Tag: PML N

کراچی: روٗف صدیقی نے کہا ہے کہ پچاس سال سے دوسری جماعتوں کو ووٹ دیتے رہے اب ووٹ لینا ایم کیو ایم کا حق ہے۔

ایم کیو ایم اور حکومتی وفد کے ارکان کی ملاقات کے بعد میڈیا سے گفتگو میں ایم کیو ایم کے رہنما فاروق ستار نے کہا ہے کہ سینیٹ کے چیئرمین اور ڈپٹی چیئرمین کے لئے مشاورت ہوئی ہے۔

فاروق ستار کا کہنا تھا کہ ایم کیو ایم ماضی میں بھی دوسری جماعتوں کو ووٹ دیتی رہی ہے، اس بار ایم کیو ایم  موقع دینا چاہیئے کہ وہ ہم اپنا امیدوار سامنے لائیں۔تاکہ قومی مفاد میں کوئی مثبت پہلو سامنے آئے۔صلح مشورے کا عمل جاری رہنا چاہیئے۔

اس موقع پر ایم کیو ایم کے رہنما روئف صدیقی کا کہنا تھا کہ پچاس سال سے دوسری جماعتوں کو ووٹ دیتے رہے اب ووٹ لینا ایم کیو ایم کا حق ہے،مختلف جماعتوں کے ساتھ مشاورت کا عمل ایم کیوایم نے شروع کررکھاہے۔

حکومتی وفد سے ملاقات میں ایم کیو ایم کی جانب سے ایم کیو ایم کے رہنما روئف  صدیقی اور فاروق ستار شریک ہوئے۔

جبکہ حکومتی وفد میں شامل وفاقی وزیر ریلوے خواجہ سعد رفیق نے کہا ہے کہ  ایم کیوایم سے ملاقات میں ملکی معملات پر بات چیت ہوئی ہے۔ان کا کہناتھا کہ سینیٹ کے موثر کردار کے کے لئے تمام جماعتوں سے مشاورت ہونے چاہئے۔

ان کا کہنا تھا کہ ایم کیو ایم سے ملاقات مثبت رہی،کوشش ہے کہ قومی مفاد میں اچھا فیصلہ ہو۔

واضح رہے کہ سینیٹ میں چیئرمین اور ڈپٹی کے تقرری کے حوالے سے تمام سیاسی جماعتیں ایک دوسرے سے مشاورت کر رہی ہیں، ن لیگ اور پیپلز پارٹی جوڑ توڑ میں مصروف ہیں ایم کیو ایم ن لیگ کے وفد سے ملاقات کے بعد پیپلزپارٹی کا وفد بھی ایم کیوا یم سے ملنے پہنچ گیا۔