Tag: Nawaz Sharif

نواز شریف اور مولانا فضل الرحمان کل اہم ملاقات کریں گے

لاہور: مسلم لیگ ن کے قائد نوازشریف اور جمعیت علمائے اسلام (ف) کے سربراہ مولانا فضل الرحمان کل جاتی امرا میں ملاقات کریں گے۔

تفصیلات کے مطابق اپوزیشن کے دونوں‌ اہم رہنماؤں کی ملاقات کل متوقع ہے. اس اہم ملاقات میں نیب کیسز، اپوزیشن جماعتوں کے خلاف حکومتی رویے سمیت سیاسی صورت حال پرتبادلہ خیال ہوگا.

[bs-quote quote=”اس میٹنگ میں مولانا فضل الرحمان کی پیپلزپارٹی کے شریک چیئرمین، آصف زرداری سے ہونے والی ملاقات پربھی گفتگو ہوگی” style=”style-8″ align=”left”][/bs-quote]

اس میٹنگ میں مولانا فضل الرحمان کی پیپلزپارٹی کے شریک چیئرمین، آصف زرداری سے ہونے والی ملاقات پربھی گفتگو ہوگی.

توقع کی جارہی ہے کہ اس ملاقات میں‌اپوزیشن جماعتوں کا آئندہ کا لائحہ عمل طے کیاجائے گا۔

خیال رہے کہ العزیزیہ ریفرنس میں سزا کے خلاف نوازشریف کی درخواست پرسماعت کل ہوگی، نوازشریف نے حاضری سے استثنا مانگ لیا ہے، درخواست اسلام آباد ہائیکورٹ میں جمع کرادی۔

شریف خاندان کے فرنٹ مین کی بیرون ملک فرار ہونے کی کوشش ناکام

خیال رہے کہ آج شریف خاندان کے فرنٹ مین کی بیرون ملک فرار ہونے کی کوشش ناکام بنادی گئی، محمد مشتاق چینی کو حراست میں لے کر نیب کے حوالے کر دیاگیا، محمد مشتاق رمضان شوگر مل کا منیجر ہیں۔

اپریل 8, 2019
لندن میں مقیم نواز شریف کے معالج ڈاکٹرلارنس سے مشاورت جاری ہے، ڈاکٹرعدنان

لاہور: مسلم لیگ ن کے قائد کے ذاتی معالج ڈاکٹرعدنان کا کہنا ہے کہ دیکھا جارہا ہے کہ نواز شریف کا پاکستان میں علاج ہوسکتا ہے یا نہیں۔

تفصیلات کے مطابق سابق وزیراعظم نوازشریف کے ذاتی معالج ڈاکٹرعدنان نے میڈیا سے گفتگو کرتے ہوئے کہا کہ 6 ہفتےمیں نوازشریف کا علاج ہوسکتا ہے یا نہیں، یہ کہنا قبل ازوقت ہے۔

ڈاکٹرعدنان نے کہا کہ علاج اور ٹیسٹوں کے لیے سینئر پروفیسرز پر مشتمل بورڈ تشکیل دیا گیا ہے، لندن میں مقیم نواز شریف کے معالج ڈاکٹر لارنس سے مشاورت جاری ہے۔

نوازشریف کے ذاتی معالج نے کہا کہ نوازشریف جیل میں رہے، اسپتال میں منتقل کرنے کے لیے تجزیہ کیا جا رہا ہے۔

ڈاکٹرعدنان نے کہا کہ دیکھا جارہا ہے کہ نواز شریف کا پاکستان میں علاج ہوسکتا ہے یا نہیں۔

خیال رہے کہ تین روز قبل سابق وزیراعظم نواز شریف دوسری بار میڈیکل چیک اپ کے لیے شریف میڈیکل سٹی کمپلیکس پہنچے تھے جہاں ڈاکٹرز نے ڈھائی گھنٹے تک ان کا طبی معائنہ کیا تھا۔

ڈاکٹروں نے مسلم لیگ ن کے قائد نوازشریف کو ادویات جاری رکھنے اور مکمل آرام کا مشورہ دیا تھا۔

یاد رہے 28 مارچ کو سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی، ڈاکٹروں نے نوازشریف سے ان کی صحت سے متعلق سوالات کیے جبکہ ٹیسٹ بھی کیے گئے تھے ، ان کے ذاتی معالج ڈاکٹرعدنان بھی ان کے ہمراہ تھے۔

اپریل 2, 2019
نوازشریف کا شریف میڈیکل سٹی اسپتال میں آج پھرطبی معائنہ ہوگا

لاہور: سابق وزیراعظم نوازشریف کو شریف میڈیکل اسپتال منتقل کیا جائے گا جہاں ان کا آج پھر طبی معائنہ ہوگا۔

تفصیلات کے مطابق مسلم لیگ ن کے قائد نوازشریف جاتی امرا سے شریف میڈیکل سٹی اسپتال پہنچیں گے، اس موقع پر شریف میڈیکل کمپلیکس میں سیکیورٹی کے سخت انتظامات کیے گئے ہیں۔

شریف میڈیکل کمپلیکس میں مسلم لیگ ن کے قائد نوازشریف کے مزید مختلف ٹیسٹ کیے جائیں گے، ان کے ذاتی معالج ڈاکٹرعدنان بھی ان کے ہمراہ ہوں گے۔

نواز شریف کا شریف میڈیکل سٹی میں دوسری بار طبی معائنہ

خیال رہے کہ دو روز قبل سابق وزیراعظم نواز شریف دوسری بار میڈیکل چیک اپ کے لیے شریف میڈیکل سٹی کمپلیکس پہنچے تھے جہاں ڈاکٹرز نے ڈھائی گھنٹے تک ان کا طبی معائنہ کیا تھا۔

ڈاکٹروں نے مسلم لیگ ن کے قائد نوازشریف کو ادویات جاری رکھنے اور مکمل آرام کا مشورہ دیا تھا۔

نوازشریف کا شریف میڈیکل سٹی اسپتال میں طبی معائنہ

یاد رہے 28 مارچ کو سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی، ڈاکٹروں نے نوازشریف سے ان کی صحت سے متعلق سوالات کیے جبکہ ٹیسٹ بھی کیے گئے تھے ، ان کے ذاتی معالج ڈاکٹرعدنان بھی ان کے ہمراہ تھے۔

اپریل 1, 2019
نوازشریف اور زرداری کی کرپشن کا سارا بوجھ عمران خان پر آگیا، شیخ رشید

لاہور : وفاقی وزیر ریلوے شیخ رشید احمد نے کہا ہے کہ نوازشریف اور آصف زرداری کی کرپشن کا سارا بوجھ عمران خان پر آگیا ہے، ریلوے کو ملک کے کونے کونے تک پہنچائیں گے۔

ان خیالات کا اظہار انہوں نے لاہور میں جناح ایکسپریس ٹرین کی افتتاحی تقریب سے خطاب کرتے ہوئے کیا،تقریب میں وزیر اعظم عمران خان وزیراعلیٰ پنجاب عثمان بزدار اور دیگر حکام بھی موجود تھے۔

شیخ رشید نے بتایا کہ جناح ایکسپریس نان اسٹاپ ٹرین ہے، یہ 15گھنٹے میں لاہور سے کراچی پہنچے گی، اس ٹرین میں وائی فائی کی سہولت بھی موجود ہے، جناح ایکسپریس ٹرین کو ہم نے قائداعظم کے نام سے شروع کیا۔

وفاقی وزیر ریلوے کا مزید کہنا تھا کہ ایک سال میں40ٹرینوں کا ٹارگٹ پورا کریں گے، مال گاڑیوں کی تعداد14کردی گئی ہے، غریب کی سواری کو عزت دینے پر وزیراعظم کا مشکور ہوں، ایک ماہ کے اندرسرسید ٹرین شروع کرنے والے ہیں، ریلوے کو ملک کے کونے کونے تک پہنچائیں گے، قبضہ مافیا سے ریلوے کی زمین واگزار کرائی ہے۔

انہوں نے کہا کہ آصف زرداری اور نوازشریف نے ملک کو بری طرح لوٹا ہے، لوٹ مارکی وجہ سے سارا بوجھ عمران خان پر آگیا ہے، حکمران کرپشن سے پاک ہو تو اللہ بھی مدد کو آتا ہے۔

سابق وزیر ریلوے سعد رفیق اور نون لیگ کی حکومت پر تنقید کرتے ہوئے وفاقی وزیر نے کہا کہ ماضی میں ریلوے کے نام پر ذاتی مفادات کیلئے رقم خرچ کی گئی،85،85کروڑ کے انجن خریدے گئے، ماضی کی حکومتوں نے باتیں بہت اور کام کم کیا ہے۔

شیخ رشید کا مزید کہنا تھا کہ ریلوے غریب کی سواری ہے جسے اور بہتر کررہے ہیں،200کوچز ٹھیک کر کے24نئی ٹرینیں چلائی ہیں،300انجنز میں ٹریکنگ سسٹم نصب کیا گیا ہے،75سالہ افراد کو ایک ماہ 2،2ٹکٹ مفت دیے جارہے ہیں، ایم ایل ون ٹرین آنے سے لاہور سے کراچی کا سفر6سے8گھنٹے ہوجائے گا۔

مارچ 30, 2019
پیپلزپارٹی نے گرین لائن منصوبے میں تاخیر پر نواز شریف کو نشانے پر رکھ لیا

کراچی: پیپلزپارٹی نے گرین لائن منصوبے میں تاخیر پر نواز شریف کو نشانے پر رکھ لیا.

تفصیلات کے مطابق سندھ کے مشیر قانون مرتضیٰ وہاب نے اپنے ایک بیان میں کہا ہے کہ نوازشریف دور میں گرین لائن منصوبہ مکمل کرنے کا کہا گیا، آج سب دیکھ لیں گرین لائن منصوبہ اب تک تیار نہیں ہوا.

انھوں نے پی ٹی آئی حکومت اور وزیر اعظم کے دورہ سندھ کو بھی تنقید کا نشانہ بنایا. مرتضیٰ وہاب کا کہنا تھا کہ وزیر اعظم کا مقصد ہے، خوبصورت باتیں کرو عوام کو لالی پاپ دو، ہمارے ساتھ کام کریں الزام تراشی کی سیاست کو ختم کیا جائے.

مزید پڑھیں: گرین لائن منصوبہ، گورنر سندھ کی کراچی کے لیے بڑی خوشخبری

انھوں نے مزید کہا کہ پیپلزپارٹی اصول کی سیاست کرتی ہے، اگر ہمارے وزیراعلیٰ یا ہماری کابینہ کو بلایا جاتا تو ضرور جاتے، وزیراعظم نے وزیراعلیٰ سندھ کو کہیں بھی مدعو نہیں کیا، این ایف سی کی مدمیں پیسہ ملناہے،یہ ہمارا حق ہے، وزیر اعلیٰ سندھ ہمیشہ اپنے مطالبات رکھتے رہیں گے.

انھوں نے مزید کہا کہ این آئی سی وی ٹی، جے پی ایم سی اور این آئی سی ایچ سی کو ہمارے ذریعے چلائیں، تینوں اداروں میں پاکستان سے لوگ آتے ہیں مفت علاج کیا جاتا ہے.

مارچ 30, 2019
نواز شریف کا شریف میڈیکل سٹی میں دوسری بار طبی معائنہ

لاہور : سابق وزیراعظم نواز شریف کا شریف میڈیکل سٹی کمپلیکس میں دوسری بار طبی معائنہ کیا گیا ، ڈاکٹروں نے نوازشریف کوادویات جاری رکھنے اور مکمل آرام کا مشورہ دیا تھا۔

تفصیلات کے مطابق سابق وزیراعظم نواز شریف دوسری بار میڈیکل چیک اپ کے لیے شریف میڈیکل سٹی کمپلیکس پہنچ گئے ، جہاں ڈاکٹر ز نے ڈھائی گھنٹے تک ان کا طبی معائنہ کیا، دل گردوں کے بعد نواز شریف کو دانتوں کی تکلیف بھی ہو گئی ہے اسی لئے خون کے نمونے دینے کے بعد نواز شریف نے ڈینٹل وارڈ میں دانتوں کا چیک اپ بھی کرایا۔

اس موقع پر ن لیگی کارکنوں کا شریف میڈیکل سٹی میں داخلہ بند کردیا گیا ، کسی لیگی کارکن کو داخلےکی اجازت نہیں۔

خیال رہے لیگی کارکنوں نےنواز شریف کے علاج کے دوران جناح اسپتال کے شیشےتوڑےتھے اور لیگی کارکنوں کی ہلڑ بازی ڈاکٹروں اور مریضوں کے لیے مشکلات کاسبب بنی تھیں۔

گذشتہ روز جاتی امرا میں ہی نوازشریف کا تفصیلی طبی معائنہ کیا گیا تھا ، شریف میڈیکل سٹی کمپلیکس کے ڈاکٹروں پر مشتمل پینل نے ٹیسٹ لیے، بلڈ ٹیسٹ، شوگر اور دل کی دھڑکن چیک کی گئی، ڈاکٹروں کی ٹیم نے نوازشریف کوادویات جاری رکھنے اور مکمل آرام کا مشورہ دیا تھا۔

یاد رہے ضمانت کے بعد 28 مارچ کو سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی، ڈاکٹروں نے نوازشریف سے ان کی صحت سے متعلق سوالات کیے جبکہ ٹیسٹ بھی کیے گئے تھے ، ان کے ذاتی معالج ڈاکٹرعدنان بھی ان کے ہمراہ تھے۔

مزید پڑھیں : نوازشریف کا شریف میڈیکل سٹی اسپتال میں طبی معائنہ

ذرائع کا کہنا تھا مسلم لیگ ن کے قائد کی حتمی رپورٹ آنے کے بعد لندن میں ان کے معالج ڈاکٹرلارنس سے رابطہ کیا جائے گا اور ان سے علاج کے حوالے سے مشاورت بھی کی جائے گی۔

واضح رہے 26 مارچ کو سپریم کورٹ آف پاکستان نے نوازشریف کو 6 ہفتوں کے لیے طبی بنیادوں پرضمانت پر رہا کرنے کا حکم دیا تھا تاہم وہ ان کے بیرون ملک سفر کرنے پر پابندی عائد کردی تھی۔

مارچ 30, 2019
نواز شریف قوم نے3بارآپ کوعزت دی ان کا پیسہ واپس دیں، فوادچوہدری

اسلام آباد : وزیراطلاعات فواد چوہدری کا کہنا ہے کہ چار دن سے رہا نوازشریف کو تاحال اسپتال میں داخل نہیں کیاگیا، انھیں پھر پلی بارگین مشورہ دیتا ہوں ، قوم نے 3 بار آپ کوعزت دی ان کا پیسہ واپس دیں۔

تفصیلات کے مطابق وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا نوازشریف کی رہائی کاچوتھاروز، تاحال اسپتال داخل نہیں کرایاگیا، کیامقصدصرف جیل سےباہرآناتھا، کیا بیماری کیلئے آخری ہفتے کا انتظار ہے؟ میراپھرمشورہ ہےآسان راستہ پلی بارگین ہے۔

فوادچوہدری کا کہنا تھا حسن اورحسین کا نہیں پیسہ آپ کاہے، قوم نے3بارآپ کوعزت دی ان کا پیسہ واپس دیں۔

نواز شریف کی رہائی کا چوتھا روز تاحال ہسپتال میں داخل نہیں کروایا گیا ۔کیا مقصد صرف جیل سے باہر آنا تھا یا بیماری کیلئے آخری ہفتے کا انتظار ہے؟ میرا پھر مشورہ ہے آسان راستہ Plea Bargain ہے، حسن اور حسین کا پیسہ نہیں آپ کا ہے اس قوم نے تین دفعہ آپ کو عزت دی ان کا پیسہ واپس دیں

— Ch Fawad Hussain (@fawadchaudhry) March 30, 2019

خیال رہے نوازشریف کوطبی بنیادوں پرجیل سے رہا ہوئے چار روزگزرگئے باقاعدہ علاج شروع نہ ہوسکا، نواز شریف کی بیماری کتنی تشویش ناک ہے؟سوال اٹھنے لگے ہیں۔

یاد رہے 17 مارچ کو فواد چوہدری کا کہنا تھا کہ لوٹا گیا پیسہ حکومت، نیب یا عدلیہ کا نہیں عوام کا ہے اور اُسے واپس آنا چاہیے، نوازشریف کے پاس پلی بارگین کے سوا کوئی آپشن نہیں، وہ اسی صورت باہر جاسکتے ہیں کیونکہ لندن میں ایک فراری کیمپ کھلاہوا ہے جوجاتاہےواپس نہیں آتا۔

مزید پڑھیں : نوازشریف کے پاس لندن جانے کا واحد راستہ پلی بارگین ہے، فواد

وزیراطلاعات نے کہا تھا نوازشریف کو ان کی مرضی کاعلاج کرانےکی کئی بار پیشکش کی گئی، حتی کہ انہیں یہ بھی پیغام بھیجا گیا کہ اگر وہ کسی معالج کو بیرونِ ملک سے بلانا چاہتے ہیں تو انہیں اجازت ہے مگر ن لیگ کاایک حصہ ان کی صحت پرسیاست کرنا چارہا ہے

گذشتہ روز بھی نوازشریف نے اسپتال جانے کے بجائے جاتی امرا میں ہی تفصیلی طبی معائنہ کرایا تھا ، شریف میڈیکل سٹی کمپلیکس کے ڈاکٹروں پر مشتمل پینل نے ٹیسٹ لیے، بلڈ ٹیسٹ، شوگر اور دل کی دھڑکن چیک کی گئی، ڈاکٹروں کی ٹیم نے نوازشریف کوادویات جاری رکھنے اور مکمل آرام کا مشورہ دیا تھا۔

ذرائع کا کہنا تھا مسلم لیگ ن کے قائد کی حتمی رپورٹ آنے کے بعد لندن میں ان کے معالج ڈاکٹرلارنس سے رابطہ کیا جائے گا اور ان سے علاج کے حوالے سے مشاورت بھی کی جائے گی۔

واضح رہے 26 مارچ کو سپریم کورٹ آف پاکستان نے نوازشریف کو 6 ہفتوں کے لیے طبی بنیادوں پرضمانت پر رہا کرنے کا حکم دیا تھا تاہم وہ ان کے بیرون ملک سفر کرنے پر پابندی عائد کردی تھی۔

مارچ 30, 2019
نوازشریف کا شریف میڈیکل سٹی اسپتال میں طبی معائنہ

لاہور: سابق وزیراعظم نوازشریف کے شریف میڈیکل سٹی اسپتال میں دل اور گردوں کے مختلف ٹیسٹ گیے گئے۔

تفصیلات کے مطابق مسلم لیگ ن کے قائد نوازشریف جاتی امرا سے شریف میڈیکل سٹی اسپتال پہنچے، اس موقع پر شریف میڈیکل کمپلیکس میں سیکیورٹی کے سخت انتظامات کیے گئے تھے۔

سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی جبکہ ڈاکٹروں نے نوازشریف سے ان کی صحت سے متعلق سوالات کیے۔

شریف میڈیکل کمپلیکس میں مسلم لیگ ن کے قائد نوازشریف کے مختلف ٹیسٹ کیے گئے، ان کے ذاتی معالج ڈاکٹرعدنان بھی ان کے ہمراہ تھے۔

سابق وزیراعظم نوازشریف طبی معائنے کے بعد شریف میڈیکل کمپلیکس سے اپنی رہائش گاہ جاتی امرا روانہ ہوگئے۔

نوازشریف کی میڈیکل سٹی کمپلیکس آمد سے قبل ایک وارڈ مکمل طورپرخالی کرا لیا گیا تھا۔ سابق وزیراعظم کے وارڈ میں غیرمتعلقہ شخص کو جانے کی اجازت نہیں تھی۔

مسلم لیگ ن کے قائد کی حتمی رپورٹ آنے کے بعد لندن میں ان کے معالج ڈاکٹرلارنس سے رابطہ کیا جائے گا اور ان سے علاج کے حوالے سے مشاورت بھی کی جائے گی۔

نوازشریف کی درخواست ضمانت 6 ہفتے کے لیے منظور، سزا معطل

یاد رہے کہ دو روز قبل سپریم کورٹ آف پاکستان نے نوازشریف کو 6 ہفتوں کے لیے طبی بنیادوں پرضمانت پر رہا کرنے کا حکم دیا تھا تاہم وہ ان کے بیرون ملک سفر کرنے پرپابندی ہے۔

مسلم لیگ ن کے قائد نوازشریف العزیزیہ اسٹیل ملز ریفرنس میں احتساب عدالت کی جانب سے سنائی گئی سات سال قید کی سزا کاٹ رہے تھے، انہیں 24 دسمبر 2018 کو گرفتار کرکے جیل بھیجا گیا تھا۔

مارچ 28, 2019
نواز شریف کو سابق وزیراعظم کا پروٹوکول دے دیاگیا

لاہور: نوازشریف کو ضمانت پر رہائی کے بعد سابق وزیراعظم کا پروٹوکول دے دیاگیا، پولیس کی ایک گاڑی اور 5اہلکار 24گھنٹے سیکیورٹی پر تعینات ہوں گے جبکہ جاتی امرا اور اطراف سیکیورٹی ڈویژن اور مقامی پولیس کے 30 اہلکار بھی تعینات رہیں گے۔

تفصیلات کے مطابق پولیس کا کہنا ہے نواز شریف کو سابق وزیراعظم کاپروٹوکول دے دیاگیا ہے اور سیکیورٹی فراہم کردی، پولیس کی ایک گاڑی اور5 اہلکار 24گھنٹے سیکیورٹی پر تعینات ہوں گے۔

پولیس کے مطابق سیکیورٹی اہلکار3شفٹوں میں نوازشریف کےساتھ موجودرہیں گے جبکہ جاتی امرااوراطراف سیکیورٹی ڈویژن اورمقامی پولیس کے30اہلکاربھی ڈیوٹی سرانجام دیں گے۔

ذشتہ رات مسلم لیگ ن کےسربراہ نواز شریف کوطبی بنیاد پرچھ ہفتےکیلئے ضمانت پرکوٹ لکھپت جیل سےرہاکردیاگیا تھا ، جہاں سےوہ جاتی امراپہنچے تھے۔

نوازشریف کی رہائی کا پروانہ طارق لانے والے اہلکاروں کو طارق فضل چودھری اسلام آباد سے خصوصی طیارے میں ساتھ لے کر لاہور پہنچے، جنہوں نے رہائی کی روبکار جیل حکام کے حوالے کی اور نواز شریف کی رہائی عمل میں آئی۔

مزید پڑھیں : عدالتی فیصلے کے بعد نوازشریف کی کوٹ لکھپت جیل سے ضمانت پر رہائی

رہائی کےبعد نواز شریف کا کوٹ لکھپت جیل کےباہرمسلم ن کے رہنمائوں اورکارکنوں نےاستقبال کیا۔

خیال رہے سپریم کورٹ نے نوازشریف کو چھ ہفتے کیلئے ضمانت پر رہا کرنے کا حکم دیتے ہوئے سزا معطل کردی اور کے بیرون ملک جانے پر پابندی لگادی اور 50لاکھ کے مچلکے جمع کرانے کا بھی حکم دیا۔

فیصلے میں کہا گیا تھا چھ ہفتے کی مقررہ مدت ختم ہونے کے بعدضمانت ازخود منسوخ ہوجائے گی اور اگر اُس کے بعد نوازشریف نے خود کو قانون کے حوالے نہیں کیا تو گرفتار کیا جائے گا۔

سپریم کورٹ نے ضمانت منظور کرنے کے ساتھ ساتھ نوازشریف کوضمانت میں توسیع کیلئے لاہورہائی کورٹ سےرجوع کرنےکی ہدایت کی تھی۔

مارچ 27, 2019
نواز شریف جیل میں اپنے مشقتی کی خدمت سے خوش، ضمانت کروا دی

لاہور: سابق وزیر اعظم میاں نواز شریف خود تو ضمانت پر رہا ہو کر گھر پہنچ گئے ساتھ ہی جاتے جاتے اپنے مشقتی کی بھی ضمانت کروا گئے، عدالت نے مشقتی سوار حسین کی سزا معطل کرتے ہوئے اس کی رہائی کا حکم دے دیا۔

تفصیلات کے مطابق سابق وزیر اعظم میاں نواز شریف جیل میں اپنے مشقتی سوار حسین کی خدمت سے بے حد خوش ہوئے اور اسے اس کی خدمت کا صلہ دیتے ہوئے اس کی ضمانت کروا دی۔

مشقتی سوار حسین قتل کے مقدمے میں قید تھا اور اسے سنہ 2009 میں 14 سال قید کی سزا ہوئی تھی۔ نواز شریف کی ہدایت پر لیگی لائرز فورم نے لاہور ہائیکورٹ میں سوار حسین کی اپیل دائر کی۔

لاہور ہائیکورٹ نے سوار حسین کی سزا معطل کرتے ہوئے اسے رہا کرنے کا حکم دے دیا۔ عدالت کا کہنا تھا کہ سوار حسین اپنی سزا کا بڑا حصہ کاٹ چکا ہے، سزا کے خلاف سوار حسین کی اپیل پر ہائیکورٹ نے فیصلہ نہیں کیا تھا۔

عدالت نے مزید کہا کہ اگر سزا معطل نہ کی تو امکان ہے کہ سوار حسین اپیل پر فیصلے تک سزا پوری کاٹ لے گا، اپیل کے فیصلے تک مکمل سزا کاٹنا ایسا ہی ہوگا جیسے ایڈوانس میں سزا دی جائے۔

ذرائع کے مطابق مشقتی نے جیل میں نواز شریف کی بہترین خدمت کی جس کے بعد نواز شریف نے اس کی خدمت سے خوش ہو کر سزا معطلی کی درخواست کی ہدایت کی، سوار حسین کے 2 لاکھ کے ضمانتی مچلکے کا انتظام بھی لیگی وکلا کی جانب سے کیا گیا۔

خیال رہے کہ گزشتہ روز میاں نواز شریف کو طبی بنیادوں پر 6 ہفتے کی ضمانت پر رہا کیا گیا تھا، اس دوران نواز شریف کو ملک سے باہر جانے کی اجازت نہیں ہوگی۔

چھ ہفتے کی مقررہ مدت ختم ہونے کے بعد ضمانت از خود منسوخ ہوجائے گی اور اگر اس کے بعد نواز شریف نے خود کو قانون کے حوالے نہیں کیا تو انہیں گرفتار کیا جائے گا۔

مارچ 27, 2019