ARYNews.tv | Urdu – Har Lamha Bakhabar

Tag: 100 انڈیکس

  • پاکستان اسٹاک ایکسچینج میں رواں ہفتے100 انڈیکس میں 2537 پوائنٹس کا اضافہ

    پاکستان اسٹاک ایکسچینج میں رواں ہفتے100 انڈیکس میں 2537 پوائنٹس کا اضافہ

    کراچی: پاکستان اسٹاک ایکسچینج کے 100 انڈیکس میں کاروباری ہفتے کے دوران 2537 پوائنٹس کا اضافہ ہوا۔

    تفصیلات کے مطابق پاکستان اسٹاک ایکسچینج میں کاروباری ہفتے کے آخری روز 100 انڈیکس 122 پوائنٹس اضافے کے ساتھ 35703 پر بند ہوا۔ کاروباری ہفتے میں3413 پوائنٹس کے بینڈ میں کاروبار ہوا۔

    کاروباری ہفتے میں 89 کروڑشیئرزکے سودے 30ارب روپے میں طے ہوئے، مارکیٹ کیپٹلائزیشن 393 ارب روپے بڑھ کر7205 ارب روپے ہوگئی۔

    کاروباری ہفتے میں 89 کروڑ شیئرز کے سودے30 ارب روپے میں طے ہوئے اور مارکیٹ کیپٹلائزیشن 393 ارب روپے بڑھ کر 7205 ارب روپے ہوگئی ہے۔

    وقت دورنہیں جب ملکی معیشت مستحکم اور قوم خوشحال ہوگی، فردوس عاشق اعوان

    یاد رہے کہ گزشتہ روز معاون خصوصی برائے اطلاعات فردوس عاشق اعوان کا کہنا تھا کہ ایک دہائی بعد اسٹاک ایکسچینج میں 2135 پوائنٹس کا اضافہ ایک نیا ریکارڈ ہے۔

    فردوس عاشق اعوان نے ٹویٹر پر اپنے پیغام میں کہا تھا کہ وقت دور نہیں جب ملکی معیشت مستحکم اور قوم خوشحال ہوگی۔

    سعودی خام تیل کی سہولت، جاری کھاتوں کے خسارے میں کمی اور روپے کی قدر سے پاکستان کے معاشی فرنٹ پر استحکام آگیا۔ پاکستان اسٹاک مارکیٹ میں زبردست تیزی کا رجحان برقرار ہے۔

    یاد رہے کہ دو روز قبل ہنڈرہیڈ انڈیکس میں کاروبار کے دوران نو سو پوائنٹس کا اضافہ ریکارڈ کیا گیا، جس سے انڈیکس 2.73 فیصد اضافے سے پینتیس ہزار تین سو چھیالیس پوائنٹس پرآگیا۔

  • 100انڈیکس804پوائنٹس کی کمی، سرمایہ کاروں کے140ارب روپے ڈوب گئے

    100انڈیکس804پوائنٹس کی کمی، سرمایہ کاروں کے140ارب روپے ڈوب گئے

    کراچی : اسٹاک ایکسچینج مندی کا شکار ہے، اختتام پر ہنڈرڈانڈیکس آٹھ سو چار پوائنٹس کمی کے بعد تنتیس ہزار 166 کی سطح پر بند ہوا، شیئرز کی قیمت کم ہونے سے سرمایہ کاروں کے اربوں روپے ڈوب گئے۔

    تفصیلات کے مطابق کاروباری ہفتے کے آخری روز اسٹاک مارکیٹ میں شدید مندی ریکارڈ کی گئی ، کاروبارکے دوران 100 انڈیکس میں 780سے زائد پوائنٹس  کی کمی دیکھا گیا اور انڈیکس 3 سال 4ماہ کی کم سطح 33 ہزار 200 کی سطح سے نیچے آگیا۔

    جس کے بعد انڈیکس میں948پوائنٹس کی کمی ہوئی اور 100 انڈیکس33022 کی سطح پرآگیا جبکہ اسٹاک ایکسچینج میں کاروبارکے اختتام پر 100انڈیکس804پوائنٹس کمی سے 33166 کی سطح پر بند ہوا، انڈیکس میں2.43فیصدکمی ریکارڈکی گئی۔

    شیئرزکی قیمت کم ہونے سے سرمایہ کاروں کے140ارب ڈوب گئے۔

    گذشتہ روز بھی کرنسی مارکیٹ میں روپے کی شدید بے قدری کا اثر بعد حصص بازار پربھی دیکھنے میں آیا تھا اور پاکستان اسٹاک مارکیٹ بدترین مندی کی زد میں آگئی تھی، جس سے ہنڈریڈ انڈیکس 34 ہزار کی نفسیاتی حد کھوبیٹھا ۔

    مزید پڑھیں : ڈالر ملکی تاریخ کی بلند سطح 150 روپے پر پہنچ گیا

    ٹریڈنگ کے دوران کےایس ای ہنڈریڈ انڈیکس سات سو سے زائد پوائنٹس کی کمی سے 33 ہزار 575 کی سطح پر آگیا تھا۔

    یاد رہے پاکستان اورآئی ایم ایف کےدرمیان معاہدہ طے پاگیا ہے ،تین سال میں چھ ارب ڈالرملیں گے، پاکستانی حکام اور آئی ایم ایف ٹیم کے درمیان معاہدے پر عملدرآمد آئی ایم ایف کا ایگزیکٹو بورڈ کی توثیق کے بعد کیا جائےگا۔

    خیال رہے گزشتہ ہفتے کے دوران 100انڈیکس 1406 پوائنٹس کمی سے 34716 پر بند ہوا اور 15.93 ارب روپے مالیت کے36 کروڑ شیئرز کا کاروبار ہوا جبکہ کاروباری ہفتے میں مارکیٹ کیپٹلائزیشن 245 ارب روپے کم ہوکر 7126 ارب روپے ہوگئی تھی۔

    انڈیکس 4 سال کی کم ترین سطح 34 ہزار 900 کی سطح تک گرگیا تھا اور سرمایہ کاروں کے115ارب ڈوب گئے تھے۔

  • پاکستان اسٹاک ایکسچینج: گزشتہ ہفتے 100 انڈیکس میں کمی ریکارڈ

    پاکستان اسٹاک ایکسچینج: گزشتہ ہفتے 100 انڈیکس میں کمی ریکارڈ

    کراچی: پاکستان اسٹاک ایکسچینج میں گزشتہ ہفتے 100 انڈیکس میں کمی ریکارڈ کی گئی جبکہ انٹر بینک میں روپے کی قدر میں 29 پیسے اضافہ دیکھا گیا۔

    تفصیلات کے مطابق کراچی اسٹاک ایکسچینج میں گزشتہ ہفتے 100 انڈیکس 470 پوائنٹس کم ہو کر 40 ہزار 16 پوائنٹس پر بند ہوا۔ گزشتہ ہفتے کے دوران 100 انڈیکس کی بلند ترین سطح 40 ہزار 6 سو 58 پوائنٹس رہی۔

    ہفتے میں 100 انڈیکس کی کم ترین سطح 39 ہزار 6 سو 88 پوائنٹس رہی۔

    اسی طرح گزشتہ ہفتے انٹر بینک میں روپے کی قدر میں 29 پیسے اضافہ ریکارڈ کیا گیا۔ انٹر بینک میں ڈالر 138.83 سے کم ہو کر 138.54 روپے کا ہوگیا۔

    ایک ہفتے میں اوپن مارکیٹ میں ڈالر 20 پیسے سستا ہوا جس کے بعد گزشتہ ہفتے ڈالر کی قیمت 139.10 سے کم ہو کر 138.90 روپے ہوگئی۔

    یاد رہے کہ گزشتہ روز اسٹیٹ بینک کی جانب سے جاری کردہ رپورٹ کے مطابق رواں مالی سال کے پہلے 7 ماہ میں جاری خسارے میں 20 فیصد کمی ریکارڈ کی گئی۔

    اسٹیٹ بینک کی رپورٹ کے مطابق خسارہ 1 ارب 70 کروڑ ڈالرز کمی کے بعد 8 ارب 42 کروڑ ڈالرز تک پہنچ گیا، پہلے 7 ماہ میں ترسیلات زر میں 12 فیصد جبکہ برآمدات میں 2 فیصد اضافہ ہوا۔

    اسٹیٹ بینک نے زرمبادلہ کے موجودہ ذخائر کے حوالے سے ایک اور اعلامیہ جاری کیا جس کے مطابق ایک ہفتے میں بیرونی قرض و دیگر ادائیگی پر مرکزی بینک کے ذخائرمیں کمی ہوئی۔

    رپورٹ کے مطابق زرمبادلہ کےذخائر میں 16.3 کروڑ ڈالر کمی ہوئی جس کے بعد کمرشل بینکوں کے ذخائر 6.2 کروڑ ڈالر اضافے سے 6.75 ارب ڈالر تک پہنچ گئے، مجموعی ذخائر 10.1 کروڑ ڈالر کمی کے بعد 14 ارب 79 کروڑ ڈالر پر موجود ہیں۔

  • پاکستان اسٹاک ایکسچینج: 100 انڈیکس میں 500 پوائنٹس کا اضافہ

    پاکستان اسٹاک ایکسچینج: 100 انڈیکس میں 500 پوائنٹس کا اضافہ

    کراچی: پاکستان اسٹاک ایکسچینج میں کاروبار اور سرمایہ کاری میں تیزی دیکھی جارہی ہے، 100 انڈیکس 500 پوائنٹس اضافے کے بعد 39 ہزار 500 کی سطح پر پہنچ گیا۔

    تفصیلات کے مطابق کاروباری ہفتے کے پہلے روز پاکستان اسٹاک ایکسچینج میں تیزی دیکھی جارہی ہے۔ دن کے آغاز پر 100 انڈیکس میں 180 پوائنٹس کا اضافہ ہوا جس کے بعد انڈیکس 39 ہزار 200 کی سطح عبور کرگیا۔

    کاروبار کے دوران انڈیکس میں بتدریج 450 اور بعد ازاں 500 پوائنٹس کا اضافہ ہوا۔ 100 انڈیکس اس وقت 39 ہزار 500 پر ٹریڈ کر رہا ہے۔

    مارکیٹ میں آج سرمایہ کار بھی سرگرم دکھائی دے رہے ہیں۔ اسٹاک ماہرین کے مطابق مارکیٹ میں تیزی کی وجہ منی بجٹ میں اسٹاک مارکیٹ کے سرمایہ کاروں کے لیے اچھی خبر کا امکان ہے۔

    سعودی عرب کی پاکستان میں آئل ریفائنری لگانے کی خبروں پر بھی سرمایہ کار سرگرم دکھائی دے رہے ہیں۔

    خیال رہے کہ وفاقی حکومت نے 23 جنوری کو منی بجٹ پیش کرنے کا اعلان کیا ہے۔

    وفاقی وزیر خزانہ اس عمر کے مطابق فنانس بل میں سرمایہ کاری کے لیے اہم مراعات شامل ہیں، بجلی و گیس کی قیمت اور ٹیکس وصولی میں غریب طبقے کو سامنے رکھ کر فیصلے کیے جارہے ہیں۔

    دوسری جانب ادارہ شماریات کے مطابق رواں مالی سال کے پہلے چھ ماہ میں تجارتی خسارے میں کمی دیکھی گئی۔

    ادارے کے مطابق تجارتی خسارہ 5 فیصد کمی کے بعد 16 ارب اسی کروڑ ڈالر رہا جبکہ جولائی تا دسمبر کے دوران برآمدات کا حجم 11 ارب 21 کروڑ ڈالر جبکہ درآمدات کا حجم 28 ارب ڈالر سے زائد رہا۔

    رواں مالی سال کے پہلے 6 ماہ میں ترسیلات زر میں بھی 10 فیصد اضافہ ہوا، اسٹیٹ بینک کے مطابق 6 ماہ میں بیرون ملک مقیم پاکستانیوں نے 10 ارب 71 کروڑ 80 لاکھ ڈالر بھیجے۔

  • اسٹاک مارکیٹ: 100 انڈیکس 2 سال کی کم ترین سطح تک گر گیا

    اسٹاک مارکیٹ: 100 انڈیکس 2 سال کی کم ترین سطح تک گر گیا

    کراچی: پاکستان اسٹاک ایکسچینج میں کاروباری ہفتے کے پہلے روز 100 انڈیکس سوا 2 سال کی کم ترین سطح تک گر گیا جس کے بعد انڈیکس 36 ہزار 767 پوائنٹس پر بند ہوا۔

    تفصیلات کے مطابق ہفتے کے پہلےکاروباری روز یعنی پیر کو اسٹاک مارکیٹ کا منفی آغاز دیکھا گیا۔

    مارکیٹ کے آغاز پر ہی 100 انڈیکس میں 200 سے زائد پوائنٹس کی کمی دیکھی گئی جس کے بعد 100 انڈیکس 37 ہزار 310 پوائنٹس پر آگیا۔

    دن گزرنے کے ساتھ ساتھ مندی میں اضافہ ہوتا رہا اور کاروبار کے دوران 100 انڈیکس میں 785 پوائنٹس کی کمی ہوگئی۔

    یہ 100 انڈیکس کی 2 سال 3 ماہ کی کم ترین سطح ہے جس کے بعد انڈیکس 36 ہزار 750 کی سطح سے بھی نیچے آگیا۔

    دوران کاروبار 100 انڈیکس میں 1250 پوائنٹس کی کمی ریکارڈ ہوئی جبکہ دن کے اختتام پر انڈیکس 750 پوائنٹس کمی سے 36 ہزار 767 پوائنٹس پر بند ہوا۔

    اسٹاک مارکیٹ میں مسلسل مندی سے شیئرز کی قیمتیں کم ہوگئیں جس سے سرمایہ کاروں کے اربوں روپے ڈوب گئے۔ مندی سے سرمایہ کاروں کو 130 ارب روپے کا خسارہ ہوا۔

    اسٹاک مارکیٹ میں آج 6 ارب مالیت کے 16.50 کروڑ شیئرز کا کاروبار ہوا۔

    گزشتہ ہفتے کے آخری روز مارکیٹ 37 ہزار 571 پوائنٹس پر بند ہوئی تھی۔

    ماہرین کا کہنا ہے کہ گزشتہ چند روز میں روپے کی قدر میں ریکارڈ کمی دیکھی گئی جس کا اثر مارکیٹ پر بھی ہورہا ہے۔

    امریکی کرنسی کی قیمت ملکی تاریخ کی بلند ترین سطح پر پہنچ گئی تھی اور صرف ایک دن میں ڈالر کی قدر 8 روپے بڑھی تھی۔

    معاشی ماہرین کے مطابق روپے کی قدر میں کمی کی وجہ آئی ایم ایف پروگرام میں جانا ہے، مالیاتی فنڈ نے روپے کی قدر میں نمایاں کمی کی شرط عائد کی ہے۔

  • پاکستان اسٹاک مارکیٹ میں مندی، 100 انڈیکس میں 449 پوائنٹس کی کمی

    پاکستان اسٹاک مارکیٹ میں مندی، 100 انڈیکس میں 449 پوائنٹس کی کمی

    کراچی: سیاسی ہلچل اسٹاک مارکیٹ میں بھی اثر انداز ہوگئی۔ اسٹاک مارکیٹ میں آج بھی مندی کی لہر برقرار ہے۔

    ملک میں بڑھتے سیاسی درجہ حرارت سے اسٹاک مارکیٹ بھی نہ بچ سکی اور مندی کے گرداب میں پھنس کر رہ گئی۔ پاکستان اسٹاک مارکیٹ 40 ہزار پوائنٹس کی مضبوط نفسیاتی حد بھی برقرار نہ رہ سکی۔ ایک ہفتے کے دوران پاکستان اسٹاک ایکسچینج سے اربوں ڈالر نکل گئے۔

    بیس اکتوبر سے اب تک سرمایہ کاروں کی مسلسل فروخت کے باعث 1900 سے زائد پوائنٹس کی کمی واقع ہوچکی ہے۔

    ذرائع کے مطابق بازار سے 300 ارب سے زائد سرمایہ بھی نکل چکا ہے۔

  • پاکستان اسٹاک مارکیٹ میں تیزی، 100انڈیکس میں 400 پوائنٹس کا اضافہ

    پاکستان اسٹاک مارکیٹ میں تیزی، 100انڈیکس میں 400 پوائنٹس کا اضافہ

    کراچی: عید کی ایک ہفتہ کی تعطیلات کے بعد پاکستان اسٹاک مارکیٹ میں تیزی کا سلسلہ جاری ہے۔ 100 انڈیکس میں 400 سے زائد پوائنٹس کا اضافہ ہوا۔ انڈیکس 48800 کی سطح پر جا پہنچا۔

    تفصیلات کے مطابق مارکیٹ میں کاروباری حجم 15 کروڑ شیئرز رہا جبکہ نمایاں کاروبار سوئی نادرن گیس کمپنی کے شیئرز میں ہوا۔

    ماہرین کے نزدیک وزیر اعظم کی وطن واپسی اور عید کی پرسکون تعطیلات کے باعث سرمایہ کاروں نے مارکیٹ میں نئی سرمایہ کاری کی۔

    دوسری جانب انٹر بینک مارکیٹ میں روپے کی قدر میں کمی کا رحجان رہا۔ ڈالر کی قیمت 10 پیسے اضافہ سے 104 روپے 90 پیسے ہوگئی۔

    اوپن مارکیٹ میں ڈالر کی قیمت 20 پیسے اضافے سے 105 روپے 60 پیسے ہوگئی۔

  • کراچی اسٹاک مارکیٹ ایک بار پھر 30 ہزار پوائنٹس کی سطح پر

    کراچی اسٹاک مارکیٹ ایک بار پھر 30 ہزار پوائنٹس کی سطح پر

    کراچی: کراچی اسٹاک مارکیٹ میں ایک بار پھر تیزی کا رجحان دیکھا گیا ۔ کے ایس ای ہنڈریڈ انڈیکس تیس ہزار پوائنٹس کی سطح کراس کرگیا۔کاروباری ہفتےکےآخری روز بھی اسٹاک مارکیٹ میں تیزی کا ر جحان نمایاں رہا۔

    ٹریڈنگ کےآغاز سے ہی انڈیکس مثبت زون میں نظر آیا۔ ایک موقع پرکےایس ای ہنڈریڈ انڈیکس میں ڈھائی سو سے زائدپوائنٹس کااضافہ ریکارڈ کیا گیا۔ اسٹاک مارکیٹ تجزیہ کاروں کے مطابق مالیاتی اداروں اور غیرملکی سرمایہ کاروں کی جانب سے خریداری کے باعث کراچی اسٹاک مارکیٹ میں تیزی ریکارڈ کی جارہی ہے۔

  • کراچی اسٹاک مارکیٹ ،چوتھے روز بھی 100 انڈیکس میں 450 پوائنٹس کی کمی

    کراچی اسٹاک مارکیٹ ،چوتھے روز بھی 100 انڈیکس میں 450 پوائنٹس کی کمی

    کراچی : ملک میں جاری سیاسی گرما گرمی میں اضافہ اسٹاک مارکیٹ سرمایا کاورں کی پریشانی میں اضافے کا باعث بن گیا،  فتے کے چوتھے سیشن میں شدید مندی کی لہر برقرار ہے۔

    تحریک انصاف اور حکومت کے درمیان ڈیڈ لاک اور یوم انقلاب کے اعلان نے کراچی اسٹاک مارکیٹ میں سرمایا کاروں کا رہا سہا اعتماد بھی ختم کر دیا، آج ٹریڈنگ کا آغاز ہی دو سو بیس پوائنٹس کی مندی سے ہوا ۔

    ایک موقع پر کے ایس ای ہنڈریڈ انڈیکس میں ساڑھے چار سو پوائنٹس کی گراوٹ ریکارڈ کی گئی ۔

    اسٹاک مارکیٹ تجزیہ کاروں کا کہنا ہے کہ یوم انقلاب کے اعلان نے حصص بازار میں موجود ملکی اور غیر ملکی انویسٹرز کو خبرادار کردیا ہے، جس کے باعث سرمایا کاروں کی جانب سے فروخت کا رحجان دیکھنے میں آرہا ہے۔