Tag: shafqat mehmood

اسلام آباد : وفاقی حکومت نے کرونا وائرس کے پھیلاؤ کے باعث یکم جون2020 تک تمام امتحانات ملتوی کرنے کا فیصلہ کیا ہے جبکہ یونیورسٹیوں میں داخلے بھی ملتوی کر دئیے گئے ہیں۔

تفصیلات کے مطابق وفاقی وزیر تعلیم شفقت محمود نے پریس کانفرنس کرتے ہوئے کہا ہے کہ تمام امتحانات یکم جون تک ملتوی کرنے کا فیصلہ کیا ہے، کرونا وائرس سے متعلق صورتحال کا جائزہ لیتے رہیں گے۔

وفاقی وزیر تعلیم کا کہنا تھا کہ تمام فیصلے مشورے سے کرنا بہت ضروری ہے ، 27 مارچ تک ایجوکیشن منسٹر کانفرنس بلا کر حالات کا جائزہ لیں گے کہ 5 اپریل کو دیگر تعلیمی ادارے کھلنے چاہئیں یا نہیں۔

شفقت محمود نے کہا کہ کل پاکستان کے تمام تعلیمی منسٹرزاور متعلقہ حکام کیساتھ میٹنگ کی، وزیراعظم عمران خان کو تمام فیصلے اور صورتحال سے آگاہ کیا، پاکستان کےتمام 29 بورڈز کے امتحانات اور  کیمبرج سسٹم کے تحت امتحانات یکم جون تک نہیں ہوں گے۔

ان کا کہنا تھا کہ امتحانات کا معاملہ اسکول کھلنے یا نہ کھلنے سے منسلک نہیں کیا، یکم جون تک امتحانات ملتوی کرنےکافیصلے سے طلبہ کو تیاری کا موقع ملےگا، حالات بہتر ہونے پر یکم جون کے بعد امتحانات کا سلسلہ جاری رہ سکتا ہے۔

وفاقی وزیر تعلیم نے کہا کہ کیمبرج سے درخواست کی ہے امتحانات کا شیڈول آگے بڑھایاجائے، یونیورسٹیز میں داخلےمیں بھی ایک ماہ کی توسیع کی جائے گی ، اقدامات کا مقصد یہ ہے کہ بچوں کو معلوم چاہیےآگے کیا ہونا ہے۔

شفقت محمود کا کہنا تھا کہ یونیورسٹیزکوہاسٹلز خالی کرانے کا کہا مگر اس کا اطلاق غیرملکی طلبہ پر نہیں، غیرملکی طلبہ کو ہاسٹلز اور یونیورسٹیز تک محدود رکھاجائے گا۔

انھوں نے مزید کہا کہ کلچرل اداروں میں بھی تمام تقریبات منسوخ کردی ہیں، کسی چیز پر ابہام نہیں چاہتے ہر چیز مشترکہ طور پر کررہےہیں، تعلیمی اداروں میں اساتذہ کا عمومی طورپر آنا ضروری نہیں ہے ، کسی تعلیمی ادارےکواساتذہ بلاناپڑےتو وہ صورتحال کے مطابق بلائیں گے۔

وفاقی وزیر تعلیم کا کہنا تھا کہ یونیورسٹیز طلبا کو آن لائن تعلیم دینے کے معاملات کر رہی ہے، 27 مارچ کو بین الصوبائی وزرا کانفرنس طلب کی ہے، امتحانات کا معاملہ سکول بندش سے الگ رکھا ہے، اسکولوں کی بندش کا فیصلہ حالات کاجائزہ لے کر کیا جاتا رہے گا۔

شفقت محمود نے کہا کہ وزیراعظم کے احکامات پرتمام صوبائی حکومتیں اچھے سے کام کر رہی ہیں، بچوں کو ٹی وی کے ذریعے تعلیم دینے کے حوالے سے مشاورت جاری ہے، اساتذہ کو بلانے کا مقصد بچوں کو تعلیم دینے کے مختلف طریقے ڈھونڈنا ہے۔

ان کا مزید کہنا تھا کہ کسی تعلیمی ادارے میں اساتذہ کو آنے کی ضرورت نہیں ، باوقت ضرورت اسکول انتظامیہ اساتذہ کوبلا سکتی ہے، ٹی وی پر تعلیمی مواد دینے کے حوالے سے کمیٹی بنادی گئی ہے۔

اسلام آباد : وفاقی وزیر تعلیم شفقت محمود نے پرائیویٹ اسکولز کو خبردار کیا ہے کہ فیسیں سپریم کورٹ کے حکم سے زیادہ ہوئیں تو اسکولوں کیخلاف تادیبی کارروائی کی جائے گی، فیس کے علاوہ کسی اور دروازے سے فنڈز وصولی کسی صورت قابلِ قبول نہیں۔

تفصیلات کے مطابق وفاقی وزیر تعلیم شفقت محمود نے میڈیا سے بات چیت کرتے ہوئے کہا کہ ابھی نئے سکول کا سال شروع ہوا ہے تو نجی اسکولوں نے فیسز میں اضافہ کر دیا گیا ہے،نجی سکول پانچ فی صد سے زیادہ اضافہ نہیں کیا جا سکتا۔

وفاقی وزیر تعلیم کا کہنا تھا کہ سپریم کورٹ نے اس حوالے احکامات جاری کئے ہوئے ہیں،صوبائی حکومت سے درخواست کی ہے کہ کسی نجی اسکول میں فیس بڑھائی گئی ہے تو کارروائی عمل میں لائی جائے۔

شفقت محمود نے کہا نجی اسکول کتابوں اور دیگر چیزوں میں والدین سے پیسے بٹورتے ہیں، تمام نجی اسکولز کو متنبہ کرنا چاہتا ہوں کہ وہ فیسز میں اضافہ نہ کریں، والدین احتجاج کر رہے ہیں ان کے ساتھ مذاکرات کئے جائیں۔

ان کا کہنا تھا کہ سپریم کورٹ کے طے شدہ فیسز کے طریقہ کار پر عمل کیا جائے، سپریم کورٹ کے حکم پر عمل نا ہونے کی صورت میں سخت کارروائی عمل میں لائی جائے گی۔

وفاقی وزیر تعلیم شفقت محمود نے واضح کیا ہے کہ عدالتی اجازت سے زائد فیس لینے پر ایکشن ہوگا،نجی تعلیمی اداروں کو احتجاج کرنے والے والدین سے مذاکرات کر نے چاہئی

لاہور : وفاقی وزیر تعلیم شفقت محمود نے کہا ہے کہ وزیراعظم عمران خان کا دورہ امریکہ کامیاب ہو گا، خطے کے حالات میں بہتری آئے گی، دورے کے اختتام پر اخراجات کے اعدادو شمار عوام کے سامنے رکھیں گے۔

تفصیلات کے مطابق ایوان اقبال لاہور میں میڈیا سے گفتگو کرتے ہوئے وفاقی وزیر تعلیم شفقت محمود نے کہا عمران خان صاحب خود2 یا 3 کتابوں کے مصنف ہیں، کچھ چیزیں ایسی ہیں جن کامیری وزارت سےتعلق ہے، جوکچھ ہمارےاپنےدائرہ اختیارمیں ہےہم کریں گے۔

وفاقی وزیر تعلیم کا کہنا تھا کوشش ہے نومبر میں ایک بک فیئر علامہ اقبال کے نام سے ہو، گزشتہ 50سال میں اتنازیادہ قرضہ لیاہےتواب کریں کیا، سیاسی جماعت کےلیےفیصلےکرناآسان نہیں، اتناقرض ہےتومشکل فیصلےکرنےپڑرہےہیں، سب کوذمے داری اداکرناہوگی اپنے حصے کا ٹیکس دینا ہوگا۔

سب کوذمے داری اداکرناہوگی اپنے حصے کا ٹیکس دینا ہوگا

شفقت محمود نے کہا ہم یکساں قومی نصاب کی طرف پیش قدمی کررہےہیں ، سردیوں تک8 ویں تک کلاس کا نصاب ایک جیسا ترتیب دیں گے، نصاب بنانا ایک اہم کام ہے، جتنے بک فیئرز ہوں گے، اتنا لوگوں کو زیادہ کتابیں پڑھنے کا شوق پیداہوگا، بک فیئرز ہونے سے ملک کا سافٹ امیج جاتا ہے۔

وزیراعظم کے دورہ امریکہ کے حوالے سے وفاقی وزیر کا کہنا تھا وزیر اعظم کا دورہ امریکہ جاری ہے، یہ دورہ مثبت اور کامیاب ہو گا اور خطے کے حالات میں بہتری آئے گی، تمام ممالک سے اچھے تعلقات پاکستان کے قومی مفاد میں ہیں۔

عمران خان اور نواز شریف کے دورے میں بہت فرق ہے

رہنما پی ٹی آئی نے کہا عمران خان اور نواز شریف کے دورے میں بہت فرق ہے، عمران خان اس دورے میں سفیر کے گھر ٹھہرے ہیں، پہلے وزراء اپنے ساتھ پی آئی اے کا جہاز لے کر جاتے تھے اور لیموزین بک کروائی جاتی تھی۔ دورے کے اختتام پر اخراجات کے اعدادو شمار عوام کے سامنے رکھیں گے۔

ان کا کہنا تھا کہ چین روس اور امریکہ نے وزیراعظم کو دورے کی دعوت دی ہے،جب ہم حکومت میں آئے تو فضل الرحمن نے کہا تھا کہ یہ چند ہفتے چند ماہ کے مہمان ہیں، ان لوگوں نے جو کیا ہے، ان کو حساب دینا پڑے گا۔