ARYNews.tv | Urdu – Har Lamha Bakhabar

Tag: $1 million

  • کینیا کے شہری نے دبئی میں 10 لاکھ امریکی ڈالر جیت لیے

    کینیا کے شہری نے دبئی میں 10 لاکھ امریکی ڈالر جیت لیے

    ابوظہبی : دبئی کے انٹرنیشنل ایئرپورٹ پر لاٹری کا ٹکٹ خریدنے والے کینیا کے شہری نے دس لاکھ امریکی ڈالر (15کروڑ سے زائد پاکستانی روپے) انعام میں جیت لیے۔

    تفصیلات کے مطابق متحدہ عرب امارات کی ریاست دبئی کے عالمی ہوائی اڈے پر فروخت ہونے والے ڈیوٹی فری لاٹری ٹکٹ نے شہری کی قسمت تبدیل کردی، پاؤل ویچارا نامی افریقی نے منگل کے روز ہونے والی قرعہ اندازی میں ایک ملین امریکی ڈالر کی رقم اپنے نام کرلی۔

    اماراتی خبر رساں ادارے کا کہنا تھا کہ پاؤل ویچارا پہلے کینیا کے شہری ہیں جو دبئی ڈیوتی فری لاٹری کے ذریعے 10 لاکھ امریکی ڈالر جیتنے میں کامیاب ہوئے ہیں۔

    مقامی خبر رساں ادارےکے مطابق انعامی ٹکٹ تقسیم کرنے والے ادارے کی انتظامیہ خوش نصیب شہری تک رسائی حاصل نہیں پارہی ہے اور نہ ہی مذکورہ شخص کو علم ہے کہ وہ ایک ملین ڈالر کا مالک بن جاچکا ہے۔

    خبر رساں ادارے کا کہنا تھا کہ ویچارا نے آن لائن ٹکٹ خریدا تھا جس کے باعث اس تک رسائی ممکن نہیں ہوپارہی ہے۔

    اماراتی میڈیا کے مطابق تین مزید خوش نصیب ہیں جنہوں نے لاٹری ٹکٹ کے ذرئعے بیش قیمتی گاڑیاں اپنے نام کی ہیں۔

    ملازمت کی غرض سے دبئی میں مقیم راملال سرگارا نے دبئی ڈیوٹی فری سے بینٹلی بینٹیگا وی 8 جیتی ہے جبکہ وریا راحیمی نے رینج روور اور سندُن سمیر انے انڈین اسکوٹ بوبر ابائیک اپنے نام کی ہے۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جو کہ دبئی میں مقیم کسی بھی بھارتی یا پاکستانی کے لیے ایک بڑی رقم ہے۔

  • دبئی کے سفر نے بھارتی شہری کو کروڑ پتی بنادیا

    دبئی کے سفر نے بھارتی شہری کو کروڑ پتی بنادیا

    ابو ظبی : دبئی انٹرنیشنل ایئرپورٹ پر بھارتی شہری نے دس لاکھ امریکی ڈالر کی (12 کروڑ سے زائد پاکستانی روپے) لاٹری جیت لی، مذکورہ شخص لاٹری جیتنے والا 143 واں بھارتی شہری بن گیا۔

    تفصیلات کے مطابق ملازمت کے سلسلے میں متحدہ عرب امارات کا سفر کرنے والے بھارتی شہری نے دبئی کے عالمی ہوائی اڈے پر ڈیوٹی فری ملینیئر لاٹری جیت کر 10 لاکھ امریکی ڈالر اپنے نام کرلیے ہیں۔

    اماراتی میڈیا کا کہنا ہے کہ 40 سالہ رگو کرشنامورتی اردن میں رہائش پذیر ہے جو ملازمت کے سلسلے میں دبئی آیا تھا جہاں اس نے واپسی پر ڈیوٹی فری ریفل لاٹری کا ٹکٹ خریدتا ہے۔

    رگو کرشنا کا کہنا ہے کہ میں نے پہلی مرتبہ لاٹری کا ٹکٹ خریدا تھا اور پہلے ہی ٹکٹ میں میری قسمت کھل گئی، میں شکر گزار ہوں کہ ایک ٹکٹ نے میری قسمت بدل دی۔

    اماراتی خبر رساں ادارے کا کہنا ہے کہ ڈیوٹی فری ملینئم ملینیئر لاٹری کا ٹکٹ خریدنا بھی کرشنا مورتی کے سفر کا حصّہ تھا، جس طرح کوئی دبئی ڈیوٹی فری سے شاپنگ کرتا ہے اسی طرح مذکورہ شخص نے ایک ہزار درہم کا لاٹری کا ٹکٹ خریدتا تھا۔

    مقامی خبر رساں ادارے کا کہنا تھا کہ کرشنا مورتی 143 واں بھارتی شہری ہے جس نے دبئی میں ڈیوٹی فری ملینئم ملینیئر لاٹری ٹکٹ کے ذریعے دس لاکھ امریکی ڈالر کی خطیر رقم جیتی ہے۔

    ان کا کہنا ہے کہ لاٹری کے ذریعے جیتی گئی دس لاکھ امریکی ڈالر کی رقم کا ایک حصّہ خیراتی ادارے کو چندے میں دے دوں گا جبکہ باقی رقم ذاتی سرمایہ داری میں خرچ کروں گا۔

    اماراتی خبر رساں ادارے کا کہنا ہے کہ کرشنا مورتی بھارتی شہری ہیں لیکن گزشتہ کئی برسوں سے ملازمت کے سلسلے میں عمان میں مقیم ہیں۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جو کہ دبئی میں مقیم کسی بھی بھارتی یا پاکستانی کے لیے ایک بڑی رقم ہے۔

  • طالبہ نے 10 لاکھ امریکی ڈالر کی انعامی رقم اپنے والد کو تحفے میں‌ دے دی

    طالبہ نے 10 لاکھ امریکی ڈالر کی انعامی رقم اپنے والد کو تحفے میں‌ دے دی

    دبئی انٹرنیشنل ایئرپورٹ پر سوڈانی اور بھارتی پس منظر کی حامل طالبہ نے دس لاکھ امریکی ڈالرز (12 کروڑ سے زائد پاکستانی روپے) لاٹری میں جیت لی۔

    تفصیلات کے مطابق حصول تعلیم کے لیے سوڈان میں مقیم سوڈان اور بھارتی پس منظر کی حامل طالبہ نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئی لاٹری ٹکٹ سے 10 لاکھ امریکی ڈالر کی انعامی رقم اپنے نام کرلی۔

    اماراتی خبر رساں ادارے کا کہنا ہے کہ قسمت بدلنے کا لاٹری ٹکٹ 21 سالہ سارا نامی لڑکی نے مارچ میں ممبئی سے مناما جاتے ہوئے خریدا تھا۔

    مقامی میڈیا کا کہنا ہے کہ گزشتہ کئی برسوں سے بحرین میں مقیم بھارتی سوڈانی لڑکی سارا پر دس لاکھ امریکی ڈالر جیتنے کی خبر سن کر بیک وقت حیرانگی اور خوشی کے حالت طاری تھی۔

    سارا نے اماراتی میڈیا سے گفتگو کرتے ہوئے کہا کہ ’یہ میرا پہلا لاٹری ٹکٹ ہے لیکن مجھے یقین نہیں تھا کہ میں اتنی بڑی رقم جیت پاؤں گی، یہ میرے لیے بہت حیرانگی کا باعث تھا‘۔

    سارا احمد نے بتایا کہ ’ میں ممبئی سے بحرینی دارالحکومت مناما جارہی تھی اور دبئی ایئرپورٹ پر پرواز میں تاخیر کے باعث کئی گھنٹے سے بیھٹی تھی ’ایئرپورٹ پر انتظار کے دوران میں نے لاٹری ٹکٹ خریدا تھا لیکن یہ یقین نہیں تھا کہ میں کلی ڈرا جیت پاؤں گی‘۔

    طالبہ نے بتایا کہ ’یہ پہلی مرتبہ تھا کہ میں نے لاٹری ٹکٹ خریدا تھا تاکہ اپنے والد کو سرپرائز دے سکوں، جب اعلان ہوا تو ’میں بہت حیران ہوئی، مجھے خیال آیا کہیں یہ مزاق تو نہیں اور میں نے فوری اپنے والد کو فون کیا بے انتہا خوشی کے عالم میں انہیں یہ خبر دی‘۔

    مقامی خبر رساں ادارے کا کہنا تھا کہ طالبہ کے والد سوڈانی اور والدہ بھارتی شہری ہیں اور یہ جوڑا گزشتہ کئی برسوں سے بحرین میں مقیم ہے، والدہ کا تعلق بھارت سے ہونے کے باعث سارا احمد کے پاس بھارتی پاسپورٹ بھی ہے۔

    دبئی ڈیوٹی فری لاٹری انتظامیہ کا کہنا تھا کہ سنہ 1999 سے شروع ہونے والی میلینئم میلینئر لاٹری میں دس لاکھ امریکی ڈالر جیتنے والی پہلی لڑکی ہے جس جو اپنے والدین کے باعث بھارت اور سوڈان کے پس منظر کی حامل ہے۔

  • دو غیر ملکیوں‌ نے دبئی میں 10 لاکھ ڈالر کی لاٹری جیت لی

    دو غیر ملکیوں‌ نے دبئی میں 10 لاکھ ڈالر کی لاٹری جیت لی

    دبئی انٹرنیشنل ایئرپورٹ پر دو غیر ملکی شہریوں نے دس لاکھ امریکی ڈالر کی (12 کروڑ سے زائد پاکستانی روپے) لاٹری جیت لی۔

    تفصیلات کے مطابق روزگار کے لیے بیرون ملک مقیم آئرش اور کینیڈین شہری نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئے لاٹری ٹکٹ سے 10 لاکھ امریکی ڈالر کی انعامی رقم اپنے نام کرلی۔

    اماراتی خبر رساں ادارے کا کہنا ہے کہ قسمت بدلنے کا لاٹری ٹکٹ 37 سالہ مختار نامی کینیڈین نے ٹینس ولیج سے دبئی ڈیوٹی فری ٹینس چیمپیئن شپ کے دوران خرید تھا۔

    مقامی میڈیا کا کہنا ہے کہ گزشتہ 27 برسوں سے دبئی کے رہائشی کینیڈین مختار پر دس لاکھ امریکی ڈالر جیتنے کی خبر سن کر بیک وقت تذبذب اور خوشی کے حالت طاری تھی۔

    اماراتی میڈیا کا کہنا ہے کہ مختار دبئی میں رئیل اسٹیٹ کا کام کرتے ہیں اور گزشتہ دس برسوں مسلسل لاٹری کا ٹکٹ خرید رہے تھے۔

    مختار کا کہنا تھا کہ ’شکریہ دبئی ڈیوٹی فری حیرت انگیز سنانے پر‘میں گزشتہ 10 سال سے آپ کی پروموشن کا حصّہ بن رہا ہوں اور یہ میرے لیے سب سے اچھا سرپرائز ہے، مجھے یقین نہیں آرہا کہ باالاآخر میں جیت گیا‘۔

    ایک ملین ڈالر کے مالک بننے والے دوسرے خوش نصیب آئرش شہری مائیکل مکگنلی ہیں جنہیں دبئی ڈیوٹی فری کے آغاز سے اب تک ایک ملین ڈالر جیتنے والے آئرش شہری ہونے کا اعزاز حاصل ہوا ہے۔

    مزید پڑھیں : دبئی : اردن کے شہری نے 10 لاکھ امریکی ڈالر کی لاٹری جیت لی

    یاد رہے کہ دو ماہ قبل ملازمت کے سلسلے میں متحدہ عرب امارات کا سفر کرنے والے اردنی شہری نے 19 برس بعد دبئی کے عالمی ہوائی اڈے پر ڈیوٹی فری ملینیئر لاٹری سے 10 لاکھ امریکی ڈالر جیتے تھے۔

    اماراتی میڈیا کا کہنا ہے کہ 48 سالہ مروان طہٰ جب بھی دبئی کا سفر کرتا تھا ڈیوٹی فری ریفل لاٹری کا ٹکٹ خریدتا تھا اور سنہ 1999 سے اب تک 300 ٹکٹ خرید چکا تھا۔

  • گلوبل ٹیچر ایوارڈ اور 1 ملین ڈالر جیتنے والے کینین استاد کو شیخ محمد کی مبارکباد

    گلوبل ٹیچر ایوارڈ اور 1 ملین ڈالر جیتنے والے کینین استاد کو شیخ محمد کی مبارکباد

    دبئی : وزیر اعظم شیخ محمد بن راشد المکتوم نے گلوبل ٹیچر ایوارڈ اور دس لاکھ ڈالر جیتنے والے کینین استاد کو مبارکباد پیش کرتے ہوئے کہا کہ ٹیچر حقیقت میں تبدیلی ساز ہوتے ہیں۔

    تفصیلات کے مطابق متحدہ عرب امارات کی ریاست دبئی کے حاکم شیخ محمد بن راشد المکتوم نے اساتذہ کےلیے کام کرنے والی غیر سرکاری تنظیم ورکی انٹرنیشنل کی جانب سے دنیا کے سب سے بہترین ٹیچر کا ایوارڈ جیتنے والے کینین شہری کو خراج تحسین پیش کیا۔

    شیخ محمد بن راشد المکتوم کا کہنا تھا کہ کسی بھی معاشرے میں تبدیلی ساز شخصیت استاد کی ہوتی ہے اور وہ ہی ملکی و قومی ترقی کے علم بردار ہوتے ہیں۔

    اماراتی خبر رساں ادارے کا کہنا ہے کہ اماراتی وزیر اعظم شیخ محمد بن راشد المکتوم کینین ٹیچر پیٹر تبیچی کا نام گلوبل ٹیچر ایوار کے لیے نامزد ہونے کے کچھ دیر بعد ہی مارکباد کا ٹویٹ کردیا تھا۔

    دوسری جانب کینین صدر اوہورو کینیاتا نے اعزاز حاصل کرنے پر پیٹر تبیچی کو ویڈیو پیغام کے ذریعے تمام کینین شہریوں کی جانب سے مبارکباد پیش کرتے ہوئے کہا کہ تعلیم کے حوالے سے ان کی خدمات کو سراہتے ہوئے اپنے مکمل تعاون کا یقین دلایا۔

    کینین صدر کا کہنا تھا کہ ’آپ صرف افریقہ نہیں بلکہ پوری دنیا کے انسانوں کے لیے جذبے کی ایک مثال ہیں‘۔

    مزید پڑھیں : پہلی مرتبہ کینین شہری نے دنیا کے بہترین استاد کا ایوارڈ اور 10 لاکھ ڈالر اپنے نام کرلیے 

    یاد رہے کہ کینین ٹیچر پیٹر تبیچی نے دبئی میں منعقدہ پانچویں ورکی فاؤنڈیشن گلوبل ٹیچر پرائز ایوارڈ اپنے نام کیا تھا، کینین ٹیچر پیٹر تبیچی کو ٹرافی اور 10 لاکھ ڈالر انعام سے نوازا گیا۔

    غیر ملکی میڈیا کا کہنا ہے کہ نجی اسکول کی ملازمت ترک کرنے اور اپنے تنخواہ کا 80 فیصد حصّہ غریب طلبہ خرچ کرنے والے کینین ٹیچر پیٹر تبیچی کو دبئی کے ولی عہد شیخ حمدان بن محمد بن راشد المختوم نے بہترین استاد کا ایوارڈ اور ایک ملین ڈالر کا انعام دیا گیا تھا۔

  • پہلی مرتبہ کینین شہری نے دنیا کے بہترین استاد کا ایوارڈ اور 10 لاکھ ڈالر اپنے نام کرلیے

    پہلی مرتبہ کینین شہری نے دنیا کے بہترین استاد کا ایوارڈ اور 10 لاکھ ڈالر اپنے نام کرلیے

    دبئی : کینین ٹیچر نے دبئی میں پانچویں ورکی فاؤنڈیشن گلوبل ٹیچر پرائز ایوارڈ اپنے نام کرلیا، کینین ٹیچر پیٹر تبیچی کو ٹرافی اور 10 لاکھ ڈالر انعام سے نوازا گیا۔

    تفصیلات کے مطابق نجی اسکول کی ملازمت ترک کرنے اور اپنے تنخواہ کا 80 فیصد حصّہ غریب طلبہ خرچ کرنے والے کینین ٹیچر پیٹر تبیچی کو دبئی کے ولی عہد شیخ حمدان بن محمد بن راشد المختوم نے بہترین استاد کا ایوارڈ اور ایک ملین ڈالر کا انعام دیا۔

    تقریب کا انعقاد دبئی کے فائیو اسٹار ہوٹل میں کیا گیا تھا، پیٹر تبیچی حساب(میتھ) اور طبیعات (فزکس) کے استاد ہیں اور کینیا کے پوانی گاؤں کے کیریکیو سیکنڈری اسکول میں غریب بچوں کو تعلیم کے فرائض بہترین انداز میں سر انجام دے رہی ہیں۔

    ورکی فاؤنڈیشن گلوبل ٹیچر پرائز ایوارڈ کا انعقاد گزشتہ پانچ برسوں سے کیا جارہا ہے، جس میں بہترین کارکردگی دکھانے والے اساتذہ کو منتخب کیا جاتا ہے اور اس سال یہ ایوارڈ پہلی بار کینین شہری کو ملا ہے۔

    اس اعزاز کے حصول کے لیے 179 ممالک سے تعلق رکھنے والے دس ہزار سے اساتذہ کی جانب سے درخواستیں دی گئی تھیں لیکن بہترین استاد کے ایوارڈ کا حقدار ’پیٹر تبیچی‘ قرار پائیں۔

    کینین صدر اوہورو کینیاتا نے اعزاز حاصل کرنے پر پیٹر تبیچی کو ویڈیو پیغام کے ذریعے تمام کینین شہریوں کی جانب سے مبارکباد پیش کی اور تعلیم کے حوالے سے ان کی خدمات کو سراہتے ہوئے اپنے مکمل تعاون کا یقین دلایا۔

    کینین صدر کا کہنا تھا کہ ’آپ صرف افریقہ نہیں بلکہ پوری دنیا کے انسانوں کے لیے جذبے کی ایک مثال ہیں‘۔

    مزید پڑھیں : برطانوی خاتون نے دنیا کے بہترین استاد کا ایوارڈ اپنے نام کرلیا

    یاد رہے کہ اس سے قبل 35 زبانوں پر عبور حاصل کرنے والی برطانوی خاتون استاد اینڈریا ظفیراکاؤ نے یہ ایوارڈ اپنے نام کیا تھا، لندن کے ایلپرٹن کمیونٹی اسکول میں پناہ گزین بچوں کو تعلیم کے زیور سے آراستہ کرنے والی خاتون استاد کو دبئی میں ہونے والے چوتھے سالانہ گلوبل ٹیچر پرائز کے ایونٹ میں انعام دیا گیا تھا۔

    اس موقع پر اینڈریا ظفیراکاؤ کا کہنا تھا کہ انہیں فخر ہے کہ ایک خاتون ٹیچر کی حیثیت سے یہ اعزاز اپنے نام کیا ہے وہ اس رقم کو پناہ گزین بچوں میں تعلیم کے فروغ کے لیے خرچ کریں گی۔

  • دبئی میں شامی شہری نے دس لاکھ امریکی ڈالر جیت لیے

    دبئی میں شامی شہری نے دس لاکھ امریکی ڈالر جیت لیے

    دبئی انٹرنیشنل ایئرپورٹ پر خانہ جنگی کا شکار ملک شام کے شہری نے دس لاکھ امریکی ڈالر (12 کروڑ سے زائد پاکستانی روپے) لاٹری میں جیت لیے۔

    تفصیلات کے مطابق روزگار کے لیے بیرون ملک مقیم شام کی کاروباری شخصیت نے دبئی انٹرنیشنل ایئر پورٹ کے ڈیوٹی فری لکی ڈرا سے خریدی گئے لاٹری ٹکٹ سے 10 لاکھ امریکی ڈالر کی انعامی رقم اپنے نام کرلی۔

    اماراتی خبر رساں ادارے کا کہنا ہے کہ قسمت بدلنے کا لاٹری ٹکٹ 40 سالہ اسماعیل نامی شامی تاجر نے چھٹیوں کےلیے شام جانے سے قبل 7 جنوری کو خریدا تھا۔

    مقامی میڈیا کا کہنا ہے کہ گزشتہ پانچ برسوں سے دبئی کے رہائشی شامی شہری اسماعیل پر دس لاکھ امریکی ڈالر جیتنے کی خبر سن کر بیک وقت تذبذب اور خوشی کے حالت طاری تھی۔

    اسماعیل نے اماراتی میڈیا سے گفتگو کرتے ہوئے کہا کہ ’یہ میرا چھٹا لاٹری ٹکٹ ہے لیکن مجھے یقین نہیں تھا کہ میں اتنی بڑی رقم جیت پاؤں گا، یہ میرے لیے تعجب تھا‘۔

    دبئی ڈیوٹی فری لاٹری انتظامیہ کا کہنا تھا کہ سنہ 1999 سے شروع ہونے والی میلینئم میلینئر لاٹری میں دس لاکھ امریکی ڈالر جیتنے والا ساتواں شامی شہری ہے۔

    مزید پڑھیں : دبئی : اردن کے شہری نے 10 لاکھ امریکی ڈالر کی لاٹری جیت لی

    یاد رہے کہ دو ماہ قبل ملازمت کے سلسلے میں متحدہ عرب امارات کا سفر کرنے والے اردنی شہری نے 19 برس بعد دبئی کے عالمی ہوائی اڈے پر ڈیوٹی فری ملینیئر لاٹری سے 10 لاکھ امریکی ڈالر جیتے تھے۔

    اماراتی میڈیا کا کہنا ہے کہ 48 سالہ مروان طہٰ جب بھی دبئی کا سفر کرتا تھا ڈیوٹی فری ریفل لاٹری کا ٹکٹ خریدتا تھا اور سنہ 1999 سے اب تک 300 ٹکٹ خرید چکا تھا۔

  • چاند کے نایاب پتھر 8 لاکھ 55 ہزار امریکی ڈالرز میں فروخت

    چاند کے نایاب پتھر 8 لاکھ 55 ہزار امریکی ڈالرز میں فروخت

    نیویارک : سنہ 1970 میں چاند سے زمین پر لائے گئے نایاب پتھروں کو8 لاکھ 55 ہزار امریکی ڈالرز (تقریباً12 کروڑ پاکستانی روپے سے زائد) میں نیلام کردیا گیا۔

    تفصیلات کے مطابق سویت یونین کے لونا 16 نامی خلائی مشن کے دوران نصف صدی پہلے چاند سے کرہ ارض پر لائے گئے انتہائی چھوٹے سائز کے تین نایاب پتھروں کو لاکھوں ڈالرز میں نیلام کردیا گیا۔

    غیر ملکی خبررساں ادارے کاکہنا تھا کہ کرہ ارض پر لائے جانے والے نایاب پتھروں کو چاند پر ڈرلنگ کے ذریعے 35 سینٹی میٹر کرکے سوراخ کرکے ستمبر 1970 میں نکالا گیا تھا۔

    چاند سے لائے گئے تین میں دو پتھروں کی چوڑائی 2 ملی میٹر جبکہ ایک پتھر کی چوڑائی 1 ملی میٹر ہے، ان قیمتی و نایاب پتھروں کا وزن انتہائی ہلکہ ہے۔

    غیر ملکی میڈیاکا کہنا تھا کہ سویت یونین نے اپنے خلائی مشن کے سربراہ اورخلائی جہاز کا ڈیزائن تیار کرنے والے سرگئی کورولووکی خدمات کے پیش نظر چاند سے زمین  پر لائے گئے قیمتی پتھروں کو ان کی اہلیہ کی خدمت میں بطور تحفہ پیش کیا تھا۔

    سرگئی کورولوو کی اہلیہ نے ان پتھروں کو پہلی مرتبہ سنہ 1993 میں 4 لاکھ 40 ہزار 500 امریکی ڈالرز میں فروخت کیا تھا۔

    غیر ملکی خبر رساں ادارے کا کہنا ہے کہ نومبر 2018 میں قیمتی اور نایاب پتھروں کو 8 لاکھ 55 ہزار امریکی ڈالر ز میں نیلام کیا گیا ہے جو 1993 کی قیمت سے دگنی ہے۔