اسلام آباد : ایشیائی ترقیاتی بینک نومبرمیں پاکستان کو ایک ارب ڈالر سے زائد رقم جاری کرےگا، رقم بجٹ سپورٹ اور توانائی اصلاحات کیلئے دی جائےگی۔
تفصیلات کے مطابق ایشیائی ترقیاقی بینک نومبرمیں پاکستان کو میں ایک ارب ڈالر تیس کروڑ ڈالر فراہم کرئےگا، ایشیائی ترقیاتی بینک ایک ارب ڈالربجٹ سپورٹ کیلئےجبکہ تیس کروڑ ڈالرتوانائی سیکٹراصلاحات کیلئےدیئے جائیں گے۔
بینک کے مطابق سال دوہزاربیس سےچوبیس کےدرمیان ساڑھےسات ارب ڈالرفراہم کرےگا، یہ رقم کنٹری آپریشنزبزنس پلان کےتحت دی جائےگی۔
خیال رہے اے ڈی بی کےنائب صدر شی ژن چن پاکستان کےدورےپرہیں۔انھوں نےپاکستان میں اہم ملاقاتیں بھی کیں۔
گذشتہ روز وزیراعظم عمران خان سےایشین ڈیویلپمنٹ بینک کے وفد کی ملاقات ہوئی تھی ، وفدکی قیادت ایشین ڈیویلپمنٹ بینک کےوائس پریذیڈنٹ شی ژن چن نے کی، شی ژن چن نے کہا تھا کہ پاکستان بانی رکن ہونےکےناطے اےڈی بی کااہم شراکت دارہے ، پاکستان وسطی مغربی ایشیامیں تعاون کےفروغ میں کرداراداکرسکتاہے۔
اے ڈی بی نے پاکستان کوغربت کےخاتمےکےلئےتعاون کی پیشکش کی، جس پر وزیراعظم عمران خان نے کہا پاکستان سےغربت کاخاتمہ میراذاتی مشن ہے، حکومت کی بنیادی توجہ نچلےطبقےکومددفراہم کرناہے۔
مزید پڑھیں : ایشیائی ترقیاتی بینک پاکستان کو مزید ڈھائی کروڑ ڈالر کا قرض دے گا
اس موقع پر وزیراعظم نے اقتصادی امور ڈویژن کو اے ڈی بی کیساتھ منصوبوں کی جلدتکمیل کی ہدایت کرتے ہوئے کہا شہریوں کی معاشی خوشحالی کیلئےاےڈی بی تعاون آسان بنایاجائے۔
یاد رہے ایشیائی ترقیاتی بینک نے پاکستان کے لئے50 کروڑڈالر قر ض کی منظوری دی تھی اور کہا تھا قرض سےتجارتی خسارے کوکم کرنےمیں مددملےگی۔
بعدازاں پاکستان کے لئے مزید ڈھائی کروڑ ڈالر کی قرض کی منظوری دی تھی ، بینک کی جانب سے جاری اعلامیہ میں کہا گیا ہے کہ یہ رقم ایس ایم ای سیکٹر کے لئے دی جائےگی، رقم کا مقصد پاکستانی خواتین کے چھوٹے کاروبار کے لئے سرمائے کی فراہمی ممکن بناناہے۔
