Tag: Nawaz Sharif

اسلام آباد: چئرمین تحریک انصاف نے کہا ہے کہ لوگوں کے دل سے بادشاہت کا خوف نکلتاجارہا ہے، روزانہ انکشافات ہورہے ہیں۔

آزادی مارچ کے دھرنے سے خطاب کرتے ہوئے عمران خان نے کہا کہ ان کی ٹوئنٹی ٹوئنٹی نہیں ٹیسٹ میچ کھیلنے کی تیاری ہے،جب تک نوازشریف وزیراعظم ہیں، دھرنےسےنہیں اٹھیں گے، صرف پندرہ فیصد الیکشن نتائج آنے پرنوازشریف نے فتح کی تقریرکردی اورریٹرننگ افسروں سےکہاکہ انہیں اکثریت دلائیں، نوازشریف کے رہتے ہوئے انتخابی دھاندلی کی آزاد تحقیقات نہیں ہوسکتی۔

چئرمین تحریک انصاف کا کہنا تھا کہ انکشاف ہواہےافتخارچودھری اور نجم سیٹھی نے مل کردھاندلی کی۔ دھاندلی کا پردہ چاک کرنے والے الیکشن کمیشن کے سابق اعلیٰ افسرافضل خان کی کردارکشی کی جارہی ہے۔

ان کا کہنا تھا کہ جیسے جیسے اس ملک میں نواز شریف کی بادشاہت کا اثر زائل ہو رہا ہے روزانہ نئے نئے انکشافات سامنے آ رہے ہیں۔اختر مینگل نے سامنے آکر بلوچستان میں ہونے والی دھاندلی کو بے نقاب کر دیا ہے، ہم اس پر ان کا شکریہ ادا کرتے ہیں، دوسری جانب الیکشن کمیشن کے اہلکار جسٹس رضوی نے بھی افضل خان کی جانب سے لگائے گئے الزامات کی تصدیق کر کے یہ حقیقت عیاں کر دی ہے کہ انتخابات میں بد ترین دھاندلی ہوئی تھی۔

عمران خان کا کہنا تھا کہ کنٹینرزرکھ کرحکومت قانون کی خلاف ورزی کررہی ہے۔ بچے اسکول نہیں جاسکتے۔ انھوں نے کہا کہ شہبازشریف چین چلے گئے،انکا نام ایگزٹ کنٹرول لسٹ میں ہونا چاہیئے تھا۔

عمران خان نے جیو نیوز کے مالک میر شکیل الرحمان کو شدید تنقید کا نشانہ بناتے ہوئے کہا کہ یہ انسان پاکستان کے خلاف کام کرتا رہا ہے اور آج بھی پیسے کا پجاری ہے، افضل خان نے دھاندلی کی تصدیق کی تو جیو کی جانب سے ا نکی کردار کشی شروع کر دی گئی، کیونکہ یہ ادارہ خود دھاندلی میں ملوث تھا اور ان کو ڈر ہے کہ اگر تحقیقات ہو گئیں تو یہ بھی پھنس جائیں گے۔ انہوں نے کہا کہ سابق چیف جسٹس افتخار چوہدری نے دھاندلی میں بد ترین کردار ادا کیااور اس کی تصدیق تو جسٹس کیانی نے بھی کر دی ہے۔

اسلام آباد :پاکستان تحریک انصاف کے سربراہ عمران خان نے کہا ہے کہ نوازشریف نےاستعفیٰ نہ دیاتو ملک گیرپہیہ جام ہڑتال کرینگے،ان خیالات کا اظہارانہوں نے اسلام آباد میں دھرنے کے شرکاء سے خطاب کرتے ہوئے کیا۔

انہوں نے کہا کہ حکومت مذاکراتی ٹیم بھیجنےسےپہلے راستےسےکنیٹنر ہٹائے ،نیاپاکستان بننے تک شادی کاسوچ بھی نہیں سکتا،عمران خان نے کہا کہ آصف علی زرداری کس منہ سے جمہوریت کی بات کررہے ہیں انہوں نے مجھے خود فون کر کے کہا تھا کہ الیکشن میں دھاندلی ہوئی ہے۔

ان کا کہنا تھا کہ رکاوٹوں کے باوجود لوگ جوق در جوق دھرنے میں شرکت کیلئے آ رہے ہیں،میں نواز شریف کے استعفے کے مطالبے سے ایک انچ بھی پیچھے نہیں ہٹوں گا، انہوں نے وزیر اعظم نواز شریف کو مخاطب کرتے ہوئے کہا کہ نواز شریف تمھارا وقت ختم ہوگیا اب نیا پاکستان بننے سے کوئی بھی نہیں روک سکتا۔

اج رات ساڑھے آٹھ بجے اپنے خطاب میں قوم کو بتاؤں گا کہ سول نافرمانی کیا ہوتی ہے اور اس کے کیا مقاصد ہوتے ہیں، عمران خان کا کہنا تھا کہ نیا پاکستان بننے تک شادی کے بارے میں سوچ بھی نہیں سکتا، لوگ غربت کی چکی میں پس رہے ہیں،اور میں پاکستانی قوم کو اس کے جائز حقوق دلا کر رہوں گا