گو نواز گو کا نعرہ لگانے پر طالبعلم کو یونیورسٹی سے نکال دیا گیا، جیل میں ‘‘گو نواز گو’’ کا نعرہ لگانے پر نوجوان پر تشدد کیا گیا، انسانی معاشرے میں لوگوں کی قدر ہوتی ہے، ظلم کے بجائے انسانیت کا نظام لائیں گے، نئے پاکستان کو فلاحی ریاست بنائیں گے، نوجوان بے روزگار نہیں ہوں گے، ہر طرف امن ہوگا۔

عمران خان کا کہنا ہے کہ نواز شریف کہتے ہیں بیٹے باہر سے پیسہ بھیجتے ہیں، انہوں نے اصل اثاثے ظاہر نہ کئے تو عدالت جائیں گے، میرے اثاثوں میں سے کوئی چیز غلط نکلی تو سیاست چھوڑ دوں گا، میری ایک بھی بے نامی جائیداد نہیں، میں نے چوری نہیں کی، اس لئے کسی سے خوف نہیں، میاں صاحب کے ایک بچے کی کمپنی 200 ارب روپے کی ہے، آصف زرداری بھی بتائیں کتنا پیسہ باہر پڑا ہے، حکمرانوں کا احتساب نہ ہوا تو کرپشن جاری رہے گی۔

عمران خان نے کہا کہ کل الیکشن کمیشن کو اثاثوں اور ٹیکس جمع کروانے کا آخری دن ہے، دیکھتے ہیں نواز شریف اصل اثاثے جمع کراتے ہیں یا نہیں، کل نواز شریف کے جمع کرائے گئے اثاثوں کو چیک کریں گے اور ان لوگوں کو پکڑیں گے جو صحیح اثاثے ڈکلیئر نہیں کرتے ہیں۔

عمران خان نے کہا کہ پورا ملک دیکھ رہا ہو گا، جب نواز شریف اثاثوں کی تفصیل جمع کرائیں گے۔ اسحاق ڈار نے لکھ کر دیا کہ نواز شریف کیلئے منی لانڈرنگ کی، اگر اسحاق ڈار سچ بول رہے ہیں تو نواز شریف کیسے وزیراعظم رہ سکتے ہیں اور اگر اسحاق ڈار جھوٹ بول رہے ہیں تو انہیں وزیر خزانہ نہیں ہونا چاہئے۔

اسلام آباد: عمران خان نے کہا کہ جنرل جیلانی اورضیاءکی نرسری میں نہیں پلابڑھا نوازشریف ابھی استعفیٰ نہ دیں،تحریک گھر گھر پہنچادونگا۔

لاہور میں جلسہ عام سے خطاب کے دوران عمران خان  نےکہاکہ برطانیہ میں دیکھا کہ جب بھی کوئی ناانصافی ہوتی تو عوام کھڑے ہوجاتے تھے، انہوں نے پاکستان کو عروج سے زوال کی جانب جاتے ہوئے دیکھا ہے، حکمران آتے گئے اور اپنی باریاں لیتے رہے، 18 سال سے وہ کہتے تھے کہ نواز شریف اور آصف زرداری بھائی بھائی ہیں لیکن قوم سوئی ہوئی تھی۔ 2 خاندانوں کے اربوں ڈالر بیرون ملک ہیں۔ نواز شریف کا بیٹا لندن میں 800 کروڑ روپے کے فلیٹ میں رہتا ہے، ان کی 18 برس کی جدو جہد ایک جانب اور کنٹینر میں گزارے 45 ایک جانب ہے، وہ اللہ تعالٰی کے شکر گزار ہیں کہ قوم اب جاگ گئی ہے، حمزہ شہباز سے لاہور اور نواز شریف کے ساتھ نیو یارک میں جو ہوا اس سے انہیں خوشی ہوئی۔

عمران خان کا کہنا تھا کہ عظیم قوم بننے کیلئے ہمیں خود کو بدلنا ہوگا، سچ بولنا ہوگا، سچ ايک چھوٹے انسان کو بڑا بناديتا ہے، بزدل انسان کبھی بڑے کام نہيں کرسکتا، جمعرات کو میانوالی اور اس کے بعد ملتان میں جلسہ کریں گے۔

عمران خان نے کہا کہ دھاندلی کو اب الیکشن کمیشن نے بھی تسلیم کر لیا ہے۔ الیکشن کمیشن کی رپورٹ عوام کے دبائو کی وجہ سے سامنے لائی گئی ہے جس میں واضع طور پر کہا گیا ہے کہ آخری وقت میں پولنگ سٹیشن بدل دیے گئے تھے۔ تحریک انصاف کی سونامی کو دیکھ کر الیکشن سے دو دن قبل جعلی بیلٹ پیپر چھپوائے گئے۔

ان کا کہنا تھا کہ الیکشن کمیشن نے ابھی تک فارم 14 کو ویب سائٹ پر نہیں ڈالا کیونکہ اسے ویب سائٹ پر ڈالنے سے ریٹرننگ افسران پکڑے جائیں گے، ان ریٹرننگ افسران کو پاکستان کا میر جعفر افتخار چودھری کنٹرول کر رہا تھا، نواز شریف نے اپنی تقریر میں ریٹرننگ افسران سے کہا کہ مجھے اکثریت دلوائو۔ نواز شریف کی تقریر کے بعد یو این ڈی پی کے سسٹم کو جان بوجھ کر بند کر دیا گیا تھا۔

چیئرمین تحریک انصاف نے کہا کہ میں نے کسی کے کاندھوں پر بیٹھ کر سیاست نہیں کی، میں جنرل جیلانی کی نرسری اور ضیاء الحق کی گود میں بیٹھ کر پروان نہیں چڑھا اور نہ ہی آئی ایس آئی سے کوئی رقم وصول کی، پاکستان تحریک انصاف کے چیئرمین عمران خان نے کہا کہ ایک وقت آئے گا کہ وزیراعظم کے گھر سے بھی ”گو نواز گو” کے نعرے گونجیں گے، جب تک مجھے انصاف نہیں ملے گا نواز شریف حکومت نہیں کر سکیں گے، خطاب کے آخر میں عمران خان نےجمعرات کومیانوالی میں جلسےکااعلان بھی کیا۔