Tag: 100 انڈیکس

کراچی : پاکستان اسٹاک مارکیٹ میں تیزی کا رحجان جاری ہے اور 100 انڈیکس دوران کاروبار ایک لاکھ پچیس ہزار کی سطح عبور کرگیا۔

تفصیلات کے مطابق پاکستان اسٹاک مارکیٹ میں آج زبردست تیزی دیکھی جارہی ہے اور ہنڈریڈ انڈیکس تاریخ کی بلند ترین سطح پر ٹریڈ کر رہا ہے۔

دوران کاروبار ایک لاکھ پچیس ہزار کی سطح عبور کرگیا اور اس وقت 566 پوائنٹس اضافے سے ایک لاکھ 24 ہزار 945 پر ٹریڈ کر رہا ہے۔

اسٹاک ماہرین کا کہنا ہے مقامی اور غیرملکی انویسٹرز کا حصص بازار پر اعتماد جاری ہے، رواں مالی سال میں پاکستان اسٹاک مارکیٹ دنیا کی دس بہترین مارکیٹوں میں رہی۔

https://urdu.arynews.tv/dollar-currency-rate-pakistan-today/

ماہرین کے مطابق مارکیٹ نے انویسٹرز کو پچپن فیصد تک منافع دیا اور انڈیکس 78 ہزار445 پوائنٹس سے بڑھ کرایک لاکھ پچیس ہزار پر پہنچ گئی ہے۔

یاد رہے کہ گزشتہ ہفتے اسٹاک ایکسچینج نے شاندار کارکردگی کا مظاہرہ کیا، جہاں بینچ مارک کے ایس ای-100 انڈیکس میں ہفتہ وار بنیادوں پر 4,355 پوائنٹس یا 3.6 فیصد اضافے سے 124,379 پوائنٹس کی تاریخی سطح پر بند ہوا۔

اس تیز رفتار تیزی کی بڑی وجہ مشرق وسطیٰ میں جغرافیائی کشیدگی میں کمی اور قومی اسمبلی میں وفاقی بجٹ کی باآسانی منظوری تھی۔

کراچی : پاکستان اسٹاک مارکیٹ پہلی بار تاریخ کی بلند ترین سطح 78ہزار کی نفسیاتی حد بھی عبور کر گئی۔

تفصیلات کے مطابق پاکستان اسٹاک مارکیٹ میں آج آغاز سے ہی زبردست تیزی کا رحجان رہا اور مارکیٹ نے ایک اور نیا ریکارڈ قائم کردیا۔

کاروباری ہفتے کے پہلے دن تیزی دیکھی گئی اور 100 انڈیکس 1729 پوائنٹس اضافے کے ساتھ تاریخ کی بلند ترین سطح پر پہنچ گئی۔

ہنڈریڈ انڈیکس 1711 پوائنٹس اضافے کے بعد تاریخ کی بلند ترین سطح 78 ہزار کی نفسیاتی حدعبورکرگیا، جو ابتک کی تاریخ کی بلند ترین سطح ہے۔

ہندریڈ انڈیکس ملکی تاریخ میں پہلی بار78ہزار 436 پوائنٹس پر ٹریڈ کر رہا ہے۔

بجٹ سے ابتک تین سیشنز میں انڈیکس ساڑھے پانچ ہزار پوائنٹس کا اضافہ ہو چکا ہے، تجزیہ کاروں کا کہنا ہے مثبت بجٹ کی وجہ سے مارکیٹ میں تیزی دیکھی جا رہی ہے۔

تجزیہ کاروں کے مطابق سرمایہ کاروں کی توقع ہے کہ نئے بجٹ کے خدوخال آئی ایم ایف سے نئے معاہدے کیلئے کارآمد ثابت ہوں گے۔

کراچی : پاکستان اسٹاک مارکیٹ میں زبردست تیزی دیکھی گئی اور ملکی تاریخ میں دوسری بار انڈیکس 52 ہزار کی نفسیاتی حد عبور کرگیا۔

تفصیلات کے مطابق پاکستان اسٹاک مارکیٹ میں تیزی کا رجحان آج بھی برقرار رہا، کاروباری ہفتے کے دوسرے روز بھی 100 انڈیکس میں اضافہ ریکارڈ کیا گیا۔

کاروبار کے دوران انڈیکس 606 پوائنٹس اضافہ کے بعد 52 ہزار کی نفسیاتی حد عبور کرگیا اور 52 ہزار 88 پوائنٹس پر ٹریڈ کررہا ہے۔

اس سے قبل پہلی بار100انڈیکس 30مئی 2017کو 52ہزار کی سطح پر پہنچا تھا، ہنڈرڈ انڈیکس نے آج دوسری باری باون ہزارکی نفسیاتی حد عبورکی ہے۔

ماہرین کا کہنا ہے کہ اسٹیٹ بینک نے شرح سود کو برقرار رکھا ہے، مہنگائی میں کمی، برآمدات اور ترسیلات زرمیں اضافہ اورکرنٹ اکاؤنٹ خسارے میں کمی معیشت کے بہترہونے کی نشاندہی کررہے ہیں، جس سے اسٹاکس میں سرمایہ کاروں کا اعتماد بڑھ رہا ہے۔

یاد رہے 23 اکتوبر کو پاکستان اسٹاک مارکیٹ میں تاریخ میں دوسری بار انڈیکس نے 51 ہزار کی نفسیاتی حد عبور کرگیا تھا، اس سے قبل ہنڈرڈ انڈیکس پہلی بار 30 مئی 2017 کو نوازشریف کے دور حکومت میں 51 ہزار کی سطح پر ٹریڈ کر رہا تھا۔

کراچی : پاکستان اسٹاک مارکیٹ میں سعودی عرب سے فنڈ ٹرانسفر ہونے کے بعد 100 انڈیکس 670 پوائنٹس اضافے کے بعد 45 ہزار کی نفسیاتی حد عبور کرگیا۔

تفصیلات کے مطابق پاکستان اسٹاک مارکیٹ میں آج بھی مثبت رجحان برقرار رہا، مارکیٹ میں سعودی عرب سے اسٹیٹ بینک میں دو ارب ڈالر جمع ہونے کی اطلاع پر تیزی دیکھنے میں آئی۔

100 انڈیکس میں 670 پوائنٹس کا اضافہ ہوا اور انڈیکس 28 اپریل2022 کے بعد 45 ہزار کی نفسیاتی حد عبور کرگیا۔

ماہرین کا کہنا ہے کہ وزیر خزانہ اسحاق ڈار کے دو عرب ڈالرز آنے کے اعلان کے بعد انویسٹرز میں خوشی کی لہر دوڑ گئی ۔ جس کی بعد انڈیکس اچانک اوپر جانا شروع ہو گیا۔

گذشتہ روز مارکیٹ پینتالیس ہزار ایک سو پچپن پوائنٹس پر بند ہوئی تھی، نو سیشن میں ہنڈریڈ انڈیکس میں تقریبا تین ہزار سات سو پوائنٹس کا اضافہ ہو چکا ہے۔

کراچی : پاکستان اسٹاک مارکیٹ 14 ماہ بعد 44 ہزار کی نفسیاتی حد عبور کرگئی ، آج 100 انڈیکس میں 626 پوائنٹس کا اضافہ ہوا۔

تفصیلات کے مطابق پاکستان اسٹاک مارکیٹ میں کاروباری ہفتے کے چوتھے روز دن بھر مثبت رجحان رہا اور سرمایہ کاروں کی دلچسپی بھی برقرار رہی۔

کاروبار کے دوران 100 انڈیکس میں 6 سو 26 پوائنٹس کا اضافہ ہوا اور ہنڈرڈانڈیکس چودہ ماہ بعد 44 ہزار کی نفسیاتی حد عبور کرگیا۔

اختتام پر پاکستان اسٹاک ایکسچینج چھ سو چھبیس پوائنٹس اضافے سے چوالیس ہزار ایک سو اٹھہتر پوائنٹس پر بند ہوا، اس دوران 16 کروڑ 62 لاکھ سے زائد حصص کا کاروبار دس ارب نوے کروڑ مالیت کا کاروبار ہوا۔

کاروبار کے دوران کمرشل بینکوں کے حصص میں سب سے زیادہ تیزی دیکھی گئی۔

یاد رہے آئی ایم ایف سے معاہدے کے بعد رواں ہفتے کے پہلے روز ہی 100انڈیکس میں 2307 پوائنٹس کا زبردست اضافہ دیکھا گیا تھا اور 100 انڈیکس 5.57 فیصد اضافے کے ساتھ 43759 پوائنٹس پر پہنچ گیا تھا۔