Tag: 02 Terrorists killed

  • سی ٹی ڈی کی کارروائی، اپنے ساتھیوں کی فائرنگ سے دو دہشت گرد ہلاک

    سی ٹی ڈی کی کارروائی، اپنے ساتھیوں کی فائرنگ سے دو دہشت گرد ہلاک

    لاہور : محکمہ انسداد دہشت گردی (سی ٹی ڈی) راولپنڈی پنجاب نے بڑی کارروائی کے دوران دو دہشت گرد ہلاک ہوگئے۔

    اس حوالے سے اے آر وائی نیوز کے نمائندے خواجہ رمضان مجید کی رپورٹ کے مطابق راولپنڈی میں کالعدم ٹی ٹی پی کے دہشت گردوں کی سی ٹی ڈی پر فائرنگ کا واقعہ پیش آیا ہے۔

    ترجمان سی ٹی ڈی کا کہنا ہے کہ اپنے ہی ساتھیوں کی فائرنگ سے دو اہم دہشت گرد ہلاک ہوئے، راولپنڈی میں ہلاک ہونے والے دہشت گردوں کا تعلق کالعدم ٹی ٹی پی سے ہے۔

    کاؤنٹر ٹیررازم ڈپارٹمنٹ (سی ٹی ڈی) کے مطابق مذکورہ دہشت گرد راولپنڈی میں ڈولفن فورس پر ہونے والے حملے میں بھی ملوث تھے۔

    دہشت گردوں کی شناخت نصیب اللہ اور احسان اللہ کے ناموں سے ہوئی ہے، دہشت گردوں سے آئی ای ڈی، ہینڈ گرینڈ، بھاری مقدار میں اسلحہ اور ایمونیشن برآمد کیا گیا ہے۔

  • سی ٹی ڈی کی ٹیم پر حملہ : دو دہشت گرد ہلاک

    سی ٹی ڈی کی ٹیم پر حملہ : دو دہشت گرد ہلاک

    بہاولپور میں سی ٹی ڈی ٹیم پر فائرنگ کا واقعہ پیش آیا ہے، اس دوران دو گرفتار خطرناک دہشت گرد ہلاک ہوگئے۔

    تفصیلات کے مطابق سی ٹی ڈی حکام کا کہنا ہے کہ سی ٹی ڈی کی ٹیم پر حملہ میں زیرحراست کالعدم ٹی ٹی پی کے دو دہشت گرد ہلاک ہوگئے، مذکورہ ٹیم زیرحراست دہشت گردوں کو اسلحہ ریکوری کیلئے لے جارہی تھی۔

    حکام نے بتایا کہ زیرحراست دہشت گردوں کو چھڑانے کیلئے ان کے ساتھیوں نے حملہ کیا، حملے کےدوران زیرحراست 2دہشت گرد اپنے ہی ساتھیوں کی فائرنگ سے ہلاک ہوگئے۔

    سی ٹی ڈی کے مطابق ہلاک دہشت گردوں میں عدیل عرف سیف اللہ خراسانی اور زین عرف اسداللہ خراسانی شامل ہیں، زیرحراست دہشت گردوں کا نیٹ ورک وفاقی وزیر کے قتل کی منصوبہ بندی کرچکا تھا۔

    دونوں دہشت گردوں کو حاصل پورسے ایک قتل کی تفتیش کے دوران گرفتارکیا گیا تھا، دہشت گرد عدیل عرف سیف اللہ خراسانی نے چار رکنی گروہ بنا رکھا تھا۔

    دہشت گردنیٹ ورک کے4کارندوں کو کچھ دن قبل ہی گرفتار کیا گیا، حملہ کرنے والے دہشت گردوں کی گرفتاری کے لیے کوششیں جاری ہیں۔

  • پشاور: تھانہ سربند پر حملہ کرنے والے دو دہشت گرد مقابلے میں ہلاک

    پشاور: تھانہ سربند پر حملہ کرنے والے دو دہشت گرد مقابلے میں ہلاک

    پشاور : کاؤنٹر ٹیررازم ڈیپارٹمنٹ (سی ٹی ڈی) نے پشاورمیں تھانہ سربند پر حملے میں ملوث دو دہشت گردوں کو مقابلے کے دوران ہلاک کردیا۔

    اس حوالے سے سی ٹی ڈی ذرائع کا کہنا ہے کہ سی ٹی ڈی پشاور ریجن اور پشاور پولیس نے سربند شنواری قلعہ میں مشترکہ کارروائی کی۔

    پولیس نے گزشتہ شب تین پولیس اہلکاروں کی شہادت میں ملوث دہشت گردوں کے سہولت کاروں کی موجودگی کی خفیہ اطلاع پر علاقہ سربند شنواری میں ان کی کمین گاہوں کا محاصرہ کیا تو دہشت گردوں نے پولیس کو دیکھتے ہی فائرنگ شروع کردی۔

    اہلکاروں کی جوابی فائرنگ سے دو دہشت گرد موقع پر ہی ہلاک ہوگئے جبکہ 3دہشت گرد فرار ہونے میں کامیاب ہوگئے، ہلاک دہشت گردوں سے اسلحہ اور دستی بم برآمد کرلیے گئے۔

    سی ٹی ڈی ذرائع کے مطابق دہشت گردوں کا تعلق کالعدم تنظیم سے ہے، ہلاک دہشت گرد، دھماکوں، بھتہ خوری کے متعدد مقدمات میں سی ٹی ڈی کو مطلوب تھے، فرار دہشت گردوں کی تلاش کیلئے علاقےمیں سرچ آپریشن جاری ہے۔

    مزید پڑھیں : پشاور پولیس اسٹیشن پر دہشتگردوں کا حملہ، ڈی ایس پی سمیت 3 اہلکار شہید

    علاوہ ازیں دہشت گردوں کیخلاف ایس ایچ او سربند کی مدعیت میں سی ٹی ڈی میں واقعے کا مقدمہ درج کرلیا گیا ہے، مقدمے میں7اے ٹی اے سمیت مختلف دفعات کو شامل کیا گیا ہے۔

    ایف آئی آر کے متن میں لکھا ہے کہ شہید ہونے والے تینوں پولیس اہلکار اسپتال منتقل کرتے ہوئے جان کی بازی ہار گئے تھے، تھانے میں موجود ایک دستی بم پھٹ نہیں سکا جسے بی ڈی یو نے ناکارہ بنادیا۔

  • بلدیہ ٹاؤن میں پولیس مقابلہ کالعدم تنظیم کے دو دہشت گرد ہلاک

    بلدیہ ٹاؤن میں پولیس مقابلہ کالعدم تنظیم کے دو دہشت گرد ہلاک

    کراچی : بلدیہ ٹاؤن میں سی ٹی ڈی اور رینجرز نے سرچ آپریشن کے دوران مقابلے میں دو دہشت گردوں کو ہلاک کردیا۔ ہلاک شدگان کا تعلق کالعدم تنظیم سے ہے۔

    تفصیلات کے مطابق کراچی کے علاقے بلدیہ ٹاؤن میں سی ٹی ڈی اور رینجرز نے دہشت گردوں کے خلاف مشترکہ کارروائی کی، ترجمان سی ٹی ڈی کے مطابق اس دوران دہشت گردوں نے بھاگنے کی کوشش میں اہلکاروں پر فائرنگ کردی۔

    جس کے جواب میں اہلکاروں نے بھی فائرنگ کی، فائرنگ کے تبادلے میں دو دہشت گرد موقع پر پی مارے گئے، ہلاک دہشت گردوں کی شناخت  عدنان اور رفیق کےناموں سے ہوئی ہے۔

    بلدیہ ٹاؤن کے رئیس گوٹھ میں سی ٹی ڈی اور ملزمان میں ہونے والے مقابلے کے بعد دوطرفہ فائرنگ کے نتیجے میں  ہلاک ہونے والوں کی لاشیں فوری طور اسپتال منتقل کردی گئیں۔

    اس حوالے سے سی ٹی ڈی حکام کا کہنا ہے کہ ہلاک ہونے والے ملزمان کاتعلق کالعدم دہشت گرد تنظیم سے ہے، ہلاک ہونے والے ملزمان سے بھاری مقدار میں اسلحہ بھی برآمد ہوا ہے، ہلاک ہونے والوں  میں ایک ملزم کا نام   عدنان اور دوسرا  رفیق کےنام سے شناخت ہوا ۔

    دوسری جانب ترجمان رینجرز کا کہنا ہے کہ محمد رفیق کی گرفتاری پر حکومت سندھ نے20 لاکھ روپے انعام مقرر کر رکھا تھا، عدنان شبیر  کالعدم تنظیم کا انتہائی خطرناک دہشت گرد تھا، ہلاک ہونے والے دہشت گرد بم دھماکوں، بینک ڈکیتی، فرقہ وارانہ دہشت گردی کی متعدد  وارداتوں میں ملوث تھے۔

    ترجمان رینجرز کے مطابق  یہ دہشت گرد قانون نافذ کرنے والے اہلکاروں کی ٹارگٹ کلنگ میں بھی ملوث تھے، ہلاک دہشت گردوں کا  تعلق کالعدم ٹی ٹی پی استاد اسلم گروپ سے تھا، کارروائی گزشتہ رات یار محمد گوٹھ بلدیہ ٹاؤن میں خفیہ اطلاع پرکی گئی۔

    رینجرز کا کہنا ہے کہ مقابلے  کے دوران ملزمان نے وارننگ کےباوجود فائرنگ جاری رکھی، فورسز کی جوابی فائرنگ میں دونوں دہشت گرد مارے گئے، ہلاک  دہشت گردوں سے2ایس ایم جی،2پستول، ایمونیشن اوربارود مواد برآمد ہوئے ہیں۔

  • ملتان : سی ٹی ڈی سے مقابلہ، کالعدم تنظیم کے دو دہشت گرد ہلاک، اسلحہ اور نقشے برآمد

    ملتان : سی ٹی ڈی سے مقابلہ، کالعدم تنظیم کے دو دہشت گرد ہلاک، اسلحہ اور نقشے برآمد

    ملتان : سی ٹی ڈی پنجاب نے ملتان میں مقابلہ کے دوران کالعدم تنظیم کے دو دہشت گرد ہلاک کردیئے، ہلاک دہشت گردوں سے اسلحہ اور دھماکا خیز مواد برآمد ہوا ہے۔

    تفصیلات کے مطابق سی ٹی ڈی پنجاب نے ملتان میں کارروائی کرتے ہوئے کالعدم تنظیم کے دو مبینہ دہشت گردوں کو ہلاک کردیا۔ خفیہ اطلاع پر اہلکار جب کارروائی کیلئے پہنچے تو دہشت گردوں نے ٹیم پر فائرنگ کردی۔

    سی ٹی ڈی کی جوابی فائرنگ سے دو دہشت گرد مارے گئے جبکہ ان دیگر ساتھی اندھیرے کا فائدہ اٹھاتے ہوئے فرار ہونے میں کامیاب ہوگئے، ہلاک ہونے والوں میں رضوان عرف ڈاکٹر اور عمران عرف ساقی شامل ہیں۔

    اس حوالے سے سی ٹی ڈی حکام کا کہنا ہے کہ دہشت گرد رضوان عرف ڈاکٹر،عمران عرف ساقی کا نام ریڈبک میں شامل تھا، مقابلے میں ہلاک ہونے والے ملزمان کے قبضے سے نقشے اور دہشت گردی کیلئے استعمال ہونیوالی رقم برآمد کرلی گئی۔

    سی ٹی ڈی کے مطابق دہشت گرد حساس اداروں کے افسران کو نشانہ بنانا چاہتے تھے، ملزمان حساس ادارے کے تین اہلکاروں کے قتل میں بھی ملوث تھے۔

    انہوں نے ایک امریکی شہری کو بھی اغوا کیا تھا۔ اس کے علاوہ دہشت گردوں نے سمندری کے علاقے میں سیکیورٹی گارڈز کو قتل کرکے کیش وین بھی لوٹی تھی۔