ARYNews.tv | Urdu – Har Lamha Bakhabar

Tag: Nawaz Sharif

  • عمران خان نے انتخابات میں دھاندلی کرنے والوں کے چہرے بےنقاب کردیئے

    عمران خان نے انتخابات میں دھاندلی کرنے والوں کے چہرے بےنقاب کردیئے

    لاہور: پاکستان تحریک انصاف کے چیئر مین عمران خان نےانتخابات میں دھاندلی کے عوض مراعات حاصل کرنے والوں کوبے نقاب کردیا۔

    عمران خان نے بنی گالہ میں انتخابی دھاندلیوں کے ذریعےشریف برادران کو فائدہ پہنچا کر مراعات حاصل کرنیوالے کرداروں کوبےنقاب کیا، عمران خان نےبتایا کہ سابق چیف جسٹس افتخار محمد چوہدری کوخدمت کےعوض ان کے بیٹے کو بورڈ آف انوسٹمنٹ کا چیئر مین بنایا گیا، عمران خان کے مطابق جسٹس رمدے کے بیٹےمصطفی رمدے، بھائی اسد رمدے اور بھتیجی کو بھی نوازا گیا، عمران خان نےکہا جسٹس انور محبوب کو ایک سال کی توسیع سمیت دیگر مراعات دے کر بہتی گنگا میں ہاتھ دھونے کا موقع دیا گیا۔

    عمران خان نے پینتیس پنکچر والے نجم سیٹھی کو ملنے والی مراعات کا پردہ چاک کیا ، عمران خان نےبتایا سیکریٹری الیکشن کمیشن اشتیاق احمد کو خدمت گزاری پر دو بار توسیع ملی، تحریک انصاف کےچیئر مین نے طارق باجوہ، شاہد خان، ریٹرننگ آفیسرز اور ڈی آر اوز کو بھی دی گئی خصوصی مراعات کا ذکر کیا۔

    عمران خان کا کہنا تھا ملکی مسائل کا حل مارشل لاء میں نکالنے والوں کی سوچ غلط ہے، اُن کا کہنا تھا چودہ اگست کو آنے والا سیلاب کوئی نہیں روک سکتا پولیس والے ملک بچائیں ایک خاندان کے ملازم نہ بنیں، جو بادشاہت سے تنگ ہیں وہ نئے پاکستان کے لئے باہر نکلیں۔

  • ملک میں تصادم کی صورتحال بنتی جا رہی ہے،خورشید شاہ

    ملک میں تصادم کی صورتحال بنتی جا رہی ہے،خورشید شاہ

    اسلام آباد: پاکستان پیپلز پارٹی کےرہنما خورشید شاہ نےکہا ہےملک میں تصادم کی صورتحال بنتی جا رہی ہے،اگرکچھ ہوا توذمےداروہ جماعتیں ہوں گی جن کی وجہ سے حالات خراب ہونگے۔

    اسلام آباد سےجاری ایک بیان میں قائد حزب اختلاف خورشید شاہ کا کہنا ہےڈاکٹر طاہرالقادری نے نہایت خطرناک اعلانات کردیئے ہیں،اگرحالات خراب ہوئےتوذمہ دار کون ہوگا ،ملک میں تصادم کی صورتحال بنتی جاری ہے ان حالات میں سیکیورٹی اداروں کو الرٹ رہنا ہو گا۔

    خورشید شاہ کا کہنا ہےدنیا میں جہاں بھی تشدد پسند تحریک چلی،ملک و قوم کو نقصان ہوا،خورشید شاہ نے اندیشے کا اظہار کرتےہوئےکہا حالات کی سنگینی سےلگتا ہے کہیں پورا سسٹم ہی ختم نہ ہو جائےان حالات سے زیادہ خطرہ جمہوریت کی لیے قربانی دینے والی جماعتوں کو ہے۔

  • رائے ونڈ :وزیراعظم نواز شریف سے شہباز شریف کی ملاقات

    رائے ونڈ :وزیراعظم نواز شریف سے شہباز شریف کی ملاقات

    رائے ونڈ :وزیراعظم نواز شریف نے کہا ہے کہ پولیس اہلکاروں کو جان سے مارنے کے واقعات سے سیکورٹی اداروں اور لوگوں میں نفرت بڑھے گی ۔وزیراعظم نواز شریف سے وزیراعلیٰ پنجاب شہباز شریف نے رائے ونڈ میں ملاقات کی جس میں ڈاکٹر طاہر القادری کے یوم شہداء اور عمران خان کے آزادی مارچ پر تبادلہ خیال کیاگیا ۔

    وزیر اعظم نے پولیس اہلکاروں کوتشدد کانشانہ بنانےاورجان سےمارنےکےواقعات پرتشویش کا اظہار کیا اور کہا کہ ایسےواقعات سےسیکیورٹی اداروں اور لوگوں میں نفرت بڑھےگی۔ وزیراعظم کا کہنا تھا کہ ایسےواقعات قابل مذمت ہیں سختی سےنوٹس لیں گے۔

  • پاکستان کسی لانگ مارچ کے نتیجہ میں نہیں بنا، شہبازشریف

    پاکستان کسی لانگ مارچ کے نتیجہ میں نہیں بنا، شہبازشریف

    لاہور: وزیر اعلی پنجاب شہباز شریف نے کہا ہے مڈ ٹرم الیکشن کا سوال ہی پیدا نہیں ہوتا ۔

    لاہور میں میڈیا سے گفتگو میں کہنا تھا ملک میں تبدیلی صرف انتخابات کے ذریعے ہی آسکتی ہے ، مڈ ٹرم الیکشن کا سوال ہی پیدا نہیں ہوتا، ان کا کہنا تھا پاکستا ن کےعوا م ہرلانگ مارچ کو نا کام بنا دیں گے،پاکستان کسی لانگ مارچ کے نتیجہ میں نہیں بنا،چودہ اگست تجدیدعہد کادن ہے، ان کا کہنا تھا لانگ مارچ کا مقصد معیشت کو ترقی کے سفرسےروکناہے۔

  • الیکشن اسی سال دسمبرمیں ہونگے، عمران خان کا انکشاف

    الیکشن اسی سال دسمبرمیں ہونگے، عمران خان کا انکشاف

    کراچی: عمران خان نے اے آر وائی نیوز کے پروگرام سوال یہ ہے میں انکشاف کیا کہ الیکشن اسی سال دسمبرمیں ہونگے،مجھے کچھ ہواتو کارکنوں شریف خاندان کوچھوڑنا نہیں۔

    اے آر وائی نیوز کے پروگرام سوال یہ ہے میں عمران خان نے دو ٹوک الفاظ میں کہا کہ انہیں کچھ ہوا تو اس کے ذمہ دار نواز شریف ہوں گے،عمران خان کہتے ہیں الیکشن اسی سال سردیوں میں ہوں گے، کپتان نے بتایا وہ پاکستان عوامی تحریک کے یوم شہدا میں شریک نہیں ہو رہے۔

    پی ٹی آئی کے چیئرمین نے اس تاثر کو رد کیا کہ انہوں نے حکومت کو کوئی فارمولا دیا ہے، عمران خان کہتے ہیں کہیں سے بھی فون آجائے وہ پیچھے ہٹنے والے نہیں،عمران کان نے کہا جو بھی بات ہوگی وہ چودہ اگست کو اسلام آباد میں ہوگی، وہ وزیراعظم نوازشریف کی زبان پر اعتبار نہیں کرتے،عمران خان کا کہنا تھا جماعت اسلامی اورتمام جماعتوں کوفیصلہ کرنا ہوگا۔

  • نواز شریف سے اب کوئی بات نہیں ہوگی،عمران خان

    نواز شریف سے اب کوئی بات نہیں ہوگی،عمران خان

    اسلام آباد: پاکستان تحریک انصاف کے چیئرمین عمران خان نے نواز شریف کی پیشکش مسترد کر دی۔ کہتے ہیں نواز شریف سے اب کسی بھی صورت کوئی بات نہیں ہوگی۔اسلام آباد میں میڈیا سےبات چیت کرتےہوئےعمران خان کا کہنا تھا کہ آزادی مارچ کی تاریخ حتمی ہے، اسے کسی صورت آگےنہیں بڑھایا جائیگا۔ انہوں نے دو ٹوک لہجے میں کہا کہ آزادی مارچ اسلام آباد آئیگی چاہے حکومت کتنی رکاوٹیں کھڑی کرے۔

    ان کا کہنا تھا کہ تحریک انصاف کی جانب سے قومی سیکیورٹی اجلاس کے بائیکاٹ کا فیصلہ صحیح ثابت ہوا، نواز شریف نے سیکیورٹی کے اجلاس میں سیاسی باتیں کیں، انہیں اجلاس میں سیکیورٹی پر بات کرنی چاہئے تھی نہ کہ سیاست پر،عمران خان نے الزام لگایا کہ نوازشریف نے قومی سلامتی کے معاملے پرسیاسی فائدہ حاصل کرنیکی کوشش کی۔

    عمران خان کا کہنا تھا کہ ماضی میں نواز شریف نےسپریم کورٹ پرحملہ کیااور اب تمام اداروں کو تباہ کررہے ہیں۔ انکا کہنا تھا کہ نواز شریف اور حسنی مبارک میں کوئی فرق نہیں۔ انہوں نےوزیر اعظم نواز شریف پر عوام کےپیسوں کو ذاتی مفاد میں استعمال کرنیکاالزام عائد کرتےہوئےکہا کہ اب بادشاہت کیخلاف کھڑےہونےوقت آگیاہے۔

  • غیر سیاسی عناصر ملک میں انتشار پھیلانا چاہتے ہیں، شہباز شریف

    غیر سیاسی عناصر ملک میں انتشار پھیلانا چاہتے ہیں، شہباز شریف

    لاہور: وزیراعلی پنجاب شہباز شریف نے کہا ہے غیر سیاسی عناصر ملک میں انتشار پھیلانا چاہتے ہیں ۔

    سرکاری ٹی وی کو انٹرویو میں وزیر اعلی پنجاب کا کہنا تھا کہ امن و امان کا قیام حکومت کی پہلی ترجیح ہے،ان کا کہنا تھا کہ ڈاکٹرطاہر القادری امن کی راہ میں رکاوٹ ہیں، خواتین اور بچوں کو ڈھال بنانا انسانیت نہیں ہے، شہباز شریف کا کہنا تھا کہ پہلایوم آزادی ہے جسے متنازع بنایا جارہا ہے۔

  • وزیر اعظم نواز شریف کے قومی اسمبلی سے خطاب کا امکان

    وزیر اعظم نواز شریف کے قومی اسمبلی سے خطاب کا امکان

    اسلام آباد: وزیر اعظم نواز شریف کے قومی اسمبلی سے خطاب کا امکان ہے جس میں وہ موجودہ صورتحال پر پارلیمنٹ کو اعتماد میں لیں گے۔

    حکومتی ذرائع کے مطابق ملک میں جاری سیاسی ہلچل پر حکومت کے موقف کی حمایت حاصل کرنے کے لیے وزیر اعظم نواز شریف پارلیمنٹ کو اعتماد میں لیں گے۔۔ اس لیے قومی امکان ہے کہ وزیر اعظم قومی اسمبلی سے خطاب کریں گے۔۔۔ جس میں وہ ن لیگ کی حکومت کے موقف سے اراکین اسمبلی کو آگاہ کریں گے۔

  • وزیراعظم اورسراج الحق کے درمیان کل ایک اورملاقات ہوگی

    وزیراعظم اورسراج الحق کے درمیان کل ایک اورملاقات ہوگی

    اسلام آباد: وزیراعظم نوازشریف اورجماعت اسلامی کے امیر سراج الحق کے درمیان کل ایک اورملاقات ہوگی۔

    حکومت نے اپنے پلڑے میں وزن بڑھانے کیلئے جماعت اسلامی سے ایک بارپھر رابطہ کرلیا۔جس کے بعد وزیراعظم اور امیرجماعت اسلامی کے درمیان جمعہ کے روز ایک اور ملاقات کاامکان پیدا ہوگیا ہے۔

    چوہدری نثار اورخواجہ سعد رفیق نے جماعت اسلامی کے سیکرٹری جنرل لیاقت بلوچ سے ٹیلی فون پربات کی اورکہا کہ جماعت اسلامی کے امیرکی طرف سے وزیراعظم کودی گئی تجاویزاورعمران خان کے مطالبات پر غورکیاگیا جس کے بعد وزیراعظم نےجمعہ کو ایک اورملاقات کی خواہش کااظہارکیاہے تاکہ مسائل حل کرنے کیلئے معاملات مثبت اندازمیں آگے بڑھائے جاسکیں۔

  • حکومت بات چیت میں پہل کرکےوسعت قلبی کامظاہرہ کرے، سراج الحق

    حکومت بات چیت میں پہل کرکےوسعت قلبی کامظاہرہ کرے، سراج الحق

    پشاور: جماعت اسلامی نے حکومت کوسنجیدگی کامظاہرہ کرنےاوربات چیت میں پہل کرنے کامشورہ دے دیا۔

    امیرجماعت اسلامی سراج الحق نے ملک کی موجودہ صورتحال کاذمہ دار الیکشن کمیشن اورحکومت کوقرار دے دیاکہتے ہیں حکومت نے سنجیدگی کامظاہر ہ نہیں اب بھی وقت ہے حکومت ہوش کے ناخن لے، سراج الحق نےبتایا چار نکاتی فارمولے کاجواب ملنے پرلانگ مارچ میں شرکت کرنے یانہ کرنے کافیصلہ کریں گے، سیاسی قوتیں تماشائی بننے کے بجائےمسئلہ حل کرنے کی کوشش کریں تشدد کامشورہ دینادرست نہیں، سراج الحق نےکہافوج کومداخلت نہیں کرنی چاہئے حالات بھی ایسے نہیں کہ فوج ذمہ داریاں سنبھالے۔