ماسکو: روس نے برقی کاروں کی صنعت میں خود کفیل ہونے کے لئے بڑا فیصلہ کیا ہے۔
غیر ملکی میڈیا رپورٹ کے مطابق روس نے آئندہ نو سالوں کے درمیان ڈیڑھ لاکھ برقی کاریں تیار کرنے کا ارادہ ظاہر کیا ہے، اس سلسلے میں روسی وزارت اقتصادی ترقی کے ڈائریکٹر میکسم کولیسنکوف کا کہنا تھا کہ ہم توقع کرتے ہیں کہ روس میں دو ہزار تیس تک الیکٹرک کاروں کی پیداوار کم سے کم ڈیڑھ لاکھ تک پہنچ جائے گی۔
کولیسنکوف نے بتایا کہ وزارت نے ملک میں الیکٹرک کاروں کی تیاری اور استعمال کے تصور کا مسودہ تیار کرتے ہوئے اسے منظوری کے لئے پیش کردیا ہے، اس تصور کا تخمینہ 850 بلین روبل ((11.5 بلین) ہے۔
یہ بھی پڑھیں: روس کی پہلی تیار کردہ الیکٹرک کار مارکیٹ میں فروخت کے لیے کب دستیاب ہوگی؟
روسی وزارت اقتصادی ترقی کے ڈائریکٹر کا کہنا تھا کہ اس سنگ میل کے بعد روس میں ٹرانسپورٹ گاڑیوں کی کل پیداوار میں الیکٹرک کاروں کا حصہ 10 فیصد تک پہنچ سکتا ہے۔
کولیسنکوف کا کہنا تھا کہ ہم سمجھتے ہیں کہ روس میں الیکٹرک کاروں کی پیداوار اور اس تصور کے نفاذ سے ملک میں ایک نیا تکنیکی شعبہ تشکیل پائے گا اور الیکٹرک کاروں کی پیداوار ہوسکے گی۔
پولیس کا کہنا ہے کہ حملہ آوروں کی تعداد دو ہے ، جو وقفے وقفے سے فائرنگ کررہے ہیں جبکہ اسکول سے دھماکے کی آواز بھی سنائی دی گئی ہے، پولیس نے اسکول میں داخل ہوکر سرچ آپریشن شروع کیا اور ایک حملہ آور کو حراست میں لے لیا ہے جبکہ دوسرے حملہ آور اسکول کے احاطے میں ہی موجود ہے ، جسے گرفتار کرنے کے لئے سرچ آپریشن کیا جارہا ہے۔
