Tag: Shah Mehmood Qureshi

اسلام آباد : وزیرخارجہ شاہ محمود قریشی کا کہنا ہے کہ بدامنی اور ہیجان انگیزی کسی کے مفاد میں نہیں ہے۔

تفصیلات کے مطابق وفاقی دارالحکومت اسلام آباد میں وزیر خارجہ شاہ محمودقریشی سے بھارت میں تعینات پاکستانی ہائی کمشنرسہیل محمود نے ملاقات کی۔

وزیرخارجہ اور پاکستانی ہائی کمشنر کے درمیان ہونے والی ملاقات میں پلواما حملے، بھارت کے پاکستان پربے جا الزامات اور خطے کی صورت حال پربات چیت کی گئی۔

اس موقع پر شاہ محمود قریشی نے کہا کہ پاکستان، خطے میں قیام امن کا خواہاں ہے، بد امنی اور ہیجان انگیزی کسی کے مفاد میں نہیں ہے۔

وزیرخارجہ نے کہا کہ صورت حال کا سنجیدگی سے بغور جائزہ لے رہے ہیں، صورت حال سے بذریعہ خط سیکریٹری جنرل اقوام متحدہ کو آگاہ کردیا ہے۔

پاکستان نے بھارت سے اپنے ہائی کمشنر کوواپس بلا لیا

یاد رہے کہ گزشتہ روز ترجمان دفترخارجہ ڈاکٹر محمد فیصل کا کہنا تھا کہ پاکستان نے مشاورت کے لیے اپنے ہائی کمشنر کو واپس بلایا ہے۔

واضح رہے کہ گزشتہ ہفتے مقبوضہ کشمیر کے علاقے پلواما میں ہونے والے دھماکے میں 44 بھارتی فوجی مارے گئے تھے۔

بعدازاں بھارتی حکومت اور میڈیا نے تحقیقات کیے بغیر دھماکے کا الزام پاکستان پر عائد کردیا تھا، جسے پاکستان نے سختی سے مسترد کردیا تھا۔

اسلام آباد: پلواما حملے کے بعد بھارت کی جانب سے پاکستان پرالزامات کے حوالے سے وزیرخارجہ شاہ محمود قریشی نے اقوام متحدہ کے سیکریٹری جنرل انتونیو گوتریس کوخط لکھ دیا۔

تفصیلات کے مطابق وزیرخارجہ شاہ محمود قریشی نے سیکریٹری جنرل کو لکھے گئے خط میں کہا ہے کہ بھارت تحقیقات کے بغیر پلواما حملے کا الزام پاکستان پر لگا رہا ہے۔

خط میں کہا گیا ہے کہ بھارت خطے میں سکیورٹی کی صورت حال کو خراب کررہا ہے، بھارت پاکستان کے خلاف طاقت کا استعمال کرسکتا ہے۔

وزیرخارجہ کی جانب سے لکھے گئے خط میں کہا گیا کہ پلواما حملے کا بغیر تحقیقات تعلق پاکستان سے جوڑنا مضحکہ خیز ہے، بھارت مخالفانہ بیان بازی کرکے پاکستان کے خلاف فضا کشیدہ بنا رہا ہے۔

خط میں کہا گیا ہے کہ بھارت پلواما حملے کی غیر جانبدارتحقیقات کرکے حقائق سامنے لائے، بھارت کشیدگی کم کرنے کے لیے پاکستان اور کشمیریوں سے مذاکرات کرے۔

شاہ محمود قریشی کی جانب سے لکھے گئے خط میں مزید کہا گیا ہے کہ بھارت کی جانب سے سندھ طاس معاہدہ ختم کرنے کی دھمکی سنگین غلطی ہوگی

مقبوضہ کشمیر میں کار بم دھماکا، 42 بھارتی فوجی ہلاک

یاد رہے کہ گزشتہ ہفتے مقبوضہ کشمیر کے علاقے پلواما میں ہونے والے دھماکے میں 44 بھارتی فوجی مارے گئے تھے۔

بعدازاں بھارتی حکومت اور میڈیا نے تحقیقات کیے بغیر دھماکے کا الزام پاکستان پر عائد کردیا تھا، جسے پاکستان نے سختی سے مسترد کردیا تھا۔

پلواما حملہ : بھارت الیکشن کی آڑ میں مس ایڈونچر کررہا ہے، شاہ محمود قریشی

واضح رہے کہ دو روز قبل وزیرخارجہ شاہ محمود قریشی کا کہنا تھا کہ الیکشن کی آڑ میں بھارت کوئی نہ کوئی مس ایڈونچر کررہا ہے، پلواما واقعے پر ان کے پاس کوئی ثبوت ہیں تو ہمیں دیں، واقعے کی مذمت کرتے ہیں۔

اسلام آباد: وزیر خارجہ شاہ محمود قریشی جرمنی روانہ ہو گئے جہاں وہ عالمی رہنماؤں کے ساتھ ملاقات کریں گے۔

تفصیلات کے مطابق وزیرخارجہ شاہ محمود قریشی افغانستان میں سیکیورٹی صورت حال سے متعلق جرمنی کے شہر میونخ میں ہونے والی کانفرنس میں شرکت کریں گے۔

شاہ محمود قریشی میونخ میں روس، جرمنی، ازبکستان اور کینیڈا سمیت مختلف ملکوں کے وزرائے خارجہ سے ملیں گے اور امریکی کانگریس اور سینیٹ کے ارکان کے ساتھ بھی بات چیت کریں گے۔

شاہ محمود قریشی میونخ کانفرنس میں افغانستان سے متعلق پاکستان کا موقف پیش کریں گے۔

وزیرخارجہ کے مطابق پاکستان نے ہمیشہ افغانستان میں استحکام لانے کے لیے امن کی کوششوں کی حمایت کی ہے۔

افغان قیادت کوافغان عوام کے مسائل پرتوجہ دینے کی ضرورت ہے‘ شاہ محمود قریشی

یاد رہے کہ گزشتہ ہفتے وزیرخارجہ شاہ محمود قریشی، وفاقی وزیر برائے انسانی حقوق شیریں مزاری سمیت متعدد رہنماؤں نے افغان صدر اشرف غنی کی جانب سے پاکستان کے اندورنی معاملات پرتبصرے پر شدید تحفظات کا اظہار کیا تھا۔

وزیرخارجہ شاہ محمود قریشی نے افغان صدر کی ٹویٹ کو سختی سے مسترد کرتے ہوئے کہا تھا کہ ایسے غیر ذمہ دارانہ بیانات ہمارے معاملات میں مداخلت کے مترادف ہیں، افغان قیادت کو چاہیے کہ افغان عوام کے دیرینہ مسائل اور مصائب پر توجہ دے۔

اسلام آباد:وزیر خارجہ شاہ محمود قریشی کا کہنا ہے امریکا، پاکستان کے تعلقات اہم موڑ میں داخل ہوچکے ہیں، پاکستان پرانگلیاں اٹھانےکی بجائے کردار کو سراہاجارہا ہے۔

تفصیلات ک مطابق وزیر خارجہ شاہ محمود قریشی دورہ جرمنی کے لیے روانہ ہوگئے، وہ میونخ میں گلوبل سیکیورٹی کانفرنس میں پاکستان کی نمائندگی کریں گے جبکہ افغان صدر اور امریکی سینیٹرز کے وفد سے بھی ملاقات متوقع ہے۔

شاہ محمودقریشی نے میونخ کےدورہ پر روانگی سے قبل میڈیا سےگفتگو کرتے ہوئے کہا گلوبل سیکیورٹی کانفرنس میں شرکت کیلئے جرمنی روانہ ہورہا ہوں، کانفرنس میں بہت سے ممالک ، وزرائے خارجہ و دفاع، سیکیورٹی ماہرین شرکت کرتے ہیں اور عالمی سیکیورٹی سے متعلق مربوط لائحہ عمل مرتب کیا جاتا ہے۔

[bs-quote quote=”میں افغانستان سے متعلق پاکستان کےنقطہ نظرکوسب کے سامنے رکھوں گا” style=”style-7″ align=”left” author_name=”شاہ محمود قریشی "][/bs-quote]

وزیر خارجہ نے کہا کانفرنس میں پاکستان کی نمائندگی کے لئے جارہا ہوں، افغانستان پوری دنیا میں اس وقت زیر بحث ہے، میونخ میں افغان صدراشرف غنی تشریف لارہے ہیں، ایک پینل ڈسکشن میں وہ افغانستان کانقطہ نظرپیش کریں گے اور میں پاکستان کےنقطہ نظر کو سب کے سامنے رکھوں گا۔

ان کا کہنا تھا امریکی کانگریس کے وفد سے بھی ملاقات متوقع ہے، امریکا ، پاکستان کے تعلقات اہم موڑمیں داخل ہوچکے ہیں، پہلے دن سے کوشش تھی تعلقات کو ازسرنو استوار کیا جائے، تعلقات کی بہتری میں الحمداللہ پیشرفت ہورہی ہے۔

[bs-quote quote=”امریکاکےحالیہ بیانات انتہائی مثبت ہیں” style=”style-7″ align=”right” author_name=”وزیرخارجہ”][/bs-quote]

شاہ محمودقریشی نے کہا امریکا کے حالیہ بیانات انتہائی مثبت ہیں، پاکستان پر انگلیاں اٹھانے کی بجائے کردار کو سراہا جارہا ہے، پاکستان کی افغان امن کے لیے کوششوں کو سراہا جارہاہے۔

وزیر خارجہ کا کہنا تھا کانفرنس میں روس، جرمنی، کینیڈا اور ازبکستان وزرائے خارجہ سے بھی ملاقات ہوگی۔

افغان قیادت کوافغان عوام کے مسائل پرتوجہ دینے کی ضرورت ہے‘ شاہ محمود قریشی

یاد رہے کہ گزشتہ ہفتے وزیرخارجہ شاہ محمود قریشی، وفاقی وزیر برائے انسانی حقوق شیریں مزاری سمیت متعدد رہنماؤں نے افغان صدر اشرف غنی کی جانب سے پاکستان کے اندورنی معاملات پرتبصرے پر شدید تحفظات کا اظہار کیا تھا۔

وزیرخارجہ شاہ محمود قریشی نے افغان صدر کی ٹویٹ کو سختی سے مسترد کرتے ہوئے کہا تھا کہ ایسے غیر ذمہ دارانہ بیانات ہمارے معاملات میں مداخلت کے مترادف ہیں، افغان قیادت کو چاہیے کہ افغان عوام کے دیرینہ مسائل اور مصائب پر توجہ دے۔