کراچی: آج دنیا بھرمیں سُپرمُون دیکھا جائے گا، سُپرمون نہ صرف سال کا سب سے بڑا چاند ہوگا بلکہ یہ چاند کا زمین کے قریب ترین دیکھا جاسکے گا، آج دس اگست کو چاند کا زمین سے فاصلہ تقریباً ساڑھے تین لاکھ کلو میٹر ہوگا، سُپر مون نیا اورمکمل چاند ہوتا ہے جو کہ زمین کے مدار کے تقریباً نوے فیصد قریب ترین ہوتا ہے۔
سُپرمُون کا حجم اور چمک پُورے چاند سے بھی کہیں زیادہ ہوتی ہے، امریکہ اور مغربی ممالک میں سُپرمُون دس اگست کی رات دو بج کردومنٹ پردیکھا جائے گا، جبکہ پاکستان میں سُپرمون دس اگست کی رات دس بج کرچوالیس منٹ پردیکھا جاسکے گا، چاند زمین کے قریب اپناچکر ایک سال بعد پورا کرے گا اورسُپرمُون دیکھنا اب دوہزارپندرہ کے ستمبرمیں ہی ممکن ہوسکے گا۔
