ARYNews.tv | Urdu – Har Lamha Bakhabar

Tag: 1 INJURED

  • بھارتی فوج کے ٹرک کو حادثہ : 9 ہلاک ایک زخمی

    بھارتی فوج کے ٹرک کو حادثہ : 9 ہلاک ایک زخمی

    لداخ : بھارتی فوج کا ٹرک گہری کھائی میں جاگرا جس کے نتیجے میں 9 فوجی ہلاک ہوگئے، حادثے میں ایک فوجی زخمی ہوگیا۔

    تفصیلات کے مطابق بھارتی فوج کا ٹرک ہفتہ کی شام بھارت کے زیر انتظام لداخ کے علاقے میں حادثے کا شکار ہوگیا، یہ حادثہ دارالحکومت لیہہ کے قریب کیاری گاؤں میں پیش آیا۔

    بھارتی میڈیا رپورٹ میں بتایا گیا ہے کہ فوجی ٹرک کارو گیریژن سے لیہ کے قریب کیاری جا رہا تھا کہ کیاری شہر سے 7 کلومیٹر کی دوری پر گہری کھائی میں جا گرا۔

    حادثے میں فوج کے 9 جوانوں کے ہلاک ہونے کی اطلاعات ہیں جب کہ ایک فوجی کے زخمی ہوگیا، مرنے والوں میں آٹھ جوان اور ایک جے سی او (جونیئر کمیشنڈ آفیسر) شامل ہے۔

    یہ حادثہ ہفتہ کی شام تقریباً 6:30 بجے پیش آیا۔ زخمی فوجی کو طبی امداد کے لیے منتقل کیا گیا، جائے حادثہ پر ریسکیو آپریشن جاری ہے۔

    واضح رہے کہ لداخ کی وادی گالوان میں جون 2020 میں بھارت اور چین کے فوجیوں کے درمیان جھڑپ کے بعد سے دونوں ممالک کے درمیان شدید تناؤ ہے۔

    چین کی جانب سے سرحد پر فوج کی تعیناتی بھی بڑھا دی گئی ہے۔ اس کے جواب میں بھارت نے نہ صرف سرحد پر فوج کی تعداد میں اضافہ کیا ہے بلکہ یہاں بڑے ہتھیار بھی نصب کیے گئے ہیں۔

  • فریضہ حج کی ادائیگی کے لیے جانے والے 3 پاکستانی ٹریفک حادثے میں جاں بحق

    فریضہ حج کی ادائیگی کے لیے جانے والے 3 پاکستانی ٹریفک حادثے میں جاں بحق

    ریاض: فریضہ حج کی ادائیگی کے لیے جانے والے تین پاکستانی سعودی عرب میں ٹریفک حادثے میں جاں بحق ہوگئے جبکہ ایک شدید زخمی ہے۔

    تفصیلات کے مطابق ٹریفک حادثہ سعودی شہر مکہ سے مدینہ جاتے ہوئے پیش آیا جس کے باعث تین پاکستانیوں کی ہلاکتیں ہوئیں اور ایک شدید زخمی ہے۔

    خاندانی ذرائع کا کہنا ہے کہ نوجوانوں کی ٹیکسی کو حادثہ مکہ سے مدینہ جاتے ہوئے پیش آیا، جاں بحق افراد فریضہ حج کی ادائیگی کے لیے گئے تھے۔

    جاں بحق علی اور عمران کا تعلق کراچی جبکہ رضوان میمن سکھر کا رہائشی تھا، شدید زخمی نوجوان سلمان میمن مکہ کی اسپتال میں زیر علاج ہے۔

    سعودی عرب : ٹریفک حادثہ، 2 پاکستانی جاں بحق

    حادثے میں جاں بحق ہونے والے رضوان کے بھائی کا کہنا ہے کہ سعودی عرب میں پاکستانی سفارت خانہ کوئی تعاون نہیں کررہا، پہلے ہمیں بتایا گیا سعودی پولیس نے پاکستانی نوجوانوں کو حراست میں لیا ہے۔

    بھائی رضوان کا کہنا تھا کہ بعد میں خبر ملی کہ تینوں نوجوان ٹریفک حادثے میں جاں بحق ہوگئے، حادثہ جمعہ کو پیش آیا، آج زخمی شخص نے ہوش میں آنے پر فون کرکے کے تفصیلات بتائیں، علی، عمران اور رضوان کی میتیں سعودی اسپتال میں ہیں۔

    خیال رہے کہ رواں سال جنوری میں سعودی عرب میں القسیم مدینہ روڈ پر ٹریفک حادثہ پیش آیا تھا جس کے نتیجے میں عمرے پر گئے 4 پاکستانی زائرین جاں بحق ہوگئے تھے۔

  • ڈیرہ مراد جمالی: ریلوے ٹریک پر دھماکہ، بوگیاں پٹری سے اترگئیں

    ڈیرہ مراد جمالی: ریلوے ٹریک پر دھماکہ، بوگیاں پٹری سے اترگئیں

    کوئٹہ: بلوچستان کے ضلع ڈیرہ مراد جمالی کے ریلوے ٹریک پر دھماکہ کے نتیجے میں  ایک شخص زخمی ہوگیا  جبکہ بولان میل کی دو بوگیاں پٹری سے اتر گئیں۔

    تفصیلات کے مطابق بلوچستان میں دہشت گردی کے ایک واقعے میں ٹرین کی بوگیاں پٹری سے اتر گئیں جس کے نتیجے میں ایک شخص زخمی ہوگیا، خوش قسمتی سے کوئی جانی نقصان نہیں ہوا۔

    ریلوے حکام کا کہنا ہے کہ شخص زخمی ہونے والے شخص کو مقامی اسپتال میں طبی امداد فراہم کی جارہی ہے۔ عینی شاہدین کے مطابق دھماکہ اتنا زوردار تھا کہ ریلوے ٹریک کا 4 فٹ حصہ متاثر ہوا جس کے باعث کراچی تا خانیوالی بولان میل کو ڈمبولی کے علاقے میں روک دیا گیا ہے۔

    ریلوے ترجمان کے مطابق ایف سی حکام  نے بروقت کارروائی کرتے ہوئے مسافرں کو محفوظ مقام پر منتقل کیا جبکہ  متاثرہ ریل گاڑی کی مرمت کا کام جاری ہے، جلد اس ٹریک اور ریل کو مقررہ راستوں پر بحال کر دیا جائے گا۔

    دوسری جانب وفاقی وزیر ریلوے خواجہ سعد رفیق نے واقعے کی شدید الفاظ میں مذمت کرتے ہوئے کہا ہے کہ دھماکہ دہشت گردوں کی بزدلانہ کارروائی ہے، البتہ  تمام مسافر  محفوظ ہیں، جبکہ دھماکے کے بعد فائرنگ کا کوئی واقعہ پیش نہیں آیا۔

    سماجی رابطے کی ویب سائٹ ٹوئٹر پر اپنے جاری کردہ پیغام میں خواجہ سعد رفیق کا کہنا تھا کہ صوبائی انتظامیہ اور اعلی ایف سی حکام سے رابطے میں ہوں، فوری کارروائی کرنے پر ایف سی اور صوبائی انتظامیہ کو خراج تحسین کرتا ہوں۔

    علاوہ ازیں پاک فوج کے ترجمان کا کہنا ہے کہ بلوچستان انتظامیہ نے بولان ایکسپریس کا ٹریک کلیئر کردیا ہے اور  مسافرں کو سخت سیکیورٹی کے ساتھ  جیکب آباد پہنچا دیا گیا ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔