اکثر سوشل میڈیا پر ہمیں ایسی ویڈیوز دیکھنے کو ملتی ہیں جس کو دیکھ کر ہم حیرت سے ساکت ہوجاتے ہیں اور کچھ ایسی ہوتی ہیں جو خوفزدہ کردیتی ہیں۔
ایسی ہی ایک ویڈیو سوشل میڈیا پر خوب وائرل ہو رہی ہے جس میں دس سالہ بچے کو تالاب میں ڈوبنے والی ماں کو بچاتے ہوئے دیکھا جاسکتا ہے۔
سماجی رابطے کی ویب سائٹ پر یہ ویڈیو پوسٹ کی گئی جس میں دیکھا جاسکتا ہے کہ ایک بچہ سوئمنگ پول میں یہ دیکھ کر چھلانگ لگا دیتا ہے کہ اس کی ماں مدد کیلئے پکار رہی ہے اور اپنی جان بچانے کے لیے جدوجہد بھی کررہی ہے۔
غیر ملکی خبر عرساں ادارے کی رپورٹ کے مطابق یہ واقعہ گزشتہ دنوں امریکی ریاست ٹیکساس میں پیش آیا، جسے سوشل میڈیا صارفین نے دیکھ کرخوشی اور حیرت کا اظہار کیا اور بچے کی ہمت کی داد دیے بغیر نہ رہ سکے۔
دس سالہ گیون کینی نے اپنی ماں کو جو دماغی مرض میں مبتلا ہے، سوئمنگ پول میں نہانے کے دوران ہاتھ پاؤں مارتے دیکھا بچے نے اپنی جان پرواہ اور کوئی لمحہ ضائع کیے بغیر فوری طور پر پول میں چھلانگ لگا دی۔
میڈیا سے بات کرتے ہوئے گیون کینی نے بتایا کہ سوئمنگ پول کے کنارے پر ہی موجود تھا کہ اس دوران مجھے اپنی ماں کی چیخنے کی آوازیں سنائی دیں۔
بچے نے بتایا کہ میں فوراً پول میں کود گیا اور ماں کو پکڑ کر سیڑھی تک لے آیا، میں نے دیکھا کہ دماغی بیماری کی وجہ سے ماں کا دم گھٹ رہا تھا۔
بچے کی ماں لوری کینی کا کہنا تھا کہ مجھے دوسری زندگی ملی ہے اور مجھے اپنے بیٹے پر فخر ہے۔
دس سالہ بچے اس بچے کے بڑے کارنامے پر کنگسٹن پولیس چیف نے اس کے اعزاز میں ایک تقریب منعقد کی جس میں اسے انعام سے نوازا گیا۔
