ARYNews.tv | Urdu – Har Lamha Bakhabar

Tag: PM Imran Khan

  • شاندارمہمان نوازی پر ملائیشین وزیراعظم کا شکرگزار ہوں، وزیراعظم عمران خان

    شاندارمہمان نوازی پر ملائیشین وزیراعظم کا شکرگزار ہوں، وزیراعظم عمران خان

    اسلام آباد : وزیراعظم عمران خان نے شاندارمہمان نوازی پر ملائیشیاکے وزیراعظم کاشکریہ ادا کرتے ہوئے کہا کہ ملائیشیا کادورہ دونوں ممالک کے تعلقات میں پختگی لائے گا۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے بیان میں کہا شاندارمہمان نوازی پر ملائیشیاکے وزیراعظم مہاتیر محمد کا تہہ دل سے شکریہ ادا کرتا ہوں اور دوستانہ جذبے سے استقبال پر ملائیشیا کے تاجروں اوروزرا کا بھی مشکور ہوں، ملائیشیا کادورہ دونوں ممالک کے تعلقات میں پختگی کاوسیلہ بنے گا۔

    وزیراعظم نے ایک اور ٹوئٹ میں کہا ہمارے اعزاز میں شاندار ظہرانےپر ڈاکٹرمہاتیر محمد کی اہلیہ کا بھی مشکور ہوں۔

    اس سے قبل ملائیشین وزیراعظم مہاتیر محمد نے سماجی رابطے کی ویب سائٹ ٹویٹر پر عمران کا ملائیشیا کا دورہ کرنے پر شکریہ ادا کرتے ہوئے کہا تھا کہ عمران خان کا وفد کے ہمراہ دورہ سود مند ثابت ہوگا۔

    مزید پڑھیں : ملائیشیا کا دورہ کرنے پر عمران خان کا شکر گزار ہوں، مہاتیر محمد

    وزیراعظم ملائیشیا مہاتیر محمد کا کہنا تھا کہ امید ہے دورہ دونوں ممالک کے درمیان تعاون کو مزید فروغ دے گا۔

    خیال رہے گذشتہ روز  وزیراعظم عمران خان ملائیشیا کا دو روزہ دورہ مکمل کرکے وطن واپس پہنچے تھے ، وزیر اعظم کو ملائشین ہم منصب مہاتیر محمد نے رخصت کیا اور انہیں واپسی پر بھی گارڈ آف آنر پیش کیا گیا۔

    وزیراعظم عمران خان کے دورہ ملائیشیا کا مشترکہ اعلامیہ جاری کیا گیا تھا، جس میں کہا گیا تھا کہ دونوں وزرائےاعظم نے دوطرفہ ،علاقائی،بین الاقوامی امورپرتبادلہ خیال کیا، ملائیشیا نے دہشتگردی کے خاتمے کیلئے پاکستان کی کامیاب کوششوں کو سراہا جبکہ وزیر اعظم عمران خان نے مقبوضہ کشمیر میں انسانی حقوق کی خلاف ورزیوں سے مہاتیر محمد کو آگاہ کیا۔

    مزید پڑھیں: ملائیشیا کی خاتون اول وزیراعظم عمران خان کی مداح

    مشترکہ اعلامیہ کے مطابق پاک ملائیشاء وزرائے اعظم کی ملاقات کے دوران دو طرفہ تعلقات کو مزید مضبوط کرنےکے لیے ہر سطح پر روابط بڑھانے کی ضرورت پر زور دیا گیا اور دونوں ممالک کے درمیان ویزوں کے جزوی خاتمے کا معاہدہ ہوا۔

    عمران خان نے ایل این جی، پن بجلی اور قابل تجدید توانائی میں ملائیشیا کے تعاون کا خیر مقدم کیا اور ملائیشین کمپنیوں کو پاکستان میں خصوصی اقتصادی زون میں سرمایہ کاری کی دعوت بھی دی، دونوں ممالک نے دفاعی تعاون کیلئے مفاہمت کی یاد داشت کا اعادہ کیا ۔

  • وزیراعظم عمران خان کل 4 نئی ٹرینوں کا افتتاح کریں گے

    وزیراعظم عمران خان کل 4 نئی ٹرینوں کا افتتاح کریں گے

    اسلام آباد : وزیراعظم عمران خان کل 4 نئی ٹرینوں کا افتتاح کریں گے، ترجمان ریلوے کا کہنا ہے کہ 100دن کے ٹارگٹ میں 10ٹرینیں چلانے کا ہدف پورا کرلیں گے۔

    تفصیلات کے مطابق وزیراعظم عمران خان کل 4 نئی ٹرینوں کا افتتاح کریں گے، جن میں سندھ ایکسپریس ، شاہ عبداللطیف بھٹائی ایکسپریس، فیصل آباد ایکسپریس کی ملتان تک توسیع اور رحمان بابا ایکسپریس شامل ہیں۔

    ترجمان ریلوے کا کہنا ہے کہ 100 دن کےٹارگٹ میں 10ٹرینیں چلانےکاہدف پوراکرلیں گے، سندھ ایکسپریس کراچی سے سکھر چلائی جائے گی، شاہ عبداللطیف بھٹائی ایکسپریس کراچی سے میرپور خاص چلے گی جبکہ فیصل آباد، رحمان بابا ایکسپریس پشاور سے کراچی چلائی جائے گی۔

    دوسری جانب پاکستان ریلوے نے 24 نومبر سے 3نئی ٹرینیں چلانے کااعلان کیا اور نئی ٹرینیں چلانےکانوٹی فکیشن جاری کردیا، سندھ ایکسپریس کراچی سے صبح ساڑھے 8بجے سکھر کے لئےروانہ ہوگی اور سکھر سے صبح 11 بجے کراچی کے لئے روانہ ہوگی۔

    کراچی سے چلنے والی دھابے جی شٹل کا روٹ میرپورخاص تک بڑھادیاگیا، 24 نومبرسے دھابیجی شٹل کو دھابیجی سے میرپورخاص کے درمیان چلایاجائےگا، دھابیجی ایکسپریس کو شاہ لطیف ایکسپریس کے نام سے چلایا جائے گا۔

    یاد رہے 2 روز قبل پاکستان اور چین میں ریلوے کے شعبے میں تعاون کے معاہدے پر دستخط ہوئے ہیں، جو خوش آئند ہیں، اس منصوبے کے بارے میں14 سال پہلے سوچا تھا، آج خواب پورا ہوا۔

    وزیر برائے ریلوے کا کہنا تھا کہ پاکستان اورچین ایک دوسرے کی دوستی پر فخر کرتے ہیں، بدقسمتی سے ہماری ریلوے بہت پیچھے رہ گئی، اسے آگے لے کر جائیں گے، پاکستان اورچین ایک د وسرے کی دوستی پربھروسا کرتے ہیں، جلد ریلوے میں دس ہزار ملازمتوں کا اشتہار دیا جائے گا۔

    اس سے قبل وفاقی وزیر برائے ریلوے شیخ رشید احمد نے پریس کانفرنس کرتے ہوئے کہا تھا کہ کہنا تھا کہ قوم سے 100 دن میں 10 نئی ٹرینیں چلانے کا وعدہ کیا تھا جس میں سے صرف دو نئی گاڑیوں کا آغاز باقی ہے۔

    رواں سال 31 اکتوبر کو صدر مملکت عارت علوی نے دھابیجی ایکسپریس کا افتتاح کیا تھا۔

  • ملائشین سرمایہ کاروں کا پاکستان میں سرمایہ کاری کی خواہش کا اظہار

    ملائشین سرمایہ کاروں کا پاکستان میں سرمایہ کاری کی خواہش کا اظہار

    کوالالمپور : ملائیشیا کے سرمایہ کاروں نے پاکستان میں سرمایہ کاری کی خواہش کا اظہارکردیا، جس کے بعد وزیراعظم نے ملائیشین سرمایہ کاروں کوتمام سہولیات دینے کا اعلان کیا۔

    تفصیلات کے مطابق وزیر اعظم عمران خان نے ملائیشیا میں سرمایہ کاروں سے ملاقاتیں کیں ، ملائیشین انویسٹرز نے پاکستان میں سرمایہ کاری کی خواہش کا اظہار کیا ، جس پر وزیراعظم نے پاکستان میں سرمایہ کاری کی پیشکش کا خیرمقدم کیا۔

    ملائیشین سرمایہ کاروں نے تعلیم ، ٹیکنالوجی، انفرااسٹرکچر میں اظہار دلچسپی کرتے ہوئے کہا پاکستانی مارکیٹ میں سرمایہ کاری کے وسیع مواقع موجود ہیں۔

    وزیراعظم عمران خان کا ملائیشین سرمایہ کاروں کوتمام سہولیات دینے کا اعلان کرتے ہوئے کہنا تھا کہ سرمایہ کاروں کی پاکستان آمد کی حوصلہ افزائی کریں گے، چیئر مین سرمایہ کاری بورڈمطلوبہ سہولتیں فراہم کریں گے۔

    وزیراعظم نے کہا پاکستان کوسرمایہ کاری کے لئے پُر کشش ترین ملک بنائیں گے۔

    خیال رہے وزیراعظم عمران خان ملائیشیا کا دو روزہ دورہ مکمل کرکے وطن واپس پہنچ گئے، وزیر اعظم کو ملائشین ہم منصب مہاتیر محمد نے رخصت کیا اور انہیں واپسی پر بھی گارڈ آف آنر پیش کیا گیا۔

    مزید پڑھیں : وزیراعظم عمران خان کا ایک اورکامیاب دورہ، ملائیشیا سے وطن واپسی

    گذشتہ روز وزیراعظم عمران خان کے دورہ ملائیشیا کا مشترکہ اعلامیہ جاری کیا گیا تھا، جس میں کہا گیا تھا کہ دونوں وزرائےاعظم نے دوطرفہ ،علاقائی،بین الاقوامی امورپرتبادلہ خیال کیا، ملائیشیا نے دہشتگردی کے خاتمے کیلئے پاکستان کی کامیاب کوششوں کو سراہا جبکہ وزیر اعظم عمران خان نے مقبوضہ کشمیر میں انسانی حقوق کی خلاف ورزیوں سے مہاتیر محمد کو آگاہ کیا۔

    مشترکہ اعلامیہ کے مطابق پاک ملائیشاء وزرائے اعظم کی ملاقات کے دوران دو طرفہ تعلقات کو مزید مضبوط کرنےکے لیے ہر سطح پر روابط بڑھانے کی ضرورت پر زور دیا گیا اور دونوں ممالک کے درمیان ویزوں کے جزوی خاتمے کا معاہدہ ہوا۔

    عمران خان نے ایل این جی، پن بجلی اور قابل تجدید توانائی میں ملائیشیا کے تعاون کا خیر مقدم کیا اور ملائیشین کمپنیوں کو پاکستان میں خصوصی اقتصادی زون میں سرمایہ کاری کی دعوت بھی دی۔دونوں ممالک نے دفاعی تعاون کیلئے مفاہمت کی یاد داشت کا اعادہ کیا ۔

  • وزیراعظم عمران خان کا ایک اورکامیاب دورہ، ملائیشیا سے وطن واپسی

    وزیراعظم عمران خان کا ایک اورکامیاب دورہ، ملائیشیا سے وطن واپسی

    اسلام آباد : وزیراعظم عمران خان دورہ ملائیشیا مکمل کر کے وطن واپس پہنچ گئے، ڈاکٹرمہاتیرمحمد نے وزیراعظم کوایئرپورٹ پر الودع کہا اور گارڈ آف آنر پیش کیا گیا۔

    تفصیلات کے مطابق وزیراعظم عمران خان ملائیشیا کا دو روزہ دورہ مکمل کرکے وطن واپس پہنچ گئے، وزیر اعظم کو ملائشین ہم منصب مہاتیر محمد نے رخصت کیا اور انہیں واپسی پر بھی گارڈ آف آنر پیش کیا گیا۔

    یاد رہے دوزیر اعظم پاکستان کا دارالحکومت کوالالمپور پہنچنے پر بھی ملائشین ہم منصب نے پرتپاک استقبال کیا تھا، وزیراعظم عمران خان اور ڈاکٹر مہاتیر محمد کے درمیان ون آن ون ملاقات ہوئی، دونوں نے مشترکہ پریس کانفرنس بھی کی، وزیراعظم عمران خان کا کہنا تھا مہاتیر محمد اور انہیں کرپشن کے خلاف ووٹ ملے۔

    وزیراعظم عمران خان نے ملائشین ہم منصب کو دورہ پاکستان کی دعوت دی جسے انہوں نے قبول کرلیا، ملائشین وزیراعظم ڈاکٹر مہاتیر محمد یوم پاکستان کی تقریب میں بطور مہمان خصوصی شرکت کریں گے۔

     مزید پڑھیں :  جو سب سے زیادہ شور مچا رہا ہے اسے معلوم ہے کچھ دن میں جیل جائے گا، وزیر اعظم

    دورہ ملائیشیا کے مشترکہ اعلامیہ کے مطابق دفاع، تعلیم، سیاحت، کرپشن کے خاتمہ اوردیگرامورمیں تعاون پراتفاق کیا، ملائیشیا نے دہشت گردی کے خاتمہ کے لئے پاکستان کی کامیاب کوششوں کوسراہا۔

    پاک ملائیشیا وزرائےاعظم کی روابط بڑھانےکی ضرورت پرزور دیا جبکہ دونوں ممالک کے درمیان ویزوں کےجزوی خاتمہ کا معاہدہ بھی ہوا، ویزوں کے جزوی خاتمے کے معاہدے سے دوطرفہ تعلقات میں بہتری آئے گی جبکہ آئندہ سال اسلام آباد میں پاکستان، ملائیشیا پہلی مشترکہ مشاورت کے انعقاد پر بھی اتفاق ہوا۔

    مقبوضہ کشمیر میں انسانی حقوق کی خلاف ورزیوں سے مہاتیر محمد کو آگاہ کیا گیا اور مسئلہ کشمیر اجاگر کرنے کے لئے او آئی سی کا کردار بھی زیر غور آئے۔

  • وزیراعظم عمران خان نے وفاقی کابینہ کا اہم اجلاس جمعہ کو طلب کرلیا

    وزیراعظم عمران خان نے وفاقی کابینہ کا اہم اجلاس جمعہ کو طلب کرلیا

    اسلام آباد : وزیراعظم عمران خان نے وفاقی کابینہ کا اجلاس جمعہ11بجے طلب کرلیا، اجلاس میں وزیر اعظم کابینہ اراکین کو دورہ یو اے ای اور ملائشیا سے متعلق اعتماد میں لیں گے۔

    تفصیلات کے مطابق وفاقی کابینہ کا اجلاس جمعہ کے روز وزیراعظم عمران خان کی زیر صدارت ہوگا، اجلاس میں وزیراعظم متحدہ عرب امارات اور ملائشیاء کے دوروں کے حوالے سے کابینہ اراکین کو اعتماد میں لیں گے۔

    ذرائع کا کہنا ہے کہ اجلاس میں حکومت کے سو روزہ منصوبہ بندی کے اہداف کا جائزہ لیا جائے گا، اس موقع پر وفاقی وزراء100روزہ منصوبہ بندی پر رپورٹس وزیراعظم کو پیش کریں گے۔

    وزیرخزانہ اسد عمرآئی ایم ایف وفد سے مذاکرات اور متحدہ عرب امارات اور ملائشیا کے ساتھ ہونے والے معاہدوں پر کابینہ کو بریفنگ دیں گے، کابینہ ارکان کو آئی ایم ایف سے ہونے والے مذاکرات پر بھی اعتماد میں لیا جائے گا۔

    علاوہ ازیں وفاقی کابینہ کے اجلاس کے لیے چھ نکاتی ایجنڈا جاری کردیا گیا ہے، اجلاس میں نیشنل بینک کے صدر کی تقرری کی منظوری دی جائے گی، چیئرمین ایکسپورٹ پراسیسنگ زون اتھارٹی کی تعیناتی پربھی غور ہوگا۔

    اس کے علاوہ عبدالجبار شاہین کو چیئرمین کی اضافی ذمہ داریاں دینے کا بھی امکان ہے، ایجنڈے میں موبائل فونز کی غیرقانونی درآمد کی روک تھام کیلئے پالیسی کا جائزہ شامل ہے، اجلاس میں فیصل آباد، گوجرانوالہ کے بینکنگ کورٹس کے ججز کی منظوری بھی ایجنڈے میں شامل ہے۔

    مزید پڑھیں : پاکستان اور ملائیشیا کے درمیان ویزوں کے جزوی خاتمے کا معاہدہ

    یاد رہے کہ وزیراعظم عمران خان ملائشیاء کا دورہ مکمل کرکے آج رات وطن واپس پہنچ جائیں گے۔ ذرائع کے مطابق اجلاس میں وفاقی کابینہ مختلف ممالک کے ساتھ معاہدوں اور مفاہمت کی یادداشتوں کی منظوری دے گی، اس کے علاوہ مختلف اداروں میں تقرریوں پر بھی غور کیا جائے گا۔

  • بیل آؤٹ پیکج : وزیراعظم کا آئی ایم ایف کی تمام شرائط ماننے سے صاف انکار

    بیل آؤٹ پیکج : وزیراعظم کا آئی ایم ایف کی تمام شرائط ماننے سے صاف انکار

    اسلام آباد : وزیراعظم عمران خان نے آئی ایم ایف بیل آؤٹ پیکج پر اس کی تمام شرائط ماننے سے انکار کردیا ہے، وزیرخزانہ کو ہدایت جاری کی گئی ہے کہ ٹیکس بڑھانے سمیت دیگر کڑی شرائط نہ مانی جائیں۔

    تفصیلات کے مطابق آئی ایم ایف وفد سے مذاکرات کے بعد وزیر خزانہ اسد عمر سمیت دیگر اعلیٰ افسران نے وزیر اعظم سے عمران خان سے ملاقات کی، اس موقع پر وزارت خزانہ کے حکام نے وزیر اعظم کو آئی ایم ایف ٹیم سے ہونے والے مذاکرات کی تفصیلات سے آگاہ کیا۔

    اس حوالے سے ذرائع وزارت خزانہ کا کہنا ہے کہ وزیر اعظم نے آئی ایم ایف بیل آؤٹ پیکج کی تمام شرائط ماننے سے انکار کرتے ہوئے وزارت خزانہ کو ٹیکس بڑھانے سمیت دیگر کڑی شرائط نہ ماننے کی ہدایت دی۔

    وزیراعظم نے ٹیکس، معاشی اصلاحات اور معیشت کو دستاویزی بنانے کی شرائط ماننے پر اتفاق کیا جبکہ جنرل سیلزٹیکس18فیصد اور150ارب روپے کے نئے ٹیکس لگانے سے واضح طور پر انکار کردیا۔

    یاد رہے کہ پاکستان کی جانب سے آئی ایم ایف کے بعض مطالبات تسلیم کرنے سے انکار کے بعد اسلام آباد میں جاری مذاکرات کا پہلا دور بے نتیجہ ختم ہوگیا، دو ہفتے سے جاری مذاکرات میں ڈیڈ لاک پیدا ہوگیا ہے، آئی ایم ایف کی جانب سے قرض کے بدلے سی پیک منصوبوں کی تفصیلات اور شرائط مانگی تھیں۔

    مزید پڑھیں: پاکستان کا آئی ایم ایف کی شرائط ماننے سے انکار، مذاکرات کا پہلا دور بے نتیجہ ختم

    اس کے علاوہ بجلی اور گیس کی قیمت میں بیس فی صد اضافے کا بھی مطالبہ کیا گیا تھا، آئی ایم ایف وفد کا یہ مطالبہ تھا کہ ڈالرکی قدر کے تعین میں حکومت کا عمل دخل نہ ہو، ساتھ ہی محصولات کاہدف چار ہزار سات سو ارب ہونا چاہیے۔

    ذرائع وزارت خزانہ نے آئی ایم ایف سے مذاکرات بے نتیجہ رہنے کی تصدیق کی ہے، اب آئی ایم ایف کا وفد پندرہ جنوری کے بعد دوبارہ پاکستان کا دورہ کرے گا۔

  • وزیراعظم نے گریڈ22 میں ترقی پانے والے افسران کے ناموں کی منظوری دے دی

    وزیراعظم نے گریڈ22 میں ترقی پانے والے افسران کے ناموں کی منظوری دے دی

    اسلام آباد : وزیراعظم عمران خان نے گریڈ22 میں ترقی پانے والے افسران کے ناموں کی منظوری دے دی ، بیوروکریٹس کی ترقی میں قانونی تقاضے، میرٹ کو ملحوظ خاطررکھا گیا ہے۔

    تفصیلات کے مطابق وزیراعظم عمران خان نے بیوروکریسی میں میرٹ پر تقرر و تبادلوں اور ترقیوں کا وعدہ پوراکردیا، اعلیٰ اختیاراتی بورڈ میں گریڈ 22 میں ترقی ملنے والے افسران کے ناموں کی منظوری دے دی۔

    وزیراعظم نے بیورو کریٹس کی ترقی میں قانونی تقاضے اور میرٹ کو ملحوظ خاطر رکھا گیا جبکہ وزیر اعظم نے افسران کی ذاتی فائلوں اور رپورٹس کا خود جائزہ لیا۔

    ذرائع کے مطابق وزیراعظم نے 2 بار اعلیٰ اختیاراتی بورڈ اجلاس میں میرٹ پرفیصلہ کیا، بورڈ میں مختلف گروپوں کے20 سے زائد افسران کو ترقی دی گئی، جس میں پاکستان ایڈمنسٹریٹو گروپ ڈی ایم جی کے 6 افسران کو ترقی دی ، ترقی پانے والوں میں عمران احمد،شفقت الرحمان رانجھا اور عامر احمد، محمدخان لچھی،ساجد یوسفائی اور طارق نجیب نجمی شامل ہیں۔

    پولیس گروپ کے 2افسران کو بھی ہائی پاور بورڈ نے ترقی دی، پولیس گروپ کےترقی پانے والوں میں حسین اصغر، نعیم خان شامل ہیں ، سیکرٹریٹ گروپ کے نعیم خان کو گریڈ22 میں ترقی دی گئی۔

    ذرائع کا کہنا ہے کہ سیکرٹریٹ گروپ کی ایک سیٹ پر 14افسران ترقی کے منتظر تھے، انفارمیشن گروپ کی سیٹ پراسینئر افسر شفقت جلیل کو ترقی دی گئی جبکہ فارن سروسز و دیگر گروپ کے 8 افسران کو بھی گریڈ22 میں ترقی دی گئی۔

    یاد رہے چند روز قبل وزیراعظم عمران خان نے ماضی میں نظرانداز اہل افسران کو اہم عہدوں پر تعینات کرنے کا فیصلہ کرتے ہوئے اسٹیبلشمنٹ ڈویژن سے خود مختار اداروں اور افسران سے متعلق رپورٹ طلب کرلی تھی۔

    ذرائع کے مطابق وزیراعظم اداروں میں قابل افسران تعینات کرکے بہتری کے خواہشمند ہیں اور وزارتوں اورخودمختاراداروں میں میرٹ کی بنیادپرتعیناتیاں کی جائیں گی، عمران خان نے تعیناتیوں سے متعلق وزرا سے بھی تجاویز مانگ رکھی ہیں اور جلد وزارتوں اور خودمختار اداروں میں نئی تعیناتیوں کا فیصلہ کریں گے۔

  • ہماری حکومت چاروں صوبوں کوساتھ لےکرچلےگی ،وزیراعظم عمران خان

    ہماری حکومت چاروں صوبوں کوساتھ لےکرچلےگی ،وزیراعظم عمران خان

    اسلام آباد : وزیراعظم عمران خان کی زیرصدارت مشترکہ مفادات کونسل کا اجلاس ہوا، اجلاس میں وزیراعظم نے کہاہماری حکومت چاروں صوبوں کوساتھ لےکرچلے گی اور تصفیہ طلب معاملات افہام وتفہیم سےحل کریں گے۔

    تفصیلات کے مطابق وزیراعظم عمران خان کی زیرصدارت مشترکہ مفادات کونسل کا اجلاس وزیراعظم آفس میں ہوا، اجلاس میں چاروں وزرائے اعلیٰ نے شرکت کی۔

    اجلاس میں وفاق اور صوبوں کے درمیان آبی وسائل کی تقسیم اور خیبرپختونخواکونیٹ ہائیڈل پرافٹ دینے کاجائزہ لیاگیا اور کے پی کو بقایا جات رواں مالی سال میں ادا کرنے کا فیصلہ کیا گیا۔

    مشترکہ مفادات کونسل اجلاس میں پانی کی تقسیم پرشکایات کے لئے ٹیلی میٹرنصب کرنے پر تبادلہ خیال کیا گیا، صوبوں کی جانب سے ٹیلی میٹرنصب کرنے کی تجویز پر اتفاق رائے کیا گیا۔

    چاروں صوبائی وزرائےاعلیٰ کی وزیراعظم عمران خان سے ملاقات ہوئی ، جس میں صوبوں میں امن وامان کی صورتحال پرتبادلہ خیال کیا گیا جبکہ ترقیاتی منصوبوں پرعملدرآمد اور ان کی شفاف تکمیل پر بھی بات چیت کی گئی۔

    وزیراعظم عمران خان نے کہا ہماری حکومت چاروں صوبوں کوساتھ لےکرچلےگی، وفاق اورصوبوں میں تصفیہ طلب معاملات افہام وتفہیم سےحل کریں گے، آبی وسائل کی تقسیم کے لئے ٹیلی میٹری سسٹم کی انسٹالیشن بہت ضروری ہے۔

    اجلاس میں 50 لاکھ گھروں کی تعمیر کے لئے جگہ کی دستیابی پر بات چیت اور فاٹا کو صوبوں کے حصے سے 3فیصد وسائل سے متعلق مشاورت کی گئی۔

    خیال رہے وزیراعظم کی زیرصدارت مشترکہ مفادات کونسل کا یہ دوسرااجلاس تھا۔

    یاد رہے 24 ستمبر کو وزیراعظم عمران خان کی زیرصدارت مشترکہ مفادات کونسل کا پہلا اجلاس ہوا تھا، جس میں سات نکاتی ایجنڈے پر غور کیا گیا تھا۔

    مزید پڑھیں : صوبوں کومزید خود مختار بنانا چاہتے ہیں: وزیراعظم عمران خان

    وزیراعظم عمران خان کا کہنا تھا کہ ہم صوبوں کومزید خود مختاربناناچاہتے ہیں، وفاق صوبوں کوساتھ لے کر چلنے کا خواہاں ہیں، چاروں صوبوں میں یکساں صوبائی مہم شروع کی جائے گی۔

    اس موقع پر وزیراعظم نےبلدیاتی نظام،وسائل کی باہمی تقسیم کے متعلق وژن سےآگاہ کیا اور کہا تھا کہ صوبوں کو مزید با اختیار بنانا چاہتے ہیں، وسائل کی شفاف تقسیم نچلی سطح تک یقینی بنائی جائے گی۔

    اعلامیہ کے مطابق اجلاس میں پٹ فیڈراورکیرتھرکینال میں پانی کی کم فراہمی کے معاملے پر غور کیا گیا، نیشنل واٹرکونسل صوبوں میں پانی کی تقسیم کےفارمولے پرسفارشات دے گئیں جبکہ وفاق، صوبوں کا نیٹ ہائیڈل منافع سے متعلق اےجی این قاضی فارمولےپرعمل درآمد پر اتفاق کیا گیا اور ساتھ ہی پٹرولیم پالیسی 2012 میں حکومت سندھ کی ترامیم کواقتصادی رابطہ کمیٹی کوسپرد کرنےکا فیصلہ کیا گیا تھا۔

  • وزیراعظم عمران خان کا دورہ یواے ای ، شیخ محمدبن راشد المکتوم کا اردو میں ٹویٹ

    وزیراعظم عمران خان کا دورہ یواے ای ، شیخ محمدبن راشد المکتوم کا اردو میں ٹویٹ

    اسلام آباد :  متحدہ عرب امارات کے نائب صدر اور وزیراعظم شیخ محمدبن راشد المکتوم نے اردو زبان میں ٹویٹ کرتے ہوئے کہا ہم وزیراعظم پاکستان کو یواے ای  آمد پر خوش آمدید کہتے ہیں ، دونوں ممالک میں مشترکہ تعلقات پرفخرہے۔

    تفصیلات کے مطابق متحدہ عرب امارات کے نائب صدر اور وزیراعظم شیخ محمدبن راشدالمکتوم نے سماجی رابطے کی ویب سائٹ ٹویٹر پر اردوزبان میں ٹویٹ کرکے وزیراعظم پاکستان عمران خان کو متحدہ عرب امارات آمد پر خوش آمدید کہا۔

    شیخ محمدبن راشدالمکتوم کا کہنا تھا کہ ہمارے بھائی چارےاور باہمی تجارت کی لمبی تاریخ ہے،دونوں ممالک میں مشترکہ تعلقات پرفخرہے۔

    وزیراعظم عمران خان کے دفترسےعربی میں ٹوئٹ

    متحدہ عرب امارات کے وزیراعظم شیخ محمدبن راشدالمکتوم کے اردو میں ٹوئٹ کے جواب میں وزیراعظم عمران خان کے دفتر کی جانب سے عربی میں ٹوئٹ کیا گیا۔

    وزیراعظم آفس نے ٹویٹر پیغام میں کہا کہ وزیراعظم عمران خان کےشانداراستقبال پرشیخ محمدبن راشدکےشکرگزارہیں، دونوں ممالک کی عوام کےدرمیان تعلقات کی مضبوطی کےلئےدعا گوہیں۔

    یاد رہے گذشتہ روز وزیراعظم عمران خان ایک روزہ دورے پر متحدہ عرب امارات پہنچے تھے، اس موقع پر اُن کے ہمراہ آرمی چیف آف اسٹاف جنرل قمر جاوید باجوہ، وزیر خزانہ اسد عمر، وفاقی وزیر پیٹرولیم غلام سرور، وزیر برائے توانائی اور مشیر تجارت جبکہ یو اے ای میں پہلے سے موجود وفاقی وزیر خارجہ شاہ محمود بھی شامل تھے۔

    وزیراعظم عمران خان کی ولی عہدشیخ محمدبن زیدبن سلطان النہیان سےملاقات صدارتی محل میں ہوئی، جس میں باہمی امور اور خطے کی صورتحال پر تفصیلی تبادلہ خیال اور دو طرفہ تجارت سمیت معیشت کی بہتری کے معاملات پر بات چیت ہوئی۔

    مزید پڑھیں : دورۂ متحدہ عرب امارات، وائٹ کالر کرائم اور منی لانڈرنگ کی روک تھام پر اتفاق

    بعد ازاں وزیراعظم عمران خان اور آرمی چیف جنرل قمر جاوید باجوہ نے زبیل محل کا دورہ کیا جہاں اُن کا استقبال شیخ راشد بن محمد المکتوم نے کیا، دونوں رہنماؤں کی ملاقات میں دو طرفہ باہمی تعلقات پر تفصیلی تبادلہ خیال کیا گیا۔

    اعلامیے کے مطابق دونوں ممالک نے طویل المدتی تعلقات پر اطمینان کا اظہار کرتے ہوئے انہیں اقتصادی شراکت داری میں تبدیل کرنے پراتفاق کیا اور تاریخی تعلقات کے لیے فوری اقدامات شروع کرنے کا فیصلہ بھی کیا۔

    اعلامیے میں کہا گیا دونوں مملک نے دہشت گردی کے خلاف مشترکہ لائحہ عمل اپنانے کا فیصلہ کرتے ہوئے اسے جڑ سے اکھاڑ پھینکنے کے ہنگامی اقدامات شروع کرنے پر بھی اتفاق کیا جبکہ دونوں ممالک کے درمیان وائٹ کالرکرائم پرقابوپانےکابھی معاہدہ طے پایا علاوہ ازیں ڈرگ،انسانی سمگلنگ،منی لانڈرنگ کی روک تھام کیلئےہنگامی اقدامات پر اتفاق کیا گیا۔

  • نتائج کو جانچنا انتہائی لازمی ہے، خواہ یوٹرن ہی لینا پڑے، سینیٹر فیصل جاوید

    نتائج کو جانچنا انتہائی لازمی ہے، خواہ یوٹرن ہی لینا پڑے، سینیٹر فیصل جاوید

    اسلام آباد : پی ٹی آئی کے سینیٹر فیصل جاوید نے کہا ہے کہ نتائج کو جانچنا لازمی ہے خواہ یوٹرن ہی کیوں نہ لینا پڑے، یوٹرن اور کھلم کھلاجھوٹ میں واضح فرق ہے۔

    تفصیلات کے مطابق وزیراعظم عمران خان کے یوٹرن سے متعلق بیان پر نئی بحث چھڑ گئی، وزیراعظم عمران خان کے بیان پر پی ٹی آئی رہنما دفاع کیلئے سامنے آگئے، حکومتی رہنماؤں کی جانب سے وضاحت اور دفاع تو دوسری جانب اپوزیشن کا طنز اور تنقید کا سلسلہ جاری ہے۔

    اس حوالے سے پی ٹی آئی  کے سینیٹر فیصل جاوید نے اپنے ٹوئیٹر پیغام میں یوٹرن کا فلسفہ بیان کرتے ہوئے کہا کہ یوٹرن کا مطلب جانچنا پرکھنا، جائزہ لینا، تجزیہ کرنا، غور و فکر کرنا اور معیار طے کرنا ہے، نتائج کو باقاعدہ جانچنا انتہائی لازمی ہے، خواہ یوٹرن لینا پڑے، یوٹرن، کھلم کھلاجھوٹ میں بہت فرق ہے۔

    سندھ کے گورنرعمران اسماعیل نے بھی یوٹرن کا دفاع میں کہا کہ حالات اور واقعات دیکھتے ہوئے یوٹرن نہ لینے والا لیڈرہی نہیں ہوتا، ریلوے کے وزیر شیخ رشید کا کہنا تھا کہ مجھے علم نہیں کہ وزیراعظم نے ایسا کیوں کہا؟ ن لیگ کے رہنما خواجہ آصف نے ٹویٹ کیا کہ عمران خان یوٹرن والے بیان پہ بھی یو ٹرن لیں گے، انتظار فرمائیں زیادہ دیر نہیں لگے گی۔