ARYNews.tv | Urdu – Har Lamha Bakhabar

Tag: shafqat mehmood

  • شفقت صاحب ! اب بھی وقت ہے بچوں پر ترس کھالیں، عاصم اظہر کی اپیل

    شفقت صاحب ! اب بھی وقت ہے بچوں پر ترس کھالیں، عاصم اظہر کی اپیل

    کراچی : پاکستان کے نامور گلوکار عاصم اظہر نے ملک میں کورونا کی موجودہ صورتحال پر وفاقی وزیرِ تعلیم شفقت محمود کو مخاطب کرتے ہوئے کہا ہے کہ ابھی بھی وقت ہے بچوں پر ترس کھالیں۔

    سماجی رابطے کی ویب سائٹ ٹوئٹر پر نوجوان گلوکار عاصم اظہر کی جانب سے وفاقی وزیرِ تعلیم شفقت محمود کے امتحانات کے حوالے سے حالیہ بیان پر ردعمل سامنے آگیا۔

    عاصم اظہر نے اپنے پیغام میں وفاقی وزیرِ تعلیم شفقت محمود سے مخاطب ہوتے ہوئے کہا ہے کہ ابھی بھی وقت ہے، بچوں پر ترس کھالیں۔

    ایک اور ٹوئٹ میں انہوں نے سوالیہ انداز میں شفقت محمود سے مخاطب ہوتے ہوئے کہا کہ اگر طلباء کمرۂ امتحان سے اپنے گھر کورونا وائرس لے کر گئے تو اُس کا ذمہ دار کون ہوگا؟

    عاصم اظہر کے ان پیغامات پر طلباء و طالبات کی بڑی تعداد ان کی حمایت کرتی ہوئی نظر آرہی ہے جس میں ان کا کہنا ہے کہ تمام تعلیمی ادارے بند کرکے امتحانات آن لائن لینے چاہئیں۔

    واضح رہے کہ وفاقی وزیرِ تعلیم شفقت محمود نے گزشتہ روز اپنے بیان میں کہا تھا کہ اے لیول، او لیول، اے ایس، آئی جی سی ایس ای کے امتحانات شیڈول کے مطابق ہوں گے جبکہ نویں سے بارہویں جماعت کے امتحانات نئی تاریخوں کے تحت ہوں گے، امتحانات کی نئی تاریخوں کا اعلان متعلقہ بورڈ کریں گے۔

    شفقت محمود نے کہا تھا کہ امتحانات کا نیا شیڈول مدِنظر رکھتے ہوئے یونیورسٹیز میں داخلے کیئے جائیں گے، متاثرہ اضلاع کی یونیورسٹیز میں آن لائن کلاسیں جاری رہیں گی۔

    وفاقی وزیرِ تعلیم نے کہا تھا کہ 8 فیصد سے کم کیسز والے اضلاع میں یونیورسٹیاں کھول دی جائیں گی۔ اُن کا مزید کہنا تھا کہ کورونا وائرس کے پھیلاؤ کے خدشے کے پیشِ نظر حکومت نے ملک بھر میں پہلی سے آٹھویں جماعت تک اسکول عید الفطر تک بند رہیں گے۔

  • میٹرک اورانٹرمیڈیٹ کے امتحانات کب ہوں گے؟ حکومت کا بڑا اعلان

    میٹرک اورانٹرمیڈیٹ کے امتحانات کب ہوں گے؟ حکومت کا بڑا اعلان

    اسلام آباد: حکومتِ پاکستان نے میٹرک اورانٹرمیڈیٹ کے امتحانات مئی کے آخری ہفتے میں لینے اور کورونا سے متاثرہ اضلاع میں تعلیمی ادارے 28 اپریل تک بند رکھنے کا فیصلہ کرلیا۔

    تفصیلات کے مطابق وفاقی وزیر اسد عمر کی زیر صدارت این سی او سی کا تعلیمی اداروں سے متعلق اہم اجلاس ہوا ، اجلاس میں وزرائے تعلیم ، صحت اور این سی او سی حکام شریک ہوئے جبکہ صوبائی وزرائے تعلیم و صحت نے ویڈیو لنک کے ذریعے شرکت کی۔

    اجلاس میں امتحانات کی صورتحال کا جائزہ لیا گیا اور تعلیمی اداروں سے متعلق مشاورت کی گئی۔

    اجلاس کے بعد وفاقی وزیر تعلیم شفقت محمود نے پریس کانفرنس کرتے ہوئے کہا این سی اوسی نے اولیول کے امتحانات شیڈول کے مطابق کرانے جبکہ میٹرک اورانٹرمیڈیٹ کے امتحانات مئی کے تیسرے ہفتے میں لینے کا فیصلہ کیا ہے۔

    شفقت محمود نے کورونا سے متاثرہ اضلاع میں یکم سے 8ویں جماعت تک کلاسز بند رکھنے کا اعلان کرتے ہوئے کہا جہاں کورونا کیسز زیادہ ہیں ان اضلاع میں 28 اپریل تک کلاسز نہیں ہوں گی۔

    ان کا کہنا تھا کہ متاثرہ اضلاع میں یونیورسٹیز بھی بند رہے گی تاہم آن لائن کلاسز جاری رہیں گی، یونیورسٹیز سے درخواست کی جائےگی کہ انٹری امتحانات آگے کریں۔

    وفاقی وزیر نے مزید کہا کہ سندھ نے بھی یکم سے 8ویں جماعت تک کلاسز بند رکھنے کااعلان کیاہے تاہم 28اپریل کو تعلیمی اداروں کی صورتحال پر دوبارہ مشاورت ہوگی ، جس میں تعلیمی ادارے عید تک بند رکھنے کا فیصلہ کیا جائے گا۔

    شفقت محمود کا کہنا تھا کہ9 ، 11،10 اور12ویں کی کلاسز سخت ایس اوپیز کیساتھ 19اپریل سے جاری رہیں گی تاہم میٹرک اورانٹرمیڈیٹ کے امتحانات مئی کےتیسرے ہفتے سے پہلے شروع نہیں ہوں گے ، پچھلےسال 9ویں سے 12ویں تک بچوں کو پچھلے سال کی بنیاد پر پاس کیا تھا۔

    وفاقی وزیر نے کہا کہ پنجاب نے 4مئی کو امتحانات کا اعلان کررکھا ہے جسے آگےبڑھایا جائے گا، امتحانات کچھ جگہ جون یا پھر جولائی میں بھی ہوں گے۔

    کیمرج اسکول سسٹم کے حوالے سے ان کا مزید کہنا تھا کہ اے اوراو لیول میں بچوں کی تعدادکم ہے ، 26اپریل کو تقریباً 4ہزار بچے اے اور او لیول کے امتحانات دیں گے، امتحانات ایس او پی کے ساتھ ہوں گے۔

    وزیر تعلیم نے کہا کہ دنیا کے80فیصد ممالک میں امتحانات ہورہےہیں، بچے اپنےامتحانات کی بھرپور تیاری جاری رکھیں، ہماری نظر میں صرف بچوں کی صحت اور مستقبل اہم ہے۔

  • حکومت کا تعلیمی ادارے بند کرنے اور بورڈ امتحانات کے حوالے سے بڑا اعلان

    حکومت کا تعلیمی ادارے بند کرنے اور بورڈ امتحانات کے حوالے سے بڑا اعلان

    اسلام آباد : وفاقی وزیر تعلیم شفقت محمود نے پنجاب ، خیبر پختونخوااورآزاد کشمیر کے مخصوص علاقوں میں تعلیمی ادارے گیارہ اپریل تک بند رکھنے کا اعلان کرتے ہوئے کہا آئندہ ہونیوالے بورڈزکےامتحانات شیڈول کے مطابق ہوں گے۔

    تفصیلات کے مطابق وفاقی وزیر تعلیم شفقت محمود نے اجلاس کے بعد پریس کانفرنس کرتے ہوئے کہا کہ وزرائے تعلیم کے اجلاس میں تفصیلی بحث ہوئی ، پنجاب کے بیشتر اضلاع بالخصوص لاہور میں کیسز کی صورتحال تشویشناک ہے جبکہ کےپی اور آزادکشمیر کے چند ضلع میں بھی صورتحال خراب ہے۔

    شفقت محمود کا کہنا تھا کہ سندھ اور بلوچستان میں صورتحال کنٹرول میں ہے تاہم 11اپریل تک مخصوص اضلاع میں تعلیمی ادارے مزید بند رہیں گے اور صوبائی حکومتیں فیصلہ کریں گی کن اضلاع میں تعلیمی ادارے بند کرنے ہیں۔

    کورونا کے پھیلاؤ کے حوالے سے وفاقی وزیر نے کہا کہ پنجاب کےبعض اضلاع خصوصاً لاہور میں کورونا کا پھیلاؤ تشویشناک ہے اور خیبرپختونخوا کے کچھ اضلاع میں بھی کورونا کا پھیلاؤ ہے، تعلیمی ادارے اساتذہ کو اس دوران کام کیلئے اسکول بلاسکتے ہیں، تعلیمی ادارے بند ہونےسے بچوں کا نقصان ہوتاہے۔

    انھوں نے اسلام آباد میں 11اپریل تک تمام تعلیمی ادارے بند رکھنے کا اعلان کرتے ہوئے کہا صوبائی حکومت کو اختیار ہے کہ وہ متعلقہ اضلاع میں اسکول بند کرسکیں۔

    بورڈز امتحانات سے متعلق شفقت محمود کا کہنا تھا کہ آئندہ ہونیوالے بورڈز کے امتحانات شیڈول کے مطابق مئی کے آخر میں ہوں گے۔

    وفاقی وزیر نے مزید کہا کہ شکایت آئی ہیں کہ کچھ اکیڈمیز مکمل طورپر کھلی رہتی ہیں، قانون کی خلاف ورزی پر تعلیمی ادارے کو سیل کیاجائے گا ۔

    ان کا کہنا تھا کہ 7اپریل کو صورتحال کاجائزہ لیں گے ، ضرورت پڑنے پر اس سے پہلے بھی صورتحال کا جائزہ لیتے رہیں گے۔

  • کورونا کی تشویشناک صورتحال، پاکستان میں تعلیمی ادارے بند کرنے کے حوالے سے آج اہم فیصلہ ہوگا

    کورونا کی تشویشناک صورتحال، پاکستان میں تعلیمی ادارے بند کرنے کے حوالے سے آج اہم فیصلہ ہوگا

    اسلام آباد : ملک بھر میں کورونا کے بڑھتے ہوئے کیسز کے ساتھ صورتحال تشویشناک ہوتی جارہی ہے ، وفاقی وزیر تعلیم شفقت محمود کی زیر صدارت اجلاس میں تعلیمی ادارے کھلے رکھنے یا بند کرنے کا فیصلہ آج ہوگا۔

    تفصیلات کے مطابق نیشنل کمانڈ اینڈ آپریشن سینٹر کے تحت وزرائے تعلیم کانفرنس آج ہوگی ، جس کی صدارت وفاقی وزیر تعلیم شفقت محمودکریں گے۔

    کانفرنس میں محکمہ صحت کے وزرا،متعلقہ حکام شرکت کریں گے جبکہ چاروں صوبوں کےوزرائےتعلیم آن لائن شریک ہوں گے۔

    کانفرنس میں ملک بھر میں کورونا کی صورتحال کا جائزہ لیا جائے گا جبکہ صحت اور تعلیم کے حوالے سے تجاویزپیش کی جائیں کی ، جس کے بعد تعلیمی ادارے کھلے رکھنے یا بند کرنے کا فیصلہ کیا جائے گا۔

    یاد رہے دو روز قبل وفاقی وزیر تعلیم شفقت محمود نے پریس کانفرنس کرتے ہوئے کہا تھا کہ کوروناکی صورتحال میں ہم نے کئی اقدامات کئے، 24مارچ کو بنداسکولز کھولنے کا فیصلہ کیاجائے تاہم وزارت تعلیم کی خواہش ہے کہ تعلیمی ادارے کھلے رہیں۔

    شفقت محمود کا کہنا تھا کہ آن لائن میں وہ بات نہیں جیسےکلاسزمیں ہوتی ہے، آن لائن پڑھائی سے طالبعلم خوش نہیں ہے، اسکول بندکرنا بڑامشکل فیصلہ ہے۔

    تعلیمی ادارے بند کرنے سے متعلق شفقت محمود کا کہنا تھا کہ ہماری انتہائی کوشش ہے کہ تعلیمی ادارے بند نہ کریں ،محکمہ صحت والے دباؤڈالتے ہیں لیکن تعلیمی ادارے بند نہیں کرتے،این سی او سی کا خیال ہے اسکولوں میں کورونا کا بہت خطرہ ہے۔

    وزیر تعلیم نے کہا کہ 5کروڑ بچےتعلیم سےجڑے ہیں ،کوئی انفیکشن ہواتوپھیلےگا ہم نےکوشش کی جہاں مسئلہ نہیں وہاں اسکول کھولیں رکھیں۔

  • یکم فروری سے تعلیمی ادارے کھولنے کے حوالے سے بڑا اعلان

    یکم فروری سے تعلیمی ادارے کھولنے کے حوالے سے بڑا اعلان

    سکھر: وزیرتعلیم شفقت محمود نے یکم فروری سے پرائمری اسکول اوریونیورسٹیاں کھولنے کا اعلان کرتے ہوئے کہا کورونا کی وجہ سےتعلیم کا کافی نقصان ہوا ہے۔

    تفصیلات کے مطابق وفاقی وزیرتعلیم شفقت محمود نے اپنے بیان میں کہا ہے کہ یکم فروری سے پرائمری اسکول اوریونیورسٹیاں کھل جائیں گی، کورونا کی وجہ سےتعلیم کا کافی نقصان ہواہے۔

    شفقت محمود کا کہنا تھا کہ پاکستان میں کرپشن ہمیشہ سےچلتی رہی ہے، اب پاکستان میں ایساوزیراعظم ہےجس پرکوئی انگلی نہیں اٹھاسکتا ، احتساب ہوناباقی ہے جنہوں نے چوری کی ان سےحساب ہوگا۔

    وفاقی وزیرتعلیم نے مزید کہا کہ سندھ ہماراصوبہ ہےہم سندھ سے پیار کرتے ہیں، سکھرکے دورے کا مقصد ورثے کا جائزہ لینا ہے۔

    یاد رہے وفاقی وزیرتعلیم شفقت محمود نے ٹھٹھہ میں میڈیا سےگفتگو کرتے ہوئے کہا تھا کہ تمام صوبوں کےوزرایکم فروری سےتعلیمی ادارے کھولنے پر متفق ہیں، تمام تعلیمی ادارے یکم فروری کو کھل جائیں گے، ہم نے امتحانات اورتعلیمی سال کوبھی آگے بڑھا دیا ہے۔

  • یکم فروری سے تعلیمی ادارے کھلیں گے یا نہیں ؟ شفقت محمود کا اہم بیان آگیا

    یکم فروری سے تعلیمی ادارے کھلیں گے یا نہیں ؟ شفقت محمود کا اہم بیان آگیا

    ٹھٹھہ : وفاقی وزیرتعلیم شفقت محمود کا کہنا ہے کہ تمام تعلیمی ادارے یکم فروری کو کھل جائیں گے تاہم ہم نےامتحانات اورتعلیمی سال کوبھی آگے بڑھادیا ہے۔

    تفصیلات کے مطابق وفاقی وزیرتعلیم شفقت محمود نے ٹھٹھہ میں میڈیا سےگفتگو کرتے ہوئے کہا کہ تمام صوبوں کےوزرایکم فروری سےتعلیمی ادارے کھولنے پر متفق ہیں، تمام تعلیمی ادارے یکم فروری کو کھل جائیں گے، ہم نے امتحانات اورتعلیمی سال کوبھی آگے بڑھادیاہے۔

    شفقت محمود کا کہنا تھا کہ ہماری خواہش ہےسینیٹ انتخابات میں شفافیت نظرآئے، بدقسمتی سےبولی لگتی ہے،سینیٹ نشستیں خریدی جاتی ہیں، ن لیگ کوجب آئینہ دکھایا جاتا ہےتوانکواپنا مکروہ چہرہ نظرآتاہے، ن لیگ چاہتی ہے کسی طرح پھڈاڈالاجائے۔

    بڑاڈ شیٹ کے حوالے سے انھوں نے کہا کہ براڈشیٹ معاملے پرسپریم کورٹ کے ریٹائرڈ جج کا کمیشن بنایا، کمیشن بنایا ہے کہ وہ ان کودیکھے کس نے کیا کیا۔

    یاد رہے 15 جنوری کو این سی او سی کے اجلاس میں 9 ویں سے 12ویں تک کے تعلیمی ادارے 18جنوری سے کھولنے کا فیصلہ برقرار رکھتے ہوئے پہلی سے 8ویں جماعت تک اسکولز کھولنے کے فیصلے میں ایک ہفتے کی توسیع کردی تھی۔

    شفقت محمود نے کہا تھا کہ یکم سے 8ویں جماعت کے تعلیمی ادارے یکم فروری سے کھولنے کا فیصلہ کیا ہے جبکہ یونیورسٹیز اوردیگر تعلیمی ادارے بھی یکم فروری سے کھولیں گے۔

  • آن لائن امتحانات : شفقت محمود نے طلبا کو بڑی خوشخبری سنادی

    آن لائن امتحانات : شفقت محمود نے طلبا کو بڑی خوشخبری سنادی

    اسلام آباد : وفاقی وزیر تعلیم شفقت محمود کا کہنا ہے کہ امتحانات کے حوالے سے فیصلہ یونیورسٹیز نے کرنا ہے، وی سیز دیکھیں اس سال مخصوص حالات میں ممکن ہے تو آن لائن امتحانات کرالیں۔

    تفصیلات کے مطابق وفاقی وزیر تعلیم شفقت محمود نے سماجی رابطے کی ویب سائٹ ٹوئٹر پر آن لائن امتحانات کیلئے طلبا کے احتجاج پر اپنے پیغام میں کہا ہے کہ کچھ یونیورسٹیوں کےطلبہ آن لائن امتحانات کیلئےاحتجاج کررہےہیں، امتحانات کے حوالے سے فیصلہ یونیورسٹیز نے کرنا ہے، ایچ ای سی کو یونیورسٹیز کے وائس چانسلرزسے رابطے کا کہا ہے، وی سیز دیکھیں اس سال مخصوص حالات میں ممکن ہے تو آن لائن امتحانات کرالیں۔

    شفقت محمود کا کہنا تھا کہ یونیورسٹیزکودیکھناہےان کےپاس امتحان لینےکی صلاحیت بھی ہےیانہیں، یقینی بنایاجائےآن لائن امتحانات کوگریڈلینےکیلئےغلط استعمال نہ کیاجائے ، اچھے سوالنامے کی تیاری اہم ہے۔

    خیال رہے ملک میں ہزاروں کی تعداد میں طالب علم آن لائن امتحانات کا مطالبہ کررہے ہیں اور سراپا احتجاج ہے، طلبا کا کہنا ہے کہ امتحان کوآن لائن کیا جائے مطالبات نہ مانےتواحتجاج جاری رہےگا، کوروناوائرس کی وجہ سے کلاسزبند اور تعلیم متاثرہوئی۔

  • 11جنوری سےتعلیمی ادارے کھولنے کا اعلان،حکومت نے پرائیویٹ اسکولز کے وفد کو ملاقات کیلئے بلالیا

    11جنوری سےتعلیمی ادارے کھولنے کا اعلان،حکومت نے پرائیویٹ اسکولز کے وفد کو ملاقات کیلئے بلالیا

    اسلام آباد : وفاقی وزیر تعلیم شفقت محمود آج پرائیویٹ اسکولوں کے وفد سے ملاقات کریں گے ، پرائیویٹ اسکولزسپریم کونسل نے 11جنوری سےتعلیمی ادارے کھولنے کے اعلان کیا ہے۔

    تفصیلات کے مطابق حکومت نے پرائیویٹ اسکولز کے وفد کو آج ملاقات کیلئے بلالیا، زعفران الٰہی کی قیادت میں وفد کل شفقت محمود سے ملاقات کرے گا۔

    سیکریٹری جنرل پرائیویٹ اسکولزایسوسی ایشن عبدالوحیدخان کا کہنا ہے کہ ہم بھی چاہتےہیں کہ مل بیٹھ کرمسائل حل ہوں، اسکولز بند کرنے سے بچوں کا مستقبل داؤ پر لگ چکا ہے۔

    یاد رہے پرائیویٹ اسکولز سپریم کونسل کے عہدیداران نے پریس کانفرنس کی تھی ، جس میں پرائیویٹ اسکولزسپریم کونسل نے 11جنوری سے تعلیمی ادارے کھولنے کا اعلان کیا تھا۔

    پرائیوٹ اسکولز سپریم کونسل نے کہا تھا کہ حکومت 11جنوری کوکھولنے کا خود اعلان کرے، تعلیمی ادارے ایس او پیز کے مطابق کھولیں گے۔

    واضح رہے حکومت نے 26 نومبر سے 10 جنوری تک ملک بھر کے تمام تعلیمی ادارے بند کرنے کا اعلان کیا اور کہا حالات بہتر ہونے پر 11 جنوری سے تعلیمی ادارے کھولے جائیں گے۔

  • گھر بیٹھے بچوں کی تعلیم کے لیے حکومت کا بڑا اقدام

    گھر بیٹھے بچوں کی تعلیم کے لیے حکومت کا بڑا اقدام

    اسلام آباد : حکومت نے گھر بیٹھے بچوں کیلئے ریڈیو اسکولز کے قیام کا فیصلہ کرلیا اورمفاہمتی یادداشت پر دستخط ہوگئے، وفاقی وزیرتعلیم شفقت محمود کا کہنا ہے کہ جلد ہی ای تعلیم پورٹل کا افتتاح کرنے جا رہے ہیں ، ای تعلیم سے ٹیلی اور ریڈیو اسکولز پروگرامز ایک کلک سے دیکھے جاسکیں گے۔

    تفصیلات کے مطابق وزارت تعلیم نے فاصلاتی نظام تعلیم کی نمو کے لئے ایک اور سنگ میل عبور کرلیا ، ریڈیو اسکولز کے قیام کیلئے ریڈیو پاکستان اور وزارت اطلاعات میں مفاہمتی یادداشت پر دستخط ہوگئے۔

    وزیرتعلیم شفقت محمود کا کہنا ہے کہ کورونا کی وجہ سے پچھلےسال 15دن میں ٹیلی اسکول لانچ کیاتھا، ٹیلی اسکول پاکستان ٹیلی وژن کے تعاون سے لانچ کیا گیا تھا، ٹیلی اسکول سے 80 لاکھ بچے روز استفادہ حاصل کر رہے ہیں۔

    شفقت محمود نے کہا کہ رسائی ٹی وی تک نہیں وہ ریڈیواسکولز سے استفادہ کریں گے ، جلد ہی ای تعلیم پورٹل کا افتتاح کرنے جا رہے ہیں ، ای تعلیم سے ٹیلی اور ریڈیو اسکولز پروگرامز ایک کلک سے دیکھے جاسکیں گے۔

    یاد رہے وفاقی وزیرتعلیم شفقت محمود نے تقریب سے خطاب کرتے ہوئے کہا تھا کہ پاکستان میں دو کروڑ بچے اسکولوں میں تعلیم حاصل کرنے سے محروم ہیں ،اسکول نہ جانے والے بچوں کے لیے اسپیشل پروگرام لارہے ہیں۔

    شفقت محمود کا کہنا تھا کورونامیں ٹیلی اسکول ایجوکیشن کاتجربہ کامیاب رہا، کوروناچیلنج میں آن لائن نظام تعلیم کی اہمیت بڑھ گئی ہے، کورونا کےباعث پنجاب اورکےپی میں نصاب کم کردیاگیاہے جبکہ وفاقی حکومت یونیورسٹیزکو 100ارب روپے کے فنڈز فراہم کررہی ہے۔

  • اسکول نہ جانے والے بچوں کے لیے اسپیشل پروگرام لانے کا اعلان

    اسکول نہ جانے والے بچوں کے لیے اسپیشل پروگرام لانے کا اعلان

    اسلام آباد : وفاقی وزیرتعلیم شفقت محمود کا کہنا ہے کہ پاکستان میں دو کروڑ بچے اسکولوں میں تعلیم حاصل کرنے سے محروم ہیں ،اسکول نہ جانے والے بچوں کے لیے اسپیشل پروگرام لارہے ہیں۔

    تفصیلات کے مطابق وفاقی وزیرتعلیم شفقت محمود نےکراچی میں فیوچر سمٹسے خطاب کرتے ہوئے کہا کورونامیں ٹیلی اسکول ایجوکیشن کاتجربہ کامیاب رہا، کوروناچیلنج میں آن لائن نظام تعلیم کی اہمیت بڑھ گئی ہے۔

    شفقت محمود کا کہنا تھاکہ کورونا کےباعث پنجاب اورکےپی میں نصاب کم کردیاگیاہے جبکہ وفاقی حکومت یونیورسٹیزکو 100ارب روپے کے فنڈز فراہم کررہی ہے۔

    وفاقی وزیرِ نے فراہم کردہ اعدادوشمار کو غیر تسلی بخش قرار دیتے ہوئے کہا کہ دو کروڑ بچے اسکولوں میں تعلیم حاصل کرنے سے محروم ہیں اور کورونا وائرس کی وجہ سے بچوں کی تعلیم متاثر ہوئی ہے۔

    ان کا کہنا تھا کہ حکومت کو کئی چیلنجز درپیش ہیں، خدمات کے شعبے میں بڑے چیلنجز کا سامنا ہے، نظم و ضبط کا ایک چیلنج ہے اور سب سے برھ کر لوگوں کو بہتر معیارِ زندگی مہیا کرنا سب سے بڑا چیلنج ہے۔

    شفقت محمود نے کہا کہ ہمارےملک کی آبادی میں تیزی سےاضافہ ہورہا ہے، لوگوں کو انصاف ملنے میں بہت وقت لگ جاتا ہے، ان مسائل سے نمٹنے کے لیے ہمیں حکومتی ریفارمز کرنا ہوں گی۔

    تعلیمی نظام کے حوالے سے ان کا کہنا تھا کہ سرکاری تعلیمی نظام کو پچھلے70 برسوں میں نظر انداز کیا گیا ، ہم ملک بھر کے لیے ایک سنگل نظام تعلیم لانے جارہے ہیں ، جو جلد ایک تعلیمی نظام کو نافذ کردیں گے۔

    وفاقی وزیرتعلیم نے مزید کہا کہ اسکول نہ جانے والے بچوں کے لیے اسپیشل پروگرام لارہے ہیں، ہم پاکستان میں ہر بچے کو میعاری تعلیم فراہم کرنے کے مشن پر ہیں، دنیا میں ان قوموں نے ترقی کی جہاں سماجی انصاف ہے اور جہاں غریب اور امیر کے لئے ایک قانون ہے ۔