اسلام آباد: انٹرنیشنل مانیٹری فنڈ (آئی ایم ایف) نے پاکستان کے 10 ارب درختوں کے منصوبے کو ایک بار پھر سراہا ہے، سابق وزیر اعظم عمران خان کا کہنا ہے کہ ہم نے تاریخ میں پہلی بار جنگلات کے رقبے میں اضافہ کیا۔
تفصیلات کے مطابق انٹرنیشنل مانیٹری فنڈ (آئی ایم ایف) کی جانب سے سماجی رابطے کی ویب سائٹ ٹویٹر پر پاکستان کی جنگلات کا رقبہ بڑھانے کے لیے کوششوں پر ایک ویڈیو ٹویٹ کی گئی۔
ٹویٹ میں کہا گیا کہ موسمیاتی تبدیلی سے بچنے کے لیے پاکستان کو جنگلات کی حفاظت کرنے کی ضرورت ہے۔
For Pakistan to survive climate change, it needs to protect its forests. But deforestation levels in the country have reached a record high. So, the 10 Billion Tree Tsunami was born. pic.twitter.com/LfQEi7owNv
— IMF (@IMFNews) May 9, 2022
ٹویٹ کے مطابق پاکستان میں جنگلات کی کٹائی کی سطح ریکارڈ بلندی پر پہنچ گئی تھی، تب ہی پاکستان نے 10 بلین درخت لگانے کا منصوبہ شروع کیا۔
آئی ایم ایف کے ٹویٹ کو ری ٹویٹ کرتے ہوئے سابق وزیر اعظم عمران خان نے کہا کہ پاکستان تحریک انصاف کی حکومت نے تاریخ میں پہلی بار جنگلات کی کٹائی کے رجحان کو تبدیل کیا، اور پہلی بار جنگلات کے رقبے میں اضافہ کیا۔
PTI govt first in Pak history to reverse deforestation trend & first time forest cover increased. Beg in KP 2014, we planted/regenerated more than 2.5 bn trees & were on target to restore over 1 mn hectares of degraded forests under #10BillionTreeTsunamihttps://t.co/VLsNUQYJpd
— Imran Khan (@ImranKhanPTI) May 9, 2022
عمران خان کا کہنا تھا کہ صوبہ خیبر پختونخواہ میں سنہ 2014 میں ہم نے 205 بلین پودے لگائے اور 1 ملین ہیکٹر سے زیادہ جنگلات کے رقبے کو دوبارہ سرسبز و شاداب کیا۔
