لاہور : نون لیگ کی نائب صدر مریم نواز نے کہا ہے کہ بلاول بھٹو سے ملاقات نوازشریف، شہباز شریف کی اجازت سے ہورہی ہے،یہ بات انہوں نے اپنے ایک بیان میں کہی۔
اپنے ایک بیان میں مریم نواز کا کہنا ہے کہ بلاول سے ملاقات نوازشریف، شہباز شریف کی اجازت سے ہورہی ہے، تمام فیصلے نوازشریف، شہبازشریف اور پارٹی رہنماؤں کی مشاورت سے کیے جاتے ہیں، مریم نواز کا مزید کہنا تھا کہ پارٹی کے اصول اور قواعد وضوابط کی پاسداری مجھ پر بھی لازم ہے۔
واضح رہے کہ مسلم لیگ نون کی نائب صدر مریم نواز نے بذریعہ ٹیلی فون پی پی پی چیئرمین بلاول بھٹو زرداری کو جاتی امرا آنے کی دعوت دی ہے، بلاول بھٹو نے دعوت قبول کرلی وہ کل دوپہر ڈیڑھ بجے رائے ونڈ جائیں گے۔
ملاقات میں دونوں جانب سے چند قریبی رفقاء بھی شریک ہوں گے, ملاقات میں وفاقی اور پنجاب کے بجٹ، اپوزیشن جماعتوں کی ممکنہ احتجاجی تحریک، حمزہ شہباز، آصف زرداری اور فریال تالپور کی گرفتاری سمیت اہم امور زیر بحث آئیں گے۔
اس سے قبل ماہ رمضان میں بلاول بھٹو کی جانب سے مریم نواز کو لیگی رہنماؤں سمیت افظار ڈنر پر مدعو کیا گیا تھا،یہ ملاقات بلاول بھٹو اور مریم نواز کی پہلی سیاسی ملاقات تھی۔
اسلام آباد : معاون خصوصی برائے اطلاعات فردوس عاشق اعوان نے کہا ہے کہ مریم نواز کا جلسے سے خطاب ’’چوری اوپر سے سینہ زوری ‘‘ کے مترادف ہے، مسلم لیگ ن کا مطلب ہی نالائق اور نااہل لیگ ہے۔
ان خیالات کا اظہار انہوں نے ن لیگ کے ظفر وال میں ہونے والے جلسے سے مریم نواز کے خطاب پر اپنے ردعمل میں کہا، انہوں نے کہا کہ ن لیگ کی پالیسی ہے کہ اتنا جھوٹ بولو کہ سچ لگنے لگے۔
ان لوگوں کو تو سپریم کورٹ نے بھی جھوٹا قرار دیا تھا، مریم نواز کا جلسے سے خطاب ’’چوری اوپر سے سینہ زوری ‘‘ کے مترادف ہے،جلسوں میں جھوٹ بولنا مسلم لیگ ن کا وطیرہ رہا ہے، ن لیگ کی پالیسی ہے اتنا جھوٹ بولو کہ سچ لگنے لگے۔
فردوس عاشق اعوان کا مزید کہنا تھا کہ نسل درنسل غلامی کا دور گزر گیا، اب عوام راج کرے گی، پاکستان کا قانون اب آزاد ہوگیا ہے، اب عوام کی حکمرانی ہے، قوم کی ہر بیٹی راج کماری ہے۔
گزشتہ رات وزیر اعظم کے قوم سے خطاب کے دوران آڈیو کے مسئلہ پر معاون خصوصی نے وضاحت دیتے ہوئے کہا کہ موسم کی صورتحال کے باعث سگنل اور تکنیکی مسائل پیش آئے۔
اپنے خطاب میں وزیراعظم عمران خان نے ایسے تیر پھینکے جو نشانے پر لگے ہیں، مسلم لیگ ن کا مطلب ہی نالائق اور نااہل لیگ ہے، ن لیگ نااہل اور نالائق نہ ہوتی تو قوم کو اس نہج پرنہ چھوڑتی۔
واضح رہے کہ ظفر وال میں مسلم لیگ ن کی نائب صدر مریم نواز نے جلسے سے خطاب میں کہا تھا کہ نوازشریف کو جس دن حکومت سے ہٹایا گیا اس دن سےترقی کا سفر رک گیا۔
اپنے خطاب میں انہوں نے عمران خان کو عہدے سے ہٹانے کا مطالبہ دہراتے ہوئے وزیر اعظم کے گزشتہ روز کے خطاب پر کڑی تنقید کی۔
انہوں نے کہا کہ اقتدارمیں آنے سے پہلے جو شخص کہتا تھا کہ امیر کے لئے اور غریب کے لئے ایک قانون ہوگا، آج وہ شخص قانون سے بالاتر ہے۔
انہوں نے کہا کہ نواز شریف کواقامہ جیسے مذاق پر حکومت سے ہٹا دیا گیا، نوازشریف کو جس دن حکومت سے ہٹایا اس دن سےترقی کاسفر رک گیا، نیب نوازشریف پر اب ایک اور مقدمہ بھی بنا رہا ہے۔
واضح رہے کہ پاکستان تحریک انصاف کی حکومت اپنا پہلا بجٹ آج قومی اسمبلی میں پیش کرے گی، ترقیاتی بجٹ کا حجم 18 سو ارب روپے سے زائد متوقع ہے۔
وزیر اعظم عمران خان نے بجٹ تجاویز کی منظوری کے لیے وفاقی کابینہ کا خصوصی اجلاس بھی آج طلب کرلیا ہے، پی ٹی آئی کی پارلیمانی پارٹی کا اجلاس بھی آج طلب کیا گیا ہے۔
لندن : قومی اسمبلی میں قائد حزب اختلاف میاں شہباز شریف نے کہا ہے کہ حکومت کیخلاف احتجاج سے متعلق کوئی فیصلہ اپوزیشن جماعتیں مل کر کریں گی، غلط خبریں دینے والوں کےخلاف عدالت جانے کا حق رکھتا ہوں۔
ان خیالات کا اظہار انہوں نے لندن کے ہیتھرو ایئر پورٹ پر وطن واپسی سے قبل میڈیا سے گفتگو کرتے ہوئے کیا۔ انہوں نے کہا کہ پاکستان واپس جاکر اپوزیشن سے مشاورت کرکے فیصلہ کرینگے کہ حکومت مخالف احتجاج کیلئے کیا لائحہ عمل اختیار کیا جائے, پارلیمنٹ کے اندر بھرپور احتجاج کریں گے۔
ایک سوال کے جواب میں اپوزیشن لیڈر کا کہنا تھا کہ علاج کی غرض سے لندن آیا تھا ،تمام میڈیکل ٹیسٹ کلیئرہیں، ڈاکٹروں کے روکنے کے باوجود وطن آرہا ہوں، ابھی علاج مکمل نہیں ہوا۔ مجھ سے متعلق غلط خبریں دینے والوں کےخلاف عدالت جانے کا حق رکھتا ہوں۔
ان کا مزید کہنا تھا کہ حکمرانوں کی نااہلی کے باعث معیشت تباہی کے دہانے پر پہنچ گئی، ہماری نیک نیتی کا مذاق اڑایا گیا، بجٹ اجلاس سے متعلق بھی لائحہ عمل ترتیب دیا جائے گا۔
واضح رہے کہ میاں شہباز شریف کی پاکستان واپسی کیلئےجہاز میں موجود ہیں، شہباز شریف کی لاہور آنے والی پروازپی کے758 ایک گھنٹہ تاخیر سے روانہ ہوئی، ایئر پورٹ روانگی سے قبل شہباز شریف نے کارکنوں اور اہلخانہ سے ملاقات بھی کی۔
شہباز شریف10اپریل کو علاج کی غرض سے لندن آئے تھے، دو ماہ تک لندن میں قیام کرنے کےبعد9 جون کی صبح لاہور پہنچیں گے۔
اسلام آباد: مسلم لیگ ن نے وزیر مملکت برائے موسمیاتی تبدیلی زرتاج گل کی نااہلی کیلئے الیکشن کمیشن میں درخواست دائر کر دی، حنا پرویز بٹ نے کہا کہ زرتاج گل ایم این اے اور وزیر بننے کے قابل نہیں ، انھیں نااہل قرار دیا جائے۔
تفصیلات کے مطابق مسلم لیگ ن نے وزیر مملکت برائے موسمیاتی تبدیلی زرتاج گل کی نااہلی کیلئے الیکشن کمیشن میں درخواست دائر کر دی، درخواست ایم پی اے حنا پرویز بٹ نے دائر کی، جس میں زرتاج گل کو اختیارات کے ناجائز استعمال پر نااہل کرنے کی استدعا کی ہے۔
درخواست میں موقف اختیار کیاگیا ہے کہ وفاقی وزیر نے عہدے کا غلط استعمال کرکے حلف کی خلاف ورزی کی، زرتاج گل نے اپنی بہن کو نیکٹا میں تعینات کرنے کیلئے اثررسوخ استعمال کیا اور جھوٹ بولا کہ انکی بہن میرٹ پر پورا اترتی ہیں۔
الیکشن کمیشن کے باہرمیڈیا سےگفتگو کرتے ہوئے حنا پرویزبٹ کاکہناتھا کہ زرتاج گل کے خلاف درخواست کسی ایک شخص کے خلاف نہیں ، بلکہ ایک دغا باض گروہ کے خلاف ہے یہ اپنی حرکتوں سے خود بے نقاب ہو رہے ہیں۔
ن لیگی رہنما نے کہا زرتاج گل نے اپنے اختیارات کا غلط استعمال کیا ، حلف کی خلاف ورزی کی، وہ ایم این اے اور وزیر بننے کے قابل نہیں زرتاج گل کو نااہل قرار دیا جائے ، عمران خان میرٹ کے نعرے لگاتے رہے ہیں ایک پروفیسر کیسے نیکٹا کی ڈائریکٹر بن سکتی ہے۔
درخواست کی کاپی اسپیکر قومی اسمبلی کو بھی جمع کرا دی ہے۔
یاد رہے زرتاج گل وزیر کی اسسٹنٹ پروفیسر بہن شبنم گل کو ڈائریکٹر نیکٹا تعینات کرنے متعلق خبریں منظر عام پر آئی تھیں۔
بعد ازاں وزیراعظم عمران خان نے وفاقی وزیر زرتاج گل کی بہن کی بطور ڈائریکٹر نیکٹا تعیناتی کا سختی سے نوٹس لیتے ہوئے ادارے کو لکھے گئے خط سے وفاقی وزیر کو دستبردار ہونے کی ہدایت کی تھی۔
وزیراعظم کے نوٹس کے بعد زرتاج گل نے تقرری کے لئے لکھا گیا خط واپس لے لیا تھا۔
پشاور: سابق وزیر اعظم شاہد خاقان عباسی نے کہا ہے کہ کے پی میں ہونے والا واقعہ ملک کیلئے لمحہ فکریہ ہے، جس علاقے میں دنیا ناکام رہی وہاں ہماری فوج کامیاب ہوئی۔
ان خیالات کا اظہار انہوں نے پشاور میں میڈیا سے گفتگو کرتے ہوئے کیا، انہوں نے کہا کہ3دن پہلے کے پی میں ایک واقعہ ہوا جو ہم سب کیلئے لمحہ فکریہ ہے، مجھے اس کا بے حد افسوس ہے جس کا اظہار قومی اسمبلی میں بھی کیا تھا۔
چیک پوسٹ پر حملے کے واقعے کی شفاف تحقیقات کیلئے قومی اسمبلی کی کمیٹی بنائی جائے، جس علاقےمیں دنیا ناکام رہی ہے وہاں ہماری پاک فوج کامیاب ہوئی۔
شاہد خاقان عباسی کا کہنا تھا کہ آج عوام دیکھ لیں جتنی مہنگائی9ماہ میں ہوئی اس سے پہلے کبھی نہ تھی، ایک کروڑ نوکریوں کے دعوے کرنے والوں نے بےروزگاری پھیلادی، ہر شخص آج پریشان ہے اس کی وجہ نااہل حکومت ہے، ایسی نااہل حکومت جو غیرجمہوری طریقے سے لائی گئی، ملک میں ترقی کی رفتارآدھی ہوچکی ہے،2018کاالیکشن بھی متنازع بن چکا ہے۔
انہوں نے کہا کہ جب سے یہ حکومت برسر اقتدار آئی ہے ساڑھے300فیصد تک گیس کی قیمتیں بڑھیں، آج نوازشریف اپنے اصولوں کی وجہ سے جیل میں ہے، جتنے کام نوازشریف نے اپنے پانچ سالہ دور میں کئے اتنے آج تک کوئی نہ کرسکا۔
ایک سوال کے جواب میں لیگی رہنما کا کہنا تھا کہ خواجہ آصف نے اسمبلی میں چیئرمین نیب اور وزیرستان واقعے کو اٹھایا، فاٹا میں الیکشن ہورہا ہے الیکشن کمیشن اس کو شفاف بنائے، قبائلی اضلاع میں شفاف الیکشن نہیں کراسکتے تو پھرجمہورہت کو خطرہ ہوگا، شفاف الیکشن نہ ہوں تو پھر ملک کا یہی حال ہوتا ہے، شفاف الیکشن ہوں تو پھر ملک بھی ترقی کرے گا۔
لندن : مسلم لیگ ن کے صدر شہباز شریف نے چیئرمین نیب سے متعلق حالیہ معاملے سے لاتعلق رہنے کا اعلان کرتے ہوئے کہا کہتے ہیں کسی کی ذاتی زندگی سے پارٹی کا کوئی لینا دینا نہیں، ہم اپنے سیاسی اور قانونی بیانیےپر قائم رہیں گے۔
تفصیلات کے مطابق سلم لیگ ن کے صدر شہباز شریف نے سماجی رابطے کی ویب سائٹ ٹوئٹر پر چیئرمین نیب جسٹس ( ر ) جاوید اقبال کیخلاف من گھڑت ضبر پر واضح کیا کہ چیئرمین نیب کے حوالے سے حالیہ معاملے پر ملوث نہیں ہوں گے۔
شہباز شریف کا کہنا تھا نیب پر ہمارا مؤقف اصولی اورقانونی ہے، نیب سےمتعلق اپنےمؤقف کاہر فورم پر اظہار کرتے رہیں گے، کسی کی ذاتی زندگی سےپارٹی کا کوئی لینا دینا نہیں، ہم اپنے سیاسی اور قانونی بیانیے پر قائم رہیں گے۔
PML-N to stay out of the recent Chairman Nab issue.
Our viewpoint on NAB is principled—which is legal in nature and we will keep voicing our concerns on all forums.
PML-N has nothing to do with anybody’s private life and will stick to its political and legal narrative!
یاد رہے گذشتہ روز نیب نےنیوزون پرچیئرمین نیب سے متعلق چلنے والی خبر کو من گھرٹ اورجھوٹی قراردیا تھا اور خبر کی تردید کرتے ہوئے کہا تھا کہ اس خبر کا مقصد چیئرمین نیب کی ساکھ کو مجروح کرنا ہے، نیب نے دباؤ، بلیک میلنگ کو پس پشت رکھ کر اپنا کام کیا، بلیک میلر گروہ کے دو افراد کو گرفتار کیا اور ان کے خلاف یفرنس کی بھی منظوری دی، بلیک میلر گروہ کے خلاف ملک بھرمیں بیالیس ایف آئی آردرج ہیں۔
نیب ترجمان نیب کے مطابق اس گروہ کیخلاف مقدمات میں بلیک میلنگ اور اغوا برائے تاوان ، عوام کو بڑے پیمانے پر لوٹنے کے ثبوت ہیں۔ اس گروہ کے لوگ نیب، ایف آئی اے کے جعلی افسر بن کر بلیک میل کرتے ہیں۔ نیوز ون کی خبر بھی بلیک میلنگ کرکے نیب ریفرنس سے فرار کا راستہ ہے۔
نیب نے مزید بتایا کہ بلیک میلر گروہ کا سرغنہ فاروق کوٹ لکھپت جیل میں قید ہے جبکہ نیوز ون نے اپنی خبر کی تردید اور اسےحقائق کے منافی تسلیم کیا ہے۔ چیئرمین نیب سے دل آزاری پر معذرت بھی کی ہے۔
ذرائع کے مطابق نیب نے کرپشن الزام پر نیوز ون کے سی ای او عمر احمد خان کو حراست میں لیا تھا۔
اسلام آباد : بلاول بھٹو کی دعوت افطار پر سیاسی دسترخوان آج بچھے گا، ایک دوسرے کے سخت مخالفین زرداری ہاؤس اسلام آباد میں آج ایک ساتھ افطار کریں گے۔
تفصیلات کے مطابق افطار ڈپلومیسی کے لیے بلاول بھٹو نے اپوزیشن کی تمام جماعتوں کو دعوت دی ہے، ن لیگ کی نائب صدر مریم نواز آج دوپہر اسلام آباد پہنچیں گی، وہ اپنے داماد کے گھر ٹھہریں گی جہاں سے افطار پارٹی میں شرکت کے لیے روانہ ہوں گی۔
مریم نواز افطار دسترخوان پر بلاول بھٹو زرداری سے پہلی سیاسی ملاقات بھی کریں گی، بلاول بھٹوزرداری نے حکومت مخالف محاذ گرم کرنے کے لیے جے یوآئی ایف کے سربراہ مولانا فضل الرحمان اور اے این پی کےقائد اسفندیار ولی سےخود رابطہ کیا، جماعت اسلامی کے امیرسراج الحق کو بھی افطار میں شرکت کی دعوت دی گئی ہے۔
واضح رہے کہ اپوزیشن اتحاد نے مہنگائی کے نام پر عید کے بعد سڑکوں پر نکلنے کی دھمکی بھی دے رکھی ہے۔ یاد رہے کہ پیپلز پارٹی کی جانب سے آج اتوار کے روز اپوزیشن پارٹیوں کے اعزاز میں افطار ڈنر کا اہتمام کیا گیا ہے۔
اس سلسلے میں چیئرمین پی پی بلاول بھٹو زرداری نے مسلم لیگ ن کی نائب صدر مریم نواز کو ٹیلی فون کرکے ان کو افطار ڈنر میں شرکت کی دعوت دی تھی۔
اسلام آباد : سابق وزیر اعظم شاہد خاقان عباسی نے کہا ہے کہ لندن فلیٹس جن کے ہیں انہیں سزا دے دیں، نواز شریف کے ہیں ہی نہیں تو کیسی منی ٹریل دیں، وہ علاج کیلئے لندن جانا چاہتے ہیں۔
ان خیالات کا اظہار انہوں نے اے آر وائی نیوز کے پروگرام اعتراض ہے میں میزبان عادل عباسی سے خصوصی گفتگو کرتے ہوئے کیا، شاہد خاقان عباسی نے کہا کہ ن لیگ کا بیانیہ پاکستان کے عوام کا ہی بیانیہ ہے۔
ہمارا بیانیہ یہی ہے کہ حکومت آئین اور قانون کے مطابق چلے، عدالتی فیصلے پر رائے ہوتی ہے، نوازشریف نے کسی ادارے سے تصادم نہیں کیا، ملک میں ٹروتھ کمیشن بن جائے اور ہم ان معاملات سے باہر آجائیں۔
ایک سوال کے جواب میں انہوں نے کہا کہ نواز شریف علاج کیلئے لندن جانا چاہتے ہیں، میاں صاحب صرف یہی کہہ رہے ہیں کہ میرا علاج ہونا چاہیے، ڈاکٹرز کے مطابق ان کی طبیعت ٹھیک نہیں ہے، جہاں سےعلاج ہورہا ہے وہیں سے ہونا چاہئے، نوازشریف کی صحت پر سیاست نہیں ہونی چاہئے۔
شاہد خاقان عباسی کا مزید کہنا تھا کہ نوازشریف پاکستان کے عوام کا لیڈر ہے، وہ تین بار ملک کے وزیراعظم بنے، وہ اپنی بیمار بیوی کو لندن چھوڑ کر بیٹی کے وطن ساتھ واپس آئے۔
ان کا کہنا تھا کہ احتساب کا قانون سب پر لاگو ہونا چاہئے، پاکستان کی تاریخ میں کس کی 160پیشیاں ہوئی ہیں؟ نوازشریف کو منی ٹریل نہ دینے پر سزا نہیں دی گئی۔
لندن فلیٹس نوازشریف کے ہے ہی نہیں تو کیسی منی ٹریل دیں، بیٹے کی طرف سے پیسےبھیجنے پر نوازشریف کو سزادی گئی، جن کے فلیٹس ہیں انہیں سزا دے دیں، عدالتیں ویڈیو کلپس پر نہیں شہادتوں پر چلتی ہیں، نوازشریف کو ماضی میں ہائی جیکر بھی بنایا گیا تھا۔
ملکی معیشت کے حوالے سے ان کا کہنا تھا کہ پی ٹی آئی حکومت نے ملکی معیشت کو تباہ کردیا، وزیراعظم اور وزیرخزانہ اسمبلی میں آکر بتائیں، شبر زیدی بہت اچھےآدمی ہیں، ایف بی آر کے عہدے کیلئے ان کی تعیناتی متنازع رہے گی۔
حکومت کو آئی ایم ایف جانے کیلئے پہلےفیصلہ کرلینا چاہئے تھا، حکمران اسمبلی میں آکر بتائیں کہ کیوں آئی ایم ایف جارہے ہیں؟ ملکی معیشت کی صورتحال پرعوام کواعتماد میں لیا جائے، یہ کوئی نہیں کہہ سکتا کہ آئی ایم ایف آخری پروگرام ہوگا،سب کو ٹیکس نیٹ میں لانے کیلئے ایمنسٹی اسکیم لائی جاتی ہے، ہماری ایمنسٹی اسکیم کوجاری رہنا چاہئے تھا۔
پی اے سی کی چیئرمین شپ سے متعلق ان کا کہنا تھا کہ شہبازشریف نے چار ماہ پہلے ہی فیصلہ کرلیا تھا کہ چیئرمین پی اے سی کوئی اور ہونا چاہئے۔
انہوں نے کہا تھا کہ میں تمام عہدے اپنے پاس نہیں رکھ سکتا، شہبازشریف وقت نہیں دے پاتے تو کسی کو چیئرمین بنا لینا چاہئے، حمزہ شہباز اور مریم نواز کا اپنا اپنا کردار ہے، عوام فیصلہ کرے گی کہ کون ن لیگ کی قیادت سنبھالے گا، ن لیگ کی تنظیم نو میں میاں صاحب سمیت تمام افراد کی مرضی شامل تھی۔
شاہد خاقان عباسی نے کہا کہ اس سے پہلے کہ لوگ سڑکوں پرآجائیں بہترہے نظام میں رہتے ہوئے بغاوت کی جائے، ہم دھرنا دیں یا سڑک پر لیٹ جائیں، بہتر ہے کہ سیاسی جماعتیں انہیں سڑکوں پر لے آئے، جمہوریت اور آئین میں رہتے ہوئےتبدیلی لائی جائے۔
لاہور : وزیر اعلیٰ پنجاب کے ترجمان شہباز گل نے کہا ہے کہ ن لیگ پی ٹی آئی کی دو خواتین ممبران سے متعلق منفی پراپیگنڈہ کررہی ہے، دونوں خواتین رہنما عدالت میں اپنا بھرپور دفاع کریں گی۔
تفصیلات کے مطابق ن لیگ کی جانب سے پی ٹی آئی کی دو ممبران اسمبلی کی اہلیت کو چیلنج کیا گیا ہے، ملائکہ بخاری اورکنول شوزب کا دفاع کرتے ہوئے وزیر اعلیٰ پنجاب کے ترجمان شہباز گل نے کہا ہے کہ ن لیگ پی ٹی آئی کی دو خواتین ممبران سے متعلق منفی پراپیگنڈہ کررہی ہے کیونکہ ان خواتین نے مریم نواز کو پارٹی عہدے سے نااہل کرنے کی درخواست دی ہے۔
انہوں نے کہا کہ کنول شوزب نے الیکشن سے قبل ووٹ ٹرانسفر کرنے کی درخواست دی تھی،کنول پہلے ہی عدالت سے ووٹ منتقلی کا معاملہ کلیئر کراچکی ہیں۔
شہباز گل کا مزید کہنا تھا کہ ملیکہ بخاری کے پاس کسی دوسرے ملک کی شہریت نہیں ہے، ایم این اے بننے سے پہلے وہ اپنی برطانوی شہریت چھوڑ چکی ہیں۔
ملیکہ بخاری کے پاس برطانوی شہریت چھوڑنے کی دستاویزات بھی موجود ہیں، وہ بخاری پہلے ہی الیکشن ٹریبونل سے ایسے اعتراضات مسترد کراچکی ہیں۔
انہوں نے واضح کیا کہ پی ٹی آئی کی دونوں خواتین رہنما عدالت میں اپنا بھرپور دفاع کریں گی، مریم نواز کے چیلے اور چیلیاں منفی ہتکھنڈے استعمال کررہے ہیں، لیگی قیادت گھبرائے نہیں جلد مریم نواز کی پارٹی عہدے سے نااہلی کا پروانہ آئے گا۔
