ARYNews.tv | Urdu – Har Lamha Bakhabar

Tag: Russia

  • فیفا ورلڈ کپ 2018: بیلجیئم اور تیونس نے اپنے میچز جیت لیے

    فیفا ورلڈ کپ 2018: بیلجیئم اور تیونس نے اپنے میچز جیت لیے

    ماسکو: فیفا ورلڈ کپ 2018 کے آج کھیلے جانے والے میچز میں بیلجیئم اور تیونس نے میدان مار لیا۔

    تفصیلات کے مطابق روس میں جاری فیفا ورلڈ کپ میں آج بیلجیئم کا مقابلہ انگلینڈ سے ہوا جبکہ تیونس اور پاناما کی ٹیمیں مدمقابل آئیں۔

    بیلجیئم اور انگلینڈ کے درمیان کھیلے جانے والے میچ میں بیلجیئم نے مخالف ٹیم کو صفر کے مقابلے میں ایک گول سے ہرایا جبکہ دوسری جانب تیونس کی ٹیم نے پاناما کو دو کے مقابلے میں ایک گول سے شکست دے دی۔

    اس کھیل کے بعد گروپ جی سے بیلجیئم اور انگلینڈ کی ٹیمیں اگلے مرحلے میں پہنچ گئیں، فیفا ورلڈ کپ کے پری کوارٹر فائنلز میں بیلجیئم کا مقابلہ جاپان جبکہ انگلینڈ کا مقابلہ کولمبیا سے ہوگا۔

    فیفا ورلڈ‌ کپ 2018: کولمبیا اور جاپان کے مداحوں‌ کے لیے خوش خبری

    قبل ازیں آج گروپ ایچ میں‌ کولمیبا سینگال، جبکہ پولینڈ جاپان کے مدمقابل آئی، دونوں ہی میچ انتہائی اہم تھے۔

    میچ میں دونوں‌ ٹیموں‌ نے اچھے کھیل کا مظاہرہ کیا، سینگال کی دفاعی لائن کولبمیا کے لیے رکاوٹیں کھڑی کرتی رہیں، مگر آخر کار کولمبیا گول کرنے میں کامیابی رہی، کولمبیا نے برتری میچ کے آخر تک برقرار رکھی، یوں‌ چھ پوائنٹ کے ساتھ دوسرے مرحلے تک رسائی پا لی۔

    بعد ازاں گروپ ایچ ہی کے ایک مقابلے میں جاپان اور پولینڈ مدمقابل آئیں، میچ میں جاپان کو فیورٹ تصور کیا جا رہا تھا، جس کے پاس چار پوائنٹس تھے، مگر پولینڈ نے شان دار کھیل کا مظاہرہ کیا، پولینڈ کی ٹیم نے دوسرے ہاف میں گول کرکے برتری حاصل کی، جو آخر تک برقرار رہی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ 2018: ارجنٹینا اور کروشیا نے اپنے میچز جیت لیے

    فیفا ورلڈ کپ 2018: ارجنٹینا اور کروشیا نے اپنے میچز جیت لیے

    ماسکو: روس میں کھیلے جانے والے فیفا ورلڈ کپ 2018 میں آج ارجنٹینا نے نائیجیریا جبکہ کروشیا نے آئس لینڈ کو شکست دے دی۔

    تفصیلات کے مطابق فٹبال کے میگا ایونٹ میں سنسی خیز مقابلے جاری ہیں، آج کھیلے جانے والے میچز میں ارجنٹینا نے نائیجیریا کو ایک کے مقابلے میں دو گول سے شکست دی جس کے بعد ارجنٹینا کی ٹیم پری کوارٹر فائنل میں پہنچ گئی۔

    گروپ ڈی کے دوسرے میچ میں کروشیا نے آئس لینڈ کو 1-2 سے ہرا دیا، گروپ ڈی سے کروشیا اور ارجنٹینا کی ٹیمیں اگلے مرحلے میں پہنچ گئیں جبکہ نائیجیریا اور آئس لینڈ کی ٹیمیں ورلڈکپ سے باہر ہوگئیں۔

    قبل ازیں عالمی مقابلوں میں آج گروپ سی کے دو اہم میچز بھی ہوئے، جن میں پیرو اور آسٹریلیا، جب کہ فرانس اور ڈنمارک مدمقابل آئیں۔

    فیفا ورلڈ کپ 2018: پیرو نے آسٹریلیا کو ٹھکانے لگا دیا، فرانس اور ڈنمارک کا میچ برابر

    میچ سے قبل آسٹریلیا کے پاس ایک پوائنٹ تھا، جب کہ پیرو گروپ میں آخری نمبر پر تھی، آسٹریلیا کی ٹیم جیت کی امید کے ساتھ میدان میں اتری البتہ پیرو کے کھلاڑیوں نے اپنی بھرپور صلاحیتوں کا اظہار کیا۔

    پیرو نے آسٹریلیا کی پوسٹ پر متعدد حملے کیے اور دو گول داغنے میں کامیاب رہے، یوں آسٹریلیا کو آخری پوزیشن پر اکتفا کرنا پڑا۔

    گروپ سی کی ٹاپ ٹیم اور سابق چیمپین فرانس کا سامنا ڈنمارک سے ہوا، تو تجزیہ کار فرانس کو فیورٹ قرار دے رہے تھے، مگر ڈنمارک نے کانٹے دار مقابلہ کیا۔

    میچ میں دونوں ٹیموں نے اچھے پاسز کیے اور ایک دوسرے کی پوسٹ پر اٹیک کیے، مگر دونوں ٹیمیں نوئے منٹ تک گول کرنے میں ناکام رہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شام میں کسی بھی نئی کشیدگی کا ذمہ دار روس ہوگا، امریکا

    شام میں کسی بھی نئی کشیدگی کا ذمہ دار روس ہوگا، امریکا

    واشنگٹن: امریکا نے روس کو خبردار کیا ہے کہ وہ شام میں اپنے اتحادی بشارالاسد کو جنوب مغربی شام میں کشیدگی روکنے کی پاسداری کا پابند کرائے ورنہ کشیدگی کا ذمہ دار روس ہوگا۔

    غیر ملکی خبررساں ادارے کے مطابق اقوام متحدہ میں امریکی خاتون سفیر نکی ہیلی نے کہا ہے کہ بشارالاسد کی جانب سے جنوب مغربی شام میں کشیدگی نہ بڑھانے کے معاہدے کی سختی سے پابندی کرنا ہوگی، توقع ہے کہ روس کشیدگی کم کرنے میں اپنا کردار ادا کرے گا۔

    نکی ہیلی نے کہا کہ روس پر زور دیا ہے کہ وہ اپنے اتحادی اسد رجیم کو جنوب مغربی شام میں محاذ آرائی کی صورت حال پیدا کرنے سے روکے ورنہ اس کے خطرناک نتائج سامنے آسکتے ہیں۔

    واضح رہے کہ بشارالاسد حکومت نے جنوب مغربی شام کے شہر درعا پر بمباری شروع کی ہے، گزشتہ روز باغیوں کے زیر کنٹرول درعا گورنری میں اسد رجیم کی بیرل بموں سے کی گئی بمباری پر یورپی یونین کی جانب سے شدید ردعمل ظاہر کیا گیا تھا۔

    خیال رہے کہ شامی فوج کی حالیہ کارروائیوں بالخصوص تین دن سے جاری بمباری کے بعد درعا میں 12 ہزار افراد نقل مکانی پر مجبور ہوئے ہیں جبکہ اقوام متحدہ کے اعداد و شمار کے مطابق درعا اور اس کے مضافات میں شامی فوج کے آپریشن کے نتیجے میں ساڑھے سات لاکھ افراد کی زندگیاں خطرے میں ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکی صدر کی ولادی میر پیوٹن سے ملاقات کی راہ ہموار ہوسکتی ہے: مائیک پومپیو

    امریکی صدر کی ولادی میر پیوٹن سے ملاقات کی راہ ہموار ہوسکتی ہے: مائیک پومپیو

    واشنگٹن: امریکا کے وزیر خارجہ مائیک پامپیو نے کہا ہے کہ امریکی قومی سلامتی کے مشیر جان بولٹن جلد روس کا دورہ کریں گے جس سے صدر ٹرمپ اور روسی صدر کی ملاقات کے لیے راہیں ہموار ہوں گی۔

    ان خیالات کا اظہار انہوں نے امریکی میڈیا کو انٹرویو دیتے ہوئے کیا، امریکی وزیر خارجہ مائیک پومپیو کا کہنا تھا کہ انہیں امید ہے کہ قومی سلامتی کے امریکی مشیر جان بولٹن کا دورہ ماسکو امریکی اور روسی صدور کی ملاقات کی راہ ہم وار کر دے گا جس سے دونوں رہنماؤں میں قربتیں بڑھیں گی۔

    پوچھے گئے ایک سوال پر پومپیو کا کہنا تھا کہ امریکی صدر روس کا دورہ کریں گے یا نہیں اس کا مجھے علم نہیں التبہ میں جلد امریکی صدر اور روسی ہم منصب کے درمیان ملاقات دیکھ رہا ہوں۔

    ڈونلڈ ٹرمپ کی روسی صدر سے ملاقات کے لیے نئی حکمت عملی تیار

    قبل ازیں روسی میڈیا نے حکومتی ذرائع کے حوالے سے کہا تھا کہ امریکی صدر ڈونلڈ ٹرمپ اور ان کے روسی ہم منصب ولادی میرپیوٹن کے درمیان برسلز میں نیٹو سربراہی اجلاس سے قبل ملاقات کا کوئی امکان نہیں ہے۔

    عالمی ذرائع کا کہنا ہے کہ موجودہ صورت حال کے پیش نظر یہی لگتا ہے کہ امریکی صدر اگلے ماہ یورپ میں ولادی میر پیوٹن سے ملاقات کریں گے جس کے لیے دونوں ممالک کی جانب سے اقدامات کیے جارہے ہیں۔

    وائٹ ہاؤس میں میڈیا سے گفتگو کرتے ہوئے امریکی صدر ڈونلڈ ٹرمپ نے کہا تھا کہ روسی صدر سے ملاقات کے امکانات ہیں جبکہ ابھی تک حتمی فیصلہ نہیں کیا گیا، ہوسکتا ہے جولائی میں ملاقات کریں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فیفا ورلڈ کپ 2018: سوئٹزر لینڈ کے ہاتھوں سربیا کو شکست

    فیفا ورلڈ کپ 2018: سوئٹزر لینڈ کے ہاتھوں سربیا کو شکست

    ماسکو: فیفا ورلڈ کپ 2018 کے آج کھیلے جانے والے میچ میں سوئٹزر لینڈ نے سربیا کو دو ایک سے شکست دے دی۔

    تفصیلات کے مطابق روس میں منعقدہ فٹ بال کا عالمی میلہ اپنی تمام حشر سامانیوں کے ساتھ جاری ہے، اب تک کئی بڑے برج الٹ چکے ہیں جبکہ آج کے دن کھیلنے جانے والے تیسرے میچ میں سوئٹزر لینڈ نے سربیا کو 1-2 سے شکست دے دی۔

    قبل ازیں فیفا ورلڈ کپ کے پہلے میچ میں ٹورنامنٹ کی فیورٹ برازیل نے ایک سنسنی خیز، اعصاب شکن مقابلے کے بعد کوسٹاریکا کو شکست دی۔

    میچ میں کوسٹاریکا نے شان دار دفاعی کھیل پیش کیا، 90 منٹ پورے ہونے تک برازیل کے اسٹار کھلاڑی گول داغنے میں ناکام رہے۔ اضافی وقت میں کوسٹاریکا کی دفاعی لائن میں دراڑ پڑی، آخر کار کوٹینہیو گول کرنے میں کامیاب رہے، چند منٹ بعد نیمارجونیئر نے گول کرکے برازیل کی فتح پر تصدیق کی مہر ثبت کر دی۔

    فیفا ورلڈ کپ 2018: برازیل نے کوسٹاریکا، نائیجیریا نے آئس لینڈ کو ٹھکانے لگا دیا

    میگا ایونٹ کے دوسرے میچ میں گروپ ڈی کے نائیجیریا نے آئس لینڈ کو دو صفر سے شکست دے کر پہلی فتح‌ اپنے نام کر لی، میچ کا پہلا ہاف صفر صفر سے برابر رہا، مگر دوسرے ہاف میں نائیجیرین کھلاڑیوں‌ نے عمدہ کھیل کا مظاہرہ کرتے ہوئے برتری حاصل کر لی، دونوں گول فارورڈ موسیٰ نے کیے۔

    واضح رہے کہ آئس لینڈ کی ٹیم ارجنٹینا سے اپنا اولین میچ برابر کرنے میں‌ کامیاب رہی تھی، جب کہ نائیجیریا کو کروشیا کے ہاتھوں‌ شکست کا سامنا کرنا پڑا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ڈونلڈ ٹرمپ کی روسی صدر سے ملاقات کے لیے نئی حکمت عملی تیار

    ڈونلڈ ٹرمپ کی روسی صدر سے ملاقات کے لیے نئی حکمت عملی تیار

    واشنگٹن: امریکی صدر ڈونلڈ ٹرمپ کی اپنے روسی ہم منصب ولادی میر پیوٹن سے ملاقات کے لیے نئی حکمت عملی تیار کی جانے لگی۔

    تفصیلات کے مطابق روسی صدر ولادی میر پیوٹن کو راضی کرنے کے لیے کہ وہ ڈونلڈ ٹرمپ سے ملاقات کریں امریکی قومی سلامتی کے مشیر جان بولٹن اب روس جائیں گے۔

    امریکی نشریاتی ادارے نے یہ دعویٰ کیا ہے کہ اگلے ہفتے جان بولٹن روس کا دورہ کریں گے جس کا مقصد روسی صدر اور امریکی صدر کی ممکنہ ملاقات کے لیے راہیں ہموار کرنا ہے۔

    امریکی میڈیا کا کہنا تھا کہ دورے کے حوالے سے روسی حکام کی جانب سے بھی تصدیق کی جاچکی ہے البتہ امریکی قومی سلامتی کے مشیر کے دورے سے متعلق حتمی تاریخ کا اعلان فی الحال نہیں کیا گیا۔

    روس پرمزید اقتصادی پابندیاں،امریکا روس کی کوئی سردجنگ نہیں، اوباما

    عالمی ذرائع کا کہنا ہے کہ موجودہ صورت حال کے پیش نظر یہی لگتا ہے کہ امریکی صدر اگلے ماہ یورپ میں ولادی میر پیوٹن سے ملاقات کریں گے جس کے لیے دونوں ممالک کی جانب سے اقدامات کیے جارہے ہیں۔

    وائٹ ہاؤس میں میڈیا سے گفتگو کرتے ہوئے امریکی صدر ڈونلڈ ٹرمپ نے کہا تھا کہ روسی صدر سے ملاقات کے امکانات ہیں جبکہ ابھی تک حتمی فیصلہ نہیں کیا گیا، ہوسکتا ہے جولائی میں ملاقات کریں۔

    امریکا کا موازنہ روس اور چین سے کیا جائے تو غلط نہ ہوگا، ڈونلڈ ٹسک

    قبل ازیں ولادی میر پیوٹن اور ڈونلڈ ٹرمپ گذشتہ سال دو بار غیر رسمی ملاقات کرچکے ہیں، پہلی ملاقات جرمنی میں منعقدہ اکنامک کانفرنس میں ہوئی جبکہ دوسری ملاقات ایشیائی ملک ویت نام میں ہوئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بلیو وھیل ویڈیو گیم کا ماسٹر مائنڈ روس سے گرفتار

    بلیو وھیل ویڈیو گیم کا ماسٹر مائنڈ روس سے گرفتار

    ماسکو: قاتل گیم بلیو وھیل کا ماسٹر مائنڈ قانون کے شکنجے میں آگیا، روس کی پولیس نے اس کی تصاویر اور شناخت جاری کردی، 22 سالہ شخص کا نام نکیتا نیارونوف ہے۔

    تفصیلات کے مطابق قاتل گیم بلیو وھیل کے ماسٹر مائنڈ کو روس سے گرفتار کرلیا گیا ہے، روسی پولیس کا کہنا ہے کہ نکیتا کو ایک سال قبل گرفتار کیا گیا لیکن اسے اب ظاہر کیا گیا ہے۔

    روسی پولیس کے مطابق 22 سالہ ملزم نے ابھی تک اقبال جرم نہیں کیا ہے، نکیتا اپنے دفاع میں دلیل پیش کرتا ہے کہ اس نے ان لڑکیوں کی مدد کی ہے جو اس دنیا سے ناامید ہوچکی تھیں۔

    نکیتا نیارونوف ماسکو کے نواحی علاقے کا رہائشی ہے اور اپنے گھر سے ہی گیم کو آپریٹ کرتا تھا، وہ سماجی رابطے کی ویب سائٹس کے ذریعے نوجوان لڑکے لڑکیوں سے رابطے کرتا اور انہیں خودکشی پر اکساتا اور وہ آخرکار اپنی زندگی کا خاتمہ کرلیتے۔

    نکیتا 40 کم عمر لڑکیوں کو ٹارگٹ کرچکا ہے، پولیس کے مطابق اگر ملزم نے اقبال جرم کرلیا تو اسے چھ سال قید کی سزا کا سامنا کرنا پڑسکتا ہے۔

    واضح رہے بلیو وھیل گیم 50 دنوں پر مشتمل تھا، گیم کھیلنے والوں کو مختلف ٹاسک دئیے جاتے تھے، جن میں ہارر موویز دیکھنا، سنسان جگہ پر جانا اور آخری ٹاسک عمارت سے چھلانگ لگا کر اپنی زندگی کا خاتمہ کرنا ہوتا تھا۔

    خیال رہے کہ چند ماہ قبل دبئی میں رہائش پذیر دو فلپائنی طلبا نے بھی قاتل گیم کا ٹاسک پورا کرنے کے لیے خودکشی کرلی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • روس : فٹبال ورلڈ کپ کی لائیو کوریج کے دوران خاتون صحافی ہراساں

    روس : فٹبال ورلڈ کپ کی لائیو کوریج کے دوران خاتون صحافی ہراساں

    ماسکو : روس میں فٹبال ورلڈ 2018 کی برائے راست نشریات کے دوران اوباش نوجوان کی جانب سے خاتون صحافی کو ہراساں کرنے پر دنیا بھر میں تنقید کا نشانہ بنایا جارہا ہے۔

    تفصیلات کے مطابق روس میں جاری فٹبال رولڈ کپ 2018 کے دوران جرمن نشریاتی ادارے سے تعلق رکھنے والی خاتون صحافی جولیتھ گونزالیس تھیران کو فٹبال مقابلوں کی برائے راست کوریج کے دوران اوباش نوجوان رخسار پر بوسہ دے کر فرار ہوگیا۔

    غیر ملکی خبر رساں ادارے کا کہنا تھا کہ جرمن نشریاتی ادارے کے لیے رپورٹنگ کرنے والی خاتون صحافی نے نوجوان کی بہودہ حرکت پر جذباتی ہونے کے بجائے خود پر قابو رکھا تاہم خاتون صحافی کو جنسی طور پر ہراساں کرنے کا منظر دنیا بھر برائے راست دیکھا گیا۔

    روس میں فٹبال کے مداح کی جانب سے ہراساں کیے جانے کے بعد خاتون صحافی نے سماجی رابطے کی ویب سایٹ انسٹا گرام پر دیئے گئے ویڈیو پیغام میں کہا کہ ’خواتین صحافیوں کو عزت دیں‘۔

    جرمن نشریاتی ادارے ڈچ ویل سے منسلک خاتون صحافی کا کہنا تھا کہ ’میں فٹبال ورلڈ کپ کے دوران کھیلے جانے والے میچز کی برائے راست رپورٹ دینے کے لیے گذشتہ دو گھنٹے سے تیاری کر رہی تھی لیکن کسی نے ایسی نازیبا حرکت نہیں کی۔

    جولیتھ گونزالیس نے کہا کہ ’جب برائے راست نشریات کا آغاز ہوا تو اوباش نوجوان نے موقع سے فائدہ اٹھاتے ہوئے میرے رخسار پر بوسہ لیا اور فرار ہوگیا‘۔

    غیر ملکی خبر رساں ادارے کے مطابق خاتون صحافی جولیتھ گونزالیس کو ہراساں کرنے کا واقعہ روس کے شہر سارانسک میں جمعے کے روز پیش آیا تھا۔

    جولیتھ گونزالیس کا اپنے پیغام میں کہنا تھا کہ ’میرے ساتھ روس میں جو نازیبا حرکت ہوئی وہ ہرگز قابل برداشت نہیں، خواتین صحافی مردوں کے شانہ بشانہ پیشہ ورانہ صحافتی امور انجام دے رہی ہیں اور برابری کے حقوق کی حق دار ہیں‘۔

    ان کا مزید کہنا تھا کہ ’تمام ممالک کے شہری فٹبال ورلڈ کا جشن منارہے ہیں لیکن اپنی حدود کا تعین کرتے ہوئے ایک دوسرے کی عزت اور احترام کا بھی خیال رکھیں‘۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فٹبال ورلڈ کپ 2018: انگلینڈ کے مداحوں کی یہودی مخالف گانے کی ویڈیو وائرل

    فٹبال ورلڈ کپ 2018: انگلینڈ کے مداحوں کی یہودی مخالف گانے کی ویڈیو وائرل

    ماسکو : روس میں جاری عالمی فٹبال کپ 2018 کے دوران انگلینڈ کے حامیوں کی جانب سے مذہبی منافرت پر مبنی گانا گانے کی ویڈیو سوشل میڈیا پر وائرل ہوگئی۔

    تفصیلات کے مطابق روس میں جاری فٹبال ورلڈ کپ 2018 کے دوران انگلینڈ کے مداحوں کی جانب سے نسل پرستی پر مبنی گیت کی بنائی گئی ویڈیو سوشل میڈیا پر وائرل ہوگئی۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ انگلینڈ فٹبال ٹیم کے مداح مبینہ طور پر یہودیت مخالف اور جرمنی کے سابق ڈیکٹیٹر ایڈ ولف ہٹلر کی حمایت میں کھڑے ہوکر گانے گا رہے ہیں۔

    غیر ملکی خبر رساں ادارے کا کہنا تھا کہ روس میں جاری فٹبال ورلڈ کپ کے دوران یہودی مخالف گیت گانے کا مقصد ٹوٹنہیم فٹبال کلب کے یہودی مداحوں کی توہین کرنا تھا، جنہیں اکثر نسل پرستوں کی جانب سے بدسلوکی کا سامنا کرنا پڑتا ہے۔

    غیر ملکی میڈیا کے مطابق پیر کے روز انگلینڈ کی جانب سے تیونس کو 2، 1 سے شکست دینے کے بعد سوشل میڈیا پر وائرل ہونے والی نفرت انگیزی پر مبنی ویڈیو سامنے آئی تھی۔

    خیال رہے کہ گروپ جی میں تیونس کے خلاف کھیلے گئے میچ میں سابق عالمی چیمپین انگلینڈ کو موجودہ کپتان ہیری کین کی جانب سے داغے گئے گولوں نے فتح سے ہمکنار کیا تھا۔

    یہودی مخالف افکار پر مبنی ویڈیو کو روس کے علاقے ولگوگریڈ میں واقع’گیلریریا پب‘ میں فلمایا گیا ہے جہاں فٹبال ورلڈ کپ کے میچز کھیلے جارہے ہیں۔

    غیر ملکی میڈیا کا کہنا تھا کہ انگلینڈ فٹبال ٹیم کے مداحوں کی جانب سے ٹورنامنٹ کے دوران تاحال اچھی اخلاقیات کا مظاہرہ کیا جارہا ہے اور انہوں نے دیگر ٹیموں کے حامیوں کے ساتھ بھی اچھا رویہ اختیار کیا ہوا ہے۔

    گروپ جی کے شیڈول کے مطابق انگلینڈ کی ٹیم اتوار کے روز پانامہ کے خلاف میدان میں اترے گی۔ انگلینڈ اور پانامہ کی ٹیموں کا میچ سہ پہر 3 بجے نیزنے نوگروڈ اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ کے چھٹے روز جاپان، سینیگال اور روس نے اپنے اپنے میچز جیت لیے

    فیفا ورلڈ کپ کے چھٹے روز جاپان، سینیگال اور روس نے اپنے اپنے میچز جیت لیے

    ماسکو: فیفا ورلڈ کپ کے چھٹے روز جاپان، سینیگال اور روس نے اپنے اپنے میچز جیت لیے جبکہ کولمبیا، پولینڈ اور مصر کو شکست کا سامنا کرنا پڑا۔

    تفصیلات کے مطابق روس میں جاری فیفا ورلڈ کپ 2018 میں سنسنی خیز مقابلے اور بڑے اپ سیٹ کا سلسلہ جاری ہے، ورلڈ کپ میچز میں آج جاپان اور کولمبیا کی ٹیمیں مدمقابل آئیں، سینیگال کا مقابلہ پولینڈ سے ہوا اور آخری میچ میں روس اور مصر کی ٹیمیں آمنے سامنے تھیں۔

    میگا ایونٹ کے چھٹے روز پہلے میچ میں جاپان نے کولمبیا کو غیر متوقع طور پر دو ایک سے شکست دیدی جس کے بعد جاپان ورلڈ کپ میں جنوبی امریکن ٹیم (کولمبیا) کو ہرانے والی پہلی ایشین ٹیم بن گئی۔

    فٹبال ورلڈ کپ : انگلینڈ نے تیونس کو ایک، دو سے شکست دے دی

    دوسرے میچ میں سینیگال نے پولینڈ کو ایک کے مقابلے دو گول سے اپ سیٹ شکست دی، سینیگال کی ٹیم نے عمدہ کارکردگی کا مظاہر کیا جس کے باعث جیت ان کی مقدر بنی۔

    ورلڈ کپ کے چھٹے روز کھیلے جانے والے تیسرے اور آخری میچ میں میزبان روس نے فتح کا سلسلہ جاری رکھتے ہوئے مصر کو ایک کے مقابلے میں تین گول سے ہرادیا، اسٹار فٹبالر محمد صلاح نے مصر کی جانب سے واحد گول کیا۔

    واضح رہے کہ فٹبال ورلڈ کپ کے پانچویں روز بھی سنسنی خیز مقابلے ہوئے، گذشتہ روز ہونے والے تیسرے میچ میں انگلینڈ نے تیونس کو دو گول سے شکست دے دی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔