Tag: Shah Mehmood Qureshi

مانچسٹر: وزیرخارجہ شاہ محمود قریشی نے کہا کہ بیرون ملک مقیم پاکستانی ملک کا سرمایہ ہیں، موجودہ حکومت نے اوورسیزپاکستانیوں کو ووٹ کا حق دیا۔

تفصیلات کے مطابق مانچسٹر میں وزیرخارجہ شاہ محمود قریشی نے بزنس کمیونٹی سے خطاب کرتے ہوئے کہا کہ بیرون ملک مقیم پاکستانیوں نے موجودہ حکومت پربھرپوراعتماد کیا۔

شاہ محمود قریشی نے کہا کہ موجودہ حکومت بیرون ملک مقیم پاکستانیوں کوسہولتیں دینے کے لیے کوشاں ہیں، انہوں نے کہا کہ جب حکومت سنبھالی توبہت سے چیلنجزکا سامنا تھا۔

وزیرخارجہ نے کہا کہ عمران خان نے پاکستان میں ایمانداری کی سیاست کی بنیاد رکھی ہے،عمران خان کوان کی ایمانداری اوربہترین وژن کی وجہ سے منتخب کیا گیا، پاکستان کی ترقی کے لیے عمران خان کے ساتھ شامل ہوا۔

انہوں نے کہا کہ عمران خان نے ہمیشہ مشکلات کا سامنا کیا، عمران خان نے جوکہا وہ کرکے دکھایا، تبدیلی اوربہتری کے لیے وقت درکارہوتا ہے۔

شاہ محمود قریشی نے کہا کہ بیرون ملک مقیم پاکستانی ترسیلات زرکے ذریعےمعاونت کررہے ہیں، موجودہ حکومت نے اوورسیزپاکستانیوں کوووٹ کا حق دیا۔

وزیرخارجہ نے کہا کہ نیا پاکستان بہترین طرزحکمرانی کی مثال بنے گا، موجودہ حکومت کی میٹرو، موٹرویزکے بجائے تعلیم اورصحت پرتوجہ ہے۔

افغان امن عمل میں پاکستان اہم کردار ادا کررہا ہے‘ وزیرخارجہ شاہ محمود

اس سے قبل وزیرخارجہ شاہ محمود قریشی کا میڈیا سے گفتگو کرتے ہوئے کہنا تھا کہ پاکستان پرامن افغانستان کے لیے کوشاں ہے، افغان امن عمل میں پاکستان اہم کردار ادا کررہا ہے۔

اسلام آباد: وزیرخارجہ شاہ محمود قریشی کا کہنا ہے کہ مقبوضہ کشمیر پرہمارا مؤقف انتہائی واضح اور دو ٹوک ہے۔

تفصیلات کے مطابق لندن سے روانگی سے قبل میڈیا سے گفتگو کرتے ہوئے وزیرخارجہ شاہ محمود قریشی نے کہا کہ کشمیر ہماری خارجہ پالیسی کا اہم ستون ہے۔

شاہ محمود قریشی نے کہا کہ مقبوضہ کشمیر پرہمارامؤقف انتہائی واضح اوردو ٹوک ہے، نہتے کشمیریوں پر بھارتی مظالم کے خلاف بھر پور آواز اٹھائیں گے۔

وزیرخارجہ نے کہا کہ اقوام متحدہ اوربرطانوی پارلیمانی گروپ کی رپورٹوں نے ہمارے مؤقف کی تائید کی، کشمیریوں کی سیاسی، اخلاقی اورسفارتی حمایت جاری رکھیں گے۔

شاہ محمود قریشی نے لندن روانگی سے قبل آل پارٹیز حریت کانفرنس کی سینئر قیادت سے رابطہ کیا اور یوم یکجہتی کشمیر پرلندن میں ہونے والے پروگرام کے حوالے سے تبادلہ خیال کیا۔

وزیرخارجہ یوم یکجہتی کشمیر پرلندن میں بین الاقوامی تقریبات میں شرکت کریں گے اور وہ کل برطانوی پارلیمنٹ میں انٹرنیشنل کشمیر کانفرنس سے خطاب بھی کریں گے۔

بھارت مقبوضہ کشمیرمیں انسانی حقوق کی خلاف ورزیوں میں ملوث ہے‘ شاہ محمود قریشی

یاد رہے کہ گزشتہ ہفتے وزیرخارجہ شاہ محمود قریشی کا کہنا تھا کہ بھارتی شہریوں کی اکثریت کو یقین ہے کہ وہ جذباتی طور پرکشمیر کو کھوچکے ہیں۔

اسلام آباد: وزیرخارجہ شاہ محمود قریشی کل اومان کا دورہ کریں گے جہاں وہ اومان کی قیادت سے ملاقاتیں کریں گے۔

تفصیلات کے مطابق وزیرخارجہ شاہ محمود قریشی کل اومان کا دورہ کررہے ہیں جہاں وہ اومان کی قیادت کے ساتھ دو طرفہ تعلقات اور علاقائی تعاون سمیت دیگر امور پرتبادلہ خیال کریں گے۔

شاہ محمود قریشی نے کہا کہ وہ آئندہ ماہ کی تین تاریخ کو برطانیہ کا دورہ کریں گے جہاں وہ دارلعلوم میں مسئلہ کشمیر سے متعلق پاکستان کا موقف پیش کریں گے اورکشمیریوں پرہونے والے بھارتی مظالم کو بے نقاب کریں گے۔

صحافی کے سوال پرشاہ محمود قریشی نے کہا کہ پاکستان نے ہمیشہ امن کی بات کی ہے اور بھارت کے ساتھ آبی مسئلہ مذاکرات کے ذریعے حل کرنا چاہتا ہے۔

پاکستان افغان امن مذاکرات کرانے میں کامیاب ہوگیا‘ شاہ محمود قریشی

یاد رہے کہ گزشتہ روز وزیرخارجہ شاہ محمود قریشی کا کہنا تھا کہ پاکستان افغانستان اورامریکا کوایک میزپرلے آیا، پاکستان نے افغان امن مذاکرات میں مدد کا وعدہ کیا تھا۔

شاہ محمود قریشی کا کہنا تھا کہ پاکستان نیک نیتی سے کوشش کررہا ہے، امن کا عمل جاری رہے، افغانستان کا امن پاکستان کے لیے نہایت اہم ہے۔