Tag: PML N

لاہورپولیس نے ن لیگ کی قیادت کو ریلی نکالنے سے منع کردیا

لاہور : پولیس نے ن لیگ کو ریلی نکالنے سے منع کرتے ہوئے کہا ہے کہ نوازشریف کو چھ بج کر48منٹ تک جیل منتقل کردیا جائے، کم نفری کی وجہ سے ریلی کو سیکیورٹی فراہم نہیں کی جاسکتی۔

تفصیلات کے مطابق لاہور پولیس نے بھی مسلم لیگ ن کی قیادت کو ریلی نکالنے سے منع کردیا، اس حوالے سے ایس پی سیکیورٹی لاہور نے ن لیگ لاہور کے صدر ملک پرویز کو ایک مراسلہ ارسال کیا ہے۔

جس میں کہا گیا ہے کہ نواز شریف کو ریلی کی صورت میں جیل منتقل نہ کیا جائے کیونکہ ان دنوں پولیس کی بھاری نفری شہرت بھر کی مختلف مساجد اور دیگر عبادت گاہوں کی سیکیورٹی پرمامور ہے۔

اس کے علاوہ ڈسٹرکٹ انٹیلی جنس کمیٹی بھی ریلی نکالنے سے منع کر چکی ہے، چھ بجے کے بعد اندھیرا ہونے کےباعث ریلی نکالنا پُرخطر ثابت ہوسکتا ہے، لہٰذا نوازشریف کو چھ بج کر48منٹ تک جیل منتقل کردیا جائے۔

مراسلہ ایس پی سیکیورٹی لاہور کی جانب سے ن لیگ لاہور کے صدر ملک پرویز کو لکھا گیا ہے۔

مئی 7, 2019
نواز شریف رات بارہ بجے سے پہلے کوٹ لکھپت جیل پہنچ جائیں گے، ن لیگ

لاہور : ڈی سی لاہور نے نواز شریف کو یاد دہانی کرائی ہے کہ وہ مغرب سے پہلے جیل آجائیں، جبکہ ن لیگ لاہور کے جنرل سیکرٹری کا کہنا ہے کہ نواز شریف رات بارہ بجے سے پہلے سرنڈر کردیں گے۔

تفصیلات کے مطابق لیگی رہنماﺅں کو جیل حکام نے پیغام دیا ہے کہ نواز شریف جیل قوانین کے مطابق شام 6 بجے سے پہلے سرنڈر کر دیں، جبکہ پاکستان مسلم لیگ (ن) لاہور کے جنرل سیکرٹری خواجہ عمران نذیر نے کہا ہے کہ کارکن جیل انتظامیہ کی نوازشریف کو شام چھ بجے کے بعد قبول نہ کرنے والی افواہوں پر کان نہ دھریں۔

نواز شریف طے شدہ شیڈول کے مطابق اپنی رہائش گاہ سے روانہ ہوں گے اور رات بارہ بجے سے پہلے سرنڈر کر دیں گے۔ ذرائع کے مطابق ضلعی انتظامیہ نے لیگی رہنماﺅں کو یہ پیغام پہنچایا تھا کہ نواز شریف جیل قوانین کے مطابق 7مئی شام چھ بجے سے پہلے سرنڈر کر دیں اور کوٹ لکھپت جیل پہنچ جائیں۔

جیل میں انہیں نیا قیدی نمبر الاٹ کیا جائے گا۔ دوسری جانب مسلم لیگ (ن)کے رہنماﺅ ں نے اس حوالے سے انتظامیہ کو اپنے موقف سے آگاہ کر دیا ہے جسے انہوں نے جیل حکام تک پہنچا دیا ہے۔

مئی 7, 2019
ضمانت پر رہائی کے25دن بعد بھی نواز شریف کے علاج کا فیصلہ نہ ہوسکا

لاہور : نوازشریف کی ضمانت پر رہائی کے پچیس دن بعد بھی علاج شروع نہ ہوسکا۔ نوازشریف کی انجیو پلاسٹی ہو گی یا پھر اوپن ہارٹ سرجری ہو گی ،فیصلہ اب تک نہ ہوسکا، ڈاکٹرز اور لیگی رہنما بتانے سےگریزاں ہیں۔

تفصیلات کے مطابق سابق وزیراعظم نواز شریف کو علاج کروانے کیلئے چھ ہفتوں کی ضمانت پر رہا ہوئے25دن گزر گئے، لیکن اب تک ان کا باقاعدہ علاج شروع نہ ہوسکا، جیل میں علیل اور جیل سے باہر فٹ رہنے کے بعد ان کے علاج کیلئے کسی کی جانب سے کوئی ٹوئٹ تک نہیں کیا گیا۔

نوازشریف کی انجیو پلاسٹی یا پھر اوپن ہارٹ سرجری ہوگی ؟ اس بات کا فیصلہ علاج کیلئے ضمانت پر رہائی کے پچیس دن بعد بھی نہ ہوسکا، سابق وزیراعظم کو ابھی تک نہ تو کسی اسپتال میں داخل کرایا گیا نہ ہی علاج کا فیصلہ ہو سکا۔

نواز شریف کے ذاتی معالج ڈاکٹر عدنان کے مطابق نوازشریف کو مستقل پیس میکر لگانا پڑے گا، اس سے قبل بھی ڈاکٹر عدنان نے باربار عارضہ قلب کو نوازشریف کی زندگی کیلئے خطرہ قراردیا تھا۔

اس کے علاوہ نون لیگی رہنما بھی ان کی بیماری پر سیاست کرتے رہے اور اور اپنے ٹوئٹر پیغام میں عوام سے دعاؤں کی اپیل کرتے رہے۔ سوال یکہ پیدا ہوتا ہے کہ نوازشریف کی ضمانت پر رہائی کو بھی ایک ماہ ہونے کو ہے مگر علاج میں تاخیر کیوں کی جارہی ہے؟

مزید پڑھیں : نوازشریف کی آج طبی معائنےکےلیے شریف میڈیکل سٹی آمد متوقع

ڈاکٹرز اور ن لیگ کے رہنما بتانے سے اب تک گریزاں ہیں، ناقدین صرف ایک ہی سوال کرتے ہیں کہ کیا بیماری کا واویلا صرف نوازشریف کو جیل سے باہرلانے کا بہانہ تھا؟

اپریل 20, 2019
نواز لیگ کے کارکنان کا جذباتی انداز سوشل میڈیا پر تنقید کا نشانہ بن گیا

لاہور : سیاست کی دنیا کے رنگ عجب ہیں، مختلف سیاسی جماعتوں کے کارکن مختلف طریقہ سیاست رکھتے ہیں لیکن قربان جائیے نون لیگ پر جن کی سیاست اور اپنے قائد میاں نواز شریف سے والہانہ محبت کا اظہار سیاسی مسخروں کے ذریعے کرایا جاتا ہے۔

ایک زمانہ تھا کہ میاں نوازشریف وزیراعظم تھے اور اس دور میں ماڈل ٹاؤن کا سانحہ ہوا جس میں سرکاری مشینری کے ذریعے انسانی جانوں سے کھیلا گیا، چودہ افراد شہید اور سیکڑوں زخمی کر دئیے گئے اور یہیں سے نون لیگ کا پہلا مسخرہ سامنے آیا۔

جس کو گلوبٹ کہتے ہیں، گلوبٹ کی مسخرانہ حرکتیں اس حد تک شرمناک تھیں کہ گلو بٹ ڈھٹائی اور مسخرے پن کا آئی کون بن گیا۔

نون لیگ کو یہیں سبق سیکھ لینا چاہتے تھا لیکن پاناما لیکس ، ایون فیلڈ فلیٹس اور العزیزیہ ریفرنس میں جب سے میاں نواز شریف پہلے گرفتار اور اب ضمانت پر آئے ہیں، کارکنوں کے روپ میں ن لیگ کی صفوں میں بہت سے مسخرے دکھائی دیتے ہیں۔

ان کئی مسخروں میں ایک صاحب درجہ کمال پر ہیں، یہ کہیں شدید غم میں آنسو بہاتے نظر آتے ہیں تو کہیں قائد کی پیشی کے موقع پر فیڈر پیتے نظر آتے ہیں اور کہیں کام ہونے کے بعد بریانی لوٹتے دکھائی دیتے ہیں۔

بڑے میاں تو بڑے میاں چھوٹے میاں صاحب کی پیشی پر بھی بنیان پھاڑ کر روتے نظر آتے ہیں، یہ کارکنان نظریاتی ہیں، جذباتی ہیں یا حادثاتی ہیں، خود آتے ہیں یا لائے جاتے ہیں لیکن ان کا وجود شریف خاندان سے کارکنوں کی عقیدت کو بہت واضح کر دیتا ہے۔

اپریل 10, 2019
شہباز شریف نے ملک سے باہر جانے کی تیاری کرلی

اسلام آباد : ن لیگ کے صدر اور اپوزیشن لیڈر شہباز شریف نے ملک سے باہر جانے کی تیاری کرلی، ان کا کہنا ہے کہ طبی معائنے اور پوتے پوتی کو دیکھنے لندن جارہا ہوں۔

تفصیلات کے مطابق اپوزیشن لیڈر شہبازشریف نے سماجی رابطے کی ویب سائٹ ٹوئٹر پر اپنے تازہ پپغام میں کہا ہے کہ لندن کا مختصر دورہ کرنے جا رہا ہوں تاکہ اپنے پوتا پوتی کو دیکھ سکوں۔

وہاں جاکر اپنا طبی معائنہ بھی کراؤں گا اور انشااللہ جلد وطن واپس آؤں گا، عدالتی حکم پر مجھے ضمانت ملی، میرا نام ای سی ایل سے نکالا جاچکا ہے۔

Allah blessed my younger son with a boy while my elder son got blessed with a baby girl after 20 years of marriage. Little girl had to undergo major heart surgery in London within a week of birth. I haven’t seen both of them yet because of my detention and my name being on ECL.

— Shehbaz Sharif (@CMShehbaz) April 9, 2019

ان کا مزید کہنا ہے کہ اللہ نے میرے چھوٹے بیٹے سلمان شہباز کو اولاد نرینہ سے نواز ا ہے جبکہ بڑے بیٹے حمزہ شہباز کو شادی کے 20سال بعد اولاد کی نعمت دی ہے ۔

حمزہ شہباز کی نو مولود لڑکی کا پیدائش کے ایک ہفتے بعد دل کا آپریشن ہوا لیکن میں نے ابھی تک دونوں پوتا پوتی کو نہیں دیکھا کیونکہ میں حراست میں رہا اور میرا نام ای سی ایل میں بھی موجود تھا۔

شہباز شریف نے مزید کہا ہے کہ حمزہ شہباز کی نو مولود بچی کا لندن میں دل کا آپریشن ہوا لیکن نام ای سی ایل میں ہونے کی وجہ سے وہ اپنی بچی کو بھی نہیں دیکھ سکا۔

اپریل 10, 2019
نیب راولپنڈی نے خواجہ آصف کو9اپریل کو اہم ریکارڈ سمیت طلب کرلیا

اسلام آباد: نیب راولپنڈی نے آمدن سے زائد اثاثہ جات کیس میں مسلم لیگ ن کے رہنما اور سابق وزیرخارجہ خواجہ آصف کو دوبارہ طلب کرلیا، تمام ریکارڈ ساتھ لانے کی ہدایت کی گئی ہے۔

تفصیلات کے مطابق قومی احتساب بیورو راولپنڈی نے اثاثہ جات کیس میں رکن قومی اسمبلی خواجہ آصف کو نو اپریل کو طلب کرلیا۔اس حوالے سے ذرائع کا کہنا ہے کہ نیب کی مشترکہ تحقیقاتی ٹیم خواجہ آصف کا بیان ریکارڈ کرے گی، خواجہ آصف کو تمام ریکارڈ ساتھ لانے کی ہدایت کی گئی ہے، اس سے قبل نیب خواجہ آصف کے اکاؤنٹس کی تفصیلات بھی لے چکا ہے۔

نیب ٹیم نے خواجہ آصف کو دوسری بار طلبی کا نوٹس جاری کیا ہے،اس سے پہلے نیب نے خواجہ آصف کو یکم اپریل کو بھی طلب کیا تھا، خواجہ آصف بیرون ملک ہونے کے باعث پیش نہیں ہوئے تھے،

خواجہ آصف نے پیش نہ ہونے سے متعلق خط لکھ کرنیب کوآگاہ کردیاتھا، انہوں نے کہا کہ بیرون ملک ہونے کے باعث پیش نہیں ہوسکتا، ذرائع کا کہنا ہے کہ مسلم لیگ ن کے رہنما خواجہ آصف سے بیرون ملک جائیدادوں کے حوالے سے بھی پوچھ گچھ ہوگی۔

واضح رہے کہ قومی احتساب بیورو نے گزشتہ سال اکتوبر میں خواجہ آصف کے خلاف منی لانڈرنگ کے الزام میں تحقیقات کا آغاز کیا تھا۔
نیب نے خواجہ آصف اور ان کی فیملی سے تمام بینک اکاؤنٹس، قرض اور رقوم کی اندرون وبیرون ملک منتقلی کا ریکارڈ بھی طلب کیا تھا۔

مزید پڑھیں : نیب طلبی کے باوجود غیرحاضری، خواجہ آصف نے احکامات ہوا میں اڑا دیے

یاد رہے کہ گزشتہ برس 6 دسمبر کو وزیراعظم کے معاون خصوصی برائے یوتھ افیئرز عثمان ڈار نے خواجہ آصف کے خلاف منی لانڈرنگ کے ثبوت نیب کو فراہم کیے تھے۔

تحریک انصاف کے رہنما کی جانب سے خواجہ آصف کی غیرملکی سرمایہ کاری کا ریکارڈ بھی نیب حکام کے حوالے کیا تھا جس میں سابق وزیرخارجہ اور ان کی اہلیہ کے غیرملکی اکاؤنٹس میں بے نامی ٹرانزیکشنز کی تفصیلات بھی شامل تھیں۔

اپریل 6, 2019
چوہدری نثار اور ثاقب نثار کے جانے سے لوگوں کے چہروں پر خوشی آئی ہے، پرویز رشید

اسلام آباد : مسلم لیگ ن کے رہنما پرویز رشید کا کہنا ہے کہ انصاف میں دیر ہو سکتی ہے اندھیر نہیں، نواز شریف پاکستان علاج کرائیں یا باہر، یہ ان کی صوابدید ہے، چوہدری نثار اور ثاقب نثار کے جانے سے لوگوں کے چہروں پر خوشی آئی ہے۔

تفصیلات کے مطابق مسلم لیگ ن کے رہنما پرویز رشید نے اسلام آباد ہائی کورٹ کے باہر میڈیا سے گفتگو کرتے ہوئے کہا نواز شریف پاکستان علاج کرائیں یا باہر، یہ ان کی صوابدید ہے، شقوق و شبہات پیدا کرنے کیلئے مخالفین ایسے سوالات اٹھا رہے ہیں۔

انصاف میں دیر ہو سکتی ہے اندھیر نہیں

پرویز رشید کا کہنا تھا کہ نواز شریف مشرف نہیں، مشرف کے باہر جانے پر مخالفین کی زبانیں بند کیوں ہو جاتی ہیں، نواز شریف اس دھرتی کا بیٹا ہے، یہیں رہے گا اور سیاست کرے گا۔

نواز شریف اس دھرتی کا بیٹا ہے، یہیں رہے گا اور سیاست کرے گا

ن لیگی رہنما نے کہا عدالتوں سے متعلق شکایات تھیں، جو بیان کر دیں، دوبارہ شکایات ہوئیں تو دوبارہ بیان کریں گے، انصاف میں دیر ہو سکتی ہے اندھیر نہیں، اگر سزا معطل ہوئی تو علاج کے لئے باہر جانے کا فیصلہ میاں صاحب خود کریں گے۔

ان کا کہنا تھا کہ چوہدری نثار اور ثاقب نثار کے جانے سے لوگوں کے چہروں پر خوشی آئی ہے، اگر ڈیل یا ڈھیل دی جا رہی ہے تو حکومت دوسرے فریق کا نام بتائے۔

فروری 25, 2019
جنوبی پنجاب اور بہاولپور صوبوں کا قیام، ن لیگ نے ترمیمی بل جمع کرادیا

اسلام آباد : ن لیگ نے قومی اسمبلی میں جنوبی پنجاب اور بہاولپور صوبوں کے قیام کا آئینی ترمیمی بل جمع کرادیا، خاقان عباسی کا کہنا ہے کہ ڈر ہے حکومت یوٹرن نہ لے لے۔

تفصیلات کے مطابق مسلم لیگ (ن) کے اراکین قومی اسمبلی نے بہاولپور اور جنوبی پنجاب صوبہ بنانے کے لئے آئینی ترمیمی بل جمع کرادیا ہے۔ جن اراکین نے بل جمع کروایا ان میں احسن اقبال، رانا تنویر، رانا ثناءاللہ، عبدالرحمن کانجو شامل ہیں۔

اس آئینی ترمیم کا عنوان ’آئینی (ترمیمی) ایکٹ مجریہ2019 ہے۔ مذکورہ بل میں کہا گیا ہے کہ آئین کے آرٹیکل ایک میں ترمیم سے بہاولپور، جنوبی پنجاب کے صوبوں کی تشکیل کے الفاظ شامل کئے جائیں۔

بل میں کہا گیا ہے کہ بہاولپور صوبہ وہاں کے موجودہ انتظامی ڈویژن پر مشتمل ہوگا جبکہ جنوبی پنجاب صوبہ موجودہ ڈیرہ غازی خان اور ملتان ڈویژنز پر مشتمل ہوگا اور ترمیم کے بعد ڈیرہ غازی خان اور ملتان ڈویژنز صوبہ پنجاب کا حصہ نہیں رہیں گے۔

اس کے علاوہ آئین کے آرٹیکل51میں ترمیم سے صوبائی نشستوں میں بھی ردوبدل کیا جائے، ترمیم کے بعد بہاولپور صوبہ کی15جنرل، خواتین کی تین نشستیں ملا کر قومی اسمبلی میں کل18نشستیں ہوجائیں گی۔

جنوبی پنجاب صوبہ کی 38، صوبہ پنجاب کی117خیبرپختونخوا کی55،صوبہ سندھ کی 75، بلوچستان کی 20 اور وفاقی دارالحکومت اسلام آباد کی قومی اسمبلی میں3 نشستیں ہوں گی۔

قومی اسمبلی کے اجلاس کے بعد پریس کانفرنس سے خطاب کرتے ہوئے شاہد خاقان عباسی نے کہا کہ اب حکومت کا امتحان شروع ہوچکا ہے، ہمیں ڈر ہے کہ کہیں حکومت اس مسئلے پر یو ٹرن نہ لے لے۔

ان کا مزید کہنا تھا کہ اگر پنجاب میں میرٹ ہوتی تو عثمان بزدار وزیر اعلٰی نہ بنتے، احتساب کرنا ہے تو مجھ سے اورمیری کابینہ سے شروع کریں۔

جنوری 28, 2019
بجٹ میں مالی خسارہ کم نہیں کیا، نوید قمر، ریونیو کا ذکر نہیں، احسن اقبال

اسلام آباد : نون لیگ کے رہنما احسن اقبال نے کہا ہے کہ منی بجٹ تقریر کی کسی تجویز میں ریونیو کا ذکر نہیں، جبکہ پی پی کے نوید قمر نے کہا کہ بجٹ میں مالی خسارہ کم کرنے کے لئے کوئی اقدمات نہیں کیے گئے۔

تفصیلات کے مطابق حکومت کی جانب سے منی بجٹ پیش کرنے پر اپوزیشن رہنماؤں نے اپنے خیالات کا اظہار کرتے ہوئے بجٹ کو مجموعی طور پر حکومت کی ناکامی قرار دیا ہے۔

اس حوالے سے اے آر وائی نیوز سے گفتگو کرتے ہوئے نون لیگ کے رہنما احسن اقبال نے کہا کہ آج ملکی بجٹ اور پارلیمان کی تاریخ میں نیا ریکارڈ قائم کیا گیا ہے، موجودہ حکومت کو اقتصادی صورتحال کا ادراک نہیں، حکومت کی کسی تجویز میں ریونیو کا ذکر تک نہیں۔

ہمیں اس بات کا ڈر ہے کہ حکومت جلد مزید منی بجٹ کے اقدامات کرے گی، احسن اقبال کا مزید کہنا تھا کہ اپنا گھر اسکیم کے لئے صرف 5ارب روپے مختص کئے گئے ہیں۔

اپوزیشن قومی اسمبلی میں منی بجٹ پر اپنی رائے کا اظہار کرے گی، موجودہ حکومت نے گروتھ ریٹ کو تبادہ کردیا ہے، ڈالر کی قدر میں1روپے اضافے سے کھربوں روپے قرضہ چڑھ گیا۔

دوسری جانب پیپلز پارٹی کے ممبر قومی اسمبلی نوید قمر نے کہا کہ ملک کے معاشی حالات درست نہیں ہیں، آمدنی اور اخراجات کا فرق سے افراط زر پیدا ہوتا ہے اور بجٹ کا مقصد اس فرق کو ختم کرنا ہوتا ہے لیکن بجٹ میں مالی خسارہ کم کرنے کے لئے حکومت کی جانب سے کوئی اقدمات نہیں گئے۔

نوید قمر کا مزید کہنا تھا کہ ایسا لگتا ہے کہ حکومت کا اگلا قدم آئی ایم ایف کی طرف جانا ہوگا اگر ادھار پر معیشت چلانی ہے تو ماضی میں سابقہ حکومتوں پر تنقید کیوں ہوتی تھی۔

انہوں نے کہا کہ اب حکومت قلیل مدتی قرضے لے رہی ہے، حکمرانوں کو عوام سے سچ بولنا چاہئے تھا، اپوزیشن چاہتی ہے کہ ملک میں استحکام رہے اورحکومت قائم رہے لیکن اگر حکومت اپنے بوجھ سے خود ہی گرجائے تو ہم کیا کرسکتے ہیں۔

جنوری 23, 2019
لاہورکے عوام نے ضمنی الیکشن میں بھی ن لیگ کی سیاست کو مسترد کیا، فرخ حبیب

اسلام آباد : تحریک انصاف کے ممبر قومی اسمبلی فرخ حبیب نے کہا ہے کہ حکومت پر الزامات لگانے والوں کے پاس قانونی راستہ موجود ہے انصاف عدالتوں سے ملے گا، نیب ایکٹ اسمبلی نے منظور کیا تھا۔

ان خیالات کا اظہار انہوں نے اے آر وائی نیوز کے پروگرام سوال یہ ہے میں میزبان ماریہ میمن سے گفتگو کرتے ہوئے کیا، فرخ حبیب نے کہا کہ قانون سازی کرنا ہی پارلیمان کا بنیادی مقصد ہے، پی اے سی پارلیمنٹ کے لئے انتہائی اہمیت کی حامل کمیٹی ہے۔

ان کا کہنا تھا کہ حکومت اور اپوزیشن نے لچک دکھا کر کمیٹیوں پر ڈیڈ لاک کو ختم کیا، یکطرفہ کمیٹیاں بنانے سے پارلیمنٹ کی خوبصورتی مکمل نہیں ہوپاتی، شہباز شریف کو کیسزکا سامنا ہے مگر اسمبلی کارروائی آگے بڑھانی ہے، ن لیگ دور کے پیراز کو شہباز شریف چیئر نہیں کریں گے، پارلیمان کی مضبوطی کیلئے تمام جماعتوں کو مل کر کام کرنا ہے۔

ایک سوال کے جواب میں فرخ حبیب کا کہنا تھا کہ حکومت پر الزامات لگانے والوں کے پاس قانونی راستہ موجود ہے انصاف عدالتوں سے ملے گا، نیب ایکٹ اسمبلی نے منظور کیا تھا ان کا کام احتساب کرنا ہے، سیاسی انتقام کا الزام لگانے والوں کی ضمانتیں بھی منظور ہوئی ہیںَ

فرخ حبیب نے کہا کہ اگر کوئی وزیر احتساب کی بات کرے تو اس کا مطلب یہ نہیں کہ وہ نیب کا ترجمان ہے، ہمارے کئی لوگوں کی تحقیقات ہورہی ہیں مگر کبھی نہیں کہا کہ سیاسی انتقام لیا جارہا ہے۔

ان کا مزید کہنا تھا کہ ملک سے فرار اسحاق ڈار معیشت پر باہر بیٹھ کر بیانات دے رہے ہیں، میڈیا آزاد ہے کسی کو گرفتار کیا جاتا تو میڈیا پر الیکشن سے پہلے ہی آجاتا، لاہور کے عوام نے ضمنی الیکشن میں بھی پی ٹی آئی پر اعتماد کا اظہار کیا اور ن لیگ کی سیاست کو مسترد کیا ہے۔

دسمبر 15, 2018

Tag: PML N

انصاف میں دیر ہو سکتی ہے اندھیر نہیں

نواز شریف اس دھرتی کا بیٹا ہے، یہیں رہے گا اور سیاست کرے گا