Tag: 1 نوجوان شہید

  • اسرائیلی فورسز کی غزہ میں فضائی بمباری، 1 نوجوان شہید متعدد زخمی

    اسرائیلی فورسز کی غزہ میں فضائی بمباری، 1 نوجوان شہید متعدد زخمی

    یروشلم : غاصب صیہونی ریاست اسرائیل کی شمالی غزہ میں فضائی بمباری کے نتیجے میں 1 فلسطینی نوجوان شہید جبکہ متعدد زخمی ہوگئے۔

    تفصیلات کے مطابق مقبوضہ فلسطین پر قابض ظالم صیہونی ریاست اسرائیل کی فضائیہ کی جانب سے بدھ کے روز غزہ کے شمالی حصّے میں رہائشی آبادی کو شدید فضائی بمباری کا نشانہ بنایا گیا ہے جس کے نتیجے میں ایک فلسطینی نوجوان شہید ہوگیا۔

    فلسطینی خبر رساں ادارے کا کہنا تھا کہ ظالم اسرائیلی فورسز کی جانب سے مقبوضہ غزہ کے علاقے بیت لاھیا میں علیٰ الصبح 4 بجے بم گرائے گئے تھے جس میں متعدد افراد زخمی ہوئے جبکہ شہید ہونے والے نوجوان کی شناخت ناجی الزعانین کے نام سے ہوئی ہے۔

    فلسطینی وزارت صحت کا کہنا تھا کہ اسرائیلی بمباری میں شہید ہونے والے نوجوان کی عمر 25 برس تھی

    دوسری جانب صیہونی ریاست کی درندہ صفت فورسز کے ترجمان نے جاری بیان میں کہا ہے کہ آج کی جانے والی فضائی بمباری میں فلسطین کی مزاحمتی تنظیم کے مرکز کو نشانہ بنایا گیا ہے۔

    غاصب صیہونی ریاست اسرائیل کی دفاعی فورسز کے ترجمان کا کہنا تھا کہ اسرائیلی جنگی طیاروں کی جانب سے فلسطین پر غزہ اے فائر کیے جانے والے میزائلوں کے جواب میں بمباری کی گئی تھی۔

    اسرائیلی فوج کے ترجمان نے میڈیا کو بتایا کہ گذشتہ رات فلسطینی حدود سے متعدد راکٹ داغے گئے تھے جس نے بئرسبع کے لیے علاقے کو متاثر کیا تھا۔

    اسرائیلی فورسز کے ترجمان مقبوضہ غزہ میں کی جانے والی فضائیہ بمباری کی ذمہ دار فلسطینی مزاحمتی تنظیم’حماس‘ ہے۔

  • فلسطینی مظاہرین پر اسرائیلی افواج کی فائرنگ،1 نوجوان شہید

    فلسطینی مظاہرین پر اسرائیلی افواج کی فائرنگ،1 نوجوان شہید

    غزہ : اسرائیلی مظالم کے خلاف مظاہرہ کرنے والے نہتے فلسطینیوں پر صیہونی فورسز کی فائرنگ اور شیلنگ کے نتیجے میں ایک نوجوان شہید جبکہ 400 سے زائد شہری زخمی ہوگئے۔

    تفصیلات کے مطابق فلسطین کے مقبوضہ علاقے غزہ میں غاصب ریاست اسرائیل کی افواج کے ظلم و بربریت کے خلاف احتجاج کرنے والے نتہے فلسطینوں پر اسرائیلی فوجیوں کی جانب سے اندھا دھند فائرنگ کی گئی ہے، جس کے نتیجے میں ایک نوجوان شہید ہوگیا۔

    غیر ملکی خبر رساں ادارے سے گفتگو کرتے ہوئے فلسطین کے وزیر صحت کا کہنا تھا کہ اسرائیلی فورسز کی فائرنگ سے مظاہرے میں شریک ایک نوجوان سینے میں گولی لگنے کے باعث موقع پر ہی شہید ہوگیا، جبکہ 57 فلسطینی گولیاں لگنے سے زخمی ہوگئے۔

    غیر ملکی خبر رساں ادارے کا کہنا تھا کہ فلسطینی شہری پر امن مظاہرہ کررہے تھے کہ اچانک اسرائلی فورسز نے مظاہرین پر آنسو گیس کے سیل فائر کرنا شروع کردیئے اور ربڑ کی گولیوں کا بھی بے دریغ استعمال کیا، جس کے نتیجے میں 400 سے زائد شہری زخمی ہوگئے۔


    اسرائیلی افواج کی فائرنگ، 2 فلسطینی نوجوان شہید، 300 سے زائد زخمی


    یاد رہے کہ گذشتہ ماہ 29 جون کو مقبوضہ فلسطین کے شہر غزہ کے علاقے خان یونس میں جمعے کے روز ہونے والے احتجاجی مظاہروں پر صیہونی فوجیوں کی بے دریغ فائرنگ اور شیلنگ سے 13 برس کے بچے سمیت سے دو فلسطینی شہری شہید اور 3 سو سے زائد زخمی ہوگئے۔

    خیال رہے دو ماہ قبل امریکی صدر ڈونلڈ ٹرمپ کی جانب سے بیت المقدس کو اسرائیلی دارالحکومت تسلیم کیا گیا تھا، جس کے بعد 30 مارچ سے فلسطینی عوام وقتاً فوقتاً اسرائیل اور امریکا کے خلاف مظاہرے کررہی ہے، جس کو دبانے کے لیے اسرائیلی فورسز مسلسل طاقت کا استعمال کررہی ہے، جس میں 150 کے قریب فلسطینی شہری شہید جبکہ 15 ہزار سے زائد زخمی ہوچکے ہیں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں