واشنگٹن: امریکی ریاست الاسکا میں گزشتہ روز گرنے والے چھوٹے طیارے کا ملبہ مل گیا، طیارے میں موجود تمام افراد ہلاک ہوگئے۔
بین الاقوامی خبر رساں ادارے کی رپورٹ کے مطابق طیارہ گرنے کے سبب 10 افراد اپنی زندگیوں سے محروم ہوگئے، ریسکیو اہلکار جائے حادثہ پر پہنچ گئے ہیں۔
واضح رہے کہ امریکا میں مسافر طیارہ گزشتہ روز لاپتہ ہو گیا تھا، طیارے کا اڑان بھرتے ہی آدھے گھنٹے سے بھی کم وقت کے بعد رابطہ منقطع ہو گیا تھا۔
رپورٹس کے مطابق ریاست الاسکا میں جمعرات کو دورانِ پرواز طیارہ لاپتا ہوا تھا، طیارے میں پائلٹ سمیت دس افراد سوار تھے۔
الاسکا کے محکمہ پبلک سیفٹی نے بتایا تھا کہ بیرنگ ایئر کا لا پتا ہونے والا طیارہ یونالکلیٹ سے نوم شہر جا رہا تھا جس نے دوپہر 2 بج کر 37 منٹ پر الاسکا کے قصبے انالکلیٹ سے اڑان بھری تھی اور آدھے گھنٹے سے بھی کم وقت کے بعد اس کا رابطہ منقطع ہو گیا تھا۔
حکام جہاز کے آخری بار ہونے والے رابطے کے مقام کو جانچنے کی کوششوں میں مصروف تھے۔
یاد رہے 30 جنوری کو دارالحکومت واشنگٹن میں ایک مسافر طیارہ امریکی فوج کے ہیلی کاپٹر سے درمیانی ہوا میں ٹکرا گیا تھا، جس میں سوار تمام 67 افراد ہلاک ہو گئے تھے۔
امریکی عدالت نے صدر ٹرمپ کا ایک اور فیصلہ روک دیا
اس تباہی کے بعد فلاڈیلفیا کے ایک مصروف محلے میں طبی طیارے کے گر کر تباہ ہونے سے سات افراد ہلاک اور 19 زخمی ہوئے تھے۔
