ARYNews.tv | Urdu – Har Lamha Bakhabar

Tag: 050 new cases

  • کرونا کے وار جاری، مزید 114 افراد جاں بحق

    کرونا کے وار جاری، مزید 114 افراد جاں بحق

    اسلام آباد: کرونا وبا کی تیسری لہر شدت اختیار کرگئی جان لیوا وائرس نے آج بھی 114 افراد کو موت کے گھاٹ اتاردیا جب کہ 5 ہزار سے زائد مثبت کیسز رپورٹ ہوئے ہیں۔

    نیشنل کمانڈ اینڈ آپریشن سینٹر کی جانب سے کرونا وائرس سے متعلق جاری کردہ اعداد و شمار کے مطابق 24 گھنٹے کے دوران ملک بھر میں کرونا وائرس کے مزید 5 ہزار 50 کیسز سامنے آئے۔

    این سی او سی کا کہنا ہے کہ چوبیس گھنٹے میں ملک میں کرونا سے مرنے والوں کی تعداد 114 رہی جبکہ کرونا میں مبتلا ہوکر انتقال کرنے والوں کی مجموعی تعداد 15 ہزار 443 ہوگئی ہے۔

    نیشنل کمانڈ اینڈ کنٹرول سینٹر کے مطابق ملک بھر میں گزشتہ ایک روز کے دوران 46 ہزار 66 کرونا ٹیسٹ کیے گئے، ملک میں کرونا کے فعال کیسز کی تعداد 73 ہزار 875 ہو گئی ہے، اس کے علاوہ وبا سے متاثر 4143 مریضوں کی حالت تشویشناک ہے مرض سے صحت یاب ہونے والے افراد کی مجموعی تعداد 6 لاکھ 31 ہزار 700 ہے۔

    این سی او سی کے اعداد و شمار کے مطابق ملک میں 24 گھنٹے کے دوران کرونا وائرس کے کیسز رپورٹ مثبت آنے کی شرح 10.96 فیصد رہی۔

  • پاکستان میں کورونا سے مزید 41 اموات ، مجموعی تعداد 12ہزار 600 سے تجاوز کرگئی

    اسلام آباد : پاکستان میں کورونا کے مزید 41 مریض جاں بحق اور ایک ہزار 50 کیسز سامنے آئے ، جس کے بعد اموات کی تعداد 12ہزار 600 سے تجاوز کرگئی۔

    تفصیلات کے مطابق نیشنل کمانڈ اینڈ کنٹرول سینٹر کی جانب سے ملک میں کورونا وائرس کے حوالے سے تازہ اعداد و شمار جاری کردیئے ہیں ، جس میں بتایا گیا کہ ملک میں24گھنٹےمیں41کورونامریض انتقال کرگئے، جس کے بعد کوروناسےانتقال کرنےوالوں کی تعداد12ہزار658ہوگئی۔

    این سی او سی کا کہنا تھا کہ گزشتہ 24 گھنٹے میں ملک میں 33 ہزار 978 کورونا ٹیسٹ کیے گئے، جس میں سے ایک ہزار 50 افراد میں کورونا کی تصدیق ہوئی اور کوروناکےفعال کیسزکی تعداد24ہزار483 جبکہ متاثرہ افراد کی مجموعی تعداد 5 لاکھ 73 ہزار 384 ہو گئی ہے۔

    اعدادو شمار کے مطابق سندھ میں کورونا کیسزکی تعداد 2 لاکھ 56 ہزار 445 ، پنجاب میں ایک لاکھ 68 ہزار384، خیبر پختونخوا میں 71 ہزار146 اور بلوچستان میں 18 ہزار993 ہوگئی ہے جبکہ اسلام آباد میں 43 ہزار623، آزاد کشمیر میں 9 ہزار 878 اور گلگت بلتستان میں 4 ہزار 951 افراد کورونا سے متاثر ہوچکے ہیں۔

    خیال رہے پاکستان میں کورونا کی ویکسینیشن کا عمل جاری ہے ، پہلے مرحلے میں ہیلتھ ورکرز کو ویکسین لگائی جا رہی ہے جبکہ بزرگ شہریوں کی کورونا ویکسی نیشن مارچ کے پہلے ہفتے میں شروع کی جائے گی۔